إعـــــــلان

تقليص
1 من 2 < >

تنويه هام - خاص بساحات السياسة

السلام عليكم ورحمة الله وبركاته



تم اخفاء ساحات السياسة بما انها كانت سبب في فرقة العديد من الاعضاء
ونتمنى عدم التحدث في السياسة في اي ساحة سواء العامة او غيرها
المنتدى منتدى تنموي ديني والالفاظ والكلمات التي استخدمت في ساحات السياسة
اصبحت لا تناسب المنتدى وهدفه .. وتم اتخاذ هذا القرار
في ضوء بقاء الحالة السياسية كما هي في بلادنا العربية
وفي ضوء استعدادنا لاستقبال شهر رمضان المبارك في الأيام القادمة
فكل عام وانتم بخير وبلغنا واياكم شهر رمضان الكريم نشكركم

ونتمنى لكم كل التوفيق

ادارة المنتدى

2 من 2 < >

انتظرونا بعد رمضان

السلام عليكم ورحمة الله وبركاته

انتظرونا بعد رمضان







مع تحياتي
المودريتور الاحمر

شاهد أكثر
شاهد أقل

بر الوالدين الجزء (1،2)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • السلام عليكم...
    أخي الحبيب الأستاذ عمرو:
    حلقه انهارده وجعتني أوي أوي لأن لقيت ان انا كل الأشكال من الشباب اللي حضرتك قلت عليهم بس الموضوع ده مع بابا لكن امي لالالالالالالالالالالا لانها هي كل حاجه في حياتي هي النور اللي منورلي حياتي ولولا وجودها كان زماني انتحرت من زمان....- ميعاد السب بالأباء والأمهات عمري معملتها ولا سمحت لحد يمسهم بكلمه- المهم:
    حضرتك مردتش على ولا تعليق من تعليقاتي ومش عارفه إذا كان ده بسبب مشاغل حضرتك وارجع تقول بس هو رد على ناس تانيه وبزعل بس برجع اقول لأ ...حضرتك مش بترد عليا لأني وحشه أوي أوي وربنا مش راضي عني ولا يمكن حضرتك ترد على واحده زي لأني فعلا وحشه أوي وبصراحه ما أستهلش اصلا اني أعيش و حضرتك وجعتني اكتر مما تتخيل بالحلقه دي بس والله مش عارفه اعمل ايه في نفسي؟ انا كل عاقه ببابا وعرفت كده انهارده من الحلقه لكن امي الحمد لله راضيه عني لكن بابا معرفش لأنه عمره ما أهتم بالموضوع ده عادي يعني بالنسبه لي يبقى راضي ولا لأ ؟ لأنه راضي زي مش راضي في معاملته معايا نفس الطريقه في الحالتين. هو معلمناش انه في حاجه اسمها بر الأب واعتقد اني لو سألته انت راضي عني ولا لأ مش هيعرف يعني قريبه منه بعيده عنه مزعلاه مصلحاه مش قضيه اساسيه تشغل باله أصلا...
    لكن........
    بالنسبه للسبع حاجات حاولت اطبقهم عليا لقيت اني بعملهم مع ماما علشان كده هي راضيه عني وانا بحبها اكتر من اي حاجه تانيه ومش عارفه لو حصلها حاجه انا هعمل ايه ولا هجيب صبر منين.. مش دي القضيه المشكله تكمن في بابا يعني مثلا انا جربت اشاوره بعد الثانويه العامه ودي على فكره كانت اول مره مش لأني مش رافضه اشاورهم بس لأن قبل كده مكانش في في حياتي شئ مهم استشيرهم فيه... انا سألته سؤال واحد انا عايزه ادخل كليه فنون جمليه أيه رايك فقالي لأ لأن الرسم مالوش مستقبل ومش هتلاقي تاكلي بعد كده فقلتله ان ده حلمي حياتي اني اعمل افلام كرتون او جرافيك للأطفال تفيدهم وتعرفهم القيم والأخلاق .......
    تخيل حضرتك يكون رده ايه؟ قالي ده اخر كلام عندي وهتدخلي كليه تربيه انجليزي وتبقى مدرسه وده احسنلك وخلص الكلام على كده فين انا بقى وفين راي وفين موهبتي اللي ماتت دلوقتي طبعا وفين وفين ...طبعا سمعت الكلام لأن لقيت ان امي مع بابا في الرأي ده وانه هو اللي بيصرف عليا وهو المتحكم وقبل كل ده لأني كنت خايفه ربنا يغضب عليا...
