إعـــــــلان

تقليص
1 من 2 < >

تنويه هام - خاص بساحات السياسة

السلام عليكم ورحمة الله وبركاته



تم اخفاء ساحات السياسة بما انها كانت سبب في فرقة العديد من الاعضاء
ونتمنى عدم التحدث في السياسة في اي ساحة سواء العامة او غيرها
المنتدى منتدى تنموي ديني والالفاظ والكلمات التي استخدمت في ساحات السياسة
اصبحت لا تناسب المنتدى وهدفه .. وتم اتخاذ هذا القرار
في ضوء بقاء الحالة السياسية كما هي في بلادنا العربية
وفي ضوء استعدادنا لاستقبال شهر رمضان المبارك في الأيام القادمة
فكل عام وانتم بخير وبلغنا واياكم شهر رمضان الكريم نشكركم

ونتمنى لكم كل التوفيق

ادارة المنتدى

2 من 2 < >

انتظرونا بعد رمضان

السلام عليكم ورحمة الله وبركاته

انتظرونا بعد رمضان







مع تحياتي
المودريتور الاحمر

شاهد أكثر
شاهد أقل

انا وجوزي والاسطمبات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • انا وجوزي والاسطمبات


    بقلمي



    الأول يعني ايه اسطمبة ؟؟؟
    اسطمبة هي قالب ثابت لا يتغير بيطلع نفس الشكل ونفس الطريقة بتبقي عند الحداد والنقاش وكدة ..
    طب ايه علاقة الاسطمبة بالجواز !!! حد فاهم حاجة ؟؟
    استنوا بس انا هحكي لكم القصص اللي عندي وهنفهم ايه علاقة الجواز بالاسطمبة

    بس بعد الفاصل اوعوا تروحو في اي حتة


    اسطمبة 1

    أختنا مني متزوجة حديثا يعني من كام شهر كدة . بعد ما خلصت ايام العسل والاجازات والفسح والحاجات الجميلة دي كلها جه وقت الجد الراجل راح شغله وهي في البيت بتشوف شغل البيت ومستنياه يرجع ... فكرت مني وقالت انا بحب جوزي اوي ونفسي اسعده واعمل لهخ كل حاجة حلوة انا لازم افكر في طريقة تخليه سعيد علي طول و مش يمل من الروتين اليومي ده ...
    تمام برافو عليك عملتي ايه يا مني ؟؟
    بنت خالتي عبير عملت حركة رااائعة وعجبت جوزها اوي
    . قررت انها تعمل زي عبير عملت ايه يا تري ؟؟؟ جابت علبة الميكب بتاعتها وفتحت لون الشفايف وجريت بسرعة علي كل المرايات اللي في الشقة
    وكتبت مرة ( بحبك ) ومرة (وحشتني ) ومرة
    (اشتقت لك يا غالي ) وكل الكلام الحلو دة في كل مرايا كتبت جملة حلوة زي عبير بالظبط
    وجهزت احلي سفرة لجوزها حبيبتها لما يرجع ويشوف المفاجئة
    قبل الموعد بدقايق استخبت تحت السرير كانت عايزة تراقب رد فعله ؟؟ مرة واحدة سمعت صريييخ ( يا خراب بيتك انتي عملتي ايه يا ولية خلصتي علبة الميكاج اللي دفعت فيها دم قلبي عشان اجيبها لك دا يومك مش هيعدي النهاردة انتي يا هااااانم روحتي فيييييييييييييييييييين

    اه نسيت اقول لكم زوج صحبتها عبير كان رومانسي اوي فالطريقة جابت نتيجة ايجابية جدا وراائعة
    اما اختنا مني جوزها حريص شويتين كان اكتر حاجة بيحب يشوفها دايما جيوبه مليانه فلوس وبيخاف ويترعب من جيوبه وهي فاضية ولستة طلبات البيت المطلوبة منه والرومانسية بالنسبة له حاجة هايفة مش في باله اصلا ..





    اسطمبة 2


    هند زوجة وام لطفلين جت في مرة كانت عايزة تشتري ملابس جديدة لأولادها الراجل كان مش موافق دلوقت مرة تانية المرتب الجاي مش لازم الشهر دة
    ومرة واحدة انفجرت هند بكاء وعويل وخناق لازم تنزل تشتري جوزها يا بنتي استهدي بالله لشهر الجاي انا مزنوق الشهر دة لا ماليش دعوة ومن كتر الزن والصراخ متحملش جوزها نزل عليها ضرب اسكتي ارحميني انا تعبااااان انتي ايه يا شيخة مافيش رحمة راح سايب البيت وماشي جريت هند علي التليفون تتصل بصاحبتها الحقيني جوزي سبني ومشي !!!
    ـ ليه ايه اللي حصل قوليلي ؟؟؟ قالت هند بكل بساطة عملت زيك لما عيطتي لجوزك عشان يفسحك وهو مش كان راضي عمل ايه ؟؟ مش سمع كلامك وفسحك !!!


