إعـــــــلان

تقليص
1 من 2 < >

تنويه هام - خاص بساحات السياسة

السلام عليكم ورحمة الله وبركاته



تم اخفاء ساحات السياسة بما انها كانت سبب في فرقة العديد من الاعضاء
ونتمنى عدم التحدث في السياسة في اي ساحة سواء العامة او غيرها
المنتدى منتدى تنموي ديني والالفاظ والكلمات التي استخدمت في ساحات السياسة
اصبحت لا تناسب المنتدى وهدفه .. وتم اتخاذ هذا القرار
في ضوء بقاء الحالة السياسية كما هي في بلادنا العربية
وفي ضوء استعدادنا لاستقبال شهر رمضان المبارك في الأيام القادمة
فكل عام وانتم بخير وبلغنا واياكم شهر رمضان الكريم نشكركم

ونتمنى لكم كل التوفيق

ادارة المنتدى

2 من 2 < >

انتظرونا بعد رمضان

السلام عليكم ورحمة الله وبركاته

انتظرونا بعد رمضان







مع تحياتي
المودريتور الاحمر

شاهد أكثر
شاهد أقل

الحلقة 5 : جزر منعزلة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    ابي الفاضل انا هكتب قصة وعوزة الرد عليها .. في بنت عندها 16 سنه متفوقة اسرتها ملتزمة واغنياء وكلهم متفوقين .. الاسرة ده اربع بنات وولد ..البنت دي وحده منهم بس بتحبهم اوي اوي الاسرة دي اتكونت من اب وام بسطاء معهمش غير فلوس الاكل والمعيشة وكانو بيقولو الحمد لله وبدا البيت يكبر يكبر وجابو اول بنت تاني بنت وتالت بنت .. والبيت بيتملا حب سعادة ايمان .. الاب جاله عقد للسفر في الخارج عشان يشتغل طبعا لقوها فرصة عشان يحسنو وضعهم المادي .. اتفقو انهم الاب يسافر والام تقعد تربي البنات التلاته دول سافر الاب وبعدها بعت للام عشان تيجي هي وولادها وبعدين خلفو ولد الاب والام بادو يشتغلو مع بعض بس الفلوس عمت عيون الاب وبا ياخد من الام مرتبها ويزعالها ويهنها ويضربها .. الاب كان طيب اوي بس الفلوس غيرته .. الام استحملت عشان الولاد .. ومرت السنين وفعلا حققو ثروتهم لكن بعد مخسروا حجات كتييييييييييييييير .. اولادهم كانو زعلانين اطفال شافو الفلوس ورق لكن كانو مستنين الكشاعر بس مجتش مفهموش كده وبعدين .. الام جابت البنت الاخيرة .. وبعدين سافرو تاني عشان يكملو باقي المشوار الفلوس غيرتهم الاتنين بقت حياتهم ارقام جوفاء .. بيعملو بعض الحات في الدين والتاني لا بس الام مازالت محافظة على طبيبتها لكنها من غير متاخد بالها برضو ولادها شبه ضاعو من حضنها ..
    وبقو اغنيه ماديا ولازالو مسافرين .. بس بعد مشاكل دمويه بين الاب والام وامام الاولاد ضرب واهانه وتهزيء وتهديد بالطلاق مراعوش مشاعر اولادهم .. الولاد دلوقتي كبار .. بس اسرتهم مدمرة تماما .. بس في بنت عندها 16 سنه قررت ترجعها تلني سعيده ولو هتخسر حياتها ..هل تقدر في الظروف دي .. اولا اختها الكبيرة سافرت وقالت لها بصي عيشي حياتك ومترهنيش نفسك بيهم بصي للدنيا بس بريهم برضو هي بتسمع كلامهم وبتتصل عليهم وكده بس يعني عوزة تعيش اما اختها التانيه فبتقولها انا مش عوزة اعيش مع بابا انا مش بحبه انا عوزة اعيش وحيدة انا مش عوزة اعيش معاكم واحيانا تهزر وتقول انا عوزة انحرف ..اخوها الصغير بيقولها هو امتى بابا وماما هيبطلو يتخنقو مع بعض ايه الحل .. واختها الصغيرة اللي عندها5 سنين بتقولها انا بخاف اوي لما بابا يزعق .. الام بتقول انا عايشة عشانكم متفكروش فيه ، الاب احيانا طيب ومسكين .. واحيانا اسد وشرير البنت جي شيله هم الاسرة جواها ومكتومه بتروح تكلم ابوها وجواها خوف كبير كبيربس في النهايه بدون فايده بتشتري ليه هدايا وتقول دي ماما اللي جيباها يرد ويقول .. جزاك الله خير .. دايما بيزعق واحيانا حنون ( بس ده قليل ) هو مبخلش عليهم بحاجة ماديه بس مدهمش حنان حتى الام بقت شبه مادية البنت كرهت الفلوس والاغنيه لانها هي اللي فرقت البيت الجميل بتكون سعييييييده لما يضحكو مع بعض في السيارة وهما مشييش وبتكون احزن مخلوق لما يفضلو يديقو بعض ويتخانقو .. مقدروش كده وكل لما تعيط وتقولهم انتو ليه بتعمو كده يقولو بلاش تمثيل ويزعقولها البنت مرهفة المشاعر بس مش عرفة تعمل ايه لما بتشوف البنامج بتاع حضرتك بتقعد تتخيل وتتخيل وفجاة الدموع تنزل من عنيها كانها بتحفر خدها بتتعذب لما تسمع البرنامج حلمت امبارح بانهم قاعدين بيكلو مع بعض ويلعبو وفرحانين وفجاه فاقت من الحلم على صوت زعيق ودوشه وباظالحلم الجميل بين كل واحد والتني فجوة كبيرة وبتكبر يوم عن يوم .. البنت دي تعمل ايه هي صغيرة عندها 16 سنه بس يا ترى ينفع ترجع الاسرة تاني .. وتحقق حلمها .. البنت دي صحبتي ودي مشكلتها يا ريت ابي العزيز تجاوبني ...