    ومن بعدها حلفت ما انا واخده رايه في اي حاجه لأن مادام كده الرأي رأيه يبقى ايه فايده الأستشاره... لكن امي وطريقنها في اظهار رأيها حاجه تانيه يعني مثلا في موضوع الكليه قالتلي مش لازم تشتغلي مدرسه وكلمتني كتير علي ان اللغه مهمه في زمانه ده وانها خايفه عليا لو دخلن كليه بعيده مش هتبقى مطمنه عليا حضرتك شايف الفرق... بابا حايته اوامر وهو كده إذا كان عاجب لكن ماما بالحب والحسنى بتقنعني ومش باخد غير رايها من يومها ولو قالتي لا على حاجه بنفذها على طول لأن لو منفذتهاش الدنيا بتخرب من غاضبها عليا فالحمد لله اتعودت اسمع كلامها في كل حاجه وبقتنع برأيها علىشان ربنا يرضى عنى.... بالنسبه للنقطه التانيه وهي اني أصبر عليهم والله عملتها كتيييييير لحد لما لقيت ان مفيش فايده مع بابا .... مش هتكلم عن ماما لأنها ملاكي والحمد لله بنفذ معاها كل النقط السبع لكن نتكلم عن بابا ... والله العظيم صبرت عليه كتييييير جدا وكنت بادعيلوه بس مفيش فايده ويأست انه يتغير لأنه بيعتبر صبرنا ده خضوع ليه وان احنا مذلولين ليه علشان هو اللي بيصرف وهو مش عارف ان ربنا بيرزقه علشانا المهم انا بعيد عنه دلوقتي وكنت حاكيت المشكله دي قبل كده ومش عارفه اذا كان هو اللي طردتني ولا انا اللي حساسه زياده عن اللزوم و انا بعيد كده علاقتنا كويسه بس فاتره يقولي ازيك اقوله الحمد لله في التليفون بس ومشكلته حاجه كمان انه مريض فلما بيكون تعبان بيكون كويس معانا ولما بيكون بصحته ........ ربنا بقى اللي عالم بيه.. لكن انهارده بعد الحلقه اتصلت بالنيت وكلمته وقالي انه كان تعبان امبارح وقولتله سلمتك بس مكنتش حاسها لكن قولتها علشان افتح بابا بينا ....... بس مره والله مكنت اعرف وربنا يسمحني والله ماكنت اعرف بصيت له بصه وحشه بصراحه بصه غيظ وغل بس والله مكنت اعرف ان عقوبتها كبيره ادعيلي ربنا يسمحني والله مكنتش عارفه ان عقوبتها كبيره كده.... المشكله اني عصبيه وصبري نفذ ومع والدي الصبر ده شئ خيالي وحاسه ان ربنا زعلان مني ومش عارفه اعمل ايه؟؟
    بالنسبه لنقطه السؤال على اخبارهم الحمد لله بطمن على امي كل يوم وادعيلها ربنا يشفيها لكن بابا مره حاول يقرب مننا فكنت بساعده وكنت بساله عن اخباره وعمل ايه في القضيه الفلانيه وعمل ايه في الموضوع الفلاني وكنا كويسين ومع الوقت من تصرفاته مع امي ومعي ومع اخواتي بعد تاني عني وجيه في خناقه هد كل اللي كنت بابنيه معاه الحمد لله اطردت من البيت وبقضي رمضان في شقه عمتي بعيد عن ماما واخواتي وطبعا مفيش ادنى احساس برمضان او العباده او اي حاجه ... انا زفت في العباده وحاسه ان ربنا طفى نور وشي والدنيا سوده في وشي ورمضان بيضيع مني ومش عارفه اعمل حاجه انهارده 19 يعني خلاص خلص وانا زي الزفت ومعملتش حاجه ربنا ينولني بيها ليله القدر والصلاه بايظه والقرآن بالعافيه وحياتي مدمره وخايفه اموت كده وادخل النار وحتى اخلاقي اصبحت زقت وقررت اعتزل العالم علشان ماظلمش حد معايا بسلوكي والنقط الباقيه شرحه يعني كنت بساعدهم على اد ما أقدر وكنت بهذر مع ماما لكن بابا لأ لأن الهذار بالنسبه ليه قله أدب وكل عيد او رمضان او اي مناسبه كنت باتصل باقاربهم وكانت ماما تفرح اوي وتفتخر بيا لأني بصل الرحم وان ازي هي عرفت تربيني لكن بابا مكانش بيحب كده لسببين اولا لأن كده فاتوره التليفون هترفع ولأنه بيظهر في الحاله دي انه مقصر في حاقهم....والدعاء ياااااااااه ياما ادعيتلهم ربنا يهديهم لدرجه اني فقدت الأمل انه ينصلح حاله..... بس دلوقتي المشكله اصبحت فيا اني خلاص مبقتش بدعي لربنا في اي حاجه حتى لو حاجه ليا انا بقيت باتكسف ادعى وانا ماستهلش يبى ليا رب زي ربنا وبسبب كل اللي بعمله من ذنوب ومعاصي بس خايفه ادخل النار وحلقه انهارده كملت عليا يعني بقيت عاصيه وعاقه .....كده انا هالكه لا محاله ادعيلي يأستاذ عمرو ربنا يرزقني توبه ويهديني وبالرغم من ده كله سمعت كلام حضرتك وبعت رساله لماما بقولها وحشتيني واتصلت سألتها هي راضيه عني ولا لأ والحمد لله راضيه عني لكن مش راضيه عن بعدي عنها والموضوع ده ان إن شاء الله هحله علشان خاطر عيونها وزي مقولت قبل كده لما عرفت ان بابا كان عيان كلمته وقلتله سلامتك وكلمت اخواتي وسلمت عليهم حضرتك متعرفش ارتحت اد ايه بعد المكلمه دي كنت حاسه ان قلبي بيرقص والله بالظبط وكنت مزعله ناس تانيه مني- مش بقول لحضرتك اني وحشه- والحمد لله اتصلت صالحتهم ........ كل اللي اتمناه من حضرتك انك تدعيلي بس.............................