    ايه رايكم عرفتوا ايه علاقة الاسطمبة بالجواز


    لا برضوا مش فاهمة قصدك ايه يعني
    طب اسمعني مني الكلمتين دول جوزك مش اسطمبة يعني ماينفعش ابدا تعملي معاه زي ما جارتك او صاحبتك ما عملت مع جوزها
    ـ يعني ايه؟ ما هو انا مليش خبرة وطبيعي اقرا واتعلم وادخل علي النت واشوف تجارب اللي حواليا واعمل زيها امال اخليه يمل مني ويسيبني ؟؟؟ انا عايزة اسعده
    يا حبيبتي معاك حق جدا اقرئي واتعلمي وشوفي تجارب من حولك مش غلط بس الغلط انك تغدي التجربة ( كوبي بيست) وتطبقيها علي جوزك من غير تفكييير ..
    كل راجل له شخصيته المستقله وميوله وطباعه مش كل راجل زي التاني ... لو عجبتك تجربة ناجحة وعايزة تعملي زيها ماشي بس بشرط لازم تعدلي عليها وتحطي التوابل والتحابيش بتاعتك انت ماهو محدش يعرف جوزك اكتر منك انت ولا ايه يا جميلة ربنا يسعدكم يااارب
    لازم تعرفي طباع جوزك ايه الاول وايه اللي يسعده وبعدين فكري تسعديه بالطرق بتاعتك انتي اللي اكيد هتنجح ....




    التعديل الأخير تم بواسطة ايمان البنداري; الساعة 26-03-2015, 05:21 PM.
    sigpic
    اللهم ارزقنا حبك وحب من يحبك
    اللهم ظلنا تحت عرشك يوم لا ظل الا ظلك
    رب اوزعني ان اشكر نعمتك علي وعلي والدي

  • #2
    فعلا يا ايمى صوابعك مش زى بعضها

    تعليق


    • #3
      ربنا يهدي الازواج والزوجات بتحصل مشاكل كتيير اوي بسبب الموضوع دة كل واحدة عايزة جوزها زي جوز صاحبتها والعكس برضوه كل راجل عايز يحول مراته ويخليته زي حد تاني
      نورتيني يا منار جزاك الله خيرا كثيرا
      sigpic
      اللهم ارزقنا حبك وحب من يحبك
      اللهم ظلنا تحت عرشك يوم لا ظل الا ظلك
      رب اوزعني ان اشكر نعمتك علي وعلي والدي

      تعليق


      • #4
        جميل حبيبتى موضوعك فعلاً عندك حق
        وطبيعة كل زوج بتختلف عن غيره ولذلك فى زوج رومانسي بطبيعته وزوج عصبي وزوج كريم وزوج بخيل حتى فى الكلام
        صوابعك مش زى بعضيها على رأى منار
        اللى يحب النبي يصلى عليه

        sigpic
        فهرس مواضيعى الخاصة ( nany tony ) .............



        تعليق


        • #5
          منورة يا ناني ربنا يخليك يااارب
          ربنا يهدي الازواج والزوجات ويعرفوا انه صوابعهم مش زي بعضها ويقتنعوا ويريحوا نفسهم من المشاكل ليل ونهار
          sigpic
          اللهم ارزقنا حبك وحب من يحبك
          اللهم ظلنا تحت عرشك يوم لا ظل الا ظلك
          رب اوزعني ان اشكر نعمتك علي وعلي والدي

          تعليق


          • #6
            رووووعة يا ايمان احسنتى حبيبتى




            اللهم احسن خواتيم أعمالنا وتقبل منا صالح الاعمال
            اللهم اجمعنا بمن نحب فى جناتك
            اللهم ارزقنا مرافقة النبى صلى الله عليه وسلم
            sigpic


            مواضيعى الخاصة ( ســــناء)



            تعليق


            • #7
              sigpic
              اللهم ارزقنا حبك وحب من يحبك
              اللهم ظلنا تحت عرشك يوم لا ظل الا ظلك
              رب اوزعني ان اشكر نعمتك علي وعلي والدي

              تعليق

              يعمل...
              X