إعـــــــلان

تقليص
1 من 2 < >

تنويه هام - خاص بساحات السياسة

السلام عليكم ورحمة الله وبركاته



تم اخفاء ساحات السياسة بما انها كانت سبب في فرقة العديد من الاعضاء
ونتمنى عدم التحدث في السياسة في اي ساحة سواء العامة او غيرها
المنتدى منتدى تنموي ديني والالفاظ والكلمات التي استخدمت في ساحات السياسة
اصبحت لا تناسب المنتدى وهدفه .. وتم اتخاذ هذا القرار
في ضوء بقاء الحالة السياسية كما هي في بلادنا العربية
وفي ضوء استعدادنا لاستقبال شهر رمضان المبارك في الأيام القادمة
فكل عام وانتم بخير وبلغنا واياكم شهر رمضان الكريم نشكركم

ونتمنى لكم كل التوفيق

ادارة المنتدى

2 من 2 < >

انتظرونا بعد رمضان

السلام عليكم ورحمة الله وبركاته

انتظرونا بعد رمضان







مع تحياتي
المودريتور الاحمر

شاهد أكثر
شاهد أقل

رأيك يهمنا فى برنامج بكرة أحلى..

تقليص
هذا موضوع مثبت
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31
    هل شاهدت الحلقات الثلاث من برنامج بكرة أحلى؟ ما رأيك في البرنامج حتى الآن؟.. هل مواعيده مناسبة؟ هل موضوعاته شيقة ومحفزة؟ ما أبرز السلبيات قبل الإيجابيات من وجهة نظرك؟

    نعم شاهدت الحلقات.. البرنامج فى منتهى الأهمية.. دا أنا نفسي كل البرامج تتكلم عن الحلول وعن الايجابيات والسبيات لحلها مش جلد الذات أو جلد الأخريين بمعنى أصح.. لأن أللى ما بيعملوش حاجة بيعترضوا وبيتكلموا وبيعطلوا أللى بيشتغلوا وهم: الجيش والحكومة

    طبعا موضوعاته مهمة جدا وشيقة لكن كما قالوا محتاج البرنامج دعاية أكثر من ذلك وخصوصا إن قليل من الناس أللى بتشاهد التلفزيون المصرى حاليا..
    أما المواعيد فهى مناسبة بالنسبة لى.. ولا مانع من ميعاد 8 كما قالوا.. لكن لو فيه إعادة يكون أحسن عشان أللى تفوته الحلقة يبقى فيه معاد تانى

    أما السبيات: فى اللقاء مع الدكتور سمير رضوان كان الأسئلة كتيرة والإجابات غير وافية ما كنش معاها حلول مقترحة مثل مشكلة الدعم لغير المستحقيين.. ما دام السبب عرف فلما لا يحل المشكلة ويمنعه عن مصانع الطوب وما إلى ذلك
    يعنى كان في سرعة لانهاء اللقاء ولعرض جميع الأسئلة لكن الإجابات لم استفد منها واعتقد بسبب المونتاج او حضرتك كنت بتسأل السؤال أللى بعده.. بس أنا أعتقد إنه مونتاج وإن اللقاء غير كامل

    وبعدين عايزين التركيز عن المشاريع الصغيرة مثل الصيد والحرف مش عايزين مصري غير منتج... إما منتجات أو خدمات...

    تعليق


    • #32
      اتمنى ان توجد فقرة لتلقى مكالمات الناس من حضرتك ياد. عمرو
      فكرة تكوين فريق فنى كبير لصناع الحياة على مستوى محافظات مصر كلها اللى موافق يدخل ويايد هذه الفكرة على هذا اللينك


      http://forum.amrkhaled.net/showthrea...post1054662100

      تعليق


      • #33
        اولا برنامج رائع جدا يا دكتور عمرو واول مرة يكون بهذا الشكل فيه شخصيات هامة من قلب مصر وتقارير عن احوال مصر حسب طبعا الموضوع
        فكرة تكوين فريق فنى كبير لصناع الحياة على مستوى محافظات مصر كلها اللى موافق يدخل ويايد هذه الفكرة على هذا اللينك


        http://forum.amrkhaled.net/showthrea...post1054662100

        تعليق


        • #34
          البرنامج بادئ بداية صح
          الأصح الآن تجميع المعلومات عن إننا نشرع في حل الأزمات .. وننتظر منكم المفاجآت في كل ما هو آتٍ آت ..... على الوزن
          سلام

