حطي مشكلتك جوة اللمبة واتخلصي منها !!!



عنوان غريب صح ؟؟ واكيد شد انتباهك ؟؟؟
العنوان مش بغرض شد الانتباه !!!! انا قصدته فعلا حطي مشكلتك جوة اللمبة
واتخلصي منها... ايوة التخلصي منها للآبد ؟؟؟
اقولك ازاي
كلنا بنمر ف حياتنا بأزمات ومشاكل ممكن تأثر علينا تاثير سلبي وتعملنا عقد ومشاكل نفسية لو ما اتحلتش

زي ايه المشاكل دي
الخوف زي ( فوبيا ) مثلا , الانطوائية ( مش بيكلم حد او مش بيصاحب حد ) ضعف شخصية ( وبتظهر عليه مثلا في انه مش بيعرف يواجه الناس او مش بيعرف يدافع عن نفسه مش بيعرف ياخد حقه )
او اي مشكلة بنعاني منها في حياتنا وتعبانا


تمام خلاص عرفت مشكلتي النفسية اللي تعباني وعايزة اخلص منها
احط مشكلتي جوة اللمبة ازاي !!!!

اقولك
1* حددي المشكلة اللي عايزة تخلصي منها
2 * استرخي ع السرير او الكنبة او اي مكان ترتاحي فيه
حاولي تهدي خالص اكنك رميتي نفسك علي الكنبة عشان ترتاحي وسيبتي اي حاجة ف ايدك
3* خدي نفسك جامد وخرجيه براحة
4* بصي فوق علي اللمبة المنورة اللي ف السقف
ركزي ببصرك علي اللمبة ​تخيلي ان مشكلتك محبوسة جوة اللمبة دي



بصي ع اللمبة ركزي فيها جامد اكتر ركزي كمان .. كمان
5 * غمضي عينك
هه لقيتي ايه ؟؟؟
الطبيبعي لما بغمض بشوف الصورة سودة
طب دلوقت شايفة ايه ؟؟

ايه دة الصورة سودة وفيها بقعة بيضا في النص !!! بالظبط
دي جت من اثار اللمبة اللي كنتي بتشوفيها
هي دي مشكلتك اللي انت عايزة تخلصي منها
ركزي معاها شوية شايفة ايه ؟؟
البقعة قصدي المشكلة يتصغر تصغر تصغر لحد ما اختفت كلها ولقيت الصورة سودة زي ما كانت




فتحي عينك وخدي نفس جامد وقولي بصوت مسموع

الحمد لله انا كويسة وافرحي
مشكلتك النفسية راحت
لانها فعلا اختفت ادام عينك

كرري التجربة دي اكتر من مرة مش مرة واحدة هتلاحظي فعلا تغير في سلوكك وانك بقيتي احسن
مشكلتك هتقل تدريجيا لحد ما تختفي نهائيا زي ما شفتيها بعينك
انتي محتاجة تكرريها بصبر واصرار علي انك فعلا عايزة تخلصي منها

مش مجرد بتلعبي لعبة وبتجربي


مع سلامة الله