    تعليق


    • السلام عليكم ورحمة الله وبركاته يا أستاز /عمرو خالد
      الحقيقة لما سمعت حلقة حضرتك بكيت لأن للاسف75%من الكلام اللى حضرتك قلته عن العلاقة بين لأبناء والأباء مش موجود فى بيتنا والحقيقة السبب فى دة البيت كله من أب وأم وأبناء وللأسف مش الأب والأم بس اللى المفروض يعرفوا اللى عليهم واللى مش موجود الأبناء يكملوا أحيانا بيكون من الأجداد كمان اللى عارفين أن أبنائهم ليهم أسره وبيت وأولاد ومع زلك مش بيقدروا دة وأحيانا الأجداد بيكونوا رافضين أن الأب والأم يهتموا بأولادهم زى ما يهتموا بيهم هما ومع والحالة عمرها ما وصلتنا لأستقرار فى البيت من أى زاوية


      لو سمحت يا أستاز عمرو تقوللى طريقة أحل بيها المشكلة دى وأنا فى إنتار ردك (ضرورى)


      وجزاك الله عنا كل خير إن شاء الله

      تعليق


      • المشاركة الأصلية بواسطة حفيد العمرين مشاهدة المشاركة
        بسم الله الرحمن الرحيم
        الحمد لله وحده والصلاة والسلام على من لا نبي بعده
        حبيبي وأستاذي عمرو
        جزاك الله خيرا على هذه الحلقات والذي نفسي بيده إن هذه الحلقات لها أهمية كبرى لنا نحن الشباب لأن من اختلاطي مع بعض الشباب ولله الحمد أرى بعضهم من الذين يتتبعون بر الوالدين بالخطوة وبهذا يكونون قد أفلحوا وتقبل الله عبادتهم
        ومنهم وللأسف يكون شاب متدين متحمس ولكن أبواه غير متدينون فيكن لهما أشد العداء ويكون لهما من أشد الخصام مع أنه يصلي وهو صوام قوام ولكن قد نسي قول الله تعالى وعاشرهم بالدنيا معروفا
        والله إن أحد الشباب أبواه يفضلان اخوته البنات عليه فلذلك ترك الفطور ببيته وذهب
        إلى أصدقائه لكي يفطر معهم
        هذا حال الشباب إن كان أبواه غير متدينين يقوم عليهم ولا يقعد ونس وصية حبيبي رسول الله عندما جاءه رجب وقال له يا رسول أي أحب الاعمال إلى الله قال الصلاة على وقتها فقال الرجل ثم أي قال رسول الله بر الوالدين ثم قال الرجل ثم أي فقال رسول الله الجهاد في سبيل الله..
        لقد فضل الله البر للوالدين على الجهاد في سبيل الله
        فجزيت خيرا على هذه النقاط التي سنطبقها إن شاء الله ونحن نطبق بعضها ولله الحمد
        جزاك الله خير
        السلام عليكم ورحمة الله وبركاته

