دورة تعليم كروشية للمبتدئين الدروس للتحميل

**نور الاسلام على** · 11-12-2007, 03:02 PM

السلام عليكم ورحمة الله وبركاته
[سوف نبدأ أول درس من الأسبوع القادم يوم السبت 9\فبراير

لمعرفة الجميع بالميعادٍ]

مواعيد الدورة الجديدة
النظرى على الصفحة يوم السبت والأثنين
العملى ( مراجعة) على الماسنجر يوم الأربعاء

الحصص

الحصة الاولى

1-أنواع الخيوط والابر وطريقة مسكة الخيط والابرة
2-عمل البداية وغرزة السلسال

الحصة الثانية

1-الدائرة والغرزة المنزلقة
2-شرح طريقة الدائرة من صفحة كتاب

الحصة الثالثة

1-غرزة الحشو
2-غرزة نصف البريد

الحصة الرابعة

تطبيقات على غرزة الحشو وغرزة نصف البريد

الحصة الخامسة

1-غرزة العمود
2-تطبيق وردة
الحصة السادسة

1-غرزة العمود الثنائى
2-تطبيق وردة
الحصة السابعة

1-غرزة العمود الثلاثيةوالرباعية
2- تطبيق على غرزة العمود الرباعية

سجل المشتركات فى الدورة

1-بسمك يا جبار أحيا ( أم محمود)
2-ايمان أم حسن
3-مروة ماهر
4-أميرة14476
5-وهرانيا
6-ريهام
7- منار ( هناء أم خالد)
8- ايناس أحمد
9- أية عز
10-جيهان لأسعد
11- حفيدة عمرو بن الخطاب ( ايمان)
12- ايمان أبو العنين
13- رورى
14-عمرانيات
15- سارة
16- دعاء ( غريبة الدنيا)
17- أم كريم
18_دينا
ميعاد الدرس العملى على الماسنجر الساعة 9.5 صباح يوم الاربعاء
بتوقيت مصر

**نور الاسلام على** · 09-02-2008, 07:54 AM

الحصة الاولى

بسم الله نبدأ ........ ازيكم يا بنات جبتم معاكم الأدوات

الى ماجبش الأدوات يرفع ايدوا ************

أولا أنواع الخيوط الأساسية
المصانع الأوربية والخيوط المستوردة بيكون مكتوب عليها أرقام الخيوط أما الخيوط المحلية فهى سمك واحد لكل نوع وهذه صور لبعض الخيوط الأساسية

1- الصوف أو الألياف الصناعية
ويصنع منه الملابس الشتوية وبعض المفارش

2- القطن
ويفضل فى صنع جميع الملابس والمفارش

3- الحرير
يصنع منه المفارش والبلوزات وقمصان النوم

4- خيط الكوتنبرلية( الكنفاة)
وهذا خيط التطيرز ممكن نشتغل منه كروشية وهذا شغل رقيق جدا وغالى الثمن لأصحاب الذوق الرفيع

وممكن نعمل منه كنارات للملابس وكلف جميلة الشكل
وهكذا يكون الشغل منه

ياريت تراجعوا درس أنواع الخيوط على هذا الرابط
أنواع الخيوط

**نور الاسلام على** · 09-02-2008, 08:33 AM

ثانية : أنواع الابر
وهذه صور موضحة لها

اما انا استعمل الاستانلستيل

ثالثا : مسكة الابرة والخيط
1- مسكة الابرة :
لها مسكتان
أ- مسكة السكينة

ب- مسكة القلم

وأفضل ان لا تتقيدى بمسكة معينة استخدمى المسكة التى تريحك واسهل عليكى المهم ان يكون سن الابرة موجه تجاهك

2- مسكة الخيط :
هذه صور موضحة لمسكة الخيط

**(أم خـالد)** · 09-02-2008, 11:05 AM

بسم الله الرحمن الرحيم
السلام عليكم ورحمة الله وبركاته
ازيك يا ميس نور انا بسجل حضور اهه .
معاك يا ميس بس هاقوم اصلى الظهر واجهز الغدا وارجعلك تانى يا أحلى ميس . بعد اذنك يا جميل . فى حفظ الله .
السلام عليكم ورحمة الله وبركاته

