إعـــــــلان

تقليص
1 من 2 < >

تنويه هام - خاص بساحات السياسة

السلام عليكم ورحمة الله وبركاته



تم اخفاء ساحات السياسة بما انها كانت سبب في فرقة العديد من الاعضاء
ونتمنى عدم التحدث في السياسة في اي ساحة سواء العامة او غيرها
المنتدى منتدى تنموي ديني والالفاظ والكلمات التي استخدمت في ساحات السياسة
اصبحت لا تناسب المنتدى وهدفه .. وتم اتخاذ هذا القرار
في ضوء بقاء الحالة السياسية كما هي في بلادنا العربية
وفي ضوء استعدادنا لاستقبال شهر رمضان المبارك في الأيام القادمة
فكل عام وانتم بخير وبلغنا واياكم شهر رمضان الكريم نشكركم

ونتمنى لكم كل التوفيق

ادارة المنتدى

2 من 2 < >

انتظرونا بعد رمضان

السلام عليكم ورحمة الله وبركاته

انتظرونا بعد رمضان







مع تحياتي
المودريتور الاحمر

شاهد أكثر
شاهد أقل

الحلقة (7) السيدة مريم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #46
    المشاركة الأصلية بواسطة amuntvalència
    وهذا ما أخبرتهم به

    أرجو أن تكون الأمور قد اتضحت، فأسهل طريقة للتحدث مع الأستاذ هي المنتدى، إذ من غير المعقول أن يتحدث مع الجميع، فتقريبا شباب الأمة الإسلامية كلهم يرون برنامجه ويشاركون هنا.

    شكرا لك يا سيكريتير، و الأستاذعمرو خالد قد وصل وهو يقرأ الردود على ما يبدو، وسيرد على القيم منها (وليس كمشاركاتي العادية خخخخ )
    أخي الحبيب ، أنا رديت على مشاركتك مخصوص فانك أول ولد أقرا مشاركته النهاردة ، أنا حاسس أن المنتدي النهاردة كله بنات بسبب حلقة مريم وحاسس أن أنا وأنت لوحدنا وسطهم. أنا حبيت أضحك معاك .. كلكم أخوتي وسعيد بمشاركتك جدا
    ... معاً في طريق التنمية بالايمان...

    تعليق


    • #47
      المشاركة الأصلية بواسطة sea star مشاهدة المشاركة
      السلام عليكم ورحمته وبركاته
      ازى حضرتك يا د/ عمرو والله انا لسه ربنا كارمنى انى ادعيلك بالثلاث حجات اللى قولتهم لينا السنه اللى فاتت واللى دايما بتوصينا عليهم
      اما العن قصة انهارده بجد كانت حلوه جدا وقريبه مننا احنا البنات واتفقت انا واصحابى اللى شافوا الحلقه اننا نكون مريميات ان شاء الله واصبح هذا لزاما فى دعاءنا فى رمضان
      احنا كمان اتفقنا ان احنا نكلم اصحبنا الغير مسلمين علشان يسمعوا الحلقه واستغربوا جدا لكن حضرتك عارف حب الاستطلاع على ما تقوله حتى على غير المسلمين غالب فسمعوا الحلق بالليل بس طبعا كان فى تناقضات بس هما اتبسطوا لما كانوا بيمعوا سيرة سيدنا عيسى وتاكيدك لاسمه المسيح
      انا حبه افرح حضرتك بشباب صناع الحياه بالنسبه للصحوبيه
      احنا عملنا شبه ندوه او امسيه فى بيتنا صناع الحياه عن الصحوبيه حتى لو من باب التذكير والتنبيه لينا احنا برده حتى لو احنا كمان بنشتغل فى الخير وتحت اسم جمعيه وان شاء الله هنطلع بيها بره الجمعيه بعد رمضان
      بس طبعا هنزود على الماده بتاعتنا قصة السيده مريم التى احبناها ونتمنى ان نقتدى بطريقها
      سيدة نساء العالمين
      بس ادعيلنا ربنا يرزقنا الاخلاص معك



      ارجو ان تعلمنا استاذنا بكيفية التواصل معك عن طريق الشات او الشات الصوتى الذى تحدثنا عنه تقريبا كل حلقه او اعلامنا من قبل سكرتير البرنامج
      أنا سعيد جدا أنك ستكلمي أصدقائك من غير المسلمين تحكي لهم عن حلقة مريم احنا فعلا محتاجين لهذا التواصل الهادئ الرقيق في جو من الاحترام والتقدير للرموز المشتركة بيننا وبينهم
      ... معاً في طريق التنمية بالايمان...

