إعـــــــلان

تقليص
1 من 2 < >

تنويه هام - خاص بساحات السياسة

السلام عليكم ورحمة الله وبركاته



تم اخفاء ساحات السياسة بما انها كانت سبب في فرقة العديد من الاعضاء
ونتمنى عدم التحدث في السياسة في اي ساحة سواء العامة او غيرها
المنتدى منتدى تنموي ديني والالفاظ والكلمات التي استخدمت في ساحات السياسة
اصبحت لا تناسب المنتدى وهدفه .. وتم اتخاذ هذا القرار
في ضوء بقاء الحالة السياسية كما هي في بلادنا العربية
وفي ضوء استعدادنا لاستقبال شهر رمضان المبارك في الأيام القادمة
فكل عام وانتم بخير وبلغنا واياكم شهر رمضان الكريم نشكركم

ونتمنى لكم كل التوفيق

ادارة المنتدى

2 من 2 < >

انتظرونا بعد رمضان

السلام عليكم ورحمة الله وبركاته

انتظرونا بعد رمضان







مع تحياتي
المودريتور الاحمر

شاهد أكثر
شاهد أقل

الحلقة الأولي: ضعوا أيديكم في يدي...لبناء مصر

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الحلقة الأولي: ضعوا أيديكم في يدي...لبناء مصر

    http://www.youtube.com/watch?v=v-iLT...layer_embedded

    في أول حلقة من حلقات "بكرة أحلى" جاء دوركم يا شباب المنتدى ويا شباب ورش العمل، جاء دوركم للمشاركة في مشروع لبناء مصر.
    الكل من حولنا يتكلم عن الماضي ونحن نتكلم عن البناء للمستقبل، لكني لن أنجح وحدي ولن أحقق شيء وحدي ولن تبنى مصر بجهود فردية، لقد انتهى زمن الفرد الواحد، والمشاكل أكثر تعقيداً من أن يظهر بطل يقوم ببطولة فردية لتحقيق معجزات مذهلة، فقد انتهى زمن المعجزات الفردية، وبدأ زمن المجهودات الجماعية لذلك كان شعار البرنامج" يد واحدة..قلب واحد"

    يا شباب المنتدى نحن شركاء في مشروع واحد منذ عام 2000، نحن شركاء في صناع الحياة وشركاء في ورش العمل وشركاء في 700 ألف حلم منذ عام 2005.

    أنا أدعو كل هؤلاء الشركاء على النت أن يمدوا أيدهم لي لنكون يد واحدة ومطلوب منكم أمرين أساسيين:

    1- المشاركة بكم هائل من الأفكار في فقرة أعجبني ولم يعجبني، ليس في مصر فقط ولكن في كل العالم العربي.
    2- التفكير في مشروع شعبي يحقق فكرة المشاركة المجتمعية لحماية الأمن ومواجهة الإنفلات الأمني.

    فكروا معي كيف نحمي مصر من الإنفلات الأمني، مشروع نتشارك فيه مع الشرطة.
    سأنتظر مشاركاتكم وأفكاركم يا شباب فوراً من خلال كتابتها هنا فى هذا الموضوع..

    وأنتهز الفرصة لأشكر كل من ساعدني في التحضير للحلقة وفي انتظار مقترحاتكم وفيديوهاتكم دائماً..

    بالصور: لقاء عمرو خالد مع د.عصام شرف في بكرة أحلى
    http://amrkhaled.net/newsite/news.ph...w=&id=MjU0NQ==
    ... معاً في طريق التنمية بالايمان...

