العاب فلاش

                   
صفحة 1 من 2 12 الأخيرةالأخيرة
النتائج 1 إلى 20 من 32
  1. #1
    Webmaster الصورة الرمزية مدير المنتدى
    تاريخ التسجيل
    Mar 2004
    المشاركات
    1,357
    علم الدولة : Users Country Flag

     الجنس :

    معدل تقييم المستوى
    30

    افتراضي الجواز العرفي -1


    أعضاء المنتدي الكرام

    السلام عليكم ورحمة الله وبركاته

    هذه الصفحة مخصصة للتفاعل والتشارك بالخواطر والردود حول حلقة الجواز العرفي - 1
    وأ.عمرو خالد سيتابع معكم الردود ويعلق عليها في نهاية الأسبوع ...
    في انتظار تعليقاتكم ومناقشتكم حول الحلقة لمزيد من التفاعل والاستفادة

    رابط الحلقة للتحميل هو :الجواز العرفي الجزء الأول.. انقر هنا

    معا نصنع الحياة .

  2. #2
    عضو متألق الصورة الرمزية (باسمك يا جبار احيا)
    تاريخ التسجيل
    Oct 2007
    المشاركات
    1,153
    علم الدولة : Users Country Flag

     الجنس :

    معدل تقييم المستوى
    23

    I11 حلقة ولا اروع



    ما شاء الله و لا قوة الا بالله يا استاذ عمرو ( او نقول دكتور خلاص ؟)

    حلقة ولا اروع و لا اقيم وبصراحة انا اول ما عرفت الموضوع اول الحلقة قلت طب يا أ / عمرو حتقولها ازاى
    لكن ما شاء الله لا فض فوك أخى الكبير

    انا فى حلقات الشباب كنت مرعوبة على أولادى و بأقول يا ربى طب ازاى اجنبهم كل ده من صغرهم و كنت اتخيل لو انى لاقدر الله و يا رب ما يحصلش ابدا _ اتخيل لو انى عرفت ان ابنى اللى شقيت عليه حيعمل حاجة غلط اما يكبر
    طب اصرف ازاى
    اكيد مش حأكون هادئه ( انا عارفة نفسى ) و فى نفس الوقت العنف مش حيجيب نتيجة وكنت باقول يا رب ما كانوش بنات احسن

    لكن انا باسأل حضرتك تانى يا أ/ عمرو ازاى من و هما اطفال اقدر ابعد عنهم كل كده خاصة و الجو بره البيت...... يعنى
    وكتير اوى احنا نبنى بالبيت و بره يهد ّ
    طب ايه الحل؟



    لحد ما شفت حلقة الزواج العرفىو...............
    كان الله فى عون كل اب و ام عندهم اولاد او بنات
    استحلفكم بالله يا صناع الحياة انشروا هذه الحلقة بأى شكل كان و مش صناع و بس اى حد يقدر يسمعها لاى بنت داخلة هذه المرحلة ما يستناش
    حنستنى ايه
    17% من البنات ؟ الرقم اذهلنى و تصورت كم من البيوت تعانى سواء بنات او اولاد لان لا يعقل ان اى ام تعرف ابنها اتجوز عرفى و حتنام ليلها فما بالنا بالبنات
    و اعتقد ان البنات عليها عبء كبير اوى فى هذه القضية لانها كما تفضلت حضرتك الخاسر الاكبر
    عليها عبء انها تتحمل مسئوليتها كفتاة امام الله من الالتزام بالحجاب الشرعى( الشرعى) و هذا اضعف الايمان
    و كما تفضلت حضرتك الاعلام.......الاعلام......الاعلام
    الاعلام و الفضائيات حيروحوا من ربنا فين ؟ حيقولوا لربنا ايه يوم القيامة؟ يا رب يفوقوا بئى عايزين ايه اكتر من كده



    ولا ننسى دورنا كأمهات و آباء فى احتواء الابناء و التقرب اليهم لانهم بجد محتاجين الاب و الام معا و يا ريت كل اب يفتكر كلمة حضرتك فى رمضان ان فيه آباء اعطوا التوكيل للام و اما تقع الفأس فى الرأس يقولها و انتى كنتى فين يا هانم



    وتعليق حلو اوى بتاع فستان الفرح و الزفة

    فعلا استاذنا كل بنت بتحلم بفستان الفرح و الزفة ( مش مهم بعد سنة حتقول ايه ) المهم انها تفرح ليلتهابفستانها و طرحتها
    جزاك الله عنا الفردوس الاعلى
    عندى تعليقات كتيرة بس مش باعرف اكتب كويس
    حفظ الله عيالنا ( اولاد و بنات) من شر الفتن



    التعديل الأخير تم بواسطة (باسمك يا جبار احيا) ; 30-01-2008 الساعة 06:45 AM

  3. #3
    عضو متألق
    تاريخ التسجيل
    May 2007
    المشاركات
    588
    علم الدولة : Users Country Flag

     الجنس :

    معدل تقييم المستوى
    29

    افتراضي



    أخي الكريم الأستاذ عمروكم احزنتني النسبة التي ذكرتها يا أستاذ عمرو عن الزواج العرفي في مصر والتي كنت أامل أن يخرج منها جيل واعي مشغول بهموم امته ويحيا قضاياها ويحلم بتحرير الأقصى ولكن يبدو ان الطريق لازال طويلا ويحتاج لجهد كبير في استعادة الشخصية وانضباط الأخلاق الأساسية وفعلا كنت بالأمس اتناقش مع اختي حول الجلسات المنفردة بين الشباب والبنات في وقت متأخر في الجامعة والاختلاط الزائد وعدم الحياء في التعامل ونفكر فيما نفعل من باب الأمر بالمعروف والنهي عن المنكر بشكل مناسب و بالحكمة والموعظة الحسنة وأخيرا قررت أن اقوم بنسخ حلقات الجنة في بيوتنا واعطائها لهؤلاء البنات لقراءتها عسى ان يتراجعن عما هن فيه من أفعال لا ترضي رب العالمين وجزاك الله خير الجزاء وأصلح على يديك وايدينا شباب المسلمين
    رجاء خاص يا أستاذ عمرو ارجو ان تتحدث في مسألة الحجاب المنضبط الشرعي الذي يرضي الله بكل قوة ولا تعتقد ان احدا لن يتقبل هذا الكلام في ظل التدهور الأخلاقي الحالي لأن الحجاب جزء اصيل من حل المشكلة وكذلك هل تذكر كم من الفتيات البعيدات عن الله تأثرن بكلامك في السابق عن الحجاب واقبلن على التدين بشدة والله الناس تتأثر بكلمة الحق القوية انا اذكر الآن كلامك عن آيات سورة النور وكيف أحاط الله تعالى المجتمع بسياج وضوابط تحفظه من الوقوع في الرذائل ومنها الحجاب وغض البصر وغير ذلك نريد زيادة الجرعة الايمانية في الحلقات والحديث صراحة في امر الحجاب الصحيح فتوكل على الله واقتحم الأمر من جديد والله هو الناصر لدينه باذن الله

    اختك مسلمة من جيل العزة


  4. #4
    مشرف الصورة الرمزية أمل صبحى محمد
    تاريخ التسجيل
    Mar 2005
    المشاركات
    7,394
    علم الدولة : Users Country Flag

     الجنس :

    معدل تقييم المستوى
    186

    افتراضي

    السلام عليكم ورحمة الله و بركاته

    الأول انا فرحانة جدا شروق حصلت على %96 فى الترم الأول فى الشهادة الإعدادية
    و اقول يا رب احفظها و احفظ كل بناتنا
    يا رب طهرهم و عفهم و اكتب لهم الأزواج الصالحة
    يا رب
    و ان شاء الله اكمل المشاركة بعد عمل اتصالات
    عقبال اولادكم جميعا
    ================================================== ===========================
    اكتب التعليق بعد عدة ساعات من فرحتى بنجاح بنتى شروق سعيد و بعد فرحتى بنتيجة محمد ابنى اصغر اولادى فى الثالث الإبتدائى و الحمد لله حصل على ممتاز فى كل المواد و فرحت به يمكن اكثر من فرحتى بشروق
    كنت بالامس اشاهد الحلقة و افكر فى المشاركة التى ساكتبها على هذا الموضوع كنت مهمومة هم عظيم يا ربى 14 الف نفس بشرية خلقت على الأرض فى مصر فقط مجهولين النسب
    اللهم لا حول و لا قوة إلا بالله
    14 الف نفس مصرية ولدت و خرجت للحياة و هى فاقدة لما يميز الجنس البشرى عن باقى المخلوقات
    يا رب رحمتك بهم يا رب اخلف عليهم و آجرهم فى مصيبتهم فما لهم ذنب فهم ضحايا الشيطان و تب و اغفر لمن كان سبب فى وجودهم بهذه الطريقة
    النور سورة النور هى النجاة من ظلمات الشيطان سورة انزلها الله و فرضها فمن هذا الذى يعصى الله و لا يجيب الفرائضالتى فرضها الله
    و نسال انفسنا ابنائنا يخرجون للحياة طاهرين يخرجون للحياة على فطرة الطهارة والعفة و الإيمان فمن يشوه فطرتهم و من ياخذ بهم إلى الضلال
    القيادة سواء اب أو ام او حاكم الرعاة
    كل راعى مسئول عن رعيته
    عندما اصبح الإلتزام تهمه يحاسب عليها القانون عندما اصبح الزى الشرعى شبة و محذور على من يرتدى النقاب الدخول للأماكن الرسمية و عندما اصبح من يحمل علبة سجاير و يسمع شريط اغانى فاسد يعامل معاملة حسنة ولا تحوط حوله شبه
    عندما اصبح كل هذا من مميزات المجتمع كان المنتج المميز للمجتمع 14 الف طفل مجهول النسب
    كل راعى مسئول عن رعيته و الرعية التى تعرف ان الراعى لها لا يطبق شرع الله فعليها ان تمسك على دينها كالقابض على الجمر

