إعـــــــلان

تقليص
1 من 2 < >

تنويه هام - خاص بساحات السياسة

السلام عليكم ورحمة الله وبركاته



تم اخفاء ساحات السياسة بما انها كانت سبب في فرقة العديد من الاعضاء
ونتمنى عدم التحدث في السياسة في اي ساحة سواء العامة او غيرها
المنتدى منتدى تنموي ديني والالفاظ والكلمات التي استخدمت في ساحات السياسة
اصبحت لا تناسب المنتدى وهدفه .. وتم اتخاذ هذا القرار
في ضوء بقاء الحالة السياسية كما هي في بلادنا العربية
وفي ضوء استعدادنا لاستقبال شهر رمضان المبارك في الأيام القادمة
فكل عام وانتم بخير وبلغنا واياكم شهر رمضان الكريم نشكركم

ونتمنى لكم كل التوفيق

ادارة المنتدى

2 من 2 < >

انتظرونا بعد رمضان

السلام عليكم ورحمة الله وبركاته

انتظرونا بعد رمضان







مع تحياتي
المودريتور الاحمر

شاهد أكثر
شاهد أقل

أرسل لي الليلة تجربتك مع الضعفاء والمساكين

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #46
    المشاركة الأصلية بواسطة haneen ahmad
    السلام عليكم والله يا دكتورنا وأستاذنا ومعلمنا لم أحس بمتعة حلقة رحلة السعادة الا اليوم كانت حلقة مؤثرة فعلا
    فجزاك الله عنا خير الجزاء واسكنك فسيح جناته ,
    يا رب ابعث لنا فقيرا او مسكينا لترضى عنا ونكسب حبك وحب نبيك عليه افضل الصلاة والتسليم .
    أريد أن أعلق تعليق بسيط يأتي علينا أحيانا أناس يريدون مالا أو ملابس ولكنهم لا يظهر عليهم الاحتياج أو المسألة فنحن نعطيهم لوجه الله بغض النظر عن احتياجهم ولكن لنية الصدقة ..
    الحمد لله يا حنين .. أنك بداتي تشعري بطعم السعادة .. وارجو ان تسمري معنا في الرحلة حتى نهاية رمضان .. وربنا يتقبل منك صالح الاعمال ويجعلك من عتقاؤه في هذه الليلة
    ... معاً في طريق التنمية بالايمان...

    تعليق


    • #47
      المشاركة الأصلية بواسطة yassminee
      انا و العطاء في علاقة ايجابية بل هي نقطة ضعفي فان اردت ان توجهني فخد بيدي الى مد العون و المساعدة فمن بعض ما حدث لي انه في يوم من ايام الدراسة و انا عائدة من الجامعة كنت في الباص فجلست امامي امراة ابتسمت في وجهها فطلبت مني المال لابنتها المريضة فاعطيتها ما املك و بعد اسبوع واحد كنت اتنزه مع عائلتي اذ وجدت ورقة نقدية تساوي 5 اضعاف ما تصدقت به فاول مرة اجد نقودا في الطريق و لشدة فرحتي بها حتى تصدقت بها كلها حتى اسعد اكثر و الحمد لله على ما اعطى و هدى
      ما شاء الله أنها نعمة توجب الشكر ان يكون العطاء هو نقطة ضعفك .. فهي نقظة ضعف عظيمة وجميلة ... وجازك الله على سردك لهذه القصة الواقعية .. والتي هي مثال عملي للشباب عن جمال العطاء ...

      صدق رسول الله صلى الله عليه وسلم "ما نفذ مال من صدقة"
      ... معاً في طريق التنمية بالايمان...

      تعليق


      • #48
        المشاركة الأصلية بواسطة ن.ط.امة الله مشاهدة المشاركة
        انا حشوف الحلقه وبعدين اعلق هو الدكتور عمرو موجووووووووووووووووووووود ولا ايه
        أنا موجود يا ن.ط.امة الله .. وأرجو منك أن تشاهدي الحلقة
        ... معاً في طريق التنمية بالايمان...

        تعليق


        • #49
          المشاركة الأصلية بواسطة fatiha1787
          السلام عليكم ورحمة الله وبركاته
          حياك ربي أستاذي الغالي
          كيفك مع رمضان ان شاء الله بخير
          ربي يرزقنا السعادة دنيا وآخرة
          سلام عليكم يا fatiha1787 ... أنا الحمد لله بخير .. واحاول الاجتهاد في الطاعة والعبادة في رمضان والاكثار من الذكر والدعاء قدر استطاعتي .. اسال الله القبول .. وانت كيفك مع رمضان ؟؟ ربنا يتقبل منك ويعزك
          ... معاً في طريق التنمية بالايمان...