  • #2
    عزيزى الدكتور عمرو خالد بدون مقدمات عندى فكرة مشروع كبير لعودة الامن للبلاد اعلان الحرب على البلطجية البلطجي الان يخرج المساجين من السجن بالقوة ويهدد القاضى ليصدر احكاما بالبراءة على المجرمين ويروع الناس فى الطرقات اليس هؤلاء اعداء الوطن أليس الدفاع عن المال والنفس والعرض جهادا فى سبيل الله سيدى ان فكرتى هى ان تستضيف فى برنامجك مجموعة من الشيوخ من اتجاهات مختلفة ثم يصدرون فتوى بان التطوع لمواجهة البلطجيه هو جهاد فى سبيل الله وانا على يقين ان هناك عشرات الالاف ممن يطلبون الجهاد فى سبيل الله ألم يعرض ملايين المصريين انفسهم للخطر اثناء ثورة الغضب وكانوا مستعدون للموت بل واستشهد منهم المئات بالفعل الحل هو فتح باب التطوع (بدون اجر لضمان الوطنية) مهمة المتطوعين:حراسة الشوارع ليلا عن طريق عمل دوريات ويمكن تزويدهم باسلحة بسيطة تشل حركة المجرم حتى يسهل القبض عليه على ان يتواجدوا فى مجموعات لضمان الفاعلية ويمكن اعداد برنامج تاهيلى لهم لرفع امكانياتهم طبعا كل ذلك بالتنسيق مع وزارة الداخلية ويمكن جمع اموال ايضا لتوفير هذه الاسلحة لهم من باب الجهاد بالمال واخيرا شكرا لك يا دكتور على محبتك الشديدة لهذا البلد و ارجو ان يكون لفكرتى اى افادة وشكرا

    تعليق


    • #3
      دكتور عمرو خالد انا بمد ايدى وعقلى وقلبى كله ومستعده اضحى باى حاجه
      مقابل انى اساهم فى تطوير بلدى ونهضتها وبنائها بجد كنت فخوره وانا بسمع حضرتك النهارده
      وقلت جوه نفسى ياريت لو كان كل الناس زى دكتور عمرو وبيفكروا بنفس تفكيره العملى واتمنيت بجد ان ربنا يكتر من الناس اللى زى حضرتك
      الناس اللى نسيت كل حاجه وحطت قدامها هدف واحد بس البناء ثم البناء ثم البناء وهو ده اهم حاجه احنا لازم نبصلها الوقتى
      لان بلدنا محتاجلنا ومحتاجه لمجهودتنا وتكاتفنا مع بعض

      انا مش فى دماغى مشروع واضح او فكره واضحه بس نفسى فى حاجه اننا نحقق فعلا فكرة قريبه من فكرة اللجان الشعبيه
      اللى كانت موجوده ايام الثوره اه طبعا مش هتكون موجوده بنفس الكثافه وبنفس المجهود لان الشرطه هتكون موجوده
      بس الغرض من الحكايه دى ان وجود اللجان الشعبيه فى نفس الوقت مع وجود الشرطه وتعاونهم مع بعض هيدى احساس لكل واحد فيهم
      ان لا الشعب يقدر يعيش من غير شرطه ولا الشرطه تقدر تكمل شغلها من غير شعب لانهم الاتنين بيكملوا بعض
      وروح التعاون دى مطلوبه جدا الوقتى لان اما نتعاون ونشتغل مع بعض ده بيساعد على اننا نذيب الخلافات اللى كانت مابينا او حتى هيساعد على تغير الانطباع اللى موجود لاغلب الشعب ومعظمه عن الشرطه


      وكنت كتبت فى الموضوع اللى فات اللى حضرتك كنت عامله عن حلقة المقدمه انى اتمنى جدا ان حضرتك تستضيف المهندس ممدوح حمزه لان مشروعه لحل مشكلة الامن مشروع وهمى بجد حلو جدا هيساعد على وجود روح التعاون دى تكاليفه هتكون بسيطه جدا مش هتاثر على ميزانية الدوله
      ومشروع عملى جدا ممكن يطبق فى وقت قصير اتمنى حضرتك تطلع على المشروع ده وتسمع كلام المهندس ممدوح حمزه عن فكرة المشروع
      والفيديو موجود فى الموضوع الخاص بحلقة المقدمه فى صفحه 14