    الطهارة و الفطرة السليمة هى دين الله منذ بدأ الخلق
    و ربنا يتوب و يغفر لمن أخطاء و يرحم ضحايا هذه الخطاء و ندعوه يحفظ الجيل القادم من شر الفتن ما ظهر و ما بطن
    و الله ستير يحب الستر فدعوة للاهل ان يستروا ابنائهم و بناتهم و يسامحوهم و يساعدوهم على حياة جديدة و لا ينسوا الهل إنهم مشاركون فى الخطأ فما كان لبنت ات تخطا و امها محتضناها و صديقة لها و تشعر بها و ما كان لأبن ان يخطا و ابوه قدوته و صديقة و ظهره الذى يستند عليه
    الأرض الطيب يخرج نباته طيب و الأرض الطيب الذى خرج منه نبت غير طيب لعله إبتلاء فيرفع الله به صاحبه درجات فى الجنة

    الأخت الفاضلة سكرتير البرنامج حفظك الله

    الأستاذ و المعلم و القدوة بعد رسول الله ثبتك الله و اصلح بك الأرض


    ملحوظة صغيرة على قدر ما اعلم لغويا
    العنوان ليس صحيح لغويا حيث ان الجواز العرفى معناه السماح و الجائز عرفا اما الزواج فمن تزوج ( اى ان الزواج العرفى لا يساوى الجواز العرفى )


  5. #5
    الصورة الرمزية khadija amat ALLAH
    تاريخ التسجيل
    Oct 2007
    المشاركات
    21
    علم الدولة : Users Country Flag

     الجنس :

    معدل تقييم المستوى
    0

    افتراضي

    السلام عليكم يا اخي الفاضل ا.عمرو خالد اكيييييييييييييييييد طريقة القاءك للدرس و حرقة قلبك في انك توصل الرسالة حياثر كتييييييييييييييييييييييير في بناتنا و دا لي انا بتمناه من كل قلبي المهم انا بضم صوتي لصوتك و اخاطب الاهالي اولا حرام عليكم يا اهالي لي بتنشغلو على اولادكم بالشغل و ما تدوهمش الحنان لي محتاجينو فيروحو يدورو عليه برا البيت برا حضن الام و الاب و الاخ الكبير او في نوع تاني اهالي معقدينها اوي و مش مخلين بناتهم و اولادهم يصاحبوهم و يحكولهم على كل صغيرة و كبيرة و كل مشكلة فيروحو يدوروا على ودن تانية تسمعهم و ايد تانية تمسح دمعتهم فتكونوا سبب انهم يروحو تحت اسم الحب يغلطو و يدمرو حياتهم و حياتكم حرام فكروووووووووووا في ولادكم قبل اي حاجة تانية و احموهم دي مسؤوليتكم و بوجه خطابي للبنات خصوصا يا بنات ارجوووووووووووووووووووووووكم ما تنخدعوا باقدس شعور في الكون لي هو الحب لي بيستخدم كسلاح لحتى يدمرك ارجوووووووووووكم خلو هدا الشعوووووور داخل الجواز مش براه و انا عارفة انكم حتقولو انا مش حقدر احبس قلبي رح قلك ايه معليش بس لي بيحبك بيكرمك و يعليك مو يدمرك و يرميكي و كمان حرام عليكي تخدعي ابوكي و امك حتى لو كانو اقسى الناس عليكي لانو لولاهم ماخلقتي اصلا على وش الدنيا و حياتك موو ملكك لحالك هي ملكهم كمان لا تدمريهم و تدمري حالك ارجووووووووووووكم بلاش تدمروا اهلكم و لو كل الكلام دا ماثرش فيك حسالكم سؤال يا ترى ترضي انو بنتك تعمل كدة من وراكي؟ انتي جاوبي و كلمتي الاخيرة للشباب مش حقولكم انكم مش حترضو دا لاختكم لا دا كلام كلكم عارفينو بس حقول ان الرجال قوامون على النساء طيب ايه مفهوم القوامة عندكم المعروف انو الرجال اقوى فهل ترى القوة في تدمير حياة مخلوق ام القوة في احياء حياة مخلوق و بث القوة فيه و ايدك في ايدها في الحلال و في ايد اسر تانية كتير حنبني عالم مليء فيه قوة الاحياء و ليس التدمير لان الارض مكان للحياة انت تختار ايها الشاب في ايمكان تريد ان تكون وكيف تبني لاولادك و لبناتك مستقبلا لا يخشون فيه شيئا الا الله اتمنى بجد اني كلامي دا يكون فيه فايدة لكل لي بيقراه


  6. #6

    تاريخ التسجيل
    Jan 2008
    المشاركات
    3
    علم الدولة : Users Country Flag

     الجنس :

    معدل تقييم المستوى
    0

    افتراضي

    والله انا اتفرجت على الحلقه وعجبتى جدا بس النسبه ارعبتنى جدا يا استاذ عمرو ودا معنى ان بناتنا وشبابنا متجه الى طريق مظلم وانا العام المقبل داخل الجامعه وعارف اللى بيحصل فيها وبغض النظر عنها بحاول اتجنبها وموضوع ابعاد الجواز العرفى عن الفتيات او الشباب شئ صعب فى الوقت الحالى لان الاب والام مختفين تماما عن وجدان الشاب او الفتاة كل هم الاب ان يجيب الاكل والملبس ويقضى احتيجاتهم قليل جدا اما تلقى الاب اللى يسال ابنه او بنته والام كذالك هما تغسل وتطبخ والاعمال المنزليه فمن الصعب جدا السيطرة على الظاهره دى ولكن بالتعاون هنحلها ومع اختفاء الاب والام الشارع هو اللى بيربى الشاب او الفتاة بياخد اخلاقيته من اصداقائه شاف حد عمل حاجه لازم الحل ياتى من البيت علشان الشباب ميحصلهمش كدا


  7. #7
    عضو متألق الصورة الرمزية اسامه فتحي
    تاريخ التسجيل
    Oct 2006
    المشاركات
    871
    علم الدولة : Users Country Flag

     الجنس :

    معدل تقييم المستوى
    62

    افتراضي يارب يحفظك لينا يا دكتور عمرو

    السلام عليكم ورحمة الله وبركاته
    ازيك يا استاذ عمرو فرّحتنا ونورت عقولنا وعقولنا اخواتي واهلي والناس كلهم
    انا من فرحتي قبلت شاشة التلفاز ان حضرتك اتكلمت ف الموضوع ده
    لكن بعد كده خفت اوي وخفت على اخواتي وبناتي مثلا ان شاء الله في المستقبل واهلي وعلى نفسي كمان ودعيت ربنا يحفظنا ويحفظك لينا وتفضل دائما يا استاذ عمرو سند لينا وناصح

    انا الحقيقه وانا بكتب الرد ده دلوقتي جاه في بالي سؤال " حضرتك هتكمل برنامج صناع الحياة ولا لأ ...؟"
    خصوصا ان حضرتك قلت دعوة لمن يريد ان ينضم لجمعيات صناع الحياة يتفضل ويشتغل معانا.
    وهو ده اللي فكرني بالسؤال ده ؟
    حاجه تانيه تخص موضوع الشباب والجنس..انا كان نفسي حضرتك توجد لمسه ولو صغيرة عن العادة السرية وديه من غير شك بتمثل مشكله كبيرة لكتير من الشباب

    التعديل الأخير تم بواسطة اسامه فتحي ; 28-01-2008 الساعة 07:55 PM
    http://forum.amrkhaled.net/showthrea...post1051267579
    تعالوا نحب مصر .. تعالوا نعرف مصر

    http://forum.amrkhaled.net/showthread.php?t=327347
    انا المصري يا نيل .. رسالة حب

  8. #8
    الصورة الرمزية sarahn90
    تاريخ التسجيل
    Oct 2007
    المشاركات
    531
    علم الدولة : Users Country Flag