          تعليق


          • #50
            المشاركة الأصلية بواسطة مراد اسف
            انا كنت ارغب بالتواصل مع الدكتور عمرو خالد مند مدة طويلة لكن لم استطع لا من الفيس بوك ولا من هدا الموقع الفضيل لدالك ارجو منكم تزويدي بموعد تواصله مع المشاهدين ومن اين يتم دلك والسلام عليكم ورحمة الله تعالى وبركاته ارجوكم وفي اقرب وقت
            أهلا بك يا مراد .. أنا موجود الان وأقرا الرودو والمشاركات وأهلا بك علي المنتدي .. وسعيد بانك من أهل المغرب الشقيق
            ... معاً في طريق التنمية بالايمان...

            تعليق


            • #51
              المشاركة الأصلية بواسطة ام*لؤلؤة

              اهلا وسهلا بكم يا اغلى الناس
              يا اعضاء احلى منتدى فى العالم
              منتدى الاستاذ عمرو خالد

              اهلا بيكم يا اعضاء يا جدد على المنتدى
              مرحبا بكم فى منتدى النهضة
              شعارنا تنمية بالايمان

              عايز تشارك فى نهضة بلادك
              عايز تشتغل فى حاجات تنموية
              وما يكونش عندك وقت فراغ

              يبقي تعالى هنا فى منتدانا الحبيب بيتنا التانى
              هتلاقي الصحبة الصالحة
              هتلاقى العطاء
              والاخلاص


              واهم حاجة هتلاقي
              العمل
              والبذل

              كلنا عينينا على هدف واحد
              نهضة بلادنا

              هدف زرعه جوانا دكتورنا الغالى عمرو خالد

              اسمع كلمته فى اخر رمضان
              ربنا هيشوفك
              انت فعلا
              مصر تصلح فى الارض
              ولا بعد اسبوعين تلاتة هتنسي
              لو لقاك مصر
              يبقي هيشغلك عنده
              وهتبقي شغال عند ربنا يا بختك ياللى شغال عند ربنا

              وهيبتليييييييييك
              وهتضحى
              ويمكن تموت
              لكن لو عشت للرسالة اكيد هتكون رفيق النبي فى الجنة

              http://www.youtube.com/watch?v=j7whpfx7kfm


              منتدانا فيه وظاااااائف كتيرة
              وحملات وشغل
              محتاجين ناس تساعدنا عشان نهضة بلادنا



              ورش العمل

              حملة العشر الاف كتاب
              اكاديمية اعداد وتطوير الذات

              حملة
              دورة مبدعون لتعليم الفوتوشوب
              تعليم العبرية
              الصناعات الصغيرة
              مشروع انسان

              جزاك الله خيرا كثيرا يا ام*لؤلؤة ... والله أنت نموذج للمشرف المثالي الذي نرجوه في المنتدي ... المشرف الذي يسعي لجمع الناس علي الخير وبث فيهم روح الايمان والعمل والتنمية ... بارك الله فيك ورينا يتقبل منك وقتك ومجهودك الذي تبذليه يوميا علي المنتدي .. وربنا يتقبل منك رمضان يوجعلم انت وعائلتك من عتقاء هذا الشهر الكريم
              ... معاً في طريق التنمية بالايمان...

              تعليق


              • #52
                جزاك الله خير يا استاذ والله اني من متابعين الحمدلله برانامجك بشغف

                فعلا لذة فعل الخير للفقراء لذه جميله ورائعه ....الحمدلله

                حين اعطر من يحتاج كم اكون سعيده

                بهذا العطاء حين ارى في وجه علامات الرضا والفرحه .....