        أنا سعيد باستمرار تواصلك معنا وارجوك بلغ اي شاب متدين أن بر الوالدين فريضة من أكبر الفرائض في الاسلام ثم ما قيمة أداء سنن ونوافل كثيرة إذا كنت مضيع لفريضة من أكبر الفرائض . قل لهم أن سوء معاملة الوالدين بحجة أنهم غير متدنين أو يفعلوا المعاصي هو في حد ذاته معصية أكبر من معاصيهم هم انفسهم . قل لهم أن هناك مفهوم خاطئ عند بعض الشباب المتدين عندما يجد أهله غير متدين وينسي قول الله وصلحبهما في الدنيا معروفا. أنا لا ادري كيف ضحك الشيطان على هؤلاء الشباب وجعلهم وهم في قمة التدين يفعلون اشد المعاصي وهي عقوق الوالدين .. لذلك ارجوك يا اخي أنشر حلقة وفكرة بر الوالدين بين الشباب المتدين وغير المتدين
        ... معاً في طريق التنمية بالايمان...

        تعليق


        • المشاركة الأصلية بواسطة لقاء مع السعادة مشاهدة المشاركة
          بسم الله الرحمن الرحيم
          جزاك الله أف خير يا أستاذنا الفاضل ... يعجز اللسان عن شكرك ولكن أفضل طريقة لشكرك هي أن ندعو لك وفقنا الله وإياك ...
          شعرت من هذه الحلقة أنها رؤوس أقلام فخير الكلام ماقل ودل صحيح أنها عبارات قليلة لكنها مفيييييييييييييييييييدة جدا ....
          أنا والدي توفي من 11 سنة ووالدتي من 10 أعوام ولكن هذا لايعني أن لاواجب علي اتجاههما بالعكس أنا والحمدلله أواظب على الدعاء لهما وانت جزاك الله خير نبهتني لحاجات ثانية زي السؤال على أصحابهم ....
          اللهم بلغنا ليلة القدر
          أختى الغالية أ,لا سلامي لأخوتي وأهلي في الجزائر .. ثانيا رحمة الله على اباك وأمك .. يارب يكتبهم اللية من أهل الجنة ويجعل قبورهم الليلة روضة من رياض الجنة ويفتح لهم في قبورهم الليلة ابوابا إلي الجنة واعلموا أن هناك اربع اشياء تصل يقينا باجماع العلماء إلي الميت ويعرف من الذي ارسلها ويفرح بها ويتنقل بها من حال إلي حال وهذه الاشياء الاربعة هي .. الحج والعمرة والصدقة والدعاء فاكثري منهم
          ... معاً في طريق التنمية بالايمان...

          تعليق


          • المشاركة الأصلية بواسطة marwa salh مشاهدة المشاركة
            السلام عليكم ورحمة الله وبركاته
            استاذنا الفاضل عمرو خالد جزاك الله خيرا على كل هذا الخير الذى تفعلة فعلا ربنا بعتك لينا نحن شباب المسلمين لتنقذنا من الغفوة اللى كنا فيها انا مش عارفة الصراحة ابدا ازاى لان دى اول مرة اشارك فى هذا المنتدى ولان فعلا حياتى كلها اتغيرت من ساعة مابدات اتابع حضرتك والبرامج اللى بتقدمها اتحجبت وبصلى وبقيم ليل انا كنت فعلا اعرف ولاد من ورا اهلى بس الحمد للة كلامك فوقنى وبدات اتقرب من ربنا اكتر والحمدلله ربنا بيكرمنى اخر كرم بجد رببنا بعتك لينا انت قدوة ومثل اعلى انا بتمنى اتزوج بشخصية مثل حضرتك ربنا يكرمك يارب ويجعل كل هذا فى كيزان حسناتك

            اختك / مروة من مصر
            يا مروي أنا بدعيلك في هذه الليلة أن ربنا يثبتك ويحفظك ويرضى عنك ويبلغك ليلة القدر ويرزقك الزوج الصالح الذي يسعدك في الدنيا والاخرة
            ... معاً في طريق التنمية بالايمان...