     الجنس :

    معدل تقييم المستوى
    15

    افتراضي

    السلام عليكم يا أستاذ عمرو خالد يا أبي وقدوتي
    أنا شفت حلقة الجواز العرفي وعندما سمعت كلامك عنهم
    والله أبكيت قلبي وشعرت بحزن شديد ,اللهم أهديهيم يارب ,
    وأنا بشكرك جدا جدا جدا يا أبي وأستاذي على هذا لأنك بتصحي ضمير كل إنسان
    وجزك الله خيرا وبارك بك ,وربنا يضيء لك دروب الرحمة والإيمان والهداية والنور والنجاح
    وجعلك وإيانا مع الهدى محمد صلى الله عليه وسلم

    اللهم آميييييييييييييييين

    والسلام عليكم ورحمة الله وبركاته


  9. #9
    عضو جديد
    تاريخ التسجيل
    Jan 2007
    المشاركات
    44
    علم الدولة : Users Country Flag

     الجنس :

    معدل تقييم المستوى
    0

    افتراضي

    شكرا جدا على الحلقة يا حبيبى يا استاذ عمرو خالد وعلى مجهوداتك فى مساعدة الشباب على شق مستقبلهم وحل مشاكلهم اما كلامى عن الحلقة فانه يدور حول ..
    ازاى بنت متعلمة وفهمة يعنى ايه جواز عرفى ومشاكله وانه اصلا حرام تفعل هذا بموجب انها بتحب شاب وهو اصلا مش بيحبها ده بيتسلى بيها وحيقضى غرضه وينتهى الامر ويقطع الورقة وخلاص ده البنات اللى مش متعلمين مش بيعملوا هذا يبقى البنات اللى دخلوا الجامعة وثقافتهم عالية يحصل فيهم كده ونفسى اقول كلمة للشباب اتقى الله وانت بتتعامل مع من تحبها وفكر كثيرا انه الموقف ده ممكن يكون فيه اختك او قربتك


  10. #10

    تاريخ التسجيل
    Oct 2007
    المشاركات
    100
    علم الدولة : Users Country Flag

     الجنس :

    معدل تقييم المستوى
    11

    افتراضي

    السلام عليكم ورحمة الله وبركاته
    احب ان اقول ان الحلقة جميلة جدا واشكرأ|عمرو عليها وعايزه قبل بدا كلامى ان اقول تقوى الله هى الاهم فى كل شئ
    وانا مستغربه جدا من هذه النسبة لاننا محكومين بعادات وتقاليد وشريعة .
    ولكن اذا نظرنا الى الغرب اللى احنا نقتبس منهم الاشياء التافهه ونقول تقدم نراهم برغم من عدم وجود تقاليد عندهم ومع انهم يقمون العلاقات قبل الزوج ولكن تراهم لابد من الاشهار بين الناس والعائلة والاحتفال فى كنائسهم ولانسمع عن زواج سرى بينهم
    وعايزه اقول ان هذه المشكلة تدمر مجتمع بأكمله لانه ينتج عنه اولاد مجهولة النسب مما يؤدى الى وجود اطفال الشوارع مما يؤدى الى مجتمع ضعيف لايوجد به اى تقدم اوحضارة
    وعايزه اضم صوتى لصوت حضرتك واقول لابد من اعلامنا ان يخاف على اولاده .
    وجزاك الله خير


  11. #11

    تاريخ التسجيل
    Jan 2008
    المشاركات
    1
    علم الدولة : Users Country Flag

     الجنس :

    معدل تقييم المستوى
    0

    I15 تعلمى من تجربتى وخافى من الله يوم القيامه

    السلام عليكم ورحمة الله وبركاته اشكرك كثيرا يا استاذ عمرو على موضوع الجواز العرفى واشكرك بشكل شخصى لاننى قد ارسلت اليك من قبل رساله تحمل نفسى الموضوع ولله الحمد استفدت من حضرتك كثيرا واحب ان اقول شيئا هاما قد زكرته حضرتك من قبل ان كل انسان قد كرمه الله سبحانه وتعالى وخلق جسده ونفخ فيه من روحه اى اننا نولد بروح طاهرة ونقيه فكيف نقدر على تلويثها بما يغضب الله عز وجل وذلك بمعصيه من الكبائر وايضا كما زكرت حضرتك كيف تستطيع هذه الفتاه ان تجلس فى المنزل مع والدها وولدتها وهى تخدعهم وتسلب منهم ابسط حقوقهم عليها انهم يفرحوا بيها ولكن ارجوا من حضرتك انك تزكر نقطه هامه وانا مريت بيها واشعر بمرارتها فى فمى الى الان واعتقد انها ستظل الى الابد وهى اننى حرمت نفسى من ان اكون مثل كل البنات غاليه وحرمت نفسى من طعم السعاده طول عمرى لانى صارحت خطيبى ولم استطع ان اخدعه لانه ليس له ذنب والحمد لله وبفضل كبير من الله عز وجل انه استخار الله وقرر ان يظل معى وان اعاهده امام الله سبحانه وتعالى على اننى اظل مخلصه له لاخر العمر وانا اطلب من الشباب ايضا ان يحاولو ان يفهموا هذا ويفعلوا مثل خطيبى لانه والحمد لله بعد خطوبتنا ربنا كرمه وجتله فرصة شغل احسن وحياته بتتحسن يوم بعد يوم واخيرا اطلب من البنات ان لا يياسوا ابدا من رحمة الله سبحانه وتعالى لانى قولت يارب سامحنى وساعدنى انى اعيش من جديد واقبل توبتى وعوضنى بالزوج الصالح والحمد لله ربنا استجاب دعوتى واما الشباب فليس عندى سوا جمله واحده اتقوا الله فى البنات واذا اخطاتم فتوبوا ولا تتخلوا عنهم وتضيعوا مستقبلهم فهم بشر مثلكم ولكن رجاء خاص وطلب مهم من حضرتك يا استاذ عمرو ياريت تتكلم عن اهل الولد كمان مش بس اهل البنت لان اهل الولد هما الاهم لان فى مشكلتى انا وقفوا جمب ابنهم وقالوا دا راجل وكانوا مستعدين ياذونى باى شىء فى مقابل ان ابنهم مايتجوزنيش وقالولى احنا فى حكومه فى ظهرنا انا اسفه طبعا لانى قولت كده لحضرتك لكن انا نفسى كل البنات واولياء الامور اللى عندهم ابن يقولوله اتقى الله فى بنات الناس مش يساعدوه على الفساد ويقولوا ابننا راجل لان ربنا سبحانه وتعالى ورسوله صلى الله عليه وسلم مافرقوش فى الاسلام بين الرجل والمراه فى الزنا واخيرا اشكر حضرتك جدا جدا على نصيحتك ليا واتمنى من الله ان يغفر ذنوبنا جميعا ويقبل توبتنا اللهم استرنا فوق الارض وتحت الارض ويوم العرض عليك امين امين امين يارب العالمين


  12. #12
    الصورة الرمزية شذى الحياة44
    تاريخ التسجيل
    Sep 2007
    المشاركات
    258
    علم الدولة : Users Country Flag

     الجنس :

    معدل تقييم المستوى
    13

    I15 كذبت الشيطان

    كنت رافضة جدا ن انقل لكم تجربتي الشخصية ولكن بعد حلقت اليوم تحديت نفسي ها انا اسطرها لكم متحدية خوفي من اي صورة ترسم ضدي

    بكل جهل وغباء او بأساليب متعددة من الشيطان عشت فصول هذه القصة

    انا فتاة سعودية يعني من بيئة الرجل منفصل عن المرئة بشكل يكاد كبير ومن اسرة عددها كبير لايكاد التواصل بينهم موجود بالنسبة الكبيرة
    في هذه الظروف نشائت اي دون حسيب او رقيب او اي شخص من العائلة او خارجها اخذ بيدي و فهمني بشكل مفصل حرمت العلاقة بين الجنسين
    ومن سنة الله في كونه ان يلتقي ادم بحواء هذا من الفطرة ولكن الدين اتى ونضمها لنا وجعل لكل من الجنسين نظام صحيح معين لم افهم هذا الكلام الا الأن


    نشائت على كلمت لا وحرام وعيب واصبحت كلمات استطيع ان اتجاوزها دون عقاب اذا لم اجد الأجابة المبررة لهذه الكلمات ( الشيطان شاطر )

    تزوجت اختى الأثنتين و اصبحت انا الكبيرة في البنات وكان عمري حينها 13سنة
    ولم يتركن خلفهم سوى السمعة السيئة للأسف
    ورئيتهم يعملون الخطاء والممنوع دون اي عقاب طبعا في الخفاء ورئيت ان الشيئ هذا منتشر في كثير من البنات حتى تضاربت عندي المعلومات ولم اعد اميز اين الصحيح من الخطاء اذهب

    الى امي وارها متشددة ولا استطيع الفهم منها واذهب الى المعلمة في المدرسة ولا اجد منها سوى كلام لا يفهم مثاليات فقط فأذهب الى اهل الدين فأضيع اكثر واذهب الى صديقاتي فأرى

    العجب
    فتركتها للزمن وفي هذه الفترة وانا ابحث عن الحقيقة هاجمني حب شاب لم اعرف عنه اي شيئ سوى اسمه وشكله واصبحت كالمجنونة ابحث عنه في كل مكان وكنت منشغلة جدا بحبه

    وفي طريقي للبحث عنه واجهت كثير من ابناء حارتي يردون ان ينشئو معي قصة حب رفضتهم ليس لأنه حرام او عيب لأني لالالالالالا اعلم بهذه الحرمانية ولكن وفاء لهذا الشاب

    واستطاع شاب من بينهم من باب الصدفة ان يكذب علي ويقول انه ( فلان ) ظننت انه هو ذاك الشاب لتشابه الأسم
    في لبداية المكالمة الهاتفية عندما صرح بأسمه الوهمي سعدت جدا وصدقته ولكن قلبي لم يصدقه فتحايلت على قلبي ليصدق انه هو ذاك الشاب الذي احببته وقلبي يخبرني انه كاذب

    وانا...