    تعليق


    • #17
      الحلقة 5: جزر منعزلة

      السلام عليكم ورحمة الله

      استاذى العزيز/ د.عمرو خالد لسانى يعجز عن شكرك وقلبى منفطر من كلامك اسأل الله الفتاح ان يفتح عليك برحمة من عنده وان يزيدك هدى ويهدى بك الناس ويجعل لكلمتك صداها فى اذن الناس فى اذن امة محمد.

      سأروى لك قصة باختصار لفتاة تعيش بجزيرة منعزلة الى الان ولكنها هداها الله الى اخذ بايدى اسرتها وشدتهم معها الى الجزيرة بقارب نجاة من الله سبحانه وتعالى.

      هذه الفتاة نشأت بأسرة للأسف بغياب الاب والام وبعد ذالك انفصالهم ذاد الموضوع تعقيدا فكل بحياته فقط يحاولون توفير السيولة وكل يفكر باهتماماته ويحاول القاء اللوم على الاخر وهذه الفتاه رسبت بالاعدادية عقب الانفصال رسبت باختبارات الشهر فارسل المدرس لابيها لينبهه فاذا بابيها يضربها امام مدرسها ولا يتكلم معها لا يحاول التركيز على كيف يخرجها من هذه الازمة.

      وظلت الفتاة تتخبط بكلمة من هذا وكلمة من هذا فجمعت افكار كثيرة وكانت تتخبط ولكنها كان بداخلها جزء نقى كان لا يعلم عنه احد الا الله.

      واذ بها كانت على وشك الانجراف مع اصدقاء السوء واذا فجأة الله ينجيها وليس فقط اصدقاء السوء وكان الاختبار بالعمل ايضاً ومرت باصعب ظروف وعاشت ايام غريبة بحياتها.

      هذه الفتاة لم ينقذها ابيها ولا امها ولكن الله انجاها من عليها بنور جعله بحياتها اذ بها بليلة من ليالى رمضان وهى جالسة تفكر فى الافكار الملوثة التى حولها وتفكر باصدقاء السوء ولم يكن ببالها شئ وفجأة سمعت حديث حضرتك د.عمرو خالد كنوز بخيمة رمضان اذ بالله ينجيها وينير لها طريقها

      وهى الان تتحرك بكلماتك وجعلت حياتها من اجل النهضة فقط .

      فلم يعد بحياتها غير حب الله ورسوله واستاذها الجليل الذى انار الله به حياتها

      وهى تححاول جذب اطراف اسرتها الى الجزيرة فقط الله يساعدها وحده وهو وكيلها فهى مضت مع الله عقد الوكالة وتحاول الاصلاح من اجله فقط.

      كل ما اقوله لحضرتك جزاك الله عن امة محمد ص خير ما جازى داعى قط ثبتك الله واعز الاسلام بك وجمع بك الامة. اللهم آمين


      السلام عليكم ورحمة الله وبركاته

      تعليق


      • #18
        السلام عليكم ورحمة الله وبركاته:
        استاذى واخى الاستاذ عمرو خالد جزاك الله خيرا على هذا البرنامج الجميل وجعله فى ميزان حسناتك ان شاء الله.
        فعلا كثير من الاسر حاليا اصبحت جزر منعزله ودى مشكله اصبحت اراها فى كثير من البيوت حتى المتزوجين حديثا !!!
        مع اسرتى انا قريبه جدا من اختى وابى فهما مستودع اسرارى وسر سعادتى ومصدر قوتى بعد الله سبحانه وتعالى .
        بجد نفسى اكلم حضرتك على بابا كتيييييييييييير وتعبه وتضحياته لينا كلنا كأولاده يمكن بكلامى اقدر ارد له جزء ضئيل جدا من حقه عليه بس اى كلام مش ممكن يكون الا نقطه فى بحر اللى عمله ولسه بيعمله لينا.
        اما اخى الاصغر والذى اعتبره ابنى لاننى اكبره بعدد كبير جدا من السنوات فهو فى اول سنه دراسيه جامعيه السنه دى وهو بيحب حضرتك جدا جدا وكلام حضرتك بيأثر فبه بشكل كبير اوى. اخى بأحس انه فى جزيره معزوله عنى انا واختى وابى وان ارتباطه باصحابه كبير جدا باحاول اجذبه لينا بس غالبا تبوء المحاولات بالفشل مش عارفه هل لانه ولد واحنا بنات وخصوصا ان فرق السن بيننا ( انا واختى) وبينه كبير فمش قادر يتواصل معانا كويس مش عارفه نفسى يقرب مننا اكتر مش يعيش لوحده بعيد عنا بس مش عارفه اعمل معاه ايه.
        اخيرا بالنسبه لامى ففعلا هى على الرغم من وجودها معنا لكنها فى جزيره منعزله تماما للاسف وهذا مع الجميع ابتدء من ابى , انا واختى واخى اصبحنا نفضل عدم الحوار لعدم خلق المشاكل فى البيت ولا تعتقد حضرتك اننا لم نحاول واننا استسلمنا او ان هذا الوضع مريح لنا بالعكس هو يزيد من تعاستنا جميعا يوما بعد يوم ولكن كل المحاولات باءت بالفشل الفظيع واصبحنا نتمنى عدم التواصلالا فى حدود حتى لا يحدث اى شئ ممكن نأخذ منه ذنوب دون ان نقصد لكن العلاقه كما تصورها حضرتك للاسف لا توجد بتاتا مهع العلم ان امى متدينه جدا . انا حزينه جدا جدا لهذا الوضع كنت اتمنى ان احيا حياة يكون الوضع فيها مختلفا ولكن الحمد لله على كل شئ .
        ومع هذا فانا متفوقه والحمد لله فانا معى ماجستير واحضر للدكتوراه واخوتى والحمد لله متفوقون.
        اتمنى من الله سبحانه وتعالى ان يصلح شاننا وان يرزقنى الله سبحانه وتعالى بالزوج الصالح الذى اكون معه اسره مسلمه متحابه لا توجد بها جزر متباعده وارجو ان تدعى لى يا استاذ عمرو .

