العاب فلاش

                   
صفحة 1 من 3 123 الأخيرةالأخيرة
النتائج 1 إلى 20 من 58
  1. #1
    Webmaster الصورة الرمزية مدير المنتدى
    تاريخ التسجيل
    Mar 2004
    المشاركات
    1,357
    علم الدولة : Users Country Flag

     الجنس :

    معدل تقييم المستوى
    30

    افتراضي الحلقة 13 - لغة العاطفة قبل لغة العقل 2


    السلام عليكم ورحمة الله وبركاته

    اليوم 13 من رمضان

    مع الجزء الثاني من حلقة لغة العاطفة قبل لغة العقل ...

    وأ.عمرو خالد يتابع يوميا تعليقاتكم عن الحلقة وخواطركم واسئلتكم .. ويجيب عليه بنفسه ..

    معا نصنع الحياة .

  2. #2
    عضو مميز الصورة الرمزية د/عمـــرو درة
    تاريخ التسجيل
    Nov 2006
    المشاركات
    7,545
    علم الدولة : Users Country Flag

     الجنس :

    معدل تقييم المستوى
    116

    افتراضي


    جـــــــزاك الله خيــــــــــرا
    ا/عمرو
    على الحلقة الجميلة

    و على المفاهيم المهمة جدا
    اللى بتجددها فى نفوسنا

    و فعلا الكلام اللى بتقوله فى حلقات البرنامج
    مهم جدا لكل اســـرة
    و فى ناس كتير كان غايب عنهم المفاهيم دى

    بارك الله فيك
    و جعل كل حرف تنطق به فى ميزان حسناتك



    هذه المقالة قرأتها من قبل
    و احتفظت بها

    أود أن تقرأوها:


    ---------------------


    أم عبد الملك – أمريكية – مسلمة :

    أول مرة سمعت فيها كلمة الإسلام : كانت أثناء متابعتي لبرنامج تليفزيوني ،

    فضحكت من المعلومات التي سمعتها ...

    بعد عام من سماعي كلمة " الإسلام " استمعت لها مرة أخرى ..

    ولكن أين ؟

    في المستشفى الذي أعمل فيه حيث أتى زوجان وبصحبتهما امرأة مريضة ..

    جلست الزوجة تنظر أمام المقعد الذي أجلس عليه لمتابعة عملي

    وكنت ألاحظ عليها علامات القلق ، وكانت تمسح دموعها ..

    من باب الفضول سألتها عن سبب ضيقها ، فأخبرتني أنها أتت

    من بلد آخر مع زوجها الذي آتى بأمه باحثا لها عن علاج

    لمرضها العضال ..

    كانت المرأة تتحدث معي وهي تبكي وتدعو لوالدة زوجها

    بالشفاء والعافية ، فتعجبت لأمرها كثيراً !

    تأتي من بلد بعيد مع زوجها من أجل أن يعالج أمه ؟

    تذكرت أمي وقلت في نفسي : أين أمي؟ قبل أربعة أشهر أهديتها

    زجاجة عطر بمناسبة " يوم الأم " ولم أفكر منذ ذلك اليوم بزيارتها!

    هذه هي أمي فكيف لو كانت لي أم زوج ؟!

    لقد أدهشني أمر هذين الزوجين .. ولا سيما أن حالة الأم صعبة

    وهي أقرب إلى الموت من الحياة ..

    أدهشتني أمر الزوجة.. ما شأنها وأم زوجها ؟! أتتعب نفسها

    وهي الشابة الجميلة من أجلها ؟ لماذا ؟

    لم يعد يشغل بالي سوى هذا الموضوع ؟ تخيلت نفسي لو أني بدل

    هذه الأم ، يا للسعادة التي سأشعر بها ، يا لحظ هذه العجوز !

    إني أغبطها كثيرا ...

    كان الزوجان يجلسان طيلة الوقت معها ، وكانت مكالمات هاتفية

    تصل إليه من الخارج يسأل فيها أصحابها عن حال الأم وصحتها ..

    دخلت يوما غرفة الانتظار فإذا بها جالسة ، فاستغللتها فرصة لأسألها

    عما أريد .. حدثتني كثيرا عن حقوق الوالدين في الإسلام

    وأذهلني ذلك القدر الكبير الذي يرفعهما الإسلام إليه ، وكيفية

    التعامل معهما ..