    طبعا مجتمع منفصل بين الجنسين لا يكون اللقاء فيه الا بعد كم اسبوع او شهر من نشوء العلاقة الهاتفية يعني لم ارى شكله حتى اتأكد
    من بعد مرور تقريبا ثلاثة ايام او اكثر بقليل
    اتتني مكالمة هاتفية من شاب (((طبعا تعودت على هذه المكلمات في كل يوم في فترة العصر لالالالالالا يسكت الهاتف من الأتصلات في كل مرة وكل اتصال اجد معاكسات بكل الأشكال

    اصبح الأمر غير طبيعي في كل مرة ارفضهم جميعا )))
    قال لي هذا الشاب من بعد ماتلفظت عليه بكلام بذيئ انه فاعل خير وان الشاب الذي يكلمني ليس اسمه فلان وان اسمه فلان وهو جار لنا وانه يستهزء مني واعطاني دليلا كي اصدقه
    كانت كالصاعقة واشد مات حلمي الوحيد وخصوصا من بعد ماتأكد من صحة كلامة لم يتركني في حالي فاعل الخير هذا
    هو ايضا يريد التحدث معي
    قطعت علاقتي في الفور بذاك الشاب الكاذب وواجهته بالحقيقة والحمدلله كان قبل ان يحدث اي شيئ وحاول بكل الطرق الملتوية ان يبقيني على علاقته دون فائدة
    اما بالنسبة لفاعل الخير دمرني بكل معنى لهذه الكلمة كان دائما دائما دائما يقول لي ان سمعتي سيئة جدا وان الشباب يتنافسون على الأقاع بي لأني ( رخيصة ) لأني استطيع بسهولة

    ان انشئ العلقات مع اكثر من شاب في وقت واحد واني اذهب مع اي شخص يريدني وقال لي كلام ابشع من هذا الكلام كل يوم يسمعني حكياتي وبطولاتي التي قمت بها وانا والله

    اعظيم كنت قبلها بسنتين العب في الشارع مع اصدقائى الأطفال وبعدها انشغلت بالبلوغ والتغيرات التي تحدث على جسمي وبحثي عن ذاك الشاب

    ليس عندي وقت لعمل كل هذه البطولات ويحتاج عمر على عمري حتى اعملها من بعد سنوات اكتشفت ان اخواتي البنات وصدقاتهن كانوا يستخدمون اسمي للتعرف به بين الشبان وانا كنت

    العب غافلة مع اصدقائي

    لم يكن لي مكان الجاء اليه من هذا الجحيم ليس من السهل ان تطعن المرئة في هويتها في تاجها في سلاحها لا يوجد لدي اي شيئ رصيدي في الحياة صفر وليس هنالك انسان عاقل

    قادر يستوعبني ويضع قدمي على الطريق الصحيح و للأسف رجال الدين غيبوا رحمة الله وعفوه وقربه وانه موجود في كونه وانه احن علينا من انفسنا كنت اذهب الى الصلاة واحفظ الأدعية واحاول ان اقولها فينسينيها الشيطان واريد ان اشكي اليه ما ابتليت به ولكني اخاف جدا ورئيت كل الأبوب قفلت في وجهي ولا اجد من يصدقني انني

    بريئة واني اقسم بالله اني لم ولن اعمل هذا الفعل المشين ابدا ابدا
    والشيطان رسم لي ان هذا فاعل الخير هو الملاك الوحيد في حياتي وانه هو الشخص الوحيد الذي يعلم اني بريئة من بعد مادمرني ( الله يسامحه دنيا واخرة ) فعرض علي الزواج وانه

    احبني وللأسف هو الأخر جار لنا ومن اهل ابي
    وكان بالنسبة لي طوق النجات لي من هذا العذاب ومن بعد ما أكد لي انه ليس لي اي فرصة في الزوج كان عمري وقتها 14سنة كبر في نظري اكثر وزادت للأسف صورته الملائكة في

    نظري
    وكانت مشاكلي تزداد سوء يوم بعد يوم لدرجة ان امي اقرب الناس لي اتهمتني (0بالحمل) بدل ما تحتوني قتلتني وشرحتني واكلت من لحمي هي الأخرى من لحمي دون رحمة مرت

    السنوات الى ان ظهر الأستاذ عمرو خالد فكان عمري حاولي 15_16 سنة
    فكان الحضن والنور والصورة الصحيحة لي انقذني الله به من هذا الوحل وفهمني معنى الصح من الخطاء وايقض في قلبي حب الله ومسح دمعتي وعلمني كيف امسك القرءان بحب وفهم وليس

    كالبغبغاء
    واقول في صلاتي احبك ياربي
    وشكوتي لربي
    بدئت الحياة نظيفة من جديد فيها اثبت للنفسي اولا وللناس اني طاهرة بعون الله فكل من طردني من بيته ومنع بناته الأختلاط بي اصبح يتمنى ان ادخل بيته وكل من تحدث عني بسوء

    طلب الزواج مني والحمدلله
    ولكن الشيطان شاطر جدا جدا جدا
    لقد فهمني الأستاذ عمرو خالد ان اي علاقة بين الرجل والمرئة قبل الزواج حرام ولم يفهمني التفاصيل فسرعان مابادرت بقطع علاقتي بفاعل الخير ذاك
    وعلمني الأستاذ عمرو خالد انه لابد ان يكون لنا هدف فوضعت هدفي ان انجب صلاح الدين فوضعت هدفي في الفعل سعيت للتعلم كيف ابني بيتا اقيم فيه الدنيا والدين معا وبعدها تعلمت

    كيف اربي الأولاد وانشئهم نشأت صحيحة تجمع بين الدنيا والدين في هذه الأجواء تطلب مني ان اختار الزوج المناسب ومن هنا دخل الشيطان
    في احدى محضرات الأستاذ عمرو خالد قال كل علقات الحب بين الشباب والبنات نسبة 99% لاتنتهي بالزواج و 1% تنتهي بالزواج
    وايضا قال او فهمت من محاضرته ان العلاقة التى يكون للأهل علم بها ليست ضمن القائمة الممنوعة

    فبنى عليها الشيطان بنيانه وعدت لفاعل الخير بحكم من انه خاطبني من اهلي خطبة غير رسمية بمعنى انه امام الناس لا يحسب عليه خطيب وامام اهلي ليست خطبة كاملة

    وكان وقتها ليس ملتزم بالدين كثيرا فضحك علية الشيطان وقال اجعليه هدفك من خلاله تثبتين لنفسك حبك لله اصبحت اعامله بأكثر رحمة احثه على الصلاة وعمل كل خير واشجعه على كل

    شيئ يدفعه للأمام وابني معه طريق يصل ينا الى السعادة الزوجية وكلما تقدم لخطبتي شخص غيره ارفضه من اجله
    لم افهم جيدا كلام الأستاذ عمرو خالد ان الحرام يقع فقط على المعاشرة الجنسية فقط
    ورئيت انني ما افعله صحيح زين لشيطان لي عملي في كل مرة ينوي هذا الشاب ليتقدم لي بشكل رسمي او بمعنى نعلن خطوبتنا يحدث كثير من العوارض في كل مرة دائما تتكرر هذه

    العوارض لم افهم ان الله لا يريد هذا الأرتباط وانا اعاند بغباء شديد
    حتى كشف الله لي الحجاب الذي كان على عيني ورئيت بالفعل ان هذا الشخص كان من السهل عليه ان يرتبط بي ولكن الرجل بفطرته يرفض المرئة التي يصل اليها بسهولة ولا اقصد

    المعاشرة الجنسية ولكنه تطمن انه متى ما اراد ان يخطبني سيجدني امامه دون ان يفكر في سنوات عمري التي تذهب وانا انتظره