      تعليق


      • #48
        المشاركة الأصلية بواسطة حنين القلب مشاهدة المشاركة
        السلام عليكم و رحمة الله و بركاته :

        بارك الله فيك أستاذنا الغالي

        متميزة الحلقة و رائعة

        وأروع ما فيها قولك :

        عندما الفتاة تضيع الوحدات التي عندها على شاب ثم ثاني ثم ثالث بلا فائدة

        و بعد ذلك تتزوج و تجد أنه لم يعد لديها وحدات

        حساسة جدا هذه النقطة و مهمة و هي بالضبط التي تجعل البيوت الزوجية خالية من المشاعر و الحنان و العواطف

        وضعت يدك على الجرح بالضبط

        جزاك الله خيرا
        أنا مهتم جدا أن تتضح هذه النقطة للبنات سواء كانوا متدينات أو غير متدينات ولا تكفي محاضرة واحدة لنشر هذه الفكرة بل تحتاج لتعميقها لتعرف البنات خطورة الصحوبية على مشاعرها بعد الجواز
        ... معاً في طريق التنمية بالايمان...

        تعليق


        • #49
          المشاركة الأصلية بواسطة zaidoon2
          السلام عليكم يا اخي العزيز عمرو خالد انا اسكن في امريكا في مدينة مسيحه تدعى غلندل وبعض اصدقائي دائما يسالون عن قصة مريم في القران الكريم يوضح تفاصيل لايعرفها معظمهم واشكرك لانك في حلقاتك دائما تتوجه الى العراق ولبنان فاني رايت الفتنه في العراق وكيف بدات وكيف بدا الاخ يقتل اخيه المسلم على اسم سماه ابوه اوعن افطاره جهرا اوعن صلاة غير صحيحه بارك الله فيك بكم تعمر النفوس انشاء الله

          حلقة مريم بالذات موجودة مترجمة على الموقع ارجوكي اعطيها لكل انسان غير مسلم يريد أن يعرف وجهة نظر الاسلام في مريم ، فمريم في منطقة مشتركة (الـ ـ Overlap) بين كل الاديان السماوية لا أحد يختلف عليها




          المشاركة الأصلية بواسطة حامي كريمة
          السلام عليكم:
          هذه أول مشاركة لي، و يشرفني أن أبدي رأيى في حلقة اليوم، لن أقول أن الحلقة كانت فحسب ولكنها أثارت نقطة جد جد حساسة لأي فتاة شريفة تعلم حق العلم ما معنى الأتهام في الشرف، و أرجوا أن تكون عبرة لمن يقذف أعراض الناس٠
          و أدعوا لكم بالتوفيق٠٠
          جزاك الله خيرا أنا سعيد باول مشاركة ليك معنا في المنتدي ، وهناك حلقة أخرى ستتكلم بتفصيل أكثر عن خطورة قذف أعراض الناس بغير علم


          المشاركة الأصلية بواسطة حواري العوام
          السلام عليكم و رحمته الله وبركاته

          بجد يا استاذ عمرو الحلقه كانت رائعه ولكن اثار في ذهني سؤال اريد ان اطرح علي حضرتك

          ؟؟؟؟؟؟؟؟؟؟؟؟؟؟؟؟ كيف يمكني ان اعرف انا دلوقتي مريوميه ولا لا وزي ما حضرتك دائما ما عودنا بخطوات عمليه لانها بصراحه بتبين الواحد اوي قدام نفسه وايضا تظهر لنا ما هي النواقص حتي نصل الي الطريق الصحيح
          وشكر
          احنا ذكرنا خطوتين عمليتين بمنتي الوضوح
          1- كثرة العبادة حتى يتحقق حب القلب لله
          2- العمل الخيري والتطوعي
          هاتان هما الخطوتان العمليتين
          ... معاً في طريق التنمية بالايمان...