        والسلام عليكم ورحمة الله وبركاته

        تعليق


        • #19
          بسم الله الرحمن الرحيم
          استاذى الفاضل وابى أ/عمرو خالد
          تحيه خاصه لحضرتك على البرنامج الرائع ولو انه وجع قلبى جدا وابكانى تحسرا على عائلتى كل الحلقات كلامها جميل وبجد نفسى احققه وانا بدات بنفسى مع اختى لانها الاكثر قربا منى ولو اننا بنختلف كتير فى الافكاروهى كتير مبتسمعنيش بس انا بحب اسمع لها جدا وبفرح اوى لما بتحكى لى حاجه عنها اما بقى اخويا فهو العقبه الاكبر بختلف معاه كتيييييييييييييييير اوى وتقريبا كل كلامنا خناق تصرفاته كلها صعبه مبيحترمنيش وبيهنى جامد جدا وامى ممكن تكون واقفه وشيفاه بس مبتقولش اى حاجه بل بالعكس لو اعترضت ممكن تهنى انا قدامه بالرغم من انا اكبر منه وده طبعا اللى بيخليه يتمادى اكتر ولو قلت لبابا بتضايق منى ماما جدا وكانى عملت جريمه حاولت كتير اغيره كلنا بنتحايل عليه يصلى على الاقل فى رمضان لكن كأننا بنادى عليه من بئر عميق
          اما بقى بابا من كام شهر ساب الشقه اللى احنا قاعدين فيها وقعد فى الشقه اللى تحت كان ممكن يعدى عليه يومين مشفهوش واكتفى بان دوره يكون توريد الفلوس وبس كاننا قاعدين فى بنك ولما اختى سالته انت قاعد تحت ليه قلها مشاكلكم
          اما بقى ماما علاقتى بيها عاديه اوى وانا حزينه انى بقول كده بس هى فعلا كده انا مبحكيش ليها على حاجه تخصنى مش لانى مش عايزه احكى بس لانى كبرت لقيت علاقتنا كده جربت اكتر من مره اغيرها بس معرفتش لو حكيت مبتسمعنيش ولو سمعتنى مبتحاولش تحل المشكله بلاش كده انا مش فاكره اخر مره حضنتهاامتى بس فاكره اخر مر بابا حضنى فيها امتى لما جالى انهيار عصبى وشلل مؤقت بسبب المشاكل عندنا فى البيت من 4سنين وانا فى 3اعدادى
          بس انا بجد اتخنقت ومش عارفه اعمل ايه كتير بتمر عليه لحظات ببكى فيهاومحتاجه جدا لحد يحضنى ويطبطب عليه ومبلقيش ساعتها بحس انى هنفجر بس انا مهما حصل عمرى ماهلجأ لحاجه تغضب ربنا انا رضى ربنا عندى اهم من اى حاجه فى الدنيا انا حاولت اخليهم يتفرجوا معايا على البرنامج بس مفيش فايده كل واحد فى جزيره فعلا بس انا مش هيأس وهحاول تانى انشاء الله
          ربنا يرزق حضرتك الاخلاص ويجزيك خيرا على مجهودك