                بهذا العطاء يدفع الله به بلاء ويكثر الخير

                شكرا لك يا استاذنا

                تعليق


                • #53

                  if u aren't using your smile,you are a man with a million dollars in the bank and no checkbook................
                  أنا عايشه بالفكره ديه و انا نفسي حضرتك تقولي رأيك فيها و تقولها لكل الناس عشان لو عاشو بيها
                  فعلا هتتحقق السعاده...
                  mmkn n3ty 2btsama 2w flws 2lmohm 2n 27na ntl3 mn raseed el kabt ely 3ndna 3shan ns3d el nas w n3esh so3da2 l2n mafesh 7ad mmkn y3esh mn 3,eer 7aga mofeda de msh tb2a 7eyah w ma7dsh bywafr s7to kolo fe sabell Allah bezeed sa7 ya dr amr plz 2oly ..........w 7al2t 2l nahrda 7lwa 2wy w ya rab 2rzo2nz bfa2eeeer lw kont rady 3any 2meen..hb2a 2s3d wa7da lw 7adrtk radeet 3alya 2na 3arfa 2n 7adrtk mash3,ool bs 2na 2amly kbeer msh brdo 7adrtk 2oltlna na7lm w da goz2 kbeer mn 27lamy 2n 7adrtk tklmnyأنا زعلنا من حضرتك لأني كتبتلك ال كومنت أكتر من ٢٠ مرة و حضرتك مش ترد علية

                  تعليق


                  • #54
                    المشاركة الأصلية بواسطة * ياسمينه *
                    اختى الحبيبه هتلاقى ردوده هنا على الصفحه ان شاء الله


                    تحت امرك يا حبيبتى
                    الله يسعدك ويوفقك يا ياسمينة من اول ابغى احد يرد عليا ........ ........شكرامرة كتير

                    تعليق


                    • #55
                      المشاركة الأصلية بواسطة romy jad
                      والله يادكتور انا كنت راجعة من الدرس ولقيت واحد غلبان قعد يدعيلى فمشيت ومكنتش حديه فلوس بعدين رجعت تانى السكة واديتله وقعد يدعيلى والله ورلسمت بسمة على وشه وانا حسيت براحة فظيعة بس المشكلة ان فى نا س مبتحتجش فلوس بس بيصطنعوا كدة ودايما الناس يقولولى متديهمش اصلهم ميستهلوش بس انا بديهم عشان بعامل ربنا وكل واحد وضميره
                      بليز يادكتور رد عليا
                      ربنا يباركلك ويسعدك يا رب
                      المشاركة الأصلية بواسطة عمرو خالد
                      سعيد لما أشوف أسماء أعضاء بالمنتدى كل رمضان يشاركوا معنا منذ ثلاث سنوات تقريباً ومنهم أكثر من ذلك
                      نحن شــركـــاء فـي بــــناء الـحـضــارة
                      ... معاً في طريق التنمية بالايمان...






                      تعليق


                      • #56
                        المشاركة الأصلية بواسطة هبة مسمار
                        السلام عليكم

                        جزاك الله خيرا فعلا أحلى لذة لذة العطاء. بصراحة أنا العطاء عندي إلى الآن ما زال ماديا فقط. كل شهر نتصدق أنا وأهلي بما ييسر الله لنا ونذهب إلى جمعية نعرفها نعطيهم النقود وفقط. ولكن حلقة اليوم فتحت لي بابا آخر من العطاء وهو العطاء الروحي: ترافقهم وتعاشرهم، تحمل همومهم، تجبر بخاطرهم.
                        قررت أن أشارك في هذه الجمعية إن شاء الله وأدخل بين الفقراء والمساكين والمحتاجين فلطالما اشتقت أن أمسح على رأس يتيم وأبتسم وأطبطب على طفل فقير وأعين أما ثكلى. فاللهم ارزقنا عسى أن يرق هذا القلب وينجبر بجبران خاطر مسكين.
                        والله يا هبة اسعدتي قلبي بمشاركتك .. وربنا يرزقك بنيتك كل الخير .. استمري وربنا يفتح عليك ابواب الخير ويستخدمك فيما يحب ويرضى
                        ... معاً في طريق التنمية بالايمان...