          تعليق


          • #50
            المشاركة الأصلية بواسطة romanc_love2003
            السلام عليكم ورحمه الله وبركاته

            استاذ عمرو خالد/ اعزك الله واكرمك يارب بجد حلقة السيده مريم بجد ممتازة فوق الوصف وفعلا كل بنت فى هذا الزمان محتاجه ليها اوى علشان تفوق وياريت ربنا يتقبل مننا وادعو لى ان اكون مريمية والله يا استاذ عمرو انا كل ما تضيق بى الحياه والمشاكل واحس اننى وحيده ومش معايا حد على طول بتكلم مع ربنا واقوله انى ماليش غيرة وبتراه انه يفضل معايا وميسبنيش ابدا وانى محتاجة لربنا اوى اوى فى حياتى ياريت ربنا يتقبل دعائى ودعاء المسلمين جميعا ويارب يهدى كل فتاه ويعصمهم من المعاصى والفتن ويرشدهم يارب الى طريق الصواب ويارب اكون رمز فعال ومشارك فى البلد والاسلام ويارب يجعلنى سبب لهداية الناس يارب اقدر اكون مريمية وادعو الله ان يعيننى على ذلك انا وكل بنات المسلمين جميعا وعلى فكرة يا استاذ عمرو لما بتكلم مع ربى بليل لوحدى وببكى كتير اوى وبشكيله وبحكى معاه وعارفة انه بيكون سامعنى وشايفنى برتاح نفسيا اوى وبحس انه معايا ومش سايبنى يمكن دى تكون نعمة من نعم ربنا علية وفضل كبير الحمد لله يارب يديمها نعمه علية يارب

            ارجو ارسال لى اى رسالة كيف اتواصل معك على راديو صوتكم وياريت تقرا المشاركة بتاعتى وارجوا من حضرتك ترد علية بيها وعلى فكرة انا ابلغ من العمر 29 عام ولم اتزوج ولا ارتبط بعد والله فرحانه اوى وبقول اكيد ربنا شايل لية فى الجنة احسن من كل ده وهيعوضنى فى الجنة ارجوك يا استاذ عمرو ترد لية على المشاركة بتاعتى

            اختك فى الاسلام ريم سيد وسنحيا ميعا بالقران

            إن شاء الله ربنا يسعدك ويبارك لك .ويرزقك زوج صالح يسعدك دنيا وآخرة ولا تخافي فلن يضيعك الله وأنتي مريمية.


            المشاركة الأصلية بواسطة منار الحامدي
            بسم الله الرحمن الرحيم
            تحية حب وشكر وامتنان باسمي وباسم كل الفتيات المسلمات في كل العالم واخص بالذكر الفتيات المسلمات في قبرص الى استاذنا الكبير عمرو خالد
            جزاك الله عنا كل خير وجعل هذه الحلقة في ميزان حسناتك

            أنا سعيد جدا أن أجد معنا اليوم مداخلة من قبرص وسعيد أكثر أن البرنامج يشاهد عندكم في قبرص وارجوكي ابلغي كل من تعرفين أن يشاهد البرنامج .. وسعيد جدا بمداخلتك .
            ... معاً في طريق التنمية بالايمان...