          انا متاسفه جدا انى طولت عليكم بس انا كنت عايزه احكى ومعرفتش ابطل كتابه

          تعليق


          • #20
            بسم الله الرحمن الرحيم
            السلام عليكم ورحمة الله وبركاته
            استاذ عمر
            والله الذي لااله الا هو يعجز لساني عن التعبير عن مدى اعجابي ببرنامجك
            وعندي تعليق على الحلقة دي الا وهو ان صحيح إن الانسان مابيشعرش بالنعمة الا لما ينحرم منها
            وده اللي حصل معايا بالزبط
            كنت عايشة فوسط عيلتي (( بابا وماما و5 اخوات )) وكنت على طول بتزمر من طلبات ماما وبابا
            وبتخانق مع اخواتي وكنت بعمل حاجات غلط من غير علم اهلي (( ربنا يعفو عنا يارب ))
            لحد مااتخطبت وتجوزت وللاسف كان لازم اسافر واعيش مع زوجي هنا في امريكا
            وبقالي هنا 5 شهور وكان كل يوم بيعدي عليي بحس بحجم النعمة اللي كنت فيها لما كنت فوسط اهلي
            وكل مااتفرج على برنامجك الرائع ده بعيط وقول لو اني كنت فوسط اهلي دي الوقت لكنت جريت وأعدت تحت
            رجلين ماما وبابا ولو كنت فوسط اهلي دي الوقت لكنت جريت واستسمحت من اخواتي و صاحبتهم
            ولو كنت فوسط اهلي دي الوقت لكنت عملت كدا وكدا ولو ... ولو ... ولو....
            بس ايه ينفع الندم دي الوقت ....
            والله اني حاسة بنار جوايا بتحرقني وبتأنيب ضمير على الوقت اللي ضيعتو من عمري قبل الزواج لما كنت مع
            اهلي وكنت عاملة لنفسي عالم خاص مااسمحش لحد منهم يطلع عليه...
            يعني انا دي الوقت عايشة في جزيرة منعزلة لكن مش بإيدي ...
            وياترى انا هنا في الغربة ايه الحاجة اللي اقدر اعملها عشان امكن الترابط الاسري مابيني وبين اهلي
            اللي مابكلمهمش الا عن طريق الانترنت ؟؟؟؟
            شـكــ وجزاك الله خيرا ـــرا ...
            التعديل الأخير تم بواسطة NOOR AL HODA; الساعة 18-09-2007, 12:15 PM.

            تعليق


            • #21
              بيتنا مملكتي التي أنام فيها بكل اطمئنان

              السلام عليكم و رحمة الله تعالى و بركاته
              أخي عمرو خالد ربنا يعزك و ينصرنا يا رب، اخوتي أخوتاي كيف حالكم...
              القاعدة 5= تذكر نعمة الأسرة
              • يا الله على أسرتي يا الله على أبي و أمي يا الله على أختيّ يا الله على أخي، أسرتي من أعظم نعم الله تعالى علي ، كل نجاح سببه رضا و لدي كل نعمة سببها الأستقرار الذي يسهر عليه أبي، كل فرحة سببها حنان أمي الحنونة، كل حضن سببه عائلتي التي تحضني و تطبطب علي في كل أحزاني ، أنا لا أستطيع تخيل يوم من دون بوسة أمي و أبي لا أتخيل يوم من دون أن أنظر الى عيني أمي و أبي و الله لما أنظر مباشرة في عينهما و كأني آخذ طاقة يومي ، أبي الذي يسافر من للعمل من أجلي، أمي التي تنهض باكرا لعلم من أجلي ، أين لي أن أجد أبا و أما مثل أبي و أمي و الله لا يوجد أم و أب مثل والدي ، أنا أراهما كذلك، رغم انه في بعض الأحيان أزعلهم عليّ، يا رب لا تعطني صحتي ما دامت أمي و أبي زعلانين علي، يا رب أعني لعى برهما بأرقى البر بر ما لم يبر به أحد و لن يبر به أحد والديه الى يوم القيامة، يا رب يا رب يا رب...
              • بيتنا غرف ، بيتنا من غرف تربطها ذلك التواصل عندما نأكل سويا عندما نتناقش سويا عندما نحي حفل عيد ميلاد أحد من أخوتي معا و نغني معا بيتنا ربنا يحفظه لنا يا رب يا رب يا رب غرف يربطها ذلك الخوف الأسري عندما ننتظر نجاح أختنا في الثانوية العامة، بيتنا غرف يربطها خوف أمي علينا عندما نمتحن و دعائها لنا، بيتنا قوة أبي في حسن ادارة بيتنا، بيتنا زعزعة أبي عندما يصرخ علينا في صالحنا بيتنا غرف يربطها افطار رمضان ...بيتنا وصايا أبي في القراءة الدائمة..بيتنا عندما ينادي أبي على أخي أن هلم للعشاء معا و أطفئ التلفاز، بيتنا عندما ينادي أبي و أمي علينا لنلتم حول مائدة الغداء يوم الجمعة...
              • بيتنا بكاءنا عند فراق أحد أفراد عائلتنا، بيتنا مملكتي التي أنام فيها بكل اطمئنان.
              • يا رب لا يأتي فيه اليوم الذي نفترق فيه عندما يكبر كل منا و يكون أسرته يا رب يا رب يا رب و الله مجرد أني كتبتها قلبي انقبض و عيني غرغرت...
              • ربي أعني أن أشكر نعمتك التي أنعمت علي و على والدي و قليل من عبادك الشكور فاجعلني من هؤلاء القلة...
              • الحقيقة قبل ختامي أحب ان أدرج خاطرة قلد ساعدتني أخي الأكبر عمرو خالد بفكرة قلتاه في القاعدة 4 قلت الحلم جزء من الحقيقة و هذا أعطاني فكرة في بحث أجريه عن ما هو الفرق بين الحقيقة و الخيال و لكن بطريقة فيزيائية...جزاك الله عنا و عن الأسلام كل خير...

              الحمد لله على فتح الله
              و السلام عليكم و رحمة الله تعالى و بركاته

              تعليق


              • #22
                تعليقى على الحلقة ...

                السلام عليكم ورحمة الله

                الأستاذ الفاضل عمرو خالد ..
                جزاك الله عنا كل خير .. واسمح لى أن أسجل اعجابى بأسلوبك وبرامجك مثل باقى الاخوة الأعزاء
                فأكثر ما يؤثر فينا كمشاهدين ويجعلنا ننصت لحديثك بكل جوارحنا .. هى القصص والأحداث الحقيقية الموجودة فيم بيننا فى الحياه والتى تأتى بها فى برامجك وتعرضها علينا.
                انها ليست مجرد قصص لأناس لا نعرفهم .. ولكنها تؤثر فينا وتحفر فينا ارادة للتحدى وللنظر الى الأمام.. وأن نستشف رحمة الله على عباده .. وأن نعرف أن كل منا لديه ابتلاء أكبر من غيره ولكنه صابر عليه.
                وأعظم الابتلاءات هى بعد أفراد الأسرة الواحدة عن بعضهم .. لقد تركنا فى زمننا هذا رياح الحياه تنثرنا فى منحنياتها ولم ننتبه الى أننا يجب أن نتشبث ببعضنا حتى لا نفترق مثل حبات الرمال .
                ولكنى أستشعر منذ أمس بتأثير الحلقة على الكثير من الأزواج والأبناء وهذا ما أسعدنى وأدعو الله أن يديم هذا التغير عليهم للأمام دائما بعد رمضان أيضا.

                (أشكرك) كلمة قصيرة ومقصورة ولكن لست أجد غيرها

                تعليق


                • #23
                  أخبار ساره

                  أبي الغالي.....
                  كل مره في مشاركتي وتعليقي عن الحلقه بكتب لك قائمه من الإعتراضات ولكن بالأمس الحلقه دي فرقت معايا كتيير...... أتمنى تكون متابع مشاركاتي لأن عايزه حضرتك تحس بالفرق بين أول أربع حلقات وبين مشاركتي دلوقتي........ حضرتك رديت فيا الروح وأنت متعرفش.......
                  وأعذرني بس أنا بحب أرتب أفكاري في نقط:
                  1- بالنسبه للإختيار بين الحريه والأستقلال والأمان أنا بعد اللي شوفته أختار الأمان طبعا وبصراحه كنت في الأول أقول لأ انا المفروض يكون عندي حياتي الخاصه وجزرتي بس بعد حلقه حضرتك أنا قررت قرار وربنا يساعدني عليه أني أشارك أسرتي أسراري وحياتي لأن فعلا الواحد مش عايش لوحده........في بشر عايش معاهم وفي نفس الوقت هما نعمه بس الواحد اللي مش هيحس بيها إلا لما تروح منه وليه نستنى لما تضيع من أدينا .. دي فرصه واللي يضيعها هيندم كتيير بعد كده ... وكفايه حكايه الأسره اللي فقدت بنتها تخلي الحجر يتهز وفعلاً هزتني جدا وزلزلت حاجات كتير جوايا كنت مصره عليها بس الحمد لله ربنا رزقني الفهم بروايه الأسره دي لقصتهم الحزينه........
                  2- أنا ضحكت أمبارح كتيير لأن زي ما يكون حضرتك عايش معانا بالظبط الأب عايز الجزيره والأم في المطبخ وأخي الصغير أمام البلاي ستيشن وأخي الكبير بيتفرج على ماتش وأختي بتقرأ وأنا مع أصحابي يأما في التليفون يأما على الشات... وسبحان الله لما بنتجمع يأما على ماتش للأهلي والزمالك يأما برنامج حضرتك والبرنامج يخلص من هنا والصاله تفضى من هنا والله حسيت فعلا أن حضرتك كنت عايش معانا........
                  3- بالنسبه لنقطه أن الواحد بيدور عن الحنان خارج الأسره لما مش بيلقيه داخلها ده فعلا حقيقي وبيحصل معايا يعني مثلا مشاركاتي في المنتدى هنا تعتبر نوع من أنواع الفضفضه.....
                  أنا مش طالبه من حد يحل لي مشاكلي بس طالبه حد يسمعني ومقدرش أتكلم عن مشاكلي مع أصحابي لأن عارفه أن دي أسرار بيوت وعيب تطلع بره لكن على المنتدى الواحد بيحس بالحريه في الكلام وبحس فعلا بالأهتمام لأن بعض الأعضاء بيهتمو بالرد عليا ومنهم الأخت منايا الحبيب والأخت إيمان جواد وغيرهم...
                  في البيت حاولت كتير أتكلم معاهم بس صعب أن حد يسمع التاني كل واحد مهموم بمشكله وحياته وفعلا بيتنا جزر منعزله...
                  بس في خبر حلو أنا إمبارح أتكلمت مع أخي في مشكله عنده خاصه بإلتحاقه بالكليه وأقنعته برأي وفعلاً حسيت أنه بيقرب مني وبقرب منه وحسيت من نظره عنيه أنه أبتدى يثق فيا وعلقتي بأختي برده أتحسنت كتير والحمد لله لكن المشكله في بابا .......
                  4- النقطه الرابعه وهي أن مرض الأنعزال تدريجي وقصه الضفادع كانت رائعه جدا ومنطقيه جداً ويارب يستر ونقدر نخرج أنا وأخواتي من المياه المغليه قبل ما تموتنا......
                  5- فيلم الأفيال....ياااااااااااااااااااااااااه انا كنت مصدومه وأنا بتفرج عليه ... معقول ده ممكن يحصل وتتغير طبيعه المخلوق لمجرد أنه مش متربياش صح ... وليه لأ لأن اللي بينحرف ويتوحش أكيد ملوش قدوه صالحه يقلدها ويمشي على خطاها إلا من رحم ربي.....
                  التعديل الأخير تم بواسطة صفاء الديان; الساعة 18-09-2007, 01:03 PM.

                  تعليق


                  • #24
                    جزر منعزلة حقيقة اصدق تعبير لما تعانى منه الاسر فى عصرنا الحالى كل فرد عايش فى عالم لوحده بالنسبة لاسرتى الحمد لله لم نصل لهذه الدرجة ما زلنا ناكل سويا ونهتم بامور بعض ولا نعانى من التفكك الاسرى بس برضه اسرة عادية والحقيقة ما اعانى منه ان اسرتى مغرمة جدابمتابعة المسلسلات يعنى ممكن يشاهدوا ثلاث او اربع مسلسلات ورا بعض تصوروا وانا بشاهد البرنامج واحيانا بيستمعوا لبعض الكلمات انا عارفة ان ده حيزعل الاستاذ عمرو لانه يتمنى ان الاسرة تشاهد البرنامج سويا بس هى دى الحقيقة بشاهد البرنامج وبحاول احكلهم عنه وممكن اتابع معهم المسلسل عشان لا يشعروا انى متشددة عنهم او اصبح انا فى جزيرة منعزلة عن بقيةافراد الاسرة احنا الحمد لله بنقضى الفروض من صلاة وصيام وقيام باعتدال لكن مش متشددين اوى
                    ده حالى مع الاسرة وفى نفس الوقت كل منا اكيد حواليه حالات من الاسر التى تعانى من التفكك الاسرى والسبب ان فيه مساحة شاسعة بين الدين والقيم والاخلاق فيه صلاة وصوم وعبادة بس مفيش اخلاق لو الرجل والمراة طبقوا الدين صح مش حيبقى فيه تفكك اسرى الاثنين حيراعوا ربناويتقوا ربنا فى معاملتهم مع بعض الاستاذ عمرو دائما بتقولنا وبتشدد على بر الوالدين لكن هل معنى ذلك ان الرجل تمحى شخصيته تماما ويصبح العوبة فى ايد الوالدين باسم بر الوالدين احدزميلاتى بتحكيلى ان زوج اختها رجع لاختها فى احد الليالى مساءا وقالها حضرى لى ملابس العمرة عشان طالع اعتمر انا ووالدتى بكرة تصور لم يخبرها باى شئ انه حجز التذاكر وانه طالع عمرة بس قبلها بيوم حضرى لى لبس الاحرام واعتقد انه لو كان عارف مكانه مكنش اخبرها من الاساس كل ده وهو طالع يعتمر وبيقول لها انت عندى فى المرتبة الثانية وامى فى المرتبة الاولى هو المفروض ده صح ولكن هل من اللياقة ان الرجل يقول لزوجته هذا الكلام وبعدين رجع من العمرةعلى بيت والدته وترك زوجته واطفاله ما هى حدود بر الوالدين بالظبط شفتم الفرق بين التعبدوبين الاخلاق حالة مزرية وصلت لها بعض الاسر اسفة للاطالة جزاكم الله خيرا ادعوا الله ان يجرى الله الخير على يديك يا استاذ عمرو ويصلح بك بيوت المسلمين

                    تعليق


                    • #25
                      السلام عليكم ورحمة الله وبركاته

                      السلام عليكم ورحمة الله وبركاته
                      البرنامج ما شاء الله رائع وكل حلقة نحسها تقدم شيئا جديدا اما هذه الحلقة فقد جذبت انتباهي بشدة خصوصا الشريط عن الفيلة سبحان الله لقد كان الامر صعبا وواقعيا جدا فاحسست بان شيء يهزني بقوة.
                      جزر منعزلةهل يمكن ان تصبح اسرتي هكذا في يوم ما لا اريد حتى تخيل هذا ان لا يسال احد عن الاخر ان نصبح اغرابا لا لا لا ارفض حتى التفكير في احتمال مفزع كهذا لقد تزوج اخوتي واخواتي ول يبقى الا انا واختي مع والدي في المنزل الكبير لكنه بحمد الله دائما من يزورنا منهم وضحكات اولادهم وحتى الفوضى التي يحدثونها رغم انها تزعجنا في حينها الا ان لمة الاسرة من حين لاخر تجعلني احمد الله ومن يكون غائبا نتصل به ليشاركنا ولو عبر الهاتف اللقاء
                      لقد انعزلت في فترة من الفترات عن اسرتي وكنت حينها احس بالكئابة وامضي وقتي اقرأ او اتفرج على التلفاز لكن سرعان ما عدت اليهم فهم اغلى ما لدي اذكر منذ سنين مرض والدي مرضا شديدا وكانت اول مرة اراه في الفراش غائبا عن الوعي ووالدتي التي لم تكن تشتكي لكن تعابير وجهها كانت ابلغ من كل الكلام حينها احسست بعالمي الصغير ينهار وكنت افكر واقول لنفسي ان والدي انسان صالح وحنون جدا ويخدم كل الناس هو ووالدتي وهما من زرعا فينا حب الخير ووالدتي دائما تقول لا تبخلوا بالمساعدة على اي كان ان استطعتم ولا تسألوني في عمل الخير بل افعلوه فقلت لنفسي ان الله لن يضيعه وحتى في اسوا الاحتمالات التي كانت تخطر على بالي حينها كنت اقول ان شاء الله سيكون مثواه الجنة فاشعر بالسكينة وبحمد الله شفي والدي والم تكد غرفته تفرغ من الزوار لعدة ايام.
                      اتعلم استاذ عمرو كثيرا ما كنت افكر ما الذي يجعل الاخوة يتفرقون ويصبحوا في بعض الاحيان اعداء فوجدت ان المال غالبا ما يكون السبب لذا قررت بيني وبين نفسي ان لن يكون المال حائلا بيني واخوتي وانا ادعو ربي دائما ان يزقني واهلي بالحلال واذا كان المال سيطغيني او يغيرني فانا لا اريده واريد من كل من لديه مشكلة مع اهله بسبب المال او الاستبداد بالراي او غيره ان يفكر من الاغلى مالي او اسرتي ارضاء غروري و نفسي او اسرتي ماذا افعل لو غابوا عني البيت لا معنى له بدونهم.
                      الحمد لله اسرتي هي اغلى ما عندي ونحن دائما نسال على بعض ولا يمر يوم الا ونكلم الجميع ونطمئن على اسرهم الصغيرة وانا والله اشعر ان اولادهم كلهم اولادي واقول ضاحكة ان لدي ستة اولاد يا رب لا تفرق اسرتنا ابدا واجمع شمل كل الاسر المتفرقة

                      تعليق


                      • #26
                        السلام عليكم ورحمة الله وبركاته
                        بسم الله الرحمن الرحيم
                        a lot of parents that i have met don't really care about sitting with their children
                        i am 18 years old and i have been in the American Diploma in the secondary stage and there i saw a lot of boys who were having drugs daily and even bear
                        at first i was scared but then i faced reality that this is who we are now a days
                        later i have seen a lot of them just asking for some attention that when it was given to them they changed completely
                        it was as if that bad person never existed



                        a lot of stories i have seen
                        a mother who got divorced from the father and then she got married from another , and so did the father but the teen ager in the middle instead of connecting them together for his sake
                        both of them left him to handle his own life
                        all what they did was give him the money and the place to sleep





                        another story is a mother and father still married and they have three children
                        one 19 years
                        and a 14 year old
                        and a 12year old
                        but the parents decided that to gather money for their children is more important so they traveled to the USA and left the three kids in an apartment a lone but in the same building of their grand mother only during the school period and in the summer they travel all to the USA
                        well what happened was that the 19 year old had a lot of friends who enjoyed taking drugs and bear so they had these stuff in his apartment



                        and a lot of stories that shows and proofs that the parents care and love is very important for the safety of their children

                        تعليق


                        • #27
                          السلام عليكم و رحمة الله و بركاته...
                          أستاذ عمرو... انا في قمة السعادة انهاردة... انا بجد بجد سعيدة...
                          حضرتك بجد غيرت حياتي... و خليتلها طعم تاني...

                          انا انهاردة قررت امسك ايد ابويا... و احضن امي...
                          يمكن مش بالفعل... بس بالروح...

                          انا انهاردة قدرت اقولهم انا بحبكوا من كل قلبي... انا من غيركوا ولا حاجة... انا ماعرفش اعيش من غير وجودكوا في حياتي...

                          يمكن بطريقة بسيطة بس بجد كسرت الحاجز اللي موجود... و ردمت البحر اللي بين الجزر المنعزلة...

                          انا انهاردة و انا في الجامعة بعتلهم مسجات... مسج... ولا حاجة... بس قيمتها كبيرة اوي بالنسبة للي حصل...

                          "بابا... انا بحبك اوي" - "ماما... انا بحبك اوي"

                          بعتهالهم الاتنين... ماما ردت عليا علي طول: "و انا بحبك اكتر بكتيـــــر"

                          لما رجعت البيت كان بابا نايم... اتكلمت مع ماما كتير اوي...
                          و قالتلي ان بابا لم رجع قاله: "هي ايمان مالها؟؟ انهردة بعتتلي مسج غريبة اوي!!!"

                          انا دخلت انام و قبل المغرب بابا صحاني... و باسني علي خدي... و قالي "انا كمان بحبك اوي... انتي احلي حاجة في حياتنا..."

                          ماتتخيلوش انا قد ايه الكلمة دي هزتني...

                          احنا اسرة مترابطة... و بنحب بعض اوي... بس عمري ما حسيت الاحساس ده... و خصوصا من بابا...

                          انا و ماما اصحاب جدا... و دايم باحضنها و اقولها... بحبك اوي....
                          انما بابا لأ!!!!!

                          تعرف يا استاذ عمرو... لما حضرتك حكيت قصة سلمى و أحمد في حلقة" تيجوا نرسم حلم جميل لبيتنا"

                          افتكرت بيتنا زمااااان اوي...
                          بابا كان عامل زي الاب ده... بعيد اوي اوي...
                          اللي قربه حاجة تانية خالص...
                          حادثة وفاة...
                          عمي الله يرحمه... ات في حادثة كبيرة... و الوضوع ده هزنا كلنا...

                          و انا بالخصوص... عمي ده كان هو الاب اللي بلاقيه لما احتاجه...
                          عمري ما حبيت بابا قد عمي الله يرحمه... و موته كان اشد صدمة اتعرضتلها...
                          و كنت اكثر حد متاثر بيها...

                          كنت في غيبوبه معنوية عاطفية كامله... بابا حاول يقرب مني...
                          كنت بابعد عنه... و مرة قلتله: "انت عايزني ليه... اللي كنت باحبه مات... يا ريتني اموت انا كمان"

                          و من اللحظة دي... بقي بابا اكتر حد ممكن احبه في الدنيا... لاني بقيت اكتر حاجة بيحبها في العالم كله...

                          انا و بابا و ماما... اسرة جميلة جدا الحمد لله... ربنا يخلينا لبعض و يحمينا...

                          و يقدرك و تذوب الجليد اللي بقي في اسر كتير يا استاذ عمرو...

                          تعليق


                          • #28
                            السلام عليكم ورحمة الله وبركاته
                            ازيك يا استاز عمرو بجد حضرتك استازي بدون أدنى مبالغة انها لحقيقة لا استطيع أن اخفيها فان آثارك بدت على حياتى بجد بجد أنت معلمى لو اننى وجدت لفظا اكثر من مبدعا للقبتك إياه أقسم بربي إنك لمبدع .
                            بل أننى لى عتاب عليك وهو انك نسيت فئة من الناس وهى الغير واعية وغير المتعلمة او اللتى لا تستطيع الحلم اوى غير ذلك انا ماقدرش احلم للاسف لانه مش حينفع حاحلم لوحدى ازاى مينفعش انا فى جزيرة منعزلة من ممكن يكون منى أو انا اللى فهمت غلط أو انى مش عارفة احل مشكلتي بنفسي ومحتاجة لمشورة حضرتك إن قبلتنى تلميذة لك وانى اريد منك ان تقدر حالتى يا استازى فانى والله فى حيرة من امرى لا استطيع ان أجد لها حلا بل انى اتوجه الى الله الهى عز وجل فانه احن علي من اى بنى آدم على وجه الأرض وأتمنى من الله أن يجعل الحل على يدك يا معلمى إن شاء الله
                            اننى يا معلمى من|أسرة بسيطة لدى اخين واخت اخ متزوج واخت متزوجة وكلاهما لديهم أطفال واخى الآخر لم يتزوج بعد والدى رجل كبير عنده 82 سنة ووالدتى 60 سنة اخى 37 سنة واخت 40 سنة واخوية الأخر 25 سنة وانا سأكمل ال21 سنة تخرجت فى عامى هذا 2007 فى سور عاااالى او يا استاز عمرو بينى وبين بابا انا مش باتكلم معاه تقريبا الا اذا طلب منى حاجة اقوله حاضر وامى عصبية اوىى اوى ممكن اكون باشرحلها حاجة تفهمها غلط تزعقلي اوى وبالتالى بنت سور عالى اوى ينها وبينى والدى غير متعلم على فكرة بس انا مش باعيب عليه اى حاجة على فكرة ابوية وفوق راسي علمنا احسن تعليم وامى تعليم متوسط عاوزة اقول لحضرتك انى اخر مرة قبلت فيها ابويه من اولى ثانوي يوم منجحت ومفيش اى كلمة حنان بينا ولو عطف بل نظراته ساعات بتكون حادة اوى مع انى باسمع ان والدى حنين اوى والدى طيب اوى بس انا نفسي احش بكدة اوى مشتاقة لكلمة بنتى منه نفسي يفخر بيه اوى اوى انا الناس كلها الحمد لله بيحبونى اوى مش غرر والله ابدا ابدا بل انى بنى آدم اريد كلمة تشجيع انا اتخرجت بتقدير الحمد لله حو بس حاسة انى عادية ووالدتي زيه بردو نفسي فى حضن منها اوى اوى بس انا ماقدرش الومها والدتى تزوجت صغيرة انا دايما باقول ان فاقد الشيء لا يعطيه ممكن هم محدش ادهم دة بس انا محتاجاه اوى من كام يوم اخوية كلمنى على علاقتى بوالد قالى انت جافة عاوزة اقزل لحضرتك انى بكيت اوى انا مش كدة والله اقسملك بل انى اصدق تعبير كل واحد مننا فى جزيرة لوحدة وكمان عاوزة اقول لحضرتكا ن اخوية الكبير متوفى من ثلاث سنوات وكانت علاقته بوالدى برده مقطعة خالص للأسف استاز عمرو انا نفسي اسأل انا مفيش امل منى ولا ايه انا الحمد لله ملتزمة وبجد رمضان دة قررت انى اناا الللى حابدأ بس خطاى بطيئة اوى لان واله والله ولدى مش بيتكلم عشرين كلمة على بعض فى اليوم ولو اتكلمت الكلمة على اد السؤال والله اانا باتقطع من جواية واىىىىىى عاوزة اقولك كمان اانا حاسة ان حالى ممكن يكون زي حال اخوية الكبير بابا مش راضي عنى بس اناا مش بافهم هو راضي ولا لا وماما كمان راضية ولا لا على فكرة انا عندةى اتصال حلو اوى بمن حولى وجيراى وصحابي بس بجد انا حاسة انى فاشلة فى الغتصال بابوية اوى والله والله باحبه باحبه اوى ومش عارفة اللغة اللى نتكلم بيها ايه ونفسي الاقى كلمة حلوة اوى منهم انا باعاتب نفسي اوى وكمان تانى مشكلة ان اخوية اللى عايش معانا زي بابا بردو مش بيتكلم كتير خالص ولما اشفه متضايق اقوله مالك يقولى مالكيش دعو جاف اوى وبردو زعيق زعيق تعبت تعبت من الجفاف اللى احنا فيه نفسي فى حنان او ى مع العلم انى اجتماعية جدا وقت وجودى فى البيت بيبقى صعب جدااااااا نفسي احس بوجودهم جنبي وتشجيعهم اوى اوى مفتقدة الجو دة
                            سامحنى انى طولت بس اعزرنى انا فى حيرة وخايفى انهم بغضبوا او اكون عاقة
                            واموت على كدة او حد منهم يموت وهو غضبان منى لقدر الله وربنا يزعل منى بجد انا محتاجة الرد اوى وادعيلى ربنا يعنى على برهم ياارب

                            تعليق

                            يعمل...
                            X