**وهرانية** · 09-02-2008, 11:14 AM

السلام عليكم و رحمة الله و بركاته
إزيك يا نور
أنا كمان سجلت حضوري بس في سؤال
انا بعرف كل الحاجات لي إنتي كتباها هعمل إيه دلوقتي
و الخيط لي بتشتغلو به إنت إحنا منشتغلش بيه كثير بنستعمل أكثر شيئ الخيط الرفيع
لي قلت عليه إن غالي الثمن

**جيهان أسعد** · 09-02-2008, 11:19 AM

بسم الله الرحمن الرحيم
السلام عليكم ورحمة الله وبركاته
ازيك يانور اقري واعترف انا بنت بس الحروف وقعها عبد الرحمن وانا شيلاه

**جيهان أسعد** · 09-02-2008, 11:22 AM

يا مس الدرس ده كي جي ون اوي انا في اعدادي

**جيهان أسعد** · 09-02-2008, 11:23 AM

يا مس الدرس ده كي جي ون اوي انا في اعدادي

**نور الاسلام على** · 09-02-2008, 11:25 AM

رابعا عمل البداية ( لغرزة السلسال)
وهما طريقتان
1- بدون عقدة
امشى مع هذه الخطوات
خذى لفة على الابرة

اصبح عندك عين من الخيط امسكيها باصبعيكى جيدا حتى لاتنفك الغرزة

خذى لفة على الابرة مع امساك الشغل

هنا بعد ما طلعت اللفة من الغرزة

خذى لفة اخرى مع مسك الشغل

شكل الغرزة بعد ماطلعت اللفة (معلش الصورة مهزوزة هنا ) بعد كدة شدى الخيط لأسفل سوف ينعقد وتقدرى دلوقتى تنزعى يدك

وهذا هو الشكل فى النهاية لأول غرزة

كررى العمل ( بأخذ لفة وادخالهافى الشغل) يصبح عندك السلسال

2-بعمل عقدة
نعمل عقدة على الابرة( ولكن لا تربطيها على الابرة افتحيها قليلا)وامسكى باصبعيكى كما قلنا سابقا
اصبح عندك عين من الخيط

خذى لفة على الابرة ودخليها فى العين

شكل العين بعد ما طلعت

خذى لفة وكررى العمل كما قلنا سابقا ( فى الطريقة السابقة)
وهذا شكلها فى النهاية الآن نشد الخيط لأسفل

أصبح عندك أول غرزة سلسال

وأنا أفضل طريقة بدون عقدة لأنك لو فكيتى الشغل سوف تنعقد عقدة فى آخر الخيط
ولكن طريقة العقدة سهلة للمبتدآت

الاسم الانجليزى : chain
الاختصار : ch

رمزها فى الباترون

فديو السلسال

http://www.up99.com/download.php?file=tgR94640.wmv
الدرس القادم سوف نأخذ الدائرة والغرزة المنزلقة وتطبيق على غرزة السلسال والمنزلقة
الواجب
عمل سلسال طوله100سم ( علشان تشغلى ايدك)

**نور الاسلام على** · 09-02-2008, 11:39 AM

أهلا بيكم ياحبيبى عاملين ايه
منار صلى وتعالى فى انتظارك حببتى
سميرة يعنى معندكوش خيط أكبر شوية من كدة على العموم لوتعرفى تشتغلى عليه مش مشكلة
جيهان ماشى علشان خاطر عبد الرحمان
والى عارف الدرس يراجع معانا علشان فى بنات لسة ما تعرفش واعملوا الواجب لو شاطرين

**حفيدة عمرو بن الخطاب** · 09-02-2008, 01:14 PM

ماشاء الله عليكى اختى نور الأسلام
سأبدأ معكم بس انا تلميذة خيبة شوية
يارب يوفقك الكل