      ومع ذلك هفكر تانى واحاول اطلع افكار جديده تخص الامن

      وعندى رجاء من حضرتك بجد ياريت حضرتك تفعل مشروع انترنت بلا فتنه تانى فى اسرع وقت لان الفتنه دى بجد لازم نقضى عليها قبل ماتتوسع اكتر من كده
      لانها اكبر خطر على البلد

      وبجد انا فخوره بجد بحضرتك وياريت حضرتك تنشر معاد البرنامج الجديد انه بقى خميس واتنين عشان كل الناس تعرفه
      sigpic
      شكرا ابـــــــــــــــى وملهمــــــــــــــــى د.عمــــــــــرو خـــــــالد


      المشاركة الأصلية بواسطة عمرو خالد
      وعليكم السلام انا يسعدني انك ابنتي يا salma (بسمك ربى) ربنا يرفع عنك الظلم وييسرلك امرك ويريح بالك ويسعدك

      تعليق


      • #4
        مشروع لتطوير وحل مشكلة الامن للمهندس ممدوح حمزه

        ده المشروع اللى انا اقصده للمهندس ممدوح حمزه ونقلته هنا لاسهل على حضرتك عشان لو مكنتش شفت مشاركتى فى الموضوع التانى


        الدكتور
        ممدوح حمزه استشاري هندسي في برنامج مصر النهاردة بتاريخ 10 مارس 2011 يتكلم عن حل رائع يساهم كثيرا في حل مشكلة الامن وارجو سماع كلامة جيدا

        كلامه رائع جدا ياريت فعلا يتنفذ وياريت حضرتك يادكتور عمرو تستضيفه ويعرض مشروعه تانى ونتناقش فيه

        لانه لو اتنفذ يبقى كده اولا حلينا مشكلة الامن والبلطجه فى المناطق وكمان فى خلال الحلقه عرض حل لمشكلة المرور


        وده نص الكلام اللى فى الحلقه انا فرغته عشان يبقى سهل على اى حد يقراه ويفهمه
        التفريغ للمشروع من على لسان المهندس ممدوح حمزه بالنص

        عنده بيانات مجمعها لدراسة المرور فى مدن مصر
        واعاد توظيف البيانات دى بعد كده هما ل42مدينه
        منهم 16 جاهزين تماما وحطهم على النت والهدف منها
        تقسيم كل مدينه لاقسام وكل قسم لمنطقه وشوارعهم بالكامل وفى خرايط ولكل منطقه تليفون اى حد فى المنطقه شاف اى تعدى من اى نوع يتصل بالرقم ده والرقم ده هيكون فى عربية امن ياشرطه او شرطه عسكريه سريعة التحرك تكون فى المنطقه بعد دقايق
        فمثلا اثناء النهار اى حد فى المنطقه دى يطلب الرقم هيكون محدد العربيه السريعه تنتقل ليها
        واثناء الليل لو لقوا اى حادثه يبلغوا على التليفون

        مثلا مدينة اسكندريه قسم المنشيه منطقة سوق الترك انا عندى خرايط زى دى لكل منطقه صغيره(والخريطه متقسمه لشوارع وحوارى وادق اماكن المنطقه ) فالخرايط كلها متقسمه بنفس الطريقه

        وموجود فى كل خريطه اسماء كل شوارع المنطقه ولكل منطقه رقم واحد ولما يحصل اى مشكله نتصل بالرقم يجى فورا لانه هيكون موجود فى نطاق المنطقه

        فكده جعلنا الشعب كله شرطه زى مابيقولوا ايد واحده

        الفكره بقى ان الرقم ده تبان موقعها اللى فى التليفون على خريطه فى قسم الشرطه وكل اللى القسم محتاجه جهاز كمبيوتر متبرمج على برنامج معين وغى تليفون معين بال جى بى اس بيساعد على سهولة الحكايه دى

