إعـــــــلان

تقليص
1 من 2 < >

تنويه هام - خاص بساحات السياسة

السلام عليكم ورحمة الله وبركاته



تم اخفاء ساحات السياسة بما انها كانت سبب في فرقة العديد من الاعضاء
ونتمنى عدم التحدث في السياسة في اي ساحة سواء العامة او غيرها
المنتدى منتدى تنموي ديني والالفاظ والكلمات التي استخدمت في ساحات السياسة
اصبحت لا تناسب المنتدى وهدفه .. وتم اتخاذ هذا القرار
في ضوء بقاء الحالة السياسية كما هي في بلادنا العربية
وفي ضوء استعدادنا لاستقبال شهر رمضان المبارك في الأيام القادمة
فكل عام وانتم بخير وبلغنا واياكم شهر رمضان الكريم نشكركم

ونتمنى لكم كل التوفيق

ادارة المنتدى

2 من 2 < >

انتظرونا بعد رمضان

السلام عليكم ورحمة الله وبركاته

انتظرونا بعد رمضان







مع تحياتي
المودريتور الاحمر

شاهد أكثر
شاهد أقل

مشروع شوي السمك ومشروع الأستاذ أحمد ابو الخير لا يتعدي خمس الاف جنية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مشروع شوي السمك ومشروع الأستاذ أحمد ابو الخير لا يتعدي خمس الاف جنية

    السلام عليكم ورحمة الله وبركاتة
    الحمد لله رب العالمين والصلاة والسلام علي رسول الله محمد صلي الله علية وسلم ان شاء الله مع سمير محترم رجل المشاريع في مصر في واحد فتح محل شوي سمك المهم قولت أجربة واتكلمت معاة واتعرفت منو انة مشروع جميل ومش مكلف خالص كل الحكاية شواية بحوالي ألفين جنية وممكن تجيب تلاجة برضو في حدود ألفين جنية وبتتفق مع تاجر جملة من سوق السمك يجيب لك سمك طازة كل يوم بوري وروسي وبلطي المهم بتاخد في الكيلو تمن الشوي من 2 جنية الي تلاتة جنية دة غير بتكسب في كيلو السمك في حدود برضو من 2 ل 3 جنية دة غير الناس الي بتجيب لك سمك وتطلب تنضيفة علشان عاوزة تقلية بتاخد برضو في الكيلو من 2 ل 3 جنية دة غير لو عملت اعلان انك مستعد للقلي السمك بتاخد في القلي برضو من 2 ل 3 جنية دة غير لو شغلت خدمة توصيل السمك للمنازل وكروت ورقم تليفون وممكن توصلهم بنفسك في نهاية العمل مثلا او تحدد ساعة لذلك من 3 ل 4 عصرا مثلا وبتاخد برضو من 2 ل 3 جنية فيب خدمة التوصيل المهم انها ما شاء الله شغلانة مربحة وجميلة وراسمالها لا يتعدي خمسة ألاف جنية والحياة شوية تجارب في تجارب بتفشل وفي تجارب بتنجح المهم انك تحاول وتجرب المهم ركز معايا بقي واصحا كدة مع مشروع الأستاذ أحمد ابو الخير دة ما شاء الله صديق عمري وهو الي علمني التجارة ووقف جنبي وقالي متخفش وكنت بحس بالفشل وبضاعة مبتتباعش وكان يقف جنبي يقولي الي ميتبعش معاك هاتو وانا هساعدك في بيعو المهم جزاة الله كل خير المهم في قعدة كدة جت سيرة المشاريع وقالي من المشاريع الحلوة الي تجيب فلوس زي مشروع اية ممكن تكسب من وراة فلوس من غير ما تجيب بضاعة يعني البقالة مثلا صحيح بتكسب بس لما البضاعة تخلص لازم تشتري بضاعة غيرها وقالي علي فكرة مشروع تحفة وهو متعلق بالشوي برضو مشروع شواية فراخ وشوي كفتة واحد يقولي مطعم كباب يعني أقولة لا دة محل بتفتحة وبتعمل دعاية واعلان ان شوي الفرخة حسب المنطقة طبعا من 10 ل 15 جنية واحد يقولي لية ؟؟؟؟؟؟؟؟؟ اقولة الناس كلها بتحب الكباب سعر الكيلو دلوقت كام تقريبا نقول 90 جنية ؟؟؟؟؟؟؟ لاكن لو اشتريت كيلو لحمة حسب مقدرتك بقي ضاني او مستوردة ايا كانت وادتها لمحل وعملهالك كباب مش هتبقي مبسوط المهم الفكرة بتتمثل في انك بتودي اللحمة او الفرخة للمحل وهو بيشويها لك وبيضع لك معاها 1- عيش بلدي 2- سلطة 3- طحينة 4- مخلل بيلفهالك في ورق سوليفان وكيس نظيف وشيك المهم حاجة تفتح النفس طبعا لما يكون كل دة ب 10 جنية بس او 15 ج غير لو في توصيل للمنازل كمان مشروع رائع يعني لو عملت 10 فرخات في اليوم مع 10 كيلو كباب مثلا يعني حوالي 20 كيلو في 15ج للكيلو بصراحة شغل حلو وانتا ولا جبت لحمة ولا جبت فراخ الناس هيا الي بتجيب لك وانتا بتشوي سواء في الشواية او علي الفحم وممكن لو حابب تزود براحتك وحسب رأس مالك يبقي زي محل أمن غذائي يبقي عندك لحوم وفراخ المهم دعاية واعلان انك مستعد للشوي أي حاجة بتنجان بطاطا فراخ لحوم همبرجر سوسيس المهم في النهاية الناس هتفرح بيك جدا لأنك هتوفر عليهم جامد دة سندوتش حاجة من دول دلوقت ممكن مثلا يعملوا 20 جنية صح ولا انا غلطان جربوا مع الاخذ في الحسبان ماية ونور وايجار محل وعامل ولا حاجة ميزة المشروع دة انة فكرتة جديدة شوية او موجودة بس مش منتشرة وميزتة كمان انة راس مالة بسيط جدا لا يتعدي خمس ألاف جنية حلم حياتي ان الناس كلها تشتغل وتتجوز ونبقي أقوي أقتصاد في العالم يارب أرجوكم اي حد عندو فكرة اي مشروع يحكلنا عنها او خبرة او تجربة في مشروع ما بالا يبخل بمعلومات عننا جزاكم الله كل خير والسلام عليكم ورحمة الله وبركاتة
    يلا نحارب شبح البطالة
    ولو اتحلت البطالة الانتاج والادخار والاستثمار هيزيد ويحصل نهضة لاقتصاد بلادنا وتتحل مشكلة العنوسة

يعمل...
X