          تعليق


          • #35
            الاهم من ان الناس تسمعة انو يغير حاجة وتاكثيرة ميقفش عند حد الكلام بس عاوزين عمل
            "ربي اشرح لي صدري * ويسر لي امري*وحلل عقدة من لساني يفقة قولي"صدق الله العظيم

            " الهم استخدمني ولا تستبدلني " sigpic

            تعليق


            • #36
              اجازة حب وواجب



              هناك موضوع ها م ارجو من سيادتكم وضعه على جدول اعمال البرنامج اعلم ان هناك العديد من القضايا الهامة لديكم ولكن نظرا لاقتراب الاجازة الصيفية وتردد العديد من الاسر المصرية من اداء الاجازة فى مصر بالرغم من اهمية ذلك لتنشيط السوق المحلى ارجو من سيادتكم تخصيص حلقة او حتى فقرة لطمأنة المغتربين على امنهم فى مصر ودحض المبالغات الاعلامية فى هذا الشأن وايضا وضع برنامج توعية لهم بكيفية التعاون مع اقتصاد البلد وانعاشه اثناء اجازتهم وبعدها وارى ان الوقت مناسب ليتبنى البرنامج حمله بهذا الشأن خاصة وان المصريين بالخارج يريدون المساعدة ولكن يحتاجون للارشاد والتوحد وتحديد الهدف ارجو الاهتمام باقتراحى فلم يعد هناك وقت
              التعديل الأخير تم بواسطة amelali; الساعة 19-05-2011, 09:23 AM.

              تعليق


              • #37
                السلام عليكم
                البرنامج جميل بس محتاج
                انه يكون ا جذاب اكتر
                قادر يوصل للناس العاديه
                لان حلقاته شغل وخاصه الحوار مع ضيف
                وقته طويل ودسم فلازم العرض يراعي الملل ان المشاهد فيبعد ف حته ما حتي لو كان حابب البرنامج
                انا
                بذرة من البذور
                اللي زرعها عالم عامل
                صاحب فضل عليه
                وصانع
                دكتور عمرو خالد
                ربنا يجازيك كل خير عننا

                تعليق


                • #38
                  يكاد يكون هو البرنامج الوحيد اللي بيبني معظم وسائل الاعلام الآن بتثير الفتن و بتطلق شائعات على كل المستويات مش موضوع الفتنة الطائفية فقط و احنا محتاجين حلقة كاملة عن الاعلام و دوره اما عن موعد البرنامج فياريت تكون فيه دعاية اكبر من كده لاني اتلخبطت شوية في مواعيده و يا ريت لو مفيش اعادة للبرنامج يكون ليه اعاده ربنا يعزك و يكرمك يا د.عمرو.
                  sigpic
                  الحمد لله عدد خلقه و رضا نفسه و زنة عرشه و مداد كلماته
                  صلى الله على محمد صلى الله عليه و سلم

                  تعليق


                  • #39
                    إلحق سلبيات &quot;عنوان يشد زي الصحف البنفسجي&quot;