        ان الرقم ده يتواصل مع الكمبيوتر اللى فى القسم
        فالرقم يظهر فى القسم ويعرفوا ان العربيه اتحركت والكلام ده جاهز للتنفيذ تقنيا وهندسيا من بكره

        والموضوع ده جاهز تماما ل16 محافظه بالطريقه دى منهم
        الزقازيق
        شبين الكوم
        بنها
        القاهره الجديده
        الشيخ زايد
        القاهره الكبرى
        اسكندريه
        المنصوره
        كفر الشيخ
        طنطا
        6 اكتوبر
        القاهره الكبرى
        دمنهور
        طلخا
        برج العرب القديمه
        برج العرب الجديده

        والخرايط جاهزه وموضحه ادق الحوارى والشوارع وكيفية التواصل معاها

        والكلام ده هيبقى عند الجماهير هتنزل الخرايط على النت الواحد يدخل يكتب محافظته ومنطقته يطلعله رقم التليفون الخاص بالمنطقه
        وبيتخصص 4 او 5 من المنطقه فى مراقبه ليليه
        ولو تم الاتفاق مع الداخليه وشركات المحمول هنقدر نحط تليفون لكل منطقه
        وبليل ممكن يبقى فى مجموعه شعبيه من المنطقه تراقب المنطقه وتكون بالتبادل مثلا وتكون مراقبه يعنى مش نوقف كل العربيات بس نراقب من بعيد

        وده هيوفر فى انفاق الشرطه وعدد افراد الشرطه والشعب بيشارك
        والنقطه الجوهريه هى سرعة الاداء لان اول مابتتصل بيجيلك العربيه على طول
        وكل ده موثق وجاهز للتنفيذ فى الداخليه وفى كل الاقسام وكل البرامج والتقنيات جاهزه
        ودى اسرع طريقه نشرك فيها الشعب مع الشرطه من اجل الامن والمشروع ده ممكن يتنفذ فى خلال اسبوع بس من عرضه وموافقة الداخليه عليه
        بس كده

        ده الامن


        اتمنى اتمنى بجد الاهتمام بالامر وتوصيله لدكتور عمرو
        واستضافه المهندس ممدوح حمزه لان فكرة المشروع رائعه
        لو طبقت على ارض الواقع لعتقد هنكسب كتير
        وفى نفس الوقت تكلفتها مش مكلفه ابدا يعنى مش هتاثر على اقتصاد البلد فى الوقت الحالى وميزته انه مشروع سهل انه يتنفذ فى مده قصيره

        وده الفيديو

        sigpic
        شكرا ابـــــــــــــــى وملهمــــــــــــــــى د.عمــــــــــرو خـــــــالد


        المشاركة الأصلية بواسطة عمرو خالد
        وعليكم السلام انا يسعدني انك ابنتي يا salma (بسمك ربى) ربنا يرفع عنك الظلم وييسرلك امرك ويريح بالك ويسعدك

        تعليق


        • #5
          معاك ان شاء الله يا دكتور عمرو خالد وربنا يعينك

          محجوز لوضع الافكار
          انا جتلى فكرة مبدئية لحكاية البلطجية والسارقين اننا فى برنامج بكرة احلى ناتى بنماذج من الناس للبلطجة والسرقة وتابت وامتنعت عن ذلك ونكرمها ونشجعها من احد المسئولين الكبار ونجد لها فرصة عمل شريفة ،اقصد نجيب هذا النموذج علشان نعمل محاولات تاثير كبيرة على كثير من البلطجية والسارقين

          ايوة صحيح ربنا حل لنا هذه النقطة وهى السارق تقطع يده ( فعلا شيئ بيرهب كل السارقين )،ممكن نستضف مفتى الديار المصرية ويتكلم فى هذه النقطة والحكومة تحذر وتقول هننفذ الامر ده فى كل اللى هيتمسكوا سارقين
          فكرة تكوين فريق فنى كبير لصناع الحياة على مستوى محافظات مصر كلها اللى موافق يدخل ويايد هذه الفكرة على هذا اللينك


          http://forum.amrkhaled.net/showthrea...post1054662100

          تعليق


          • #6
            احب اوضح نقطة المشكلة مش ازاى نبلغ عن البلطجية لان البلاغات بتحصل فعلا لكن هناك تقاعس من رجال الشرطة بالفعل لا يمكن انكار ذلك يجوز تنقصهم الشجاعة او بسبب النقص العددى

