العاب فلاش

                   
النتائج 1 إلى 16 من 16
  1. #1
    عضو متألق
    تاريخ التسجيل
    May 2010
    المشاركات
    939
    علم الدولة : Users Country Flag

     الجنس :

    معدل تقييم المستوى
    65

    افتراضي على باب دكانه فى حارتنا


    على باب دكانه فى حارتنا

    الحلقه الأولى


    بلغنى ايها الملك السعيد ذو العمر المديد والرأى السديد فى ظل ارتفاع اسعار الحديد وحياتنا اللى مفيهاش جديد ومن كتر مقاومة الامراض دمانا صبحت صديد والعيشه بقت ناشفه قديد .

    بلغنى انه فى يوم من ذات الأيام , حدث والناس نيام , ان واحد غلبان , من اللى بتشوفهم فى كل مكان , العوايد واحمد ابو سليمان وف كرموز وفكل ميدان

    كان عايش حياته فى أمان . رغم كل ما يحيط به من مظاهر عدم الأمان .

    وكان يمتهن مهنه البقاله , بس حالته ............... , حالته حاله !!

    أكم عانى من إشتغاله , وحاله السوق موش شغاله , والبلطجيه وعالم عواله , فى الشكك اخر سفاله , وكل عيل برياله . واقف يبصبص قدام البقاله , اصل قدامه كانت ساكنه غزاله .

    قصره .... ياما عانى مالتيوس , ويا دوب معاه حق الغموس , وعنده ازمه فى الفلوس , والعيال عايزين دروس

    وبعد يوم كان طويل , اوله ديما جميل , واخرته الويل ثم الويل . الساعه اتناشر بليل

    جاى يقفل المحل . لقا صرصار كان دهل . عالميزان واقف بأسلوب مخل

    بقالنا قال : يادى الذل , بكره يجوا بتوع الصحه , والصرصار موجود ياخى ....... فاصل من السعال والكثير من الكحة

    فجأه قطع البقال كحته , ومسك شبشب حضرته , وراح عـ الصرصار , ناوى يقصف عمر اللى جابته ,

    الصرصار كان فى حاله انسجام , مليان شوق مليان بهيام , قاعد يعزف الألحان , على شنباته وعلى صوت فنان , من اللى بتسمعهم فى كل مكان , كما تسمعهم فى كل زمان , لحد ما جابولنا جرب فى الودان , شهرتهم وصلت للمجارى كمان

    بيحلم بالموزة أم ايدين واربع رجول , ومهرها فى دكان بقالنا الكحول , مالبضايع ايشى عدس ايشى فول , ومستنى الصرصار اصحابه الفحول , عشان يلمو الغله والمحصول

    وهو فى دنيا وعالم تانى , مليان معانى مليان اغانى , حس بريح فيها نيازك , حس بأحساس مخيف وفاتك . جسمه بيتهز زى التكاتك , وضل الشبشب خلى نهاره اللمبه ليل وحالك

    قال لنفسه النهارده تاريخ وفاتك , النهارده تفرح فيك حماتك , وتجوز حبيبتك لواحد من اصحاب الأساتك

    حاله غريب حاله عجيب , حتى فلحظات الموت بيفكر فى الحبيب ؟!!

    هو عيب ؟؟

    ولا عيب ؟؟

    عيبه كان فى التردد , اللى لقراره تملى بيوئد

    فجأه شالت الريح جناحه , وظهر من وسط ليله صباحه , وضربه الشبشب صبحت اول واحده من اللى راحوا

    اصل صاحبنا الغلبان , اللى فاشل فى النشان , قلب كفه الميزن .

    الصرصار طار بعيد , تلاتين سنتى بالتحديد .

    يعنى يا دوب عرض بلاطه , والبقال وراه اخر عباطه , عمال يطرقع بمنتهى القلاطه , والصرصار بيجرى فى استماته .