                    ما أراه من إيجابيات وسلبيات في الحلقة من 1 إلى 3


                    الإيجابيات
                    1- البدء بتجميع المعلومات بدل الشروع في حل الأزمات
                    2- لم يقتصر على الشعب فقط ولكن إشراك الحكومة والجهات الرسمية جزء مهم في الحل
                    3- البرنامج يعرض على قنوات مصر الأرضية والفضائية ليشمل مشاهدين الدش والأرضي
                    4- البداية بمشكلة الأمن ثم الإقتصاد بداية موفقة وإختيار سليم لإنها بالفعل أكبر المشاكل حالياً
                    5- تنفيذ فكرة اللجان الشعبية مع الشرطة بهذا الشكل الواسع
                    6- تأثير حسن فبعد لقاء د. سمير رضوان جاء قرار المشير طنطاوي بمراقبة 5 مليارات مخصصات الرئاسة "جيشنا عظيم"
                    7- إسلوب عمر في الحوار الجماعي كويس ما بيسكوتش في الغلط وبينقل على المواضيع اللي تجمع وما بينخرطش في المهاترات الكثير وإسلوب حواره مش جامد لأنه بيتكلم مع كل واحد بشكل مناسب وبالفعل بينقل كل اللي الناس عايزة تقوله


                    السلبيات
                    1- رغم أهمية البرنامج يعرض على قنوات قليلة قناتين فقط حسب علمي
                    2- عمرو خالد لم يحاور د.سمير رضوان بشكل جيد فلم يستفد المشاهد بشكل جيد بسبب سرعة إلقاء الأسئلة وقطع كلامه
                    3- كلمة بكرة أحلى عند الفواصل بتتفكك عن بعضها أنا عارف إنها حركات بس الأفضل تخلوها بتندمج فقط عشان المعنى
                    4- لا يوجد إعادة للحلقات (جيد أنه حلقتين وليست واحدة إسبوعياً) ولكن من لم يشاهد حلقة ألن يتمكن من مشاهدة الإعادة
                    5- إختيار إسم البرنامج بكرة أحلى يتوافق مع إسم برنامج آخر أقدم منه ذلك يجعل البحث عنه في النت واليوتيوب أصعب
                    6- التأخر الدائم في عرض الحلقة الأخيرة على موقع بكرة أحلى يمكن دي إتفاقيات مع القنوات ولكن تظل سلبية
                    7- موقع بكرة أحلى محتاج تعديل أكثر في جزئية الواجب العملي مطلوب تيسيره وتوضيحه أكثر للمستخدم وتقسيمه على حسب الحلقات والزر بتاع إضغط أكثر من مرة لإدخال أكثر من واجب مش حلو يعني مش واضح ولما بنسجل مستخدم جديد بيجي في الرسائل المزعجة يعني الموضوع محتاج إعادة نظر


                    إقتراحات
                    1- فقرة دينية يوجهها عمر للمسلمين وما ينساش المسيحيين في كلامه شكراً للمشاركة رقم 28#
                    2- تعدلوا ما ورد من سلبيات قدر المستطاع
                    3- فقرة صغيرة جداً تقرأوا إيميلين وتاخدوا إتصالين كزيادة مشاركة ولكن بشرط يكون ممن عمل حاجة إيجابية ينشرها
                    4- سهرة البرنامج متأخرة قليلاً وخاصةً عدم وجود إعادة فهو ينتهي الساعة 12 يكون موعد خرافي لو من 9 إلى 11
                    5- الاهتمام بالمشاركة رقم 23# وذكر مشاركة محمود الفرماوي على إنه مثال محترم لإهتمامه ببلده كعبرة للأكبر سناً
                    6- كثرة اللقاءات في الأول مطلوبة بس الفقرة التانية أعتقد هيكون في حاجة بعد كده تخصيصها لنتائج الواجب العملي والتشييك على الواجبات العملية السابقة علشان ما تتنسيش "مهمة جداً" ولقاء واحد بعد كده هيكون كفاية
                    7- ما تسمعش كلام المشاركة رقم 25# علشان لو اتكلمت عن الموضوع ده على إنه كارثة كما تفضلت الأخت هتبقى حكمت على نتائج أمور قبل حدوثها وخاصةً إنهم جعلوها يوم الجمعة مساءاً لعدم تعطيل عجلت الإنتاج