            تعليق


            • المشاركة الأصلية بواسطة maramero2006 مشاهدة المشاركة
              الحمد لله ما طلعتش وحشه قوى
              بس فى حاجه
              انا عندى رضا ابى بس مجرد وسيله لرضا ربنا عليا
              يعبى شايفه انى استكمالى لسعيى نحو ربنا ماينفعش ينقص بر الوالدين
              بالرغم من انه عصبى جدااااااااااااااااااااااا
              وللاسف فى حاجات كتيييييييييييره مش بتعجبنى فى بيتنا الا انى باحاول على قد ما اقدر
              ينقصنى الصبر عليه لانى احيانا ابدى ضيقى منهم لكن والله غصب عنى( لمل بيزيد بيا)
              ادعولى
              أحيانا من يعيش في بيت ملئ بالمشاكل فيصبر ويتقي الله ويبر اباه يكون اعظم ثوابا من الانسان البار في بيتا هادئ بلا مشاكل .. لان من يعيش في بيت فيه مشاكل يكون له اجران أجر البر وأجر الصبر واحتمال المشاكل ويكون بره لبيته جهاد في سبيل الله ويكون الاجر على قدر المشقة فقد تكوني أكثرنا ثوابا بصبرك على قسوة أهلك ..
              ... معاً في طريق التنمية بالايمان...

              تعليق


              • المشاركة الأصلية بواسطة حتى يغيرو ما بأنفسهم مشاهدة المشاركة
                [align=center]السلام عليكم ورحمة الله وبركاته
                أستاذى الجليل وشيخى و معلمى و حبيب قلبى أستاذ/عمرو
                يمكن حضرتك مش عارفنى لكن انا بقى عارفك كويس أوووووووووووووووووووى يا أستاذ/عمرو أصل انا زى ما بيقولوا كده انا من الرعيل الأول من صناع الحياة فى المنصورة و لله المنة و الفضل
                أما التعليق الأول عن البرنامج فحدث ولا حرج ما شاء الله و لا قوة إلا بالله
                يعنى زى ما عودتنا يا أستاذ عمرو جهد و تعب و اخلاص (نحسبك كذلك ولا نزكى على الله أحداً) و يليه الفتح من الفتاح الذى له المنة و الفضل و على فكرة الشباب هنا فى المنصورة يلخصوا البرنامج و يوزعوه على الناس و الحمد لله فيه تجاوب بنسبة جيده
                جزاكم الله عن الأمة الاسلامية خيراً و الله يا ريت الناس كلها تتفرج على البرنامج و تطبق و لو ان الناس بتقول الحاجات دى صعبة أووووى لكن لو ما طبقناش فى رمضان.......هنطبق امتى
                أما عن الاستفسار كنت بس نفسى أعرف المصادر اللى حضرتك بتحضر منها خصوصاً ان الواحد - ان شاء الله - كلها سنتين تلالته و أخطب و الواحد عايز يتبحر فى الموضوع لعل الله يكرمنا بالتوفيق فى أسرنا
                اما اللوووووووووووم اللى عايز ألووووووومه على حضرتك انى مش بعرف أذاكر خالص و حضرتك فى التلفزيون لكن هأعمل أيه مضطر أسامح حضرتك بس بشرط واحد ان حضرتك تدعى لى ان ربنا يكرمنى فى الامتحانات و يبارك لى فى وقتى
                أما التعليق الأخير فأنا بس كنت بستفسر عن تركيز المصور على وجوه البنات فى البرنامج يعنى أنا بيتهيئ لى ان الموضوع ده مش مظبوط اوى و يارت الأخ المصور يأخد باله ان فى شباب بيتفرجوا على البرنامج و خاصة اذا كان المصور بيصلط الكاميرا على الأخوات الغير محجبات -أعاننا الله و اياكم عل غض البصر - طبعاً أنا ما عنديش أى مشكله ان الجمهور يبقى متنوع و من كل الفئات بس تركيز الكاميرا على وجوه الفتيات ده صعب شوية يعنى دى نقطة مهمة .................على أد فهمى.............. ياريت يا أستاذ/عمرو حضرتك ترد عليا يعنى نقطة مخبيش على حضرتك مدايقانى شويتيين[/align]
                جزاكم الله خيراً يا أستاذى الجليل
                أخي الحبيب .. أولا اسال الله تبارك وتعالي أن يرضى عنك ويسعدك وينجحك ويبلغك ليلة القدر .. ثانيا أرجو أن تكون سامحتني بهذا الدعاء

                ثالثا .. من أهم الكتب في موضوع الاسرة ثلاث كتب ..
                الكتاب الاول تراجم بيوت النبي بنت الشاطئ
                الكتاب الثاني اساليب التربية عند النبي للعالم الدكتور عبد الفتاح ابو غدة ..
                والكتاب الثالث العادات السبع للاسر الفعالة لستيفين كوفي وأخيرا اسعدتني كلمة أنك مكن الرعيل الاول فانت من أهل السبق اسال الله لك الثبات
                ... معاً في طريق التنمية بالايمان...