            تعليق


            • #7
              حبيبتى رانيا اقراى فكرة المشروع اللى انا كتباه فى المشاركه الرابعه كده
              الفكره بتلزم هنا الشعب يبلغ والامن مينفعش يتقاعص لانه بيلزم الامن ان يكون فى دوريات متقسمه فى المناطق ولازم تكون موجوده
              ولو الدوريات مكنتش موجوده فكده بيخالف قوانين شغله وهيكون معرض للعقاب فمعتقدش ان حد هيخالف قوانين شغله
              هى الحكايه محتاجه اعادة تاهيل بصراحه للشرطه وللشعب كمان
              للشرطه فى انها تغير معاملتها مع الشعب عشان بالتالى تغير الفكره اللى هما واخدينها عنهم
              وللشعب انه ينسى اى اساءه جت من ناحية الشرطه فى يوم من الايام ويبداوا صفحه جديده بقى
              sigpic
              شكرا ابـــــــــــــــى وملهمــــــــــــــــى د.عمــــــــــرو خـــــــالد


              المشاركة الأصلية بواسطة عمرو خالد
              وعليكم السلام انا يسعدني انك ابنتي يا salma (بسمك ربى) ربنا يرفع عنك الظلم وييسرلك امرك ويريح بالك ويسعدك

              تعليق


              • #8
                رسالة هامة الى دكتور عصام شرف اتمنى جدا ان تصل اليه :


                السلام عليكم يا دكتور عصام جزاك الله خيرا على مجهودك وكان الله فى العون
                نتوجه اليك بطلب بردو هيكون سبب فى بناء مصر لان هذا الانسان ثروة لبلده وهدفه خدمة دينه ووطنه
                لماذا لا يوجد حتى الان وزير للشباب ؟
                برجاء برجاء تعين دكتور عمرو خالد وزيرا للشباب لاننا نرى انه اصلح فرد لهذه المهمة فهو كم شعر بمعانات الشباب ومشاكلهم وعندما يكون فى هذا المنصب هيكون عنده سلطة لتنفيذ مشروعات واشياء كثيييييييرة تنفع شباب مصر


                فكرة تكوين فريق فنى كبير لصناع الحياة على مستوى محافظات مصر كلها اللى موافق يدخل ويايد هذه الفكرة على هذا اللينك


                http://forum.amrkhaled.net/showthrea...post1054662100

                تعليق


                • #9
                  أمى سعيدة جدا بهذا البرنامج وعايزة تشارك معاكم
                  اقتراح والدتى مدام زينب أبو غنيمة لحلقة الامن :


                  1- هى بتقول نعمل مشروع وظيفى باجور على مستوى كل المحافظات للشباب اللى مش بيشتغل فى مصر سواء من شباب الثورة او غيرهم ، يعنى هؤلاء الشباب يشتركون مع الشرطة فى الحماية الامنية لمصر ويتم توزيعهم على اماكن كثيرة فى مصر ،مع العلم بضرورة عمل دورات تدريبية للحماية الامنية واستخدام السلاح ..........الخ لان مش كل هؤلاء الشباب خريجين كلية الشرطة



                  2- الاقتراح الثانى لوالدتى بتقول :
                  كل عمارة فيها شباب بدون وظيفة او غير الشباب العمل فى وظيفة امن فى مدخل العمارة لحمايتها وتكون ديه وظيفته بالتبادل مع شباب العمارة الاخرين يعنى ممكن كل واحد ياخد يومين على حسب ،ويتعمل صندوق امنى يتجمع فيه نقود من سكان العمارةيعنى كل واحد شقة تدفع 5جنيهات او عشر جنيهات وتوضع فى الصندوق وديه لدفع اجور وظيفة امن العمارة