    الصرصار قاعد بينهج , والبقال راسه مهنج . وماسك شبشبه دراعه المتشنج , وقتل الصرصار يبقى كل المنهج

    الصرصار قاعد بيجرى , يبص وراه . يجرى ويجرى , والبقال تقولشى فرجله قطر مجرى

    والشبشب برياحه يعصف اكوام صخور . دا التراب اللى فى المحل خليك صاحى وعيش الدور

    يجرى ويجرى , يمكن تحصل فى الامور امور . الليله ضلمه ولا نور , وفى نهايه كل طريق يلاقى سور

    فجأه لاح نور بعيد , قال هوا دا مهربى الوحيد

    قاعد بيجرى والبقال وراه . كان الاتنين فى مباراه , وعلى الباب اتنين فى المشهد اياه , سمعوا الاتنين صرخه أأأأأأأه

    فجأه المشهد اتغير , برص كبير وقدام بقالنا صغير , وقف البقال متحير , وشبشبه فى اتجاهه فوق الاتنين لم يتغير

    البرص واقف متحير !! والصرصار كمان متحير

    اصل يا دوب من وقت قصير , كان البرص لريقه بيغير

    وكان واقف تحت البلكونه , اللى فوق الدكانه مكنونه , فى شقوقها الكبيره المجنونه

    ومحاصر صرصار وشه زى اللمونه , هجم هجمته وحسبها مضمونه , سلخه وقعت مالبلكونه واخدت معاها ابن المجنونه

    التلاته فى قلب مشهد , والمشاعر فيه بتحشد , وكل وحد فى عقله مشهد .............................!!

    وهنا ادرك ام عماد الصباح فسكتت عن الكلام المباح عشان الفجر شقشق والديك ما صاح لان انفلونزا الطيور خلته الشهيد اللى راح



    عزيزى القارىء ارجو قرأه الاتى بعنايه

    رغم طفوليه هذا المشهد

    لكنه دماغ والرب يشهد

    ومليان افكار بتحشد

    اوعدكم تشوفوها ان شاء الله فى باقى الحلقات



    ..... سؤال الحلقه

    فى نظرك من سيجرى اولا ؟؟ البقال ام البرص ام الصرصار

    والى اللقاء فى الحلقه الثانيه ................... محمد نشأت محمد عبد الله
    والسلام عليكم ورحمه الله وبركاته

    التعديل الأخير تم بواسطة insanaady ; 27-11-2011 الساعة 06:13 AM

  2. #2
    عضو متألق
    تاريخ التسجيل
    May 2010
    المشاركات
    939
    علم الدولة : Users Country Flag

     الجنس :