            تعليق


            • #51
              بسم الله والحمد لله حمدا كثيرا مباركا ملى السموات والارض وما بينهما
              ربنا يفتح على حضرتك حلقه رائعه مستنى ومست اهلى جدا...
              كأن ربنا بعتهالنى مخصوص لما فيها من معانى الصبر والحمد والثبات عند الابتلاء .. ده غير انها بتبين ان طاعت الله "" السلوك المريمى "" جعلها خير نساء العالمين يارب ادم واعنى على السلوك المريمى دائما وابدا حتى نلقاك وانت راضى عنى
              وانشاء الله حكمل شغل فى العمل التطوعى وده علشان :
              1. ده شىء يحبه الله ""احب الناس لله انفع الناس"
              2. الحلاوه التى دقتها من العمل التطوعى مع صناع مش ممكن تتفوت
              يارب ارضى عنى وراضنى ويبارك فيك يااستاذى واخى الكبير عمرو ويعينك على اتمام رسالتك
              وفى طلب منك ممكن حضرتك تدعيلى لانى محتاجه دعائك جداجدا
              sigpic

              تعليق


              • #52
                السلام عليكم استاذ عمرو .. كنت عايزة اسأل بس على حاجه ممكن تكون غريبة شوية حضرتك قلت النهارده في حلقة مريم ان البنات تفرغ الشحنة اللي عندها في العباده و في العمل الخيري .. ودعيت ربنا اني اقدر اعمل كده مع بنتي لو ربني رزقني ببنت لما اتجوز ان شاء الله بس رجعت فكرت وخفت ان ممكن في يوم من الايام بنتي تقول انا ليه معشتش حياتي زي بقيت البنات اللي في سني و حبيت و اتحبيت لأن شفت ده بيحصل قدامي من بنات كتير و البنات دول حسو ان شبابهم ضاع على حاجه مش وقتها في سنهم ..انا عارفه ان تفكيري في شئ من الغلط بس معلش خدني على قد عقلي
                ربا يكرمك ويعزك ( على فكرة انا اسمي اسراء اخت صاحبة الاكاونت اللي هي لولو )

                تعليق


                • #53
                  Dr.amr< i have problem with writing arabic>really this programme affected me in wanderful way u can not imagine it. i want to be like my mother marieum .i love her from as i love the prophet's wifes as mothers to me also from u.i pray and say to ahhah to protect ur son ali and he lead the people to the way of allah and to reach al gannah with 7abab ro7y mohamed our prophet.finally i'm a student <i study medicine> at 3rd year i want to knew how to protect mymessage to save people and don't lose hope????? my message to help people renew by the boy's story and my soul renew by

                  تعليق


                  • #54
                    المشاركة الأصلية بواسطة سامية بورويس
                    السلام عليكم ورحمة الله
                    بما أنك متواجد معنا يا أستاذنا العزيز عمرو خالد أرجو منك أن تقرأ رسالتي وتجبني على سؤالي :
                    1: هل الإبتلاء إصطفاء
                    2: كيف نستطيع التواصل معك أنا في أمس الحاجة للحديث معك فهل من طريقة


                    أرجوك ساعدني

                    خادمة الله سامية
                    المريمية بعون الله

                    التواصل معي أفضل طرقه هو هذا الموقع وايضا على إذتعة صوتكم على الهواء مباشرة يوم 10 سبتنمبر في تمام الساعه 12:30 ليلا توقيت القاهرة ...

                    الابتلاء أحيانا تطهير من ذنوب وأحيانا اختبار .. وأحيانا عقوبة رحيمة ليعود الانسان للطريق وأحيانا رسالة ربانية كما في قصة أصحاب الجنة وأحيانا اصطفاء .. في النهاية لا يبتليك إلا وهو بك رحيم
                    ... معاً في طريق التنمية بالايمان...