                  التعديل الأخير تم بواسطة رحاب عبد الظاهر; الساعة 15-05-2011, 07:07 PM.
                  فكرة تكوين فريق فنى كبير لصناع الحياة على مستوى محافظات مصر كلها اللى موافق يدخل ويايد هذه الفكرة على هذا اللينك


                  http://forum.amrkhaled.net/showthrea...post1054662100

                  تعليق


                  • #10
                    السلام عليكم استاذي انا بنت من بلد اتعبه الانفلات الامني لثمان سنوات احاول ان اقدم شيئ من تجربتي المتواضعة

                    1- يجب الاهتمام بالدرجة لاولى بحدود مصر لانها ملاذ لكل مجرم يقترف ذنب ويقرر الفرار
                    2- لابد من عيون امينة تخشى الله تندس بين الناس تراقب مثيري الفتن والمحرضين على القتل وسفك الدماء
                    3- يجب ان تكون هناك حملات اعلامية توعوية للشعب
                    3- يمكنكم الاستعانة بالقبائل العربية المصرية مع عدم اعطائهم مساحة كبيرة
                    4-حملات تفتيش واسعة النطاق على الاسلحة الغير مرخصة
                    5- اهم شيئ هو التنسيق بين هذه النقاط والتوفيق من عند الله
                    استاذي استفاد من الشباب الصغير الذي لم يتجاوز العشرين ففهيم طاقة خلاقة يمكن استغلالها بالخيروجمع المعلومات
                    تمنياتي لامنا مصر بالامان والنصر على اعداء الامة فمصر مجاورة لفلسطين ولن تترك لتكون مصدر قلق لاسرائيل لذلك الحمل كبير والمسؤلية اكبر وفقكم الله لما فيه خير هذه الامة


                    إشتقت لك ياأبي


                    ياأبن أدم لد للموت واجمع للفناء وابني للخراب

                    التمس لأخيك سبعين عذرا فأن لم تجد فلم نفسك

                    تعليق


                    • #11
                      السلام عليكم دكتور عمرو كم اعجبنى حلقة الأمس وحسيت اد اية بشزققك لاضافة شىء يحسب لك فى نهضة الأمة وحرقتك الشديدة انا يا دكتور عمرو مستعد اضع يدى فى يدك وتبدأ معاا ........دكتور عمرو اتمنى ان تشارك معنا هنا عل منتدى كما عودتنا من قبل حيث اعتقد ان الكثير من الاعضاء يفتقدون لطريقة التواصل ياريت تكلم معانا يا دكتور عمرو وترد عل مشاركان ولو بشكل بسيط....ونشكرك ....دكتور عمرومشكلة الامن فى بلدنا هى قلة عدد الشرطة .وثانيا عدم رغبتهم فى العمل بضمير .كانت الحكومة قد اقترحت من قبل تشغييل الاف الخريجيين فى الشرطة من كليات الحقوق وغيرهاا صراحة لا أعرف لماذا لم ينفذ حتى الان .........مع ان هذا المشروع كان سيفيد الدولة ويقلل البطالة بشكر كبيير ويكفى للامن .......حيث لدينا الكثير من الشباب الخريجيين على القهاوى او لا يفعلوا شيئا ...الفكرة انهم يزودا النقص ويفيد ...اما بالنسبة لموضوع الثقة فالازم الاخلاق تتغير وميبأش فى تعميم والشرطة تعامل المواطن العادى بحب وبضمير لان دة عملة والاهم عشان يراعى ربنا فى شغلة .وتفرق بين الناس العادية والبلطجية فى اسلوب المعاملة .اما بالنسبة للشعب يجب ان يضع ثقتة فى الشرطة ولا نعمم مش كل الناس وحشة ولازم نقدرهم ونديهم فرصة يشتغلوا بضمير بقترح نعمل يوم فل أسبوع كل فى منطقتة ينزل يسلم على الشرطة فى منطقتة عشان يحسوا ان الناس مش كارهاهم وبتحبهم .....والموضوع مش حيكلف يعنى الفكرة توصيل رسالة ليهم اننا بنحبهم .واخيراا اتمنى بجد يا دكتور عمرو ترجع تعمل برنامج الاخلاق الذى توقف لانو مهم أوى ....واخيرا اناكنت محتاج اكلم حضرتك يا دكتور عمرو ومش عارف ياريت أعرف رقم موبايل حضرتك الخاص .ودة ايميلى lifemaker2010*live.com ......أتمنى حضرتك تكلمنى....لانى محتاج اكلم حضرتك ضرورى ....وحرجع اققول ياريت حضرتك تتواصل معانا أكتر..........
                      التعديل الأخير تم بواسطة على أحمد القرش; الساعة 14-05-2011, 12:19 AM.
                      sigpic
                      السعادة دواء القلب , السعادة دواء الروح ,السعادة دواء النفس . السعادة دواء للحياة...نفسك تكون سعيد (جرب رحلتنا فى رمضان مع دكتور عمرو خالد. )