**-_- إيمان -_-** · 09-02-2008, 02:43 PM

السلام عليكم ورحمة الله وبركاته
ايه الجمال دا يا نور لا شغل على مياه بيضة كملي وربنا يعينك
بس ان شاء الله عايزاني اشتغل 100 غرزه باين عليكي فاضيه عايزه تقعدي نعدي
عموما احنا كمان فاضيينلك عدي براحتك بقى
تسلمي يا نور على تعبكوربنا يجعل جزاءه الجنة
يابنات وانتم قاعدين تشتغلوا كده متنسوش التسابيح
سبحان الله وبحمده سبحان الله العظيم
سبحان الله
الحمد لله
الله اكبر

**حفيدة عمرو بن الخطاب** · 09-02-2008, 02:52 PM

يامس نور انا عملت الواجب

**AYA_ES** · 09-02-2008, 03:20 PM

ازيك يا أبله نور
انا حاولت ابعت رساله خاصه الي ايمان بس طلعتلي رساله اداريه بتقول اني مش هقدر ارسل رساله الا بعد 200 مشاركه
ومش عارفه اعمل ايه ....\
انا قريت الدرس الجديد وهعمل الواجب ان شاء الله

**marwa maher** · 09-02-2008, 05:34 PM

ازيك يا ميس نور ماشاء الله ايه الشرح المفصل دا ربنا يباركلك أنا جيت اهو ما حدش يكتبنى غياب يا بنات

**-_- إيمان -_-** · 09-02-2008, 06:36 PM

المشاركة الأصلية كتبت بواسطة AYA_ES

ازيك يا أبله نور
انا حاولت ابعت رساله خاصه الي ايمان بس طلعتلي رساله اداريه بتقول اني مش هقدر ارسل رساله الا بعد 200 مشاركه
ومش عارفه اعمل ايه ....\
انا قريت الدرس الجديد وهعمل الواجب ان شاء الله

ان شاء الله يا ايه ارسلك الايميل برساله خاصه

**بداية الحياة** · 09-02-2008, 06:50 PM

السلام عليكم ورحمة الله وبركاته
تسجيل حضور
ام معاذ

**(باسمك يا جبار احيا)** · 10-02-2008, 06:23 AM

انا جيت
معلش يا ميس الباص اتأخر
الواجب معمول يا ميس

**(أم خـالد)** · 10-02-2008, 10:23 AM

المشاركة الأصلية كتبت بواسطة -_- إيمان -_-

السلام عليكم ورحمة الله وبركاته
ايه الجمال دا يا نور لا شغل على مياه بيضة كملي وربنا يعينك
بس ان شاء الله عايزاني اشتغل 100 غرزه باين عليكي فاضيه عايزه تقعدي نعدي
عموما احنا كمان فاضيينلك عدي براحتك بقى
تسلمي يا نور على تعبكوربنا يجعل جزاءه الجنة
يابنات وانتم قاعدين تشتغلوا كده متنسوش التسابيح
سبحان الله وبحمده سبحان الله العظيم
سبحان الله
الحمد لله
الله اكبر

بسم الله الرحمن الرحيم
السلام عليكم ورحمة الله وبركاته
يا مونه ركزى شوية . نور قالت 100 سم مش 100 غرزة يعنى تعملى متر من غرزة السلسلة . ولا انتى بتعملى الغرزة الواحدة ب سم . شوفتى كنتى هاتبوظى الواجب بتاعك . يلا عليكى 10 ريال ليا علشان لحقتك قبل ما ميس نور تزعقلك .
السلام عليكم ورحمة الله وبركاته

**نور الاسلام على** · 10-02-2008, 01:44 PM

انا مش عارفة هما لغو تثبيت الموضوع ليه احنا عملنا حاجة غلط يابنات
على العموم حطلع زعلى عليكم
ايناس والهام غياب
************
دكتور ايناس كنت فكراكى أول واحدة حضور ياريت المانع يكون خير

الموضوع: دورة تعليم كروشية للمبتدئين الدروس للتحميل

أدوات الموضوع

عرض

دورة تعليم كروشية للمبتدئين الدروس للتحميل

دورة تعليم كروشية للمبتدئين

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة