إعـــــــلان

تقليص
1 من 2 < >

تنويه هام - خاص بساحات السياسة

السلام عليكم ورحمة الله وبركاته



تم اخفاء ساحات السياسة بما انها كانت سبب في فرقة العديد من الاعضاء
ونتمنى عدم التحدث في السياسة في اي ساحة سواء العامة او غيرها
المنتدى منتدى تنموي ديني والالفاظ والكلمات التي استخدمت في ساحات السياسة
اصبحت لا تناسب المنتدى وهدفه .. وتم اتخاذ هذا القرار
في ضوء بقاء الحالة السياسية كما هي في بلادنا العربية
وفي ضوء استعدادنا لاستقبال شهر رمضان المبارك في الأيام القادمة
فكل عام وانتم بخير وبلغنا واياكم شهر رمضان الكريم نشكركم

ونتمنى لكم كل التوفيق

ادارة المنتدى

2 من 2 < >

انتظرونا بعد رمضان

السلام عليكم ورحمة الله وبركاته

انتظرونا بعد رمضان







مع تحياتي
المودريتور الاحمر

شاهد أكثر
شاهد أقل

نصائح لحياه زوجيه سعيده

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نصائح لحياه زوجيه سعيده



    بلاش لبس الجلاليب الكاستور فى البيت عمال على بطال...ولا البنطلون تحت الهدوم ولا يجى من برة يلاقيكى رابطة شعرك وضاربة فيه بفتيك مفروم على بيضة نية على طريقة البحث على جوجل وصفات طبيعية لهفهفة شعر الولية...



    اهتمى بالباديكير لرجلك وايديك على فكرة الصوباع الصغنن المدوحس هو واخد باله منه متفتكريش انه متدارى يعنى !


    بلاش الكحكة بسكر اللى علطول عملاها فى شعرك فى البيت سيبيى شعرك وحتى لو شعرك بيهيش االبيبى ليس ممكن تستخدميها فى البيت وسهلة وريلو الفاجئة..لاكتويل اى لايك إت


    دايما ريحتك تبقى حلوة ماتخليهوش يخمن طبخة ايه ع الغدا اول مايقابلك فى وشه من ريحة اللبس وخلى بالك الشعر اكتر حاجة بتمتص ريحة الزيوت والاكل مش بس مجرد تغير الهدوم...


    اتعودى كل فترة تروحى كوافير لأبسط الحاجات ع الاقل ميبقاش متجوز اخوه جمال فى البيت ..مش كل اهمال فى نفسنا هنحدفه على جملة الحلاوة حلاوة الروح..لا انتى كمان حلوة الملامح ..


    اشترى ألوان روج صارخة تحطيها بس فى البيت زى الاحمر او الهافان القريب من الاورانج او اى لون قوى بس بيليق عليكى بس مش كل يوم تحطيه ..رووووج بطعم الفراولة كل يوم باكل منه اتنين ابهريه على فترات..


    مايبقاش لبسك طول اليوم واحد من الصبح لبليل بنفس الجلابية الكاستور معاكى فى المطبخ معاكى فى شاور العيال معاكى ع الغدا وتغيريها بقى قبل النوم ..ايوة هنجدد اهو يسلام ..نلاقى نفس سحنتها بس لون بصلى اصل البصلى اشيك بليل ! قولى والله ؟؟؟


    متناميش وشعرك مربوط بمنديل اجدادنا كل مايتقلب يعينى يلاقى عم عبده بتاع البيبس نايم جنبه ...ابقى لفيه لما يروح الشغل...


    جربى تلبسى فستاين قصيرة زى بتاعة الاجانب سواء بتاعة النهار او سهرة وجربى لبس الكعب بس بعد ماالولاد تنام عشان متحدفيهوش بفردة فى عينه ولا تخلعيهم وتمسكيهم ماسكة بطيخة الموظف المطحون لو ميدو الصغير طلع يجرى على فيشة الكهربا...


    لما تصحى الصبح اعملى اسنانك و خدى نعناع عشان متبوظيش اى لحظة رومانسية كانت بتشاور عقلها تحصل..واهريه هو كمان نعناع والعيال نعناع وجارتك نعناع انعشى المواطنين ماهى زاطت بقى ...


    ماحبكتش التنضيف وهو فى البيت وخيالك انه هيرفع رجله ويهزر معاكى زى اغنية اليسا اجمل احساس فى الكون...لأن الواقع هتغنى ياشبشب الهنا اشمعنا بس انا...


    بلاش قمصان النوم اللى بريش لا بتعرفى تعلقيها ولا بتطبق ولا بتعرفى تمشى بيها اصلا.والريش مصبوغ والصوباع المدوحس مفقوس اوى بردو متفتكريش الريش مداريه ده بيلمعه فى الرايحة والجاية وانتى اللى هتلمى الكلام الفارغ ده اما تلاقى الريش قلب بيتك عشة فراخ....


    محبكتش ماسك الزبادى بالتوم على وشك وهو قاعد ويسلام بقى مع زعيقك للولاد بنفس تكنيك لا تسألنى من انا!...ماهو مش زبادى الصبح وريش بليل كتييير كده كتيير يابركة 


    خليكى دايما واثقة انك جميلة...انثى...مميزة...وقادرة تبقى احلى واحدة ..وجسمك وهيئتك ليكى انتى قبل اى حد تانى قومى كلفتى الصوباع المدوحس بشراب ابو العيال ياشيخة احسن يكش كمان كده يبقى الموضوع خرج من ايدنا ....

  • #2
    اللى يحب النبي يصلى عليه

    sigpic
    فهرس مواضيعى الخاصة ( nany tony ) .............



    تعليق


    • #3
      رائع يا منار
      ده حيفرق جدا
      بيحسسك بالثقه
      sigpic

      تعليق


      • #4
        المشاركة الأصلية بواسطة Moderator4 مشاهدة المشاركة
        رائع يا منار
        ده حيفرق جدا
        بيحسسك بالثقه
        طبعا يا سمر احساس الراجل بجمال زوجته بينبع من ثقتها بنفسها وباحساسها بجمالها

        تعليق

        يعمل...
        X