                      تعليق


                      • #12

                        السلام عليكم ورحمة الله وبركاتة

                        أحييك دكتور عمرو على روح التعاون والخوف على مصرنا الحبيبة والقيام على نهضتها
                        وتشجيعك الدائم لشباب وروح التعاون الى حضرتك بتزرعها فيهم

                        مفيش اقترحات او أفكار في الوقت الحالى عندي
                        لكن اويد فكرة بسمك نحيا وهو مشروع دكتور ممدوح حمزه
                        وكمان اقتراحات أختنا رمضة

                        والله الموفق

                        تعليق


                        • #13
                          السلام عليكم و رحمة الله و بركاتة
                          هى الحلقة جات أمتى أمبارح كان فى ماتش ع التانية ؟؟
                          اللهم أني أسألك حبك و حب من أحبك و حب عمل يقربني إلى حبك ، اللهم ما رزقتني مما أحب فإجعلة قوة لي فيما تحب ، و اللهم ما أخذت مني فيما تحب ، فأجعلة فراغا لي فيما تحب..
                          " رب هب لى من لدنك عملا صالحا يقربنى إليك"

                          تعليق


                          • #14
                            جزاك الله خيرا دكتور عمرو الحلقة رائعة وكشفت حقائق كتيرة وقربتنا اكتر من المشكلات التي عرضتها انا ارى ان حل الامن في المجالس العرفيةوالمجالس العرفية موجودة في كل مكان في مصر وبيكونوا نا س موثوق بيهم من اهل الحي او القريه او الشارع ممكن الناس دي تساعد الامن وبشكل رائع لان كل مجلس بتكون كلمته نافذة
                            || يَـآربي لَكَ الحَمدُ كَمآ يَنْبغي لجلآل وَجهِكَ وعَظيمِ سُلطآنك ~


                            "سُبحآنك ربي ,, لا إله إلا انت,,اسْتَغفركَ وأتوب إليك "