                    تعليق


                    • #55
                      بحبها جدددددددددددددددددددددددددا

                      السلام عليكم ورحمة الله وبركاته
                      وأنا سعيدة إني مع حضرتك أون لاين من رمضان السنة اللي فاتت تقريبا ما كنتشس مع حضرتك أون لاين...
                      أنا بحب جدا جدا جدا السيدة مريم والله العظيم 3 بحبها بجد فعلا مش عارفة بقى حب أمي ولا أختي ولا صديقتي بس بحبها فعلا مش قادرة أوصف حبها بجد أنا ال1000 طاقة حب اللي عندي دلوقتي للسيدة مريم بجد والله الحمد لله...
                      بصراحة وبأمانة يا أستاذ عمرو تسمحلي ادعي لحضرتك بدعاوي حضرتك ربنا يعز حضرتك ويكرم حضرتك ويفتحها ع حضرتك يا رب ) لإن فعلا ماشاء الله والله العظيم قربتنا من القرآن وخصوصا من أبطال القرآن السيدة مريم والغلام اللي فعلا كنت مبسوطة جدا في الحلقتين بتوعه والله وإنشاء الله أكون الغلام والسيدة مريم بإذن الله أنا بحاول صحيح مش 100% بس أهو بحاول يعني ...
                      قصص القرآن قربنا من الشخصيات دي اللي كانت تقريبا كل علاقتنا بيهم قصص بتتحكى وبس مش مرتبطين بيهم روحيا الصراحة مع الأسف بس دلوقتي لاااااااا والله غير خالص الحمد لله...
                      بس ممكن رجاء يا أستاذ عمرو خف علينا شوية في الحلقات لإني بدأت أخاف بجد وأترعب بأمانة...
                      وبرجااااااااااااااااء ادعيلي إن ربنا يقويني وأحقق هدفي ورسالتي اللي شاغلة تفكيري في النهضة لإني ناوية ع موضوع جامد جدا إنشاء الله تعالى ومحتاجة الدعاااااااااااااااء جدا ويا رب أحقق هدفي ويعيني ربنا وبجد حتكون خدمة للمسلمين إنشاء الله حلوة ونهضة جامدة إنشاء الله تعالى في مجال معين ... المهم ادعيلي جامد ربنا يخليك يا أستاذ عمرو...
                      وجزاك الله كل الخير...
                      آه ع فكرةو حضرتك بشلرتنا احنا بالرؤية اللي أختنا من المدينة بشرت حضرتك بيها وجالي أمل جامد بالنصر والنهضة إنشاء الله...

                      تعليق


                      • #56
                        المشاركة الأصلية بواسطة أحمد الأبنوبي
                        السلام عليكم
                        استاذ عمرو هنا
                        يا مرحبا يا مرحبا
                        اهلا بحضرتك
                        انا بحبك جدا
                        انا احمد علي من اسيوط
                        انا بحبك جدا يا دكتور عمرو خالد

                        نفسي اقابلك واتكلم معاك وامشي معاك واتكلم معاك ربنا يبارك فيك

                        حلقات برنامج قصص القرأن ما شاء الله ما شاء الله جميلة جدا جدا جدا جدا جدا جدا جدا
                        والحلقات حتي الان استفدت منها جدا الحمد لله ربنا يبارك فيك ويوفقك لكل خير ويعينك ويثبتك اللهم امين

                        استاذ عمرو عندي سؤال
                        امتي هنشوف قناة فضائية مستمرة باسم صناع الحياة؟؟
                        انا نفسي في مجموعة قنوات مش قناة واحدة
                        منهم قناة متخصصة في الصناعات الصغيرة؟ليه لأ؟هل تفكر في هذا الموضوع؟كلمنا اكتر لو سمحت

                        وسؤال اخر حضرتك كنت اتكلمت ان برنامج صناع الحياة هيرجع تاني..كلمنا هيرجع امتي لو فعلا هيرجع وايه النظام
                        شكرا جزيلا ليك
                        وانتظر زيارة منك لاسيوط وجمعية معا نصنع الحياة هناك عشان اشوفك واسلم عليك واحضنك ربنا يبارك فيك
                        أبشرك يا اخي الحبيب أن أول برنامج بعد رمضان إن شاء الله سيكون صناع الحياة الجزء الثاني بافكار جديدة ومشروعات جديدة فاستعد يا بطل
                        ... معاً في طريق التنمية بالايمان...