                تعليق


                • المشاركة الأصلية بواسطة شاعر الحياة مشاهدة المشاركة
                  السلام عليكم ورحمة الله وبركاته
                  إزيك يا أستاذ عمر مبارك عليك الشهر
                  الحلقة محتوها وتقديمها ومعانيها جميلة جدا بار الله فيك


                  بخصوص بر الوالدين لو في مثلا الأب والأم دايما في خلافات ومشاجرات والأبناء كبار فقام مثلا الأبن الأكبر بالتحدث إلي الخال أو العم حتي يتم التوفيق بين الأب والأم فهل هذا صح أم خطأ أتمني الإفادة

                  وجزاك الله كل خير
                  رمضان كريم
                  الله أكرم

                  كل عام وأنتم بخير
                  كل وسيلة تبذلها بايجابية لجمع شمل الاسرة هي صحيحة وستاخذ عليها ثواب كبير ولكن اوصيك بالحكمة فاذا كان تدخل الخال مثلا سيغضب الاب فلا تفعل ولكن ابحث عن الشخص المناسب لكن في كل الاحوال اياك أن تقف مكتوف الايدي عند خلاف الاب والام لكن كن ايجابي وقم بدور فعال لكن بذكاء وحكمة
                  ... معاً في طريق التنمية بالايمان...

                  تعليق


                  • المشاركة الأصلية بواسطة سما الشرق مشاهدة المشاركة
                    السلام عليكم ورحمة الله وبركاتهاستاذى الكريم اشكرك جزيلا على هذا البرنامج العظيم الذي استحوذ على قلوب جميع المشاهدين وندعوا الله ان يعينك على ما بدائته ويجزيك خيرا على جميع موضوعاتك خاصة حلقة اليوم بس استاذنك كان لي طلب انت من اول رمضان تكلمت عن حقوق البناء وعن حقوق الوالدين ومذكرتش حقوق الزوجة وكانها مش من ضمن اللي في بيوتنا واتمنى ان يكون لها نسيب من حلقاتك ارجوا الاهتمام والرد على الموضوع واشكرك على مشاركتك معنا بهذا البرنامج الشيق .
                    أولا حلقة تعامل برحمة وهي كانت الحلقة الثالثة كانت تتكلم عن الزوجة ثم أن حلقة بعد غد ستتكلم عن الازوج والزوجات ثم أن هنالك حلقتين عن تقوي الله في معاملة الزوجة فهل يكفيك ذلك ؟ فان كان لا يكفي فهذا يعني أن مشاكلك كبيرة جدا في بيتك

                    فانتظرينا بعد رمضان لندخل بحلول المشاكل بالتفصيل إن شاء الله
                    ... معاً في طريق التنمية بالايمان...

                    تعليق


                    • المشاركة الأصلية بواسطة أم عبد القدوس مشاهدة المشاركة
                      المصيبة بالموضوع حين لا تملك أي مشاعر اتجاه والدك ... لا تذكر له أي ذكرى قد تدفعك لحسن التواصل معه.... وكل ما تفعله معه .. هو من أجل أن الله قد أمرنا بهذا ولولا الدين الذي ننتمي إليه والله ما وصلته..... وكل المشاكل التي تواجهها بحياتك هي بسس العنف الذي ما رسه عليك.....
                      .. أولا أنا سعيد باول مشاركة ليك على المنتدي
                      ثانيا المشاعر تجاه الاب جزء في فطرة الانسان قد تخفت وتضعف عن القسوة لكنها لا تموت أبدا لانها في فطرة الانسان وكذلك مشاعر الاب تجاه أولاده قد لا تظهر ابدا لكنها موجودة في جذر القلب لانها من الفطرة ايضا وكل المطلوب منك أن تبذلي خطوات بسيطة لتحريك عاطفتك تجاه ابوك بافعال بسيطة وكلمات رقيقة وهدايا رمزية واكد لكي أنك ستجدين مفعول السحر وسيتحول قلب والدك الصخري يا ماء عذب سلبيل وجربي وهتشوفي
                      ... معاً في طريق التنمية بالايمان...