                            تعليق


                            • #15
                              المشاركة الأصلية بواسطة رانيا محمد صالح مشاهدة المشاركة
                              فكرتى هى ان تستضيف فى برنامجك مجموعة من الشيوخ من اتجاهات مختلفة ثم يصدرون فتوى بان التطوع لمواجهة البلطجيه هو جهاد فى سبيل الله وانا على يقين ان هناك عشرات الالاف ممن يطلبون الجهاد فى سبيل الله ألم يعرض ملايين المصريين انفسهم للخطر اثناء ثورة الغضب وكانوا مستعدون للموت بل واستشهد منهم المئات بالفعل الحل هو فتح باب التطوع (بدون اجر لضمان الوطنية) مهمة المتطوعين:حراسة الشوارع ليلا عن طريق عمل دوريات ويمكن تزويدهم باسلحة بسيطة تشل حركة المجرم حتى يسهل القبض عليه على ان يتواجدوا فى مجموعات لضمان الفاعلية ويمكن اعداد برنامج تاهيلى لهم لرفع امكانياتهم طبعا كل ذلك بالتنسيق مع وزارة الداخلية ويمكن جمع اموال ايضا لتوفير هذه الاسلحة لهم من باب الجهاد بالمال
                              السلام عليكم بارك الله فيك يا استاذنا الحبيب ويارب يكتر من امثالك فى بلدنا الحبيب فعلا فكرة رانيا جميله وعمليه وممكن يتم التنسيق مع المحافظين كل واحد يهتم بمحافظة ويؤدى الواجب الى عليه مش شويه شجر ونافورات هما واجبه ممكن "يبقى فى رقم لكل محافظه يتصل بيها الشباب المقيمين فى المحافظه وتتجمع اسمائهم ويتقسموا على دوريات او تقسم المحافظه حسب مراكزها والمركز هو يقسم الشباب بحيث يكونوا قربين من بلادهم الموضوع دة مفيد لان اهل البلد هيكونوا عارفين كويس من البلطجيه فى منطقتهم وكمان يلهى الشباب من الفتن والملل والبطاله حتى لو من غير اجر ولو باجر بسيط طول عمرنا نسمع عن مجلس المدينه ومجلس المحافظه وعمرنا ما شفناة ليهم اى دور جاء الوقت الى يكون ليهم دور فى تنسيق المجموعات دى "
                              عارف يا دكتور انا طول عمرى باحلم انى ابقى رئيسه جمهوريه او محافظه بس ابقى مسؤله عن منطقه معينه واقعد مع نفسى واعمل اجتماعات وكنت بعمل مشاريع علشان نطور البلد وكنت بعمل لقاءات فى التليفزيون واكلم الناس وخاصه الشباب
                              اول حاجه كنت هعملها هى انى اعين حضرتك وزير للشباب
                              وطلبت من وزير البحث العلمى انه يعمل حصر لكل الابحاث العلميه وبراءات الاختراع الى ممكن تتنفذ فى البلد وخاصه الى عن الزراعه
                              وطلبت من وزير الراى والزراعه انهم يوصولوا الماء للمناطق الصحراويه الى عاوزين نزرعها ونصتصلحها زى توشكى وكنت بقول ان احنا لازم نعمر توشكى بالماء والخدمات صرف ومياء ومحلات تجاريه وسوبر ماكرت وبعد كدة نطلب من الشباب انه يعمرها بالزراعه مش نرميهم هناك من غير اى معونه
                              وكنت ناويه اعمل مسابقه بين الشباب والبنات انى هعطى كل واحد فيهم ارض صحراء يزروعها بس هما مفصولين عن بعض تماما مفيش اى اختطلات بس ممكن ومدينه البنات تكون متامنه تمام علشان اهلهم ميخافوش عليهم مع وجود بعض العمال للمساعدة ونشوف فى اخر المسابقه مين الى هيزرع ارضه ومحصوله يكون افضل
                              وكنت هعمل بردوا وزارة مضادة دى فكرة فيها ان يكون لوزارة معينه زى وزارة القوى العامله او الخدمه الاجتماعيه وزارة مضادة من الشباب يعنى كل موظف هيكون فى موظف زى بس شاب ونشوف مين فيهم الى هيخدم الناس اكتر والى هيخدم اكتر هو الى هيستمر والخاسر طبعا يروح بيته
                              وحاجات كتير بس طبعا مش هكتبها كلها دى كانت جزء من خططى ممكن تكون خياليه شويه بس مين عارف يمكن يتكتب ليها انها تحقق ان شاء الله يااااااااااااااااااااااااارب حتى لو كان حد غير هو الى هيحققها بس المهم انها تحقق

                              تعليق

                              يعمل...
                              X