    فقررت ان اخرجه من حياتي للأبد عندها ارسل اهله لخطبتي بشكل رسمي واخطائت مرة اخرى عندما وافقت بسرعة ولم اصلي صلاة الأستخارة فعدت اكلمه في الهاتف مرة اخرى بحكم انه خطيبي

    فوجدت انه لا يكفي هذا لم اجد لي الأحترام عنده وانا في أولوياته من الدرجة الخامسة واقل وليس لي رئي فطلبت منه ان نصلي صلات الأستخارة فرفض وقال (انت قدري) فصليت انا صلاة

    الأستخارة اكثر من مرة
    في كل مرة يزداد بغضي لهذا الأنسان وفي كل مرة اجده هو يرفض اي صورة تجمعنا ببعض مثلا ان يقوم بزيارة الى بيتنا في الأعياد او في اي مناسبة نفور شديد من بين الطرفين من

    بعد ما اثبت للكل انه صادق في حبه وانني على صواب اتضح ان كل هذه كذبة شيطان
    هو لا يحبني وانا لا احبه ولكن اتفقنا على ان نحترم بعض ونوفي لبعض ونزوج بعض اتفاق فقط


    نسيت انني عندما اتحدث معه لابد ان اكذب اذا كان بقربي اي شخص واكلمه على اساس انه فتاة فأغير كلامي او اكلمه في مكان لا احد يكون به ( الخبيث للخبيث ) ولو كان هذا

    فعلي صحيح لكلمته في النور وجهارا دون ان اتلفت اذا كان احد يسمعني
    ونسيت اهم شيئ ولابد ان لا يغفل عنه اي انسان مؤمن يريد ان يمشي على الطريق الصحيح ان يفهم هذه الأية في الجزء الحادي عشر من القراءن تقول ( افمن اسس بنيانه على تقوى

    من الله ورضوان خير واهدى امن اسس بنيانه على شفى جرف هار فنهار به في نار جهنم والله لايهدي القوم الضالمين )

    نعم ظلمت نفسي عندما تركت لها ان تختار لي الزوج والله هو الرازق هو اذي يختار لي الزوج هو الذي يعلم اين الخير فعاندت بجهل وغباء واخترت دون بصيرة
    وظلمت نفسي عندما اسست بنياني على غضب الله وايضا بجهل مني فنهار هذا البنيان والحمدلله انه انهار وانا على بر الأمان في فترة الخطوبة
    والن فهمت وعقلت ورئيت امام عيني ان الذين يتزوجون عن قصة حب قبل الزوج يكون حالهم واحد من ثلاث ((اما يبتلون بفقر شديد فتستحيل معه الحياة او يعيش كل واحد منهم حياته مستقل

    عن الأخر فينشاء الفتور ومن بعدها الخينات او يعيش كل وحد منهم على الشك وعدم الثقة من الطرف الأخر فينتهي بالطلاق وغالبا في كل الأحوال الثلاث يكون الأنفصال اما فعليا او صوريا

    كأن يطلقو وهم مع بعضهم اي لا يتراحمون بينهم واذا انجبوا الأولاد تنزع ايضا البركة فتكثر المشاكل
    وقال الله تعالى ( ان من اموالكم و اولادكم عدوا )))) وليس هذا هو الزواج لأنه

    بدايته مخالفة لسنة الله في الكون وقال تعالى ( و لا مبدل لكلمات الله )
    الزواج هو (( وخلقنا من انفسكم ازواجا لتسكنوا اليها وجعلنا بينكم مودة ورحمة ) الله الذي خلق فهو الذي يعلم سبحانه من هو الزوج المناسب فعلينا ان نتوكل على الله في الأختيار

    ونجعل الله هو الذي يختار وليس الأم او الأهل او اي موقع على الأنرنت او اي شات او اي جهة نثقة بها ثقة عمياء ندعو الله ان ينور لنا بصيرتنا ويهدينا عندها يأتي ادم لحواء وتأتي

    حواء لأدم ( ويرزقكم من حيث لا تحتسبون ) عندها تبنى بيوتنا على اساس صحيح وتكون جدرانه الموده والرحمة والسكن والجدار الرابع يحمله الله برحمته وبركته في انفسنا واموالنا

    واولادنا
    واعذروني على الأطال


  13. #13
    عضو مجتهد الصورة الرمزية Omnia Amin
    تاريخ التسجيل
    May 2007
    المشاركات
    240
    علم الدولة : Users Country Flag

     الجنس :

    معدل تقييم المستوى
    14

    افتراضي

    السلام عليكم
    دكتور عمرو ماشاء الله
    اعجتبنى الحلقة جدااااا كالعادة مثلا:-
    1-"الصبر والرضا" كلمتان سحريتان
    2-واعتقد ان 3 حلقات كمية مناسبة لمقدار هذه المشكلة او الظاهرة
    3-الحلقة واقعية جداا ولم اكن اتخيل ان هذا القدر والاحصاءات قد وصل الى هذا الحد
    4-اثر فى ماذكرته فى الحلقات السابقة عن اهمية العفة فللأول مرة احد يتحدث بهذه الطريقة عن العفة فلقد اصبحت قضية مهجورة او شىء قديم غير مهم

    ولكن تسمح لى ان اقترح اقتراح بسيط
    كل فريق صناع حياة يعلن عن انشطته ويذكر اماكنه او مقر الجمعيات لكن يتم التواصل وذلك على المنتدى وحضرتك تسمح بالتنويه عن ذلك سواء فى المنتدى او حضرتك تذكر فى البرنامج ان ذلك تم تطبيقه بالفعل

    ايضا ..الكثير يتحدث عن اشياء لمعاجة ما حدث..اقصد عمليات..ادوية
    المهم .....قد اختلف رأى الفقهاء فى ذلك فلو امكن ان تستضيف او تقوم بعمل اكثر من حوار لمعرفة رأى الفقهاء
    انا اسأل عن ذلك لأن الموضوع هذا قد انتشر كما ذكرت ربنا يعافينا ويعافى اخواتنا واصحابنا وكل اللى نعرفه

    حضرتك من فترة طويلة قد تحدثت عن موقع على شبكة الانترنت او وسيلة لربط الشباب الخريجين بالعمل (اذا كانت هناك امكانية لذلك)

    وياريت حضرتك تعاود اختيار كل فترة معينة يتم تحديدها
    اختيار 5 من افضل من قاموا باعمال فى المنتدى كما تفضلتم من قبل
    واستضافة احدهم فى البرنامج ...اتمنى الا اكون قد اطلت على حضرتك
    فذلك لآنى كنت اتمنى ان اكون من فريق الاعداد لبرنامج حضرتك
    ولك كل التحية
    اخت حضرتك امنية من اسكندرية
    تمهيدى ماجستير -كلية التربية

    لكل ليل نهاية ..لابد ان تأتى شمس الفجر بالنور المبين

  14. #14
    عضو مجتهد الصورة الرمزية sajedah
    تاريخ التسجيل
    Apr 2006
    المشاركات
    495
    علم الدولة : Users Country Flag

     الجنس :

    معدل تقييم المستوى
    16

    افتراضي

    بسم الله الرحمن الرحيم
    السلام عليكم أستاذ عمرو بارك الله فيك
    الحق يقال إن ما تتحدث فيه في الجنة في بيوتنا يعتبر من فقه الأولويات
    فبالرغم من اشتياقنا للروحانيات كما عودتنا في برامجك
    لكن ما أشد حاجة الشباب لما تحدثهم فيه الآن...

    منذ أيام كنت أتحدث مع صديقة لي عن أحوال الشباب وما يحيط بهم من فتن وأن لابد أن يكون لنا دور تجاههم .
    فالعالم تغير ...من سنوات قليلة لم نكن نرى ما نراه اليوم حولنا في الطرقات ولا على شاشات التليفزيون حتى المحلية منها والتي اعتادت الأسرة الجلوس لمشاهدتها .

    منذ عام أو عامين كان هناك فتن لكنها ليست مثل ما نراه الآن ...فما نراه الآن مخيف على أبناء المسلمين.

    الحقيقة لي رأي خاص في الزواج العرفي وأتمنى أن يسعه برنامجك وهو كالتالي :

    لماذا الزواج العرفي ؟
    وهنا أنا اتحدث عن اي زواج غير مشهر سواء للشباب أو للكبار او لأي انسان لا يتزوج رسميا وأمام الجميع .

    لا اتحدث من الناحية الدينية التي انتم أدرى بها ، لكني سأتحدث من الناحية الاجتماعية.

    ما مشكلة الذي يتزوج عرفيا ؟
    السبب الرئيسي أنه يخشى الناس أكثر مما يخشى من الله إذا كان ما يفعله غير مشروع دينياً.

    واليكم هذه القصة :
    قريبة لي أحبت شخص وأرادت الزواج منه وكانت هناك بعض الفوارق الاجتماعية التي جعلت عائلتها تعترض، طبعا حدثت في تلك الفترة مشاورات بين كل المحيطين من أفراد العائلة والجيران والمعارف وكل من تستطيع تخيله ...حتى موظفين الشباك الذين كانوا يتعاملون معه لعمل أي أوراق تخص زوجين المستقبل.