                      تعليق


                      • المشاركة الأصلية بواسطة manar mohamed emam مشاهدة المشاركة
                        جزاك الله خيرا ياأستاذ عمرو خالد وكتبه لك في ميزان حسناتك .
                        كنت عايزة اسأل حضرتك في حاجة ,
                        في واحدة صاحبتي استنجدت بي من أمها واشتكت من سوء المعاملة من أمها وإنها علطول في مشاكل معاها بسبب أو من غير سبب وبتدعي عليها دعوات وحشة ومخيفة لو لا قدر الله اتحققت ودائما الشك فيها من غير مايكون في حاجة ,
                        والبنت تعبت لأنها خايفة من ربنا لا ترد عليها رد يدخلها النار لا قدر الله , ومعلش من صراحتي ماتقوليش إنها تصبر على كل التعب ده لكن قولي حل مناسب ليها وعملي ويكون لحضرتك الأجر في تفريج هم فتاة مسلمة ....
                        أرجوك سرعة الرد لأهمية الموضوع .
                        وشكرا على كل ما تقدمه لنا من نصائح وحكايات مفيدة , وعلى فكرة أنا بعمل السبع حاجات من غير ما باخد بالي .....
                        والسلام حسن الختام
                        .
                        ابلغيها يا منار أن الانسان إذا كان بار باهله ولم يخطئ في حقهم ولكنهم بلا سبب عصبيون ويدعون عليهم بشكل انفعالي غير مبرر ويهددونهم بان غضبهم من عضب ربنا مع أنه لم يفعل شيء ففي هذه الحالة فان الله الرحيم العادل لا يستجيب لدعائهم هذا ولا يغضب عليهم بغضبهم هذا لانه غضب غير مبرر وبلا سبب فطمنيها بهذا الكلام ولكن يبقى عليها استمرار البر ارضاء لله
                        ... معاً في طريق التنمية بالايمان...

                        تعليق


                        • المشاركة الأصلية بواسطة *mona* مشاهدة المشاركة
                          السلام عليكم ورحمه الله

                          استاذى عمرو خالد انا بحبك جدا
                          الحلقه ان شا ء الله هانفذها والحمد لله فى حاجت كتير بعملها الحمد لله
                          راى الشباب:
                          انا لسه راحه الكليه النهارده وبعدين بما انى طبعا لازم اعمل دعايا لحضرتك فى كل مكان حبيت اخد راى الناس فى البرنامج طلعت بحاجتين
                          اولا ان الناس بدات فى اول رمضان تتابع البرنامج وبعدين اللى حس ان البرنامج بيمس حاجه جواه سواء فى تربيته او معامله اهله ليه فضل متابع البرنامج لغايه دلوقتى
                          ثانيا اما اللى مش عنده مشاكل او هو شايف كده فا من اول حلقه قرر مش يتفرج تانى
                          ثالثا اللى كانوا مستنين من حضرتك برنامج دينى عشان رمضان هما شايفين ان دا مش ليه علاقه بالدين او انه برنامج اجتماعى دول بيتفرجوا شويه وشويه

                          عموما انا رايى ان حضرتك رائع والبرنامج رائع استفدت منه كتير وبدات اغير نظرتى لحاجات كتير وبقت للاحسن وانا الحمد لله من عيله ربتنى قريب قوىالحمد لله من الكلام اللى بتقوله عن التربيه وانا كمان شايفه ان دا دين واساس الدين كمان بارك الله فيك يا استاذى وربنا يوفقك ويعزك
                          سلام
                          يا مني تحليلك جميل ومنطقي وأعتقد أنه صحيح بنسبة كبيرة لكن احساسي أنا الشخصي أن هو فعلا البرنامج برنامج اجتماعي يبقى معنى كده أن تلث القران اجتماعي .... لان ثلث القران بيتحدث عن الاسرة . أنا الحقيقة حزين أن يعتقد بعض المتدينين أن هذا العمل ليس ديني .. وهل الدين روحانيات وايمانيات ودموع فقط اذا كان القران نفسه ليس كذلك بينما هو كتاب شامل يجمع العبادة والسياسة والجهاد والاجتماع فكيف نحصره في الايمانيان فقط لذلك أنا مؤمن بشدة أنني كصاحب رسالة كان ينبغي أن اتكلم في هذه المساحة الخطيرة التي هي الاسرة حتى لو على حساب ترك منطقة الايمانيات بعض الوقت ثم العودة اليها بعد ذلك كما حدث من قبل في صناع الحياة ثم عدنا للايمانيات في خطي الحبيب .. هذا التنوع هو الاسلام الحقيقي
                          ... معاً في طريق التنمية بالايمان...