                        تعليق


                        • #57
                          الحلقة رائعة جدا جدا جدا و قصة مريم تبكيني لانني لا أتصور ابدا أن يقال عني أنني فتاة سيئة السمعة و لا اتصور أن أنجب بعد أن اشتهر عني الصلاح
                          لكن هناك وجهة نظر لي لكوني فتاة
                          و كنت اتمني ان ينبه الاستاذ عمرو الفتيات الي ذلك
                          فكما ان الله خلقنا فتيات بنا عاطفة خلق لنا عقلا و بدنا نستطيع بهما ان نعمل و ايضا هذا العصر هو ليس العصر الذي تعيش فيه الفتاة عالة علي ابيها او اخيها ثم والدها ثم اذا ظلت وحيدة تكون بلا سند مادي و العالم لا يرحم
                          لابد للفتاة ان تجهر نفسها للعمل مثل الرجل تماما و الا تكون جنت علي نفسها
                          و ايضا ليست كل الفتيات كل همهن افراغ الشحنة العاطفية علي الاطلاق و الدليل تفوق الفتيات علي الشباب في الثانوي و الجامعات و هذا يدل علي الاهتمام بأشياء أخري لدرجة التفوق فيها
                          العمل عبادة
                          و هو للرجل و المرأة
                          الفقر لا يفرق بين الرجل و المرأة
                          و المرأة تفوقت و أثبتت نفسها في كل المجالات
                          فلا داعي لحصر المرأة في اطار الأسرة دائما أو اعتبارها كائنا عاطفيا فقط
                          بل لابد أن تركز الفتاة في دراستها و عملها أيضا

                          تعليق


                          • #58
                            المشاركة الأصلية بواسطة roooroo
                            استاذى الكريم
                            لا تتخيل مدى سعادتى لمجرد ان اكتب كلمت تقرآها انت
                            انا عندى 19 سنة
                            وكل بنت تتمنى تكون زى مريم
                            بجد انا مش عارفة اتكلم
                            لكن ارجوك ادعو لى ان اكون قريبة من الله وان يرضى عنى
                            نفس اعمل حاجة ترضى ربنا
                            نفسى اعمل حاجة للإسلام
                            لكن ع طول بحس انى ضعيفة
                            ولوحدى
                            ارجوك لا تنسانى بالدعاء الصالح
                            ربنا يرضع عنك ويسعدك .. إن شاء الله هتكوني حاجة عظيمة ونتشعل سويا باذن الله في خدمة بلادنا بعد رمضان
                            ... معاً في طريق التنمية بالايمان...

                            تعليق


                            • #59
                              المشاركة الأصلية بواسطة marem el nahrawi
                              معلش كلمة اخيرة لكل البنات..اثبتوا يا بناااات احنا كلنا طلعنا مشحونين جدا ونفسنا نكسر الدنيا بالعمل الخيري..يا رب نثبت بقي وما ننساش..وبيتهيالي طريقة كويسة اوي للموضوع ده ان احنا ننزل الحلقة ونشفها كتير..والله مش بهزر بجد!! اصل اللي بيحصل ان احنا بننسي..بننسي الكلام بننسي الشحنة الجميلة اللي احنا مشحونين بها دلوقتي فيا ريت كل البنات ينزلوا الحلقة و يتفرجوا عليها كل ما يحسوا انهم بيبعدوا..والولاد كمان يا ريت يغيروا ويقولوا احنا هنبقي عمريين (مثل سيدنا عمر بن الخطاب مثلا ان شاء الله) او هنبقي زكريين مثل سيدنا زكريا..ياااه تخيلوا أمة البنات مريمات والولاد عمريين..والله ساعتها لازم هتحصل نهضة!! والبنات كلهم يعلقوا ورقة في اوضهم انا من اليوم مريمية و بإذن الله ربنا يقدرنا ونتغير ويهدينا جميعا..
                              برافو عليكي . جدعه .. الله يفتح عليكي ويبارك لك ويزيدك غيرة وحماسة
                              ... معاً في طريق التنمية بالايمان...