    طبعا التقارب الاجتماعي والمادي أساسي بمعنى أن يكون العقلين على نفس المستوى من التقارب، لكن إذا وضعنا هذه النقطة جانبا للحظات.

    أولا في حالتنا هذا : كان الفارق بسبب ظروف ولكن التقارب الفكري والروحي والاجتماعي كان به اشياء اخرى مشتركة والدليل انه في النهاية وافق الاهل .

    لكن كما رأينا في حالتهم هناك سؤال يطرح نفسه ؟ ماالذي دخل الناس في هذه الزيجة ؟ ولا أقصد الولي أو الأسرة الذين بلغوا من رجاحة العقل أن وزنوا الامور ووضعوا الحسنات والسيئات فوجدوا ان الزيجة تصلح وبالفعل أصبحت زيجة سعيدة للشاب والفتاة وكذلك للاسرة التي سعدت بسعادة ابناءها.

    لكن المقصود هنا الناس الذين يتدخلون في شئون غيرهم وهم ليسوا اهل لمشورة او دين بل اصحاب جهل.

    ففي هذه القصة وجدنا كل من ليس له شأن يتدخل برأيه لدرجة أن هذه الفتاة والتي هي من عائلة صرحت بعد زواجها بأنه لولا أن أباها ( الذي احترمته بشدة لتفهمه لحبها للشاب وموافقته على الزواج ) وافق لكانت أخطأت وتزوجت عرفيا من الشاب.

    حتى والدها بعد أن وافق لم يتركه صديق ولا قريب الا وأسمعه ما لا يعجبه ، هذا الأب الذي حمى ابنته من الزواج العرفي بسعة افقه واتباعه لحديث الحبيب محمد ( لا اجد علاجا للمتحابان الا النكاح ) وهو حديث صحيح، وحينما يخبرهم بأن سبب موافقته هو هذا الحديث يضحكون.

    وياليتهم يحدثونه عن شيء ينافي الدين ، بل يلومونه على قبوله مهر بسيط وشبكة قليلة وهكذا....،
    وموافقة الأب هنا وأيضا ابنته كانت تحتاج شجاعة أدبية، للأسف لم تعد موجودة في الوقت الحالي الا قليلا...فالكل يخشى الناس ولهذا يقع في مصائب من هذا النوع.

    كلمة أخيرة ....أقول للمجتمع اتقوا الله والا سيحاسبكم مثلما يحاسب أصحاب هذه الزيجات...وسهلوا الزواج للشباب...فنظرة المجتمع لبعض الزيجات من الناحية المادية وغيرها سبب من أسباب هذا الزواج العرفي الذي دور المجتمع فيه 50%، وبعد ان يتم هم أيضا الذين يتحدثون ويلوكون عرض أصحابه....

    فلا أدرى متى يصمتون ! هل عند الحق أم عند الباطل.

    والسلام عليكم


  15. #15

    تاريخ التسجيل
    Nov 2007
    المشاركات
    27
    علم الدولة : Users Country Flag

     الجنس :

    معدل تقييم المستوى
    0

    افتراضي

    بسم الله الرحمن الرحيم
    السلام عليكم جميعا
    اولا .بارك الله فيك يا استاذ عمرو وجعل عملك الصالح في ميزان حسناتك


    فعلا مووضع الجواز العرفي قضية شائعة جدا وتهدد كل البيوت وفعلا حضرتك تناولت الموضوع بطريقة رائع.
    بعد ما شفت الحلقة حكيتها لامي ولكل اللي اعرفهم.وكنت بقول لامي كانت حلقة جميلة جدا واي انسان لو فية ذرة عقل هيفكر مليون مرة قبل ما يتخذ قرار زي ده.
    زي ما حضرتك قلت ان العائلات اللي بيبتلوا بان فيها فرد متجوز عرفي بيعيشوا في بوس مدي حياتهم بالخصوص اننا في مجتمع شرقي ومسلم اولا في نفس الوقت.
    وحضرتك ذكرت اسباب كتيرة للجواز العرفي منها البطالة والشباب قاعد فاضي والكليبات اللي حسبي الله ونعم الوكيل فيها وفي اللي بيزيعا وايضا الحب زي ما حضرتك زكرت بس ليه تعليق واحد؛ان لو فية ولد معجب ببنت علي سبيل المثال وبيحبها مثلا وهية قالت انه الانسان المثالي ليها او زي ما هية بتحلم.......لو بيحبها فعلا عمرة ما هيقولها تعالي نتجوز عرفي لو قال كده المفروض تنسي انها عرفت واحد زي ده (علي سبيل البنات اللي بيعرفوا اولاد مش كل البنات)لانه لو بيحبها بجد هيخاف علي سمعتها لانها هتبقي مراته وهيعمل المستحيل علشان يبقي اهل لانه هيتجوز منها.مش يقعد جنب الحيطة ويستني اتوبيس التوظيف واما يعدي او ميعديش لا ده ميستهلهاش لازم يشتغل اي شغلانة شريفة ترضي ربنا حتي لو كانت قليلة المقام.مش يدمر حياتها
    وبرده ارجع اقول البنت هية بتصرفاتها اللي بتطمع اللي قدامها فيها .مش عرفة ليه بيعملوا كده وهية اللي تخلي واحد زي ده يجرا انه يقولها تعالي نتجوز عرفي وهية بتخون اهلها قبل نفسها. وبتحرم نفسها من فرحة الفستان والزفة واللمة زي ما حضرتك زكرت .وبرده من رضا ربنا .بس زي ما حضرتك قلت ربنا يتقبل التوبة انا في انتظار حل لمشكلة البنت اللي حضرتك قرات ميلها وغيرها من البنات.....


    بجد بجد موضوع رائع يارب ناس كتير يتعظوا بيه
    وبارك الله فيك واعانك علي عمل الخير
    واكتر حاجة بتعجبني في اسلوب حضرتك يا استاذ عمرو ان حضرتك بتحاول تغير في الشباب لانه هوه المستقبل وحضرتك نجحت في ده ومستنية تعليقك علي ردي
    وشكرا يا استاذ عمرو علي النصائح الجميلة واكيد في اولاد وبنات كتير كانوا هينوا يتجوزا عرفي وبعد ما شافوا الحلقة افتكروا ربنا وغيروا رايهم.شكرا لحضرتك مرة تانية
    وبارك الله فيك واعانك علي عمل الخير


  16. #16
    عضو متألق
    تاريخ التسجيل
    Jul 2004
    المشاركات
    519
    علم الدولة : Users Country Flag

     الجنس :

    معدل تقييم المستوى
    19

    I15 حلول و خواطر لصرف طاقة الشباب...

    السلام عليكم ورحمة الله تعالى و بركاته.
    أخي الأكبر عمرو خالد أخواني اخواتي كيف حالكم.
    الزواج العرفي:
    الحقيقية هذه القضية شائكة جدا و تحتاج الى استراتجيات قومية و دولية و حكومية لمحاربتها و أنهائها من المجتمع العربي. و ما أثار فضولي أن هذه لظاهرة تفشت في كل أوساط المجتمع و في كل الفئات و بما أن المشكلة تكون أكثر تعقيدا بالنسبة للشباب لذلك هي تبدو كمشكلة خطيرة بالنسبة لهم لكن في الحقيقة أرى أن هذه المشكلة هي مشكلة خطيرة لكل الفئات و علينا معالجتها و ايجاد حل لكل فءة بعد دراسة و تحليل...
    لماذا هذه المشكلة هي على هذه الدرجة من الخطورة في رأيي لأنها تمس البنى التحتية للمجتمع و هي الأسرة ، أول ما يمس هي الأسرة.
    اذا يكون العلاج لهذه المشكلة يبدا من الأسرة و بالتلي الخلية التي يجب العلم عليها هي الأسرة لأنه اذا تم حصر أسباب المشكلة نعرف كيفية لتخطيط للحل.
    فيما يلي أقترح بعض الحلول -حلول رغم تواضعها و بساطتها الا أنها فعالة جدا و تمتص أكبر قدر ممكن من طاقات الشباب- و التي ترتكز اساسا على توزيع الوقت و كفيفية استغلاله:
    مشروع الأسرة العاملة : يمكن لأي أسرة تبني المشروع الذي طرحته أ×ي الكبر عمرو خالد في رمضان و هو تأسيس مجلس الأسرة و توزيع المهام على فراد الأسرة الواحدة و دراسة و تصنيف مشاكل الأسرة....
    مشروع الأسرة المتفكرة : مشروع ذو أهداف نبيلة قد تعيننا على تصريف طاقاتنا على الشكل الصحيح و الذي يقوم اساسا على التفكر و يمكن أن تطلعوا على أهدافه و خطة تنفيذه في الساحة العلمية ، اذ أكبر مستهلك للطاقة هو التفكير، التفكر...
    التركيز على الدراسة : أو على العمل و الأبداع فيه ووضع خطة لكل سنة اما في عمله أو في دراسته و يقول هدف هذه السنة في شغلي أو دراستي أني أوسع نطاق المناقشة و أفتح أبواب جديدة للدراسة و كيفية تنظيم الوقت...
    • بالأضافة الى تلك الحلول التي يعرفها الجميع مثل : الرياضة، التنفس الصحيح، الكتابة ، القراءة، المشروعات الخيرية، ...
    • و ول لاحظنا في كل هذه الحلو نجد العامل المشترك بينها أنها تشترك في العمل و التفكير يعني استهلاك معوي و مادي للطاقة. و بالتالي علينا أن نجد مشروعات تنظم على مستوى الجامعة و الثانويات و التي تقوم على هذين المستويين : استهلاك المادي و المعنوي للطاقة.
    أما عن النقاط الخمس التي أشرت اليها أخي عمرو خالد في الرسالة التي وجهتها للبنت أرى أنها تاج و سلطان و عرش كل بنت.
    لو تبنت كل أسرة المشروعين السابقين- مشروع الأسرة المتفكرة و مشروع مناقشة مشاكل الأسرة- أظن أنه يمكن على الأقل الحد من هذا الصرف الخاطئ- الزواج العرفي- للطاقة على مستوى كل الفئات.