    معدل تقييم المستوى
    65

    افتراضي

    الحلقه الثانيه





    أتت ام عماد بعد يوم حافل من التعب والخناق مع كل من تناسو الأدب والاخلاق لتهجع بجوار حبيبها الموجود على
    سرير الملك اخر العنقود
    واخذت تداعب خصلات شعره فى حنان وعيناها تغمضان فى وداعه وامان داعيه ربها الواحد المنان ان يبارك فى ابنها ويعوضه ما ذاقته هى وابوة من حرمان
    ففاجئها بالسؤال والنوم يداعب جفونها والذى كان ملاذها من شقائها وشجونها قائلا
    ايه باقى الحدوته يا ماما
    فقالت والبسمه تغطى وجهها وتخفى لواعج قلبها
    بلغنى ايها الملك السعيد والذى صيته وصل للأفق البعيد رغم ما يقولونه ان الصبر حجه البليد واحنا صبرنا لحد مالصبار صبر على صبرنا واخيرا قال انا زهقت مفيش جديد
    ان صاحبنا الغلبان البقال التعبان الكحيان على باب بقالته واقف فى حاله جنان وايده ماسكه شبشبه وفى حاله توهان وتحت من شبشبه البرص والصرصار فى نفس المكان
    المشهد وقف لثوانى وراحت من ودن كل واحد الاغانى الصمت عشش والمعانى فى دماغ كل واحد غير التانى
    البقال قال أاااااااااااااااه يا ............ يانى ولا انت كنت فاكر ان فيه معنى تانى
    البلكونه هاتقع في يوم ولما يصبوها يوم تانى ولا حد هايدينى حق اليوم الأولانى ولا حتى التانى
    بس انا لو اتقدمت خطوه ممكن يبقى يوم موتى الاولانى وهو اكتر مالموت اللى احنا فيه موت تانى
    احسنلى اتنينى واقف فى مكانى واشوف ايه اللى مثبت الصرصار والبرص التانى ومين هايتحرك فيهم الأولانى
    البرص قال أاااااااااااااااااااااااه يا ........مكانى ولا انت كنت فاكر ان البرص عنده معنى تانى
    البلكونه هاتقع وحلنى على مالاقى متوى تانى دنا ما صدقت موت البرص الأولانى هلاقى فين متوى تانى
    بس ايه اللى جاب الصرصار قدامى والشبشب اللى فوق منى ومنه دا شىء تانى
    اه البنى ادم دا اللى موت ابويا من زمان بعصايه المكنسه جابه وشفت جثته فى نفس المكان دلوقتى انا مكانه يادى الهوان
    احسنلى اهرب بدل ما اروح فى خبر كان
    الصرصار قال :اه يانى يا لهوى يا مستهوى يا غلبى يانى البرص ده اللى اكل كتير من اخواتى الصغار الكتير الكتار وكذا مره كان هياكلنى, بيفتكر منظر اخواته جوا سنانه وازاى كان بيغدر بيهم ويلاعبهم ويتصنع معاهم الامن والامان والسلم والسلام ووقت ميجوع يبقى زى السعران وقال لنفسه انا ممكن اهرب من البقال بس البقال مش هايدخل ورايا جوا شق انما البرص يا نهار اسود فى احمر فى ازرق
    الصرصار حس ان النهايه قربت ومفاصل رجوله اتكهربت وشمس اللمبه غربت الصرصار قاعد يسترجع فى ذكرياته وصراع مرير من بين ماضيه وحاضره قبل مماته .
    بيفتكر امه اللى ماتت فى طريقها للسوق فى صفيحة الزباله لما رشها البقال ده بمبيد حشرى ومنظرها وهيا بتزحف راجعه للبيت واثار الاختناق فيها وهيا بتموت فى مشهد تراجيدى مأسوى وحركه رجليها وهيا مقلوبه بتهدأ بالتدريج حتى لحظة السكون الاخير واختلاط ملامح البسمه والقلق على وشها ما بين فرحتها بانها نجحت تشوف صغارها وما بين خوفها على مستقبلهم
    بيفتكر منظر اخوه لما لاف على صرصاره تانيه قد امه من الاتحاد الاوروبى عشان ياخد الجنسيه
    واخوه اللى راح افغانستان عشان يساند اخواته الصراصير الافعان ضد الابراص الروس وبعدين قلب عليه الابراص الامريكان بعد مخلصت حاجتى من جارتى ومش لاقى ياكل ومتهمينه انه فجر برج الرياله العالمى
    ولا مناظر اخواته اللى جمبه وكل شويه تتخانق على لقمه عيش ويقطعوا شنبه بعض ويشيلوا عيدان الكبريت وخله السنان لبعض
    ولااخوه المغزوز اللى صراصير الحله واخدينه اسير اما ابووه هو مش فاكره من كتر الهم اللى شافه اصله طلع مره ومرجعش اخباره انقطعت محدش يعرف عايش ولا مات بس امه فاكرها لانها ياما ربته وعاش فحضنها اكتر من معاش فى الشارع رغم انه عاش فى الشارع كتير بس ذكرى حضنها على طول معاه بتدفيه فى شتاه وبتهوى فى الصيف على قفاه
    المهم المشاعر كتير جواه بس مش عارف يروح فين مالهم اللى قدامه واللى وراه

    وهنا ادرك ام عماد الصباح فسكتت عن الكلام المباح واترحمت على الديك اللى ارتاح
    والفجر اذن قالت حى على الفلاح


    دلوقتى يا اصحاب العقول الصوره وضحت ولا لسا من كتر اكل الفول

    هاكرر سؤالى يا ترى بعد موضحنا كل اللى بيدور جوا كل واحد من التلاته مين اللى هايتحرك الاول
    البقال ولا البرص ولا الصرصار ؟؟
    ارجو الاجابه وبلاش فرار وخليك شجاع واتخذ قرار وخليك بنى ادم لا برص ولا صرصار وجاوبنى وانا فى الانتظار

    والى اللقاء ........................ محمد نشأت محمد عبد الله
    والسلام عليكم ورحمه الله وبركاته

    التعديل الأخير تم بواسطة insanaady ; 27-11-2011 الساعة 06:14 AM

  3. #3
    عضو متألق
    تاريخ التسجيل
    May 2010
    المشاركات
    939
    علم الدولة : Users Country Flag

     الجنس :

    معدل تقييم المستوى
    65

    افتراضي الحلقة الثالثة

    الحلقه الثالثة


    مشهد تظهر فيه ام عماد بعد يوم حافل من اسكتى يا بت بس يا واد وبعد انت ادت واجباتها لرب العباد رغم تزمر وزعيق ابو الولاد اللى ديما عامل زى سندباد فى رحلتوا للشغل طوال اسبوع سبع ايام بسبع رحلات وبعد ما عشت الولاد ونيمتهم ما عدا عماد شالت الواد وبترسم بسمه على وشها فى وسط حاله ارهاق حاد
    حطت ابنها على الفراش وقالتله الهى يابنى ما يحرمك مالكاش وماتطلع زى ابوك وامك بكاش والشيطان عنك ينحاش ويخلى نظر عدوك ليك طشاش ونظر حبيبك بشاش
    قال عماد : كملى الحدوته يا ماما
    قالت : بلغنى ايها الملك الجسور ملك قلبى وحبيبى الامور الهى ربنا يحميك من كل طابور ويوعدك بعروسه تجيبلك بوتجاز بدل البابور وتطلع سباك مشهور فى زمنا احسن من ميت دكتور
    قال عماد : سباك ايه بس يا ماما كملى الحدوته دنتى بتقوليلى يا ملك حتى
    قالت : عفوا عزيزى عن الخروج عن النص مهو لازم نحشى والحشو اختص بيها الشعب المصرى بالاخص حتى ورق العنب بدلناه بالخس
    ثم استطردت قائله : وقفنا فى حديثنا السابق على مشهد ساحق ماحق بين افكار صرصار مراهق وبين صرصار شاب رائق وبين بقالنا المتدايق
    وسألنا سؤال ومطلبناش مال ولاحدش رد على المقال
    الحقيقه لو فكرت فى التلاته هتلاقى الرد واضح يابو عقل باتا
    عماد قائلا : باتا ايه يا ماما عاوز كوتشى من اللى بينور
    ام عماد : حتى الكوتشى بقى بينور دا ابوك لسا لابس الجزمه من وقت صغير
    ما عليينا ........................... نكمل حكايتنا .................. وهانعمل مقارنه بينها وبين دنيتنا
    البقال الغلبان عنده عقل اى نعم مظهره بيقول انه متلقاش حقه من التعليم وبيفيض بالجهل بس القرايه والكتابه مش كل العقل
    هو بص لموقفه بعمليه حسابيه البلكونه مش فوقيه بس لو خطى خطوه ممكن تقع وتأذيه ويمكن حد يخطف جثته ويبيعها ويبقا محدش سمى عليه , فضل البقال ساعتها الانسحاب ويكتفى يبص على المشهد فى حاله اعجاب مين اللى هايمشى الصرصار ولا البرص اللى وقع قدامه على الباب
    اما الصرصار فى حاله رهاب مابين ترجى وقلق وعتاب ولنفسه بيوجه اكوام سباب خلت مفاصل جتته فى حاله انسياب مش هايتحرك حتى لو حصل فى موازين القوى انقلاب
    اما البرص فخوفه بشويش هو خايف مالبقال بس ومفيش اى خوف مالصرصار اللى قتله اسهل منه مفيش وبما ان الصرصار كائن بزواط فحياته من مماته مش فارقه مع الواد المهم ينفد بجلده من البنى ادم وبالتالى هايكون اكتر واحد بيتخذ قرار من البرص والصرصار هو البرص وبالتالى هايتحرك البرص الاول ويمشى مبتعد عن ايدين البقال

    كدا الحكايه خلصت بس الحدوته مخلصتش لان الحدوته ممطوطه وبدنيتنا مربوطه
    ممكن تقول ان اللى بيفكر فى التلاته هو البنى ادم اى بنى ادم من البنى ادميين سوا من عندنا ولا من عندهم لسا فيه قلب بيجرى فيه دمهم وساكن فى وسط لحمهم انما التانيين ماتت فيهم القلوب ممكن نشبها اكتر بالطوب مفيش احساس معادله خوف وتخويف
    والبنى ادم هو اللى عارف ان فيه رب كريم المفروض يخاف منه التلاته بس العالم الابراص عارفينه بس مطنشين والصراصير عارفينه بس مطنشين بس فوق من خوفهم من ربهم من الابراص برضك خايفين وبالتالى بتكون محصله العمليه تقدم مجتمع الابراص على حساب مجتمع الصراصير اللى واقف محلك سر وان اتحرك هايتحرك بعشوائيه متخبط مره يمين مره شمال ممكن يخبط فرجلين البقال بس البقال هايسيبه لانه زيه غلبان لان البقال عنده رحمه لانه فى الاساس بنى ادم مش صرصار ولا برص
    بس الدنيا ملهاش كبير ممكن البنى ادم لو خاف من مخلوق غير اللى خلقه يبقى صرصار ويبقى سهل على كل برص يدوسه ويبقى منظره مقرف ويطلعوه فى الافلام بصوره شخصيه تستحق الضرب بالشبشب كل همها الاكل واشباع الرغبات
    فى حين ان الابراص اللى كل همها الاكل واشباع الرغبات على حساب مجتمع الصراصير بالذات مبتظهرش فى افلامها الا بمظهر الابطال وكمان بيتحدوا اللى خلقهم بافلام بتنكر فكره الالوهيه وبترجع الناس لايام الوثنيه الرومانيه ولا اليونانيه ولا ولا ......لا بلاش اقول ولا ديا لاحسن يعملولى ميت قضيه
    الخلاصه حاله نقص واعتباط
    والحياه ماشيه بالعكس وبدون حاله ارتباط
    قيمه العمل انحطت وصارت القيمه للشهوات
    يبقى نرجع لربنا ولا نفضل مترددين بين خوفنا منه وبين الخوف من الابراص يا حضرات ؟
    فكر تعش تنتعش
    وهنا ادرك ام عماد الصباح فسقطت من التعب عشان تنام لكن المؤذن صاح حى على الصلاه حى على الصلاه حى على الفلاح حى على الفلاح الله اكبر الله اكبر لا اله الا الله
    محمد رسول الله
    تمت ................... محمد نشأت محمد عبد الله
    والسلام عليكم ورحمه الله وبركاته

    التعديل الأخير تم بواسطة insanaady ; 27-11-2011 الساعة 06:15 AM

  4. #4
    عضو متألق الصورة الرمزية الحائره بين السطور
    تاريخ التسجيل
    Aug 2011
    المشاركات
    769
    علم الدولة : Users Country Flag

     الجنس :

    معدل تقييم المستوى
    69

    افتراضي

    عميقه المعانى
    وقويه التعبير
    تغمرها روح الفكاهه
    ويحيكها حمكه لاتزول
    شكرا لك اخى


    أذا لم تجد عدلا في محكمة الدنيا ،
    فارفع ملفك لمحكمة الآخرة
    فان الشهود ملائكة والدعوى محفوظة
    والقاضي أحكم الحاكمين.

  5. #5
    عضو متألق
    تاريخ التسجيل
    May 2010
    المشاركات
    939
    علم الدولة : Users Country Flag

     الجنس :

    معدل تقييم المستوى
    65

    افتراضي

    تعرفى ان القصه دى قصه حقيقيه دى قصه انا شفتها فى الطبيعه فعلا انا كنت مكان البقال بس كنت صاحب سايبر بس عشان الحبكه بقى انتى عارفه خليته بقال وبعدين مش هنروح بعيد منا قبل مافتح السايبر كان عندى محل بقاله برضه فعلا كتر الخوف بيشلنا عن اننا نفكر وتصدقى بالله ممكن واحد يكون ماشى فى الشارع وتعليمه بسيط بس دماغه توزن دهب ومش هنعرفه بسبب اننا ديما بندور فى اللى ينجدنا من اللى فوق وناسيين الناس اللى تحت مع دول الامل ديما بيبقى فيهم لانهم بيبذلوا المستحيل عشان يقاوموا الضغط اللى عليهم عشان يتنفسوا هوا نضيف


  6. #6
    عضو مميز الصورة الرمزية **راما**
    تاريخ التسجيل
    Jul 2010
    المشاركات
    5,204
    مقالات المدونة
    1
    علم الدولة : Users Country Flag

     الجنس :

    معدل تقييم المستوى
    479

    افتراضي

    بجد قصه جميله
    تملك اسلوب رائع في صياغة الاحداث
    تشد القارئ الى معرفة النهايه
    بس ياريت لو تكبر الخط شويه
    اذا مافي ازعاج لحضرتك اخي



  7. #7
    عضو ماسي الصورة الرمزية همسة دفء
    تاريخ التسجيل
    May 2009
    المشاركات
    22,270
    مقالات المدونة
    1
    علم الدولة : Users Country Flag

     الجنس :

    معدل تقييم المستوى
    771

    افتراضي

    السلام عليكم اخي الكريم انسان عادي
    تسلم يداك على ما قدمت
    صراحة في قمة الروعة الكلام جميل وقوي ويتظمن حس فكاهي في نفس الوقت
    سلمت اناملك اخي وفي انتضار جديدك المبدع


  8. #8
    عضو متألق
    تاريخ التسجيل
    May 2010
    المشاركات
    939
    علم الدولة : Users Country Flag

     الجنس :

    معدل تقييم المستوى
    65

    افتراضي

    اقتباس المشاركة الأصلية كتبت بواسطة **راما** مشاهدة المشاركة
    بجد قصه جميله
    تملك اسلوب رائع في صياغة الاحداث
    تشد القارئ الى معرفة النهايه
    بس ياريت لو تكبر الخط شويه
    اذا مافي ازعاج لحضرتك اخي
    شاكر لكى مرورك العطر وتعليقك الاجمل وتم تكبير الخط واى خدمه واتمنى تنورى مواضيعى على طول


  9. #9
    عضو متألق
    تاريخ التسجيل
    May 2010
    المشاركات
    939
    علم الدولة : Users Country Flag

     الجنس :