                        تعليق


                        • #57
                          السلام عليكم ورحمه الله وبركاته
                          جزاك الله كل خير دكتور عمرو على هذه الحلقه الرائعه كالعاده بجد الحلقه جميله جدا
                          وانا مع كل كلام حضرتك عن الحلقه دى وعن تجربه شخصيه بجد كل شخص فعلا محتاج كل الى دكتور قال عليه واكتر كمان والله فعلا بتلاقيه مع العائله الفقيره انا بجد فعلا بحس معاهم باحساس تانى مختلف جدا وعمرى ما حسيت انهم اقلل منى ولا عمرى حسستهم انى اعلى منهم بس بجد الناس دى جواها فطره وحب واخلاص وامانه والله ماليه وصف فعلا حياتهم بسيطه بدرجه والله يمكن هو فعلا انا شيفاهم من وجهه نظرى سعداء بجد بعشتهم دى هو يمكن بيتهم مكون من قوضه واحده بس بجد لما بدخل اقعد فى القوضه دى بحس بامان ودفى وحب وصدق بجد من غير اى مقابل والله يعنى بكون فعلا سعيده فى وسطهم جدا انا عايشه معاهم بقالى سنين
                          فى نفس القريه فعلا لما حضرتك اتكلمت النهارده فى الحلقه قولت ربنا فعلا اخترنى انى اكون عون وايد مساعده للناس دى بكون فرحانه قوى لما اطفلهم يجولى وانا اذاكر ليهم ومن العائله دى ليا اصدقاء بنتهم من سنى والله والله بجد احلى كلمه صداقه ومعنى الصداقه بجد حستاها وعشتها لحد الان من وانا طفله لحد النهارده مع بنات العائله دى انا عرفت بنات كتير اصحابى والعائلات بتاعتهم مراكز وناس ايه بس بجد والله مش شوفت معاهم اى حاجه من الصداقه غير مصلحتى بس لكن فعلا بنات العائله الفقيره دى والله امانه وصدق عمرى ما شوفته وحب ليك بجد من غير مقابل ولما اكون نازله واقبلهم فى الشارع بكون فى منتهى السعاده وانا بسمع دعواتهم ليا وبكون فعلا فى امس الحاجه للدعوه دى وهما من غير اى مقابل دعواتهم ليا بجد انا نفسى لمابقعد معاهم بكون مش عاوزاها تخلص بجد انا مش عارفه احيلكم عن كل الى جوايا من سعاده لما بكون فعلا مع الناس دى وفعلا ومعتبرنى منهم الحمد الله كل ما يعملوا حاجه القيهم بيخدوا راى كانى واحده من العيله بالظبط كنت دايما بقول طب هما بيعملوا معايا كده ليه وكنت بتمنى انى القى الفطره والحب فى كل الناس زى ما لقتهم معاهم فعلا جربوا ياشباب بجد تقربوا من الناس دى هتفرق معاكم كتير جدا والله انا فعلا بحبهم قوى والله بيجيوا عندنا البيت والله كانهم اهلى بالظبط ولله من غير اى مقابل وفعلا نفسى تحسوا الاحساس الى الدكتورعمرو قال عليه فى الحلقه الاحساس دى مش يتوصف بجد شكرا ليك يادكتور عمرو انت فعلا انسان ربنا يارب يرزقك كل الى تمناه كل يوم بيتقدم لينا كل حاجه فعلا ليها قيمه والحلقه دى فعلا مهمه جدا واتمنى من كل الشباب انهم يجربوا وصدقوتنى هتحسوا بالسعاده بجد
                          sigpic

                          تعليق


                          • #58
                            السلام عليكم ورحمة الله وبركاته
                            اقسم بالله العظيم انى احبك فى الله يادكتور عمرو جدا وان حضرتك قدوتى فى الحياة
                            وانى بتمنى انى اعمل مع حضرتك اى عمل فيه خير وان ارى هذا الوجه البشوش
                            فكرة البرنامج هايلة جدا ربنا يكرمك ويجزيك كل خير عننا ويجازى كاست العمل كل الخير
                            اما عن تجربتى مع المساكين والضعفاء فهى جيده جدا والحمدلله فمن صغرى وتحرص امى على ان توجه انظارنا الى هذا العمل الجميل وارضاءهذه الناس الضعيفة التى لاحول لها ولا قوة حرصت امى على ان تجعل هذا العمل واجب علينا انا اخواتى فتعودنا عليه فاصبحت لاياتى على رمضان الا وكنت مشتركة فى جمعية خيرية والمشاركة فى توزيع الشنط الرمضانية وفى غير رمضان اوصل الشهريات الى الايتام والارامل
                            بهذه الاعمال اشعر بسعاده ولذه غريبة فعلا على الرغم من التعب الذى الاقية احيانا عنما اعود الى المنزل واستلقى على سريرى اشعر بسعااااااده ليس لها مثيل فعلا انى اشكر امى على هذه السعادة التى دلتنا على طريقها يكفى عيون الناس الفرحه والدعوات التى تنهال علي
                            وانا انوى ان شاء الله ان اعلم اولادى هذه العادة الجميلة وان ادلهم حقا على سبب كبير من اسباب السعاده

                            تعليق


                            • #59
                              السلام عليكم
                              انا حابة احكى تجربتى فى مساعدة الاخرين والحمد لله جابت معايا نتيجة جميله جدا
                              انا بعد ما اتخرجت من معهد النظم والمعلومات طبعا فى انتظار الوظيفة عدى عليا وقت كبير جدا كان مليان بلفراغ فبدات احس بلاحباط والملل لكنى جاتنى فكرة طيب انا زى ما ربنا وهبنى وكرمنى بلعلم ليه ما احاول انى افيد الاخرين مما تعلمت انا الحمد لله لغتى الانجليزية جيدة فبدات ابحث عن اى حد عنده مشكله فى تعلم هذه اللغة او اى مادى دراسيه واذاكرها له والحمد لله بدات بلاطفال الصغار وبدات تكبر معايا القصة والحمد لله بدا الملل يروح منى وانشغل بتعليم الناس والا افوجأ بعد سنه من عملت كدا ربنا كرمنى بلعمل فى مؤسسة خيرية هدفها الاول والاخير نشر العلم بين الناس وتوعيتهم ومساعدة الشباب على حل مشكلاتهم والحمد لله انا بشتغل فيها وسعيدة للغاية لان اى شخص علمته نجح فى الامتحان بدرجات كويسة وانا ربنا كرمنى بلوظيفة ونشر العلم اكتر واحسن شعور لما تلاقى نفسك فرحت حد وساعدت فى نجاحه الا ووالله تلاقى ربنا واقف جنبك وييسر لك طريقك واتمنى ان يكون العلم دا صدقة جارية لى وربنا يصلح حال الجميع يحقق لكم احلامكم

                              تعليق


                              • #60
                                السلام عليكم ورحمه الله وبركاته
                                انا سعيده جدا لان دى اول مشاركه ليا معاكم هنا فى المنتدى منتدى استاذى ومعلمى الدكتور عمرو خالد ربنا يعلم يا دكتور عمرو انا بحب حضرتك اد ايه انا مش عارفه انت هتقرا رسالتى دى ولا لا بس انا بتمنى من ربنا انك تقراها
                                انا مش هحكى تجربتى انا مع الضعفاء والمساكين انا هحكى تجربه والدى الله يرحمه هحكى اللى كنت بشوفه بيعمله مع الضعفاء والمساكين انا يا استاذ عمرو والدى توفى من عشر سنين واقسملك بالله يا دكتور عمرو لحد دلوقتى كل الناس بتتكلم عنه بالخير مسلمين ومسيحين لو روحت اى مكان وعرفت نفسى وقولت انا بنت فلان اول كلمه ينطقوها الناس الله يرحمه والدى يا دكتور عمرو ماكانش غنى ماديا ولا حاجه يعنى ناس ميسورين زى معظم الناس دلوقتى يعنى يادوب الدخل مكفى هو بقى ماكانش بيبخل بالفلوس دى على الفقرا اللى المفروض هى يادوب تكفى مصاريفنا كان لما يشترى لبس جديد لنفسه مايلبسهوش كان يطلعه لاى حد محتاج ويلبس اللبس القديم بتاعه وكان يعرف ناس فقرا كتير وياما جابهم عندنا واكلهم معانا والله يا دكتور عمرو من نفس الطبق وفى العيد الكبير كان لازم يجمعهم كلهم ويفطرهم معانا الصبح من الاضحيه بتاعتنا وياكلوا معانا من نفس الطبق وعلى نفس السفره وكان بيجمعلهم فلوس من الناس المقتدرين اللى يعرفهم والله يادكتور عمرو وانا بتفرج على الحلقه بكيت حسيت انك بتتكلم عن والدى الله يرحمه هو صحيح ماسبلناش فلوس ولا ميراث بس ساب لنا سيره بتشرف بيها فى كل مكان وبتشرف ان الراجل ده ابويا لان هو اللى علمنى بجد يعنى ايه عطاء يعنى ايه ابكى واحزن لما اشوف حد محتاج واتمنى لو اقدر اساعدهم دى تجربة ابويا مع الضعفاء والفقراء انا حبيت احكيها لحضرتك لان والدى توفى من عشر سنين بس عمله الصالح وسيرته الطيبه لسه لحد دلوقتى وبحاول انا ووالدتى واخواتى نكمل اللى هو كان بيعمله انا كنت مصدقه حضرتك اوى وانت بتتكلم فى الحلقه وعنيا دمعت لانى شوفت ده بيحصل فى بيتنا فى يوم من الايام ربنا يرحم والدى ويرحم موتى المسلمين ومعلش لو طولت عليكم

                                تعليق

                                يعمل...
                                X