    جزاكم الله تعالى على كل ما تعملون عليه أخي الأكبر عمرو خالد و فريق العمل على مناقشة هذه القضايا و هو بمثابة اول خطوة في التوعية كل الجزاء.
    و الى لقاء آخر في مناقشة الحلقة القادمة ان شاء الله.
    الحمد لله على فتح الله تعالى.
    و السلام عليكم و رحمة الله تعالى و بركاته.


  17. #17
    عضو جديد الصورة الرمزية الاميرة ذات الهمة
    تاريخ التسجيل
    Jul 2006
    المشاركات
    27
    علم الدولة : Users Country Flag

     الجنس :

    معدل تقييم المستوى
    0

    افتراضي

    جزاكم الله خيرا استاذ على هذه الحلقة الرااااااااااااااااااااااااااااااااااائعة
    ولسه بيسألوا هو البنات ليه متعلقة باستاذ عمرو وبتسمع كلامه اكتر من ابوهم وامهم ؟!
    بيتهيألى ان الرد واضح من خلال برامجه عامة والجنة فى بيوتنا خاصة واللى بير كز فيها اوى على حماية البنت والحفاظ عليها وتوجيه طاقتها وجهدها للنهضة بالمجتمع والحفاظ على النص التانى فيه

    بس ليا تعليق بسيط او بالاحرى هيا مشكلة بتواجهنى من بداية برنامج الجنة فى بيوتنا فى رمضان
    حضرتك بتقول انه لازم يبقى فيه حوار فى البيت ووقت نقضيه مع الاسرة ووو
    بس فيه مشكلة بتواجهنى ويمكن كمان بتواجه شباب كتير غيرى

    أن اهالينا مش متقبلين مسألة التغيير دى وبالعكس بينتقدونا حتى وهما عارفين انها للاحسن
    يعنى حضرتك بتوصينا اننا نبعد عن القنوات الفضائية السيئة ونتابع الاعلام الهادف وناس كتير فاكرة ان الشباب هو اللى بيعصى اهله عشان القنوات دى طب لما حضرتك تعرف ان الاهل هما اللى بيصروا يتفرجوا على القنوات دى وبيجبروا ولادهم يتفرجوا معاهم لو عايزين يقعدوا معاهم
    لان باختصار معظم الوقت ادام التليفزيون فلو عايزة اخصص وقت اقعده مع اسرتى يبقى لازم اقعد اتفرج معاهم على حاجات معدتش متحملة اشوفها وبحس انى متدايقة وبدل ماقرب منهم ببعد عنهم اكتر وبنعزل اكتر ولما احاول اننا نتفرج على برنامج هادف او حتى مسلسل محترم مثلا على قناة اقرأ او غيرها بيسيبونى ويروحوا يتفرجوا على حاجات تانية هما متابعينها وبحس انى بخنقهم وبيحسسونى ان القنوات المحترمة دى كأنها معمولة عشانى بس لكن هما ليهم قنواتهم وافلامهم وو
    مش قادرة اوضح اكتر من كده

    اكتر حاجة بتدايقنى وتبعدنى عنهم ان كان نفسى هما اللى ينصحونى ويبقوا القدوة ليا وهما اللى يعرفونى الصح من الخطأ ودى دايما نقطة الخلاف بيننا

    بس مش تفهموا من كلامى ان اهلى وحشين بالعكس دول بجد اغلى عندى من اى حاجة فى الدنيا و انا كمان اغلى حاجة عندهم و لو طالوا يجيبولى حته من السما مش هيتأخروا وعارفين ربنا وبيصلوا ويصوموا ووو بس زى مبقولكو العادات اللى كلنا كنا متعودين عليها وفاكرينها صح ومش بتأثر وحتة الالتزام والاحساس بمسئوليتنا تجاه أمتنا هيا نقطة الخلاف بينا
    فمش عارفة اعمل ايه انعزل زى مانا ولا اقرب منهم حتى لو على حساب التزامى ومبادئى
    أسيرة العيلة


  18. #18
    عضو مجتهد
    تاريخ التسجيل
    Jun 2004
    المشاركات
    300
    علم الدولة : Users Country Flag

     الجنس :

    معدل تقييم المستوى
    17

    افتراضي

    السلام عليكم
    تحية اليك استاذي الفاضل
    من وجهة نظري انه تنقصنا عوامل كثيرة من أجل اعتماد حل دون غيره مثلا طبيعة ابوها..مدى الحب الذي يجمع الأب بالأم ..هل لها اخوة..هل سبق لواحدة من عائلتها أن حدث لها نفس المكل و كيف تصرفت العائلة معه..
    عائلة الزوج
    التقاليد**بحكم أنه تقاليد الزواج تختلف من بلد لآخر**
    كل هذه المعلومات و غيرها يجب ان تتوفر حتى نستطيع أن تختار الحل المناسب

    أما اذا أردنا اختيار الحل الامثل فلنرى مجموع الحلول المقدمة
    الحل الاول
    غير سوي بحكم انه من حقه بعدما اتخبره أن يرفض و يتقدم لها بعد اذ ثاني و ثالث و كلهم يرفضوا و هي نفسها ستحس أنها في حلقة مفرغة و قد تمل ..
    الحل الثاني
    ايضا غير سوي بحكم انها لا تضمن العواقب و يمكن تنفضح في ليلة عرسها و امام الملأ او اضعف الاحتمالات أنه هو سيكرهها و يفقد ثقته فيها لمدة من الزمن
    الحل الثالث
    أيضا غير سوي لأنه ممكن بعد ما تعيش معه مدة هي من سيرتبط به و بالاخير هو يرفض فتصدم نفسيا و عاطفيا بالاضافة أنه اذا كررت هذه العملية مع كل خطيب ممكن الناس تتساءل لماذا يتركونها بعد مرور مدة من الزمن على خطبتها
    الحل الرابع
    ممكن تسبب في صدمة أبوها و أمها *و واضح من كتمانها انه علاقتها بالاسرة ليست 10/10* هذا الحل ملغي مادامت هي لم تعتمده في السنين اللي مضت و ممكن صدمة ابوها تكون غير محمودة العواقب مما قد يحصل شيء تبعاته كبيرة ممكن هي لا تسامح نفسها فيما بعد

    الآن مع الحل الأمثل جسب العديدين
    هو العزوف عن الزواج و تحمل عواقب ما فعلت بشجاعة

    هذا طبعا هو الحل الأمثل في مجتمع يعيش في ازدواجية و لا يرحم

    و هذا الحل ليس مثاليا جدا لأنه ممكن الاب عندما يرى عزوفها عن الزواج بدون سبب مقنع يأخذها عند الدكتور و يكتشف بنفسه ما فعلت

    فيه حل ثاني اذا كان عندها مال تعمل عملية و تخلص و لكن هي في أسرة اكيد سيكتشفون هذا بحكم أ العملية ليست ساعات كما افترض و انما ستتطلب ايام

    الحل الأمثل
    انتظار الرحمة من الله فمادام هو ستر عليها هو سبحانه بيده الحل الأمثل..فلتتقرب الى الله أكثر و لنرى..*من يتق الله يجعل له مخرجا و يرزقه من حيث لا يحتسب*


    ملاحظة
    أنا أحمل كل شيء ماقبل الزواج العرفي و ما بعده للأسرة و بالتحديد الاب و الام
    مادامت قد اتجهت الى هذا الطريق أكيد فيه خلل في الاسرة و مادامت لم تستطع ان تخبر الأب أو الام و هي المفروض أن تكون الاقرب لابنتها فأكيد أنه الاب بعالم و هي بعالم و حتى الام ..انا أتصور أنه هذه البنت تعيش في عالمها و في وحدة كبيرة.. و على الوالدين تحمل عواقب كل شيء..يارب تصلح الأسرة المسلمة