    معدل تقييم المستوى
    65

    افتراضي

    اقتباس المشاركة الأصلية كتبت بواسطة همسة دفء مشاهدة المشاركة
    السلام عليكم اخي الكريم انسان عادي
    تسلم يداك على ما قدمت
    صراحة في قمة الروعة الكلام جميل وقوي ويتظمن حس فكاهي في نفس الوقت
    سلمت اناملك اخي وفي انتضار جديدك المبدع
    فى نظرى اجمل كوميديا هيا كوميديا المأساه وبجد احنا فى مأساه والله يا اختى الفاضله باتعجب ان بين ايدينا كتاب ربنا خالق الخلق وبطلنا نفكر فيه ونكتشف علومه ومتصدقيش قد ايه بتخنق لما كل يوم الغرب يكتشف شىء وبعدين نرجع نقول ده فى كتابنا طيب احنا كنا فين لما نسيب اللى مش على دينا هما اللى يكتشفوا ليه مش بنفكر فى كتابنا واحنا اللى نكتشف الا ان كنا فعلا بعاد عن طريقه وعن تدبر كتابه وحولنا كتب التفسير لقرأن جمب القران لدرجه بقينا نستنكر اننا نفكر نتيجه هاله تقديس زايده لعلماء الماضى اللى احترامهم لا يتنافى تماما مع معارضتهم فى بعض ما فسروا بيه وكان قايم على علوم عصورهم طالما مبيتعارضش مع ثوابت الكتاب من حيث الشريعه والحلال والحرام هتكون الصوره اوضح قدامنا لو قرينا القرأن وبعدين قرينا التفسير وبعدين قارنا بين عصر التفسير وبين عصرنا الحالى من حيث مكتشفات العلوم عشان نكمل المسيره واللى اجدادنا من السلف الصالح لو شافوا حالنا لا يقولوا الغلط كله اننا نخلى كتب التفسير مهيمنه على الكتاب وده ظلم ولما حد يكتشف زى حالاتى محدش بيتناقش معاه لو كلمت اهلى انت تطلع مين لو جيت على النت فى دردشه اتناقش الكلام فى الدين حرام على الشات لو جيت فى منتدى ملاقيش نقاش اكتر من مشكور يا جماعه انا قلت موضوع جديد فى الساحه العلميه وبناقش فيه نظريه كامله لنشأة الكون منبعها القرأن الكريم وبخالف دكتور زغلول النجار اللى بيتكلم بنظريه الانفجار الكبير اللى كلنا بنكررها وراه وهيا غلط ودينى غلط والله العظيم غلط لان عمر بناء ميبقى هدم وربنا قال السماء بناء والانفجار هدم مش بناء وادله كتير مش مكان انى اذكرها بس بجد بتألم من انى اقدر اساعد ومحدش بيسمعنى رحت كلمت زغلول نفسه ورحت لناس كتير مجرد ميسألوا دراستك ايه قبل متكلم يبقى ممنوع انى اتكلم وكل واحد بيتكلم فى كلام فاضى والله ميسوى حتى الوقت اللى ينقال فيه والكلام الجد والصح كله سادد ودانه
    هنا فيه مراقبين ومشرفين مش معقول يعنى ميكونش فيه حد منهم على اتصال بالدكتور عمرو خالد يقله فيه بنى ادم مسلم فى الشات بيقول انه اكتشف اكتشاف فى نشأة الكون وعلوم جديده من القرأن الكريم وعايز يكلمك فيها لان محدش بيسمعله نتيجه انه انسان عادى باختصار تلاقى بقى تناكه من واحد من المشرفين ايه الجديد اللى انت قلته وانت مقلتش جديد يا استاذى الفاضل ازاى مقلتش جديد طيب اقرا الموضوع وقلى ايه اللى انا كررته وايه اللى مش جديد انا بقولك الكون ده كله برعم فوق شجره زارها الرسول صلى الله عليه وسلم واثبتلك كمان بالصوره وكمان بالحديث وكمان بالقرأن وكشفتلك تصوير لمثل بينطبق بين الارض والسموات كلها وكشفتلك خدعه بصريه اثباتها اسهل من السهوله فى الطبيعه والقرأن اتكلم عنها فى مثل واضح فى الايه رقم 40 من سورة النور وهتتسبب فى انقلاب شامل فى علوم الفلك عن ما هو فوق الغلاف النجمى طيب تعالى نتناقش كلمه كلمه ونتحرك من اكتشاف لاكتشاف يادوب كتبت اول اكتشاف وملقتهوش مش فاضى الاخ مشغول بكلمه مشكور اللى بيكتبها فى المواضيع المكرره انما الموضوع اللى يستاهل فعلا يطنشه يا جماعه هو انا لو مش واثق من اللى اتوصلتله كنت استميت كدا انا مافيش موضوع بكتبه الا وبكرر نفس الكلام يا ترى ليه هل اتجننت ولا عشان واثق من ابعاد اللى مكتبتوش على المنتدى كمان
    اللى بقوله من وراه تطبيق فى مجال الطاقه ممكن يخلى بلدنا وامتنا دوله قويه جدا ومش عايز اللى اكتشفته يطلع برا عننا عشان كدا عايز اتصل بمسؤل او حد يقدر ياخد اللى عندى ومش عايز براة اختراع ولا اكتشاف ولا حتى اسمى ينحط بس ميبقاش عندنا الكتاب العظيم القران الكريم ونبقى متهانين فى العالم بالشكل ده ودمنا يبقى سبيل لاعداء الله والله العظيم هنتحاسب على ده واى حد يشوف واحد بيجتهد ويكتشف وميفكرش فى كلامه ويكذب قبل ميقرا هيتحاسب لان ممكن واحد يكون معاه اللى مش مع الجميع وممكن واحد من اللى بننكر فكرهم لمجرد اننا مستقليين بيهم يكون سبب نهضه شامله للامه والامه من افراد ولو تناسينا الفرد تناسينا الجماعه ولما الفرد ينسى اهله يبقى ايه اللى ناقص هو دا جزاتى عشان باجى اتكلم مع اللى على دينى يعنى اروح لدوله غربيه اقلهم انا اكتشفت من القرأن كذا طيب بلاش مش هجيب سيره القرأن اقلهم انا اكتشفت خطأكم فى نظره كذا للكون وبناء عليه كذا وكذا وبناء عليه نقدر نحرر طاقه بالطريقه الفلانيه قويه يستخدموها بعد كده فى اذلالنا اكتر واكتر ايه يعنى لما اكسب فلوس الدنيا كلها بس اخسر دينى واشارك اعدائى والله العظيم اللى بيحصل ده يكفر يا جماعه وان صبرنا يوم ولا اتنين ولا تلاته طيب حتى لو انا صبرت ومت واللى عندى معرفتش انشره لكن فيه كام واحد غيرى بسبب اللى بيحصل معانا ميقدرش يصبر
    ليه انتم عايزنا نبقى مش بشر وبتحملونا اللى يفوق طاقتنا هو الدين دينا لوحدنا ولا دينا كلنا
    اسف يا اختى الكريمه على التعليق الطويل ده بس بجد مكتوم واسمك هادى فالنقيض بقى ففرقعت نفسى ابقى هادى بس باللى بشوفه كل يوم مش عارف مش عارف ابدا مبنامش كل يوم خايف اتحاسب عند ربنا كاتم علم بحاول على قد مقدر بس الدم اللى كل يوم بشوفه فى التلفزيونات او اهانه اللى مش على الدين لينا او تخاذلنا وتراخينا او من مناقشاتى مع الناس فى الموضوع ده من صد وصدود فى كل حته بروحها او عدم مشاركتى فى نشر اللى اتوصلتله بتخلى جوايا بركان مش عارف يهمد بجد انا على حافه الجنون
    والسلام عليكم ورحمه الله وبركاته