                    أرجو ألا تزعلين مني ياأختي في الله الطالبة رحمة الله
                    هينقلب ناس كثيرون بين مؤيد ومعارض
                    ناس كثيرة جداً كانت مؤيدة في ثورة 25-1 بسبب انتشار الفساد
                    لكن في 27-5 ناس كتيرة هتأيد وهتعارض بسبب ما رأوه من مشاكل إقتصادية حالية

                    عمرو خالد بحبك في الله وكل طاقم الخير بتاعك

                    تعليق


                    • #40
                      مواعيد البرنامج مناسبة جداااااااااااا وممتازة بس حسه انى الديكور مبالغ فيه يا ريت يكون ابسط من كدا نفسى كمان دكتور عمرو خالد ان تعرض مشكلة مع احد الوزراء الذين لهم حكم التنفيذ وتجد حل لاى مشكلة تتحل بجدية مثل ان يضعو قانون جديد حتى يقل سعر الايجار للشقق ليناسب مرتبات الشباب حتى تقيهم من الاخطاء ويتزوجو فى الحلال بدل اللجوء الى الزواج العرفى وما شابه وايضا حل مشكلة ارتفاع مرتبات الموظفين بدل ان يرتشو وايضا ارتفاع اجور المدرسين بدل ما يمصو دمائنا من مرتباتنا ونعيش نحن فى فقر دائم بسبب الدروس الخصوصية وايضا المام المتسولين من محطات المترو والارصفة بدل ما جعلو شكل مصر مهذاله لكل زائر من المناظر الى بنشوفها يجدو لهم مورد رزق ياكلو منه بكرامتهم بدل التسول الى يسىء لهذه البلد العظيمة والمشاكل كثير فالى طلب واحد عرض المشكلة وايجاد حل لها وليس عرض المشكلة ويا رب نفكر فى حل لها اتمنى ان نضع حل لكل شىء وشكرا اخى الكريم
                      ضحيتم بارواحكم لتحرير مصر من الفساد

                      ((الان نتنفس حرية)) ويغلب فى تعاملتنا الان ((الصدق والوفاء والامانه )) يا بختك يا مصر بشبابك وشباب ثورة25



                      sigpic

                      تعليق


                      • #41
                        هو جميل جدا ومعنديش اي تعليق علية
                        بس مش بعرف اشوفة الايام دى عشان عندى امتحانات ومشغولة بالمذاكرة ادعولى بئا يا جماعة ربنا يو فقنى

                        تعليق


                        • #42
                          البرنامج ماشاء الله روعة ربنا يبارك فى الدكتور عمرو ويحميه يا رب

                          تعليق


                          • #43
                            السلام عليكم ورحمة الله
                            البرنامج روعة والدكتور عمرو روعة وعودنا بكل مرة على برامج مفيدة ومحفزة وبتشجعنا وبتخلق بنفسنا روح العمل جزاك الله الف خير دكتور

                            تعليق


                            • #44
                              جزاك الله خيرا

                              اولا جزاك الله خيرا على كل ما تفعله لمصلحة هذا الوطن
                              ثانيا أعجبني البرنامج بشدة لكن المشكلة الاساسية في مواعيد العرض أتمني ان يكون العرض في الثامنة حتى يتسنى للجميع المشاهدة و التركيز في الحلقة و ذلك لان اغلب المهندسين أمثالي ينامون في الحادية عشر و ذلك يجعلنا نرى الحلقة من على الانترنت.

                              تعليق


                              • #45
                                نفتقد الداعيه عمرو خالد

                                نفتقد الداعيه عمرو خالد..
                                هل يمكن ان يرجع مع دوره كمذيع ليكون التأثير اقوى في النفوس؟
                                أليس هناك دروس من الرسل و الصحابه في مثل هذه الفتن و الازمات؟

                                تعليق

                                يعمل...
                                X