    أتمنى أنه الحل الذي ستقدمه يا استاذ عمرو خالد تضعه هنا قبل الحلقة ليتناقش فيه أعضاء المنتدى
    و جزاك الله كل خير


  19. #19

    تاريخ التسجيل
    Sep 2007
    المشاركات
    18
    علم الدولة : Users Country Flag

     الجنس :

    معدل تقييم المستوى
    0

    افتراضي

    بسم الله الرحمن الرحيم.
    استاذنا ومعلمنا الفاضل استاذ عمرو خالد يذهلنى فعلا طريقه عرضك للحقائق المخيفه التى تجعل كل منا يراقب تصرفات الاخر ليست المشكله ان يكون ولدا او بنت لانهما اخواتنا فيى البيت والمسجد والشارع ولابد من تحري الدقه في المعامله لانه ربما تكون هذه البنت الوديعه المؤدبه متزوجه عرفي والولد المطيع المهذب متزوج عرفي نحن للاسف الشديد في زمن لايراعي الله فى كلمه حق الكل مخادع والكثييير منافقون نتعامل مع الناس على انهم ملائكه ولكنا افيقو يا بشر نحن في زمن الفضائيات قد تصل البنت الصغيره في الاعداي او الثانوى الجراه ان تضحك على اهلها وتكلم هذا وذاك والام بمنتهى البساطه تقول اسيبها تتدردح اسفه للفظ بس الامهات بيقولو كده وماتعرفش ان نهايه ده مصيبه عليها وعلى الاسره كلها ومصيبه اكبر حكايه زي اخوها وزي اخوته طيب والشيطان اخو مين بقى ست الكل ومنين جبتى الثقه ان ابن العم او ابن الخاله ممكن يصون بنتك ويحافظ عليها
    سامحونى على الاطاله يا جماعه بس اسمحولى احكى حكايه غريبه اوي اوي بس قبل ما احكيها يارريت لو كل اللي يقراها يستفيد منها: الحكايه ان كان في بنت رقيقه وجميله ومؤدبه بشكل غير طبيعى يعنى حتى الكلام تنكسف تتكلم المهم امها توفت و كان ليها اختين غيرها هى اوسطهم وفي ظل ظروف الوفاه راحت عند عمها علشان كان عندها ثانويه عامه في الوقت ده كانت لسه على الامتحانات حوالى خمس شهور كده المهم جينا فى اخر السنه نسال عن البنات قالو ان البنت دى ما دخلتش الامتحان ومصابه بحاله نفسيه بسبب وفاة امها قلنا معلش وكنا عايزين نساعدها المهم ان هى كانت رافضه تشوف حد او تقابل حد وبعدها بشويه رجه ابن عمها الكبير من الغردقه كان بيشتغل هناك وبعدين ساب الشغل ورجع ومعاه بنت صغيره حوالى شهر ونص كده المهم قال ان دى بنت صاحبه وان مامتها ماتت وهى بتولدها وان صاحبه ده مات في حادثه وقالله انى عايزك انت تربيها قلنا خير وجزاكم الله خيرا وكلنا اشفقنا على البنت وحبينها ورجعت البنت اللى كان عندها حاله نفسيه وحبت الطفله دي اوي وسبحان الله لما تعيط استحاله حد يسكتها او يفهمها غير البنت بتاعه الثانويه العامه
    المهم بعد حوالى خمس سنين البنت كبرت وسبحان الله نسخه من البنت بتاعه الثانويه العامه دى ولما حد يقولها كده تقول طبعا مش انا اللى مربيها شوف السن وشوف الرد وبعد كمان سنتين انتهت البت من الدراسه وبدا يجيلها عرسان لحد ما اتخنقت وبدا الامر يبان مش طبيعى المهم علشان مااطولش عليكو
    تطلع الحكايه ان البنت كانت سوء الحاله النفسيه اللى عندها دي من الحمل اللى اثمر عن الطفله اللى كانت جايه من الغردقه وان ابوها عايش وابو البنت ككل حاجه ويطلع هو نفسه ابن عمها اللى زي اخوها ده شوفتو التربيه يا امهات واباء حافظوا علشان ولادكمو علشان احفادكم مايعشوش في وسطكم وفاكرين انهن ايتام الامها ت والاباء
    اسفه للاطاله ياجماعه وادعو لينا با لستر في الدنيا و ربنا يكرمنا بالذريه الصالحه ان شاء الله


  20. #20
    الصورة الرمزية بنت الاستاذ عمرو خالد
    تاريخ التسجيل
    Oct 2007
    المشاركات
    27
    علم الدولة : Users Country Flag

     الجنس :

    معدل تقييم المستوى
    0

    I11 رد على اسئلة الزواج العرفي

    بسم الله الرحمان الرحيم
    استاذي الفاضل
    ابي العزيز
    شكرا لك على هذة الحلقة الرائعة
    بس انا شايفة حل آخر موش الحلول الاربع
    مع
    اعترامي الشديد لك
    الحل هو انت ذكرته في حلقات الجنة في بيوتنا الجزء الاول
    الحل هو :
    5- ان تكون وفية لاسرتها بالقول والفعل من البداية
    كل ما يعرضهم من مشكلة في البيت تجمع الاسرة وتتناقش فيها
    حتى لو حبت واحد في الجامعة والا في الثانوي
    تجمع العيلة وتقول لهم انا احب فلان
    وعايزة افتح معاه بيت وهو مالوش شغل وموش مستعد بعد للزواج
    انا بحبو اوي
    وهو كمان بحبني
    وما تتكسفش ادام اهلها
    بالقول د
    وتقول كمان هو طرح علي فكرة الزواج العرفي يا ترى ح اوافق
    لا انا موش ح اتجوز غيرو بس لو عيزين تتعرفو عليه
    ح اعزمو للبيت
    وطبعا الاسرة ح تعرف الشاب د
    عايز يضحك على البنت دي بالكلام المعسول والا جاد في كلامه
    طب لو حصل جنس قبل كدة معاه والبنت مكسوفة انها تقول للعيلة او لمامتها
    تروح لدكتورة او لصاحبتها
    وتقول لها الكلام د بس صحبتها دي تكون صديقة العيلة
    عيلة البنت ويكونو يثقوا جدا فيها
    سوى كانت صحبتها متدينة اولا
    بس لازم البنت تشتري كل اوراق الجواز العرفي د
    وتشيل ورقة عندها
    والبقية تحرقهم
    ليه د اسم فيه كلمة الله
    و الورقة دي
    اللي فضلت معاها تروح تقول في محاضرة بعد الاستاذ
    استاذ ممكن اقول كلمة
    وتلقي محاضرة
    على الورة دي
    ورقة الزواج العرفي
    والي خارج منها
    بس ياريت كل اسرة سواء بنت او شاب يتصرفوا بالحل د
    وان اتقدم لها شاب تصارحه بانها كانت ح تتزوج عرفي بس
    انها ما اقدمتش على د
    علشان المناقشة مع الاهل جابة النتيجة د
    والشاب د
    ح يحب فيها صرحتها في فترات اخرى موش فترة الخطوبة
    و يحني تكون مع الكل مع المجتمع ككل صفحة بيضاء
    زي الورقاء الي تكتب عليها حضرتك
    ابي العزيز يا ريت تقرا الحل في الحلقة القادمة وترد علي
    انت او مدير موقع او مشرف الساحة لو انت مشغول
    وجزاك الله الجنة واسكنك الله الفردوس الاعلى
    بس ممكن طلب
    عايزة تضعو في البوم الصور صورك مع عائلتك الصغرى
    واتمنى لهم كل خير
    وياريت كل عيلة في بلدنا الحلوة مصر تسجل حلقات برنامج الجنة في بيوتنا سواء الجزء الاول او التاني او التالث
    اصل البرنامج احلى من الحلو واطيب من العسل والسكر واحلى من الحلاوة
    اصل البرنامج بمسنا كاباء وامهات وشباب سواء بنات او شباب
    استاذي الجليل وابي الحنون وقدوتي في الحياة
    انا اعتبرتك اب لانوا
    ما عنديش اب يسمعني
    زي ما كتبتلك مشكلتي
    د اصعب موشكلة اوجها وانا ضد الزواج العرفي
    ياريت واحد من المشرفات او مدير الموقع او حضرتك ترد علي
    الله معك
    وان شاء الله تادر تكمل الرسالة
    بس ازاي اكون عضوة في صناع الحياة
    من بنتك
    بنت الاستاذ عمرو خالد


 

 
صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Powered by vBulletin® Copyright ©2000 - 2012, Jelsoft Enterprises Ltd.



حماية المنتدى من اكساء هوست