                              تعليق


                              • #60
                                المشاركة الأصلية بواسطة أيام البرد
                                السلام عليكم ورحمة الله وبركاته
                                أستاذى أنا بجد نفسى حضرتك تدلنى فلا الموضوع دا لأنى لحد دلوقتى لسة تعبانة وحاسى ا ن ربنا مش راضى عليا
                                انا هأحكى وياريت حضرتك تقدر تساعدنى
                                رمضان السنة اللى فاتت أنا اتحرمت من قيام ليلة القدر

                                اليلة دى حصلت لى حاجة غريبة جدا أنا طول الشهر كل يوم كنت باقوم من الساعة2 اصلى تهجد
                                وجيت فى اليلة دى نمت من غييرحتى مااصلى التراويح وقلت ابقى اقوم بدرى شوية واصليها
                                نمت لاسمعت منبه ولاسمعت رنات صاحبتى
                                وماقمتش الا على تليفونها بتتصل تحكى لى اللى حسته واللى عاشته فى اليلة دى
                                انا حسيت ان ربنا غضباااااااان عليا اوى
                                اشمعنى اليلة دى بالذات اللى يحصلى فيها كدا
                                وقبل رمضان السنة دى والهاجس دا مسيطر على دماغى ان ربنا مش راضى عليا والا كان بلغنى ليلة القدر
                                وباحس بقى انى باعمل وربنا مش بيقبل منى
                                وانى ممكن اموت وربنا غضبان عليا مع انى تبت
                                ودخلت رمضان السنة دى وأنا خايفة جدا وحاسة ان ربنا مش هيقبلنى
                                جيت اول يوم وقلت أنا هادعى ربنا انه يسامحنى ويغفر لى
                                وصليت التراويح والله ياأستاذ عمرو أنا بكيت بطريقة عمرى ماجربتها قبل كدا
                                وكنت بأقرأ القرآن وكل ماتيجى أية تعذيب أو وعيد ابكى اوى
                                لانى كنت احس ان ربنا ممكن يكتبنى من دول
                                ماكنتش عاوزة اطلع من الصلاة
                                ودعيت ربنا يسامحنى ويغفر لى
                                قلت يارب نفسى اعرف انت راضى عنى ولالاء يارب ورينى حاجة اعرف منها انك مش غضبان عليا
                                وخلصت وبعدين سمعت حلقة حضرتك
                                وكنت بتتكلم عن اننا نقرأ القرآن ونفهمه ونفهم معانيه
                                حسيت باللى حصل معايا فرحت اوى
                                وبعدها فى نفس اليوم جالى العذر الشرعى
                                أنا قبلها لما حسيت بصلاة التراويح والقرآن قلت انا باذن الله افضل كدا ابكى وادعى لحد ربنا مايقبلنى
                                دلوقتى أنا مش عارفة اذا كان موضوع العذر دا ابتلاء من ربنا يشوفنى هاصبر ولالاء
                                ولو ابتلاء أنا أتمنى وممكن أصبر ومش هاعترض
                                ولا غضب من ربنا
                                ومش عاوزنى اعمل كدا او مش عاوز يسمعنى
                                حضرتك ممكن تقولى الشيطان بيوسوس لى انى وحشة وربنا مش راضى عنى
                                بس فيه أية أنا ممكن أكون من أصحابها
                                ودااللى نفسى أعرف أفرقه
                                قل هل ننبئكم بالأخسرين أعمالا أولئك اللذين ضل سعيهم فى الحياة الدنيا وهم يحسبون انهم يحسنون صنعا
                                ازاى ياأستاذ عمرو أقدر أنجى نفسى من الأية دى
                                وزاى اعرف أنا منها ولا لاء
                                بالله عليكم أنا تعبانة جدا ونفسى ربنا يقبلنى فى رمضان

                                أنا لحد دلوقتى بأبكى فى التراويح بس بابكى مش خشوع
                                لاء خوف انى اكون من اهل النار وانا مش عارفة
                                وحاسة ان ربنا مش بيقبل منى حاجة الموضوع دا معذبنى أنا نفسى بس أعرف انا مين فيهم
                                وازاى أحمى نفسى
                                وأسفة جدا على الإطالة
                                جزاكم الله خيرا




                                يا أيام البرد .. كوني متفائلة وانتظري الدفء هذا العام .. إن شاء الله تدركي ليلية القدر هذا العام فاملئي راسك بافكار إيجابية وانتظري الخير إن شاء الله
                                ... معاً في طريق التنمية بالايمان...

                                تعليق

                                يعمل...
                                X