                          تعليق


                          • المشاركة الأصلية بواسطة SAD ROSE مشاهدة المشاركة
                            ربنا يجزيك كل خير ويجعل كل حرف وكل كلمة نطقت بها بنية الإصلاح في ميزان حسناتك جبالاً ترّجح كفتك ..
                            أنا سعيده جداً لإنضمامي لأسرة المنتدى الرائع وسعيده أكتر إن هناك وسيله للتواصل مع سيادتكم يا استاذ عمرو وتمنياتي العميقه أن يديم الله حماسك الرائع للخير والإصلاح وسيأتي اليوم الذي نحقق فيه نصراً عظيماً لهذه الأمه ونهضه تجلعنا في مصاف الدول العظمىى ..
                            وحلقة اليوم راائعه كعادتك من طرح مضمون هادف وجميل ..
                            وبر الوالدين ده أمانه كبيره في أعناقنا ربنا يعينا على تحملهاا ..
                            والله يا أستاذ عمرو معظم ما تقوله ينفذه والداي واشعر حين أسمعك بالنعمه التي حباني الله بها وأدعو الله أن يحفظهما لي ويجمعني بهما في مستقر رحمته ..
                            ومن هنا أعلنهما نعم الأب والأم وأدعو الله أن يعينني على برهما ورد الجميل العالق في عنقي ..
                            وأرجو أن ننال أنا وأسرتي حظاً من دعائك ..
                            وبارك الله لنا فيك وأدامك لنا نعم الناصح الأمين وكتبنا في الشهر الكريم من عتقاء النار ..
                            اللهم آمين ..

                            وأنا كمان سعيد بتواصلك معنا في المنتدي في اول مشاركة ليك وبدعيلك بان يرضى الله عنك ويرضيك ويبارك لك في نعمة ابوك وأمك ويحفظ ما بينكم من حب حسيت من كلامك أن فعلا الجنة في بيوتكم
                            ... معاً في طريق التنمية بالايمان...

                            تعليق


                            • المشاركة الأصلية بواسطة حـبـة الندى مشاهدة المشاركة
                              بسم الله الرحمن الرحيم
                              أنا سمعت الحلقة ياأ/عمرو وهسمعها تانى
                              عشان الكلام يثبت
                              وهقول لحضرتك فى المشاركه القادمه أنا عملت أيه فى السبع طرق وكنت بعمل أيه فيهم زمان
                              سلام عليكم
                              وأنا منتظر ردك يا حبة الندي وسادعو الله ان يعينك
                              ... معاً في طريق التنمية بالايمان...

                              تعليق


                              • المشاركة الأصلية بواسطة dr.arrow مشاهدة المشاركة
                                [align=center]السلام عليكم ورحمة الله وبركاته

                                جزاك الله كل خير ان حضرتك نبهتنا لهذه الأشياء السبعة

                                بصراحة أنا ماكنتش بعمل حاجات كتيرة منهم لأني كنت حاسة ان ملهومش تأثير وماكنتش حاسة بأهميتهم

                                بس بجد رغم انهم حاجات صغيرة قوي بس تأثيرهم غير عادي -فعلا وصفة سحرية - أنا بدأت استخدمهم علطول بعد الحلقة ولاقيت انهم بيفرحوا قوي

                                وأحلى حاجة عجبتني ان الواحد لازم يصبر علي تصرفاتهم اللي ماتعجبناش..لأن الجنة مهرها غالي ..لازم نبذل علشان نستحقها..وبعدين هم بيستحملونا كتير وبيبذلوا كتير من أجلنا

                                وبصراحة يا أ/عمرو أنا كنت خايفة قوي من الحلقة دي وماكنتش بحب اتفرج علي اى برنامج لبر الوالدين لأنهم كانوا يقعدوا يقولولنا شوفتو دعوة الأم عاملة ازاى وغضب الأب عامل ازاي والكلام ده كان بيؤذيني قوى فكنت بأعند زيادة..
                                لكن الحمد لله الحلقة دى عجبتني قوى..وبأحاول أنفذها..

                                "*(الله يكرمك ويعزك يا أبي عمرو خالد)*"[/align]
                                وأنا سعيد يا دكتورة انك هتبدءئ تنفيذها ويارب السبع حاجات العملية تكون سهلة عليك حتى لو نفذتي نقطتين أو ثلاثة منهم يكون ممتاز وأنا سادعو الله بان يعنيك الله على برهم بدون عند
                                ... معاً في طريق التنمية بالايمان...

                                تعليق

                                يعمل...
                                X