  10. #10
    عضو مميز الصورة الرمزية **راما**
    تاريخ التسجيل
    Jul 2010
    المشاركات
    5,204
    مقالات المدونة
    1
    علم الدولة : Users Country Flag

     الجنس :

    معدل تقييم المستوى
    479

    افتراضي

    اقتباس المشاركة الأصلية كتبت بواسطة insanaady مشاهدة المشاركة
    شاكر لكى مرورك العطر وتعليقك الاجمل وتم تكبير الخط واى خدمه واتمنى تنورى مواضيعى على طول

    كده احسن مشكور اخي
    والله انا بتعب جدا لمن بقرأموضوع ويكون الخط صغير
    ان شاء الله اقرأ كل مواضيعك



  11. #11
    عضو متألق
    تاريخ التسجيل
    May 2010
    المشاركات
    939
    علم الدولة : Users Country Flag

     الجنس :

    معدل تقييم المستوى
    65

    افتراضي

    هاقولك طريقه كويسه يا اخت راما تتغلبى بيها على صغر الخط دوسى بصوباعك على زرار ctrl فى الكيبورد واستمرى فى الضغط عليه وفى نفس الوقت حركى بكره الماوس لفوق لحد مالخط يبقى فى مستوى النظر اللى تقدرى بيه تشوفى الخط بوضوح


  12. #12
    عضو مميز الصورة الرمزية **راما**
    تاريخ التسجيل
    Jul 2010
    المشاركات
    5,204
    مقالات المدونة
    1
    علم الدولة : Users Country Flag

     الجنس :

    معدل تقييم المستوى
    479

    افتراضي

    انا عندي لابتوب ومش بشتغل بالماوس
    على العموم شكرا جزيلا اخي



  13. #13
    عضو متألق
    تاريخ التسجيل
    May 2010
    المشاركات
    939
    علم الدولة : Users Country Flag

     الجنس :

    معدل تقييم المستوى
    65

    افتراضي

    اقتباس المشاركة الأصلية كتبت بواسطة **راما** مشاهدة المشاركة
    انا عندي لابتوب ومش بشتغل بالماوس
    على العموم شكرا جزيلا اخي
    سهله برضو فيه طريقه للاب توب ctrl + علامه + يعنى تستمرى فى الضغط على علامه كنترول وتضغطى ضغطه زائد الصوره هتكبر ناقص هتصغر اى خدمه اى حاجه فى الكمبيوتر قولى اصله عشره عمر


  14. #14
    عضو مميز الصورة الرمزية **راما**
    تاريخ التسجيل
    Jul 2010
    المشاركات
    5,204
    مقالات المدونة
    1
    علم الدولة : Users Country Flag

     الجنس :

    معدل تقييم المستوى
    479

    افتراضي

    شكرا جزيلا



  15. #15
    عضو متألق
    تاريخ التسجيل
    May 2010
    المشاركات
    939
    علم الدولة : Users Country Flag

     الجنس :

    معدل تقييم المستوى
    65

    افتراضي

    الشكر لله والحمد لله


  16. #16
    عضو مميز الصورة الرمزية **راما**
    تاريخ التسجيل
    Jul 2010
    المشاركات
    5,204
    مقالات المدونة
    1
    علم الدولة : Users Country Flag

     الجنس :

    معدل تقييم المستوى
    479

    افتراضي

    للرفع والتنشيط



 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Powered by vBulletin® Copyright ©2000 - 2012, Jelsoft Enterprises Ltd.



حماية المنتدى من اكساء هوست