    بعد أيام توفيت العجوز ، فبكى ابنها وزوجته بكاءا حارا وكأنهما

    طفلان صغيران ...

    بقيت أفكر في هذين الزوجين وبما علمته عن حقوق الوالدين

    في الإسلام ...

    وأرسلت إلى أحد المراكز الإسلامية بطلب كتاب عن حقوق الوالدين ..

    ولما قرأته .. عشت بعده في أحلام يقظة أتخيل خلالها أني أم

    ولي أبناء يحبونني ويسألون عني ويحسنون إلي حتى آخر لحظة

    من عمري .. ودون مقابل ..

    هذا الحلم الجميل جعلني أعلن إسلامي دون أن أعرف عن الإسلام

    سوى حقوق الوالدين فيه ...

    الحمد لله تزوجت من رجل مسلم ، وأنجبت منه أبناء ما برحت

    أدعو لهم بالهداية والصلاح .. وأن يرزقني الله برهم ونفعهم ...

    أم عبد الملك – أمريكية – مسلمة
    نشرت قصتها مجلة " الدعوة " السعودية
    مقالة بعنوان:
    (أذهلني بر الوالدين في الإسلام)

    ---------------------

    التعديل الأخير تم بواسطة د/عمـــرو درة ; 25-09-2007 الساعة 05:36 PM

  3. #3
    عضو جديد الصورة الرمزية asmaamosad
    تاريخ التسجيل
    Jun 2005
    المشاركات
    35
    علم الدولة : Users Country Flag

     الجنس :

    معدل تقييم المستوى
    0

    Icon33

    السلام عليكم ورحمة الله وبركاته
    يا أستاذى عمرو خالد جزاك الله خيرا
    حبيت أقول لك إن مش فى كل الأحيان قد تنجح نظريتكم عن العاطفة قبل العقل فهذه اللغة يستخدمها والدى عندما يريد منى عمل شئ له وفى الغلب بكون عارفة إنه هيطلب شئ ما وبعمله دا لأنه طلبه بذوق لكن ما أقصده هنا أننى وأختى الكبيرة تربينا مع والدتى لظروف سفر والدى خارج البلاد ولم تكن أمى أبدا هينة فى التربية بل كانت تربية صارمة ولن أقول قاسية لأنها لم تكن تقسو علينا كثيرا لكن تربيتها هذه نجحت وأنا الآن والحمد لله أستكمل دراساتى فى الماجستر الإعلامى وأختى تستكمل دراسات الماجستير فى الصيدلة ولقد شاركت أنا وأختى فى إدارة المنزل فى غياب والدى أنا بتدريس إخوتى الصغار وتعليمهم الأدب فى غياب والدتى فى العمل مثلا وأختى بإدارة المنزل ماليا فكان والدى يعطيها ما يكفينا طول غيابه ولقد أسمينا نفسينا أنا وأختى رجالة البيت
    ولم تكن أمى تتهاون معنا أبدا وربما يكون هذا سببا فى حسن تربيتنا
    تعالى على أخى الذى تربى مع والدى فى الخارج عندما عاد إلى مصر لا يريد إستكمال تعليمه بالجامعه وأمضى 3 سنوات فى سنة أولى ولم يذهب فى سنة 2ومازلنا لا نعرف مصيره مع العلم أن أبى موجود حاليا معنا بالمقارنة بإبن خالى حاليا يدرس فى كلية طب أسنان وأيضا أخلاقه عاليه ولا يبجح فى وجه أبوه بالرغم من سوء معاملة والده له لكنه مع الناس غير ويحترم والده وإذا غضب منه تعاملا مع بعض بذوق وأخلاق وليس مثل أخى الذى كما نقول عندنا تعود على الوالد قوى دا حتى مش بيعامله كما يعامل صديق له بل حتى شغال عنده
    أختى الصغرى ذهبت إلى المدرسة الثانوية الفنية وأصر والدى على أن تذهب إلى معهد خاص بالمصاريف وأنت تعلم أن هذا المجتمع ملئ بالإنحلال بعض الشئ فمهما بيتعلموا بفلوس أبوهم ومحدش له عندهم حاجة
    أختى الصغرى مازالت فى 3 إعدادى ومن الواضح أن مستواها ضعف تعليميا بعد أن رفضت أن أدرس لها وأصرت على الدروس الخصوصية
    يا سيدى كل ده دلع فأمى تقول عاملوهم بلطف وحنية وهذه هى النتيجة التربية الناشفة قد تعطى ثمارها أحيانا وكما يقول المثل صوابعك مش زى بعضها
    أؤيدك الرأى أنه أسلوب رائع للتربية لكنه قد لا يفلح فى بعض الأحيان

    التعديل الأخير تم بواسطة asmaamosad ; 25-09-2007 الساعة 05:41 PM

  4. #4
    عضو امبراطور الصورة الرمزية هابى5
    تاريخ التسجيل
    Feb 2007
    المشاركات
    52,053
    علم الدولة : Users Country Flag

     الجنس :

    معدل تقييم المستوى
    1953

    افتراضي

    المحبة بين المد والجزر:



    العاطفة قبل العقل ولكن بتوازن

    فالأطفال الذين يبذل لهم من العناية والمحبة المفرطة ويستسلم لهم آباؤهم وأمهاتهم بدون أي قيد، ويستجيبون لجميع مطالبهم، سواء كانت صالحة أو طالحة ... سينشأون على الاستبداد والإعجاب بالنفس، ويحملون بين جنباتهم أرواحاً ضعيفة ونفوساً سريعة الانهزام عند مواجهة أبسط المواقف في الحياة؛ إذ إن الهدف من التربية الصحيحة هو أن تكلل حياة الطفل بالسعادة وتختم جهوده بالنجاح، فالحياة على طولها تتضمن صراعاً تكشفها المطبات، فعلى الفرد أن يواجهها في مختلف أدوار حياته.
    وهكذا فالآباء والأمهات هم الذين يعملون على تنشئة جسم الطفل وروحه على أحسن الأساليب التربوية، بالتوازن بين العطف والحنان والشدة والخشونة ، وبذلك يتمكن من الصمود أمام المصائب
    فيقول الأمام الباقر(شر الآباء من دعاه البر إلى الإفراط
    طفل حديث العهد بالحركة يلعب بالكرة أو بلعبة ماء على مرأى من والديه، في الغرفة أو في الحديقة، يرمي الكرة في جانب ثم يركض ليلتقطها ويكرر هذه الحركات المسلية بالنسبة له ، وإذا به في إحدى المرات يرمي الكرة بالقرب من الجدار، ويركض منحنياً نحو الجدار ليرفع الكرة فإذا برأسه يرتطم بالجدار ... إن هذا الحدث يعتبر جديداً للطفل ولا يعلم كيف يتصرف أمامه ، هل يبكي ؟ أم يضحك ؟ أم يسكت ؟ فهو متحير ... وينظر إلى أبويه ويراقب مدى تأثير هذا الحدث فيهم ، وعند ذاك يجب أن يظهرا رد الفعل المناسب تجاهه؛ إذ ليس للطفل رأي في الموضوع، بل إنه يفعل ما يفعله والداه، فإن ضحكا ضحك، وإن تألما بكي، وإن سكتا سكت ويستمر في لعبه.
    إن هذه اللحظة وغيرها من اللحظات المشابهة لها - كما قلنا - تكون شديدة التأثير من الوجهة التربوية في روح الطفل؛ فعلى الآباء والأمهات أن لا ينظروا في هذه الأحيان إلى الطفل أصلاً، وأن لا يعتنوا بتوقع الطفل من عطف وحنان أبويه، أي يتعين عليهم ألا يظهروا أي رد فعل للحادثة . وبذلك كله يفهمون الطفل عملياً أن الارتطام بالجدار والسقوط على الأرض وما شابه ذلك حوادث اعتيادية في حياة الإنسان. ولهم أيضاً أن يستفيدوا من تلك الفرصة فينصحون الطفل بكلمات لطيفة وهادئة قائلين له : عندما تقترب من الجدار أو العمود ، تأخر قليلاً حتى لا يرتطم رأسك بالحائط، وكذلك عندما تنحني لالتقاط الكرة .
    أما الآباء والأمهات الغافلون فإنهم يظهرون في مثل هذه الحوادث حنانا ً مفرطاً فيضمون الطفل إلى صدورهم ويقبلونه ويمسحون بأيديهم على جبهته أو المواضع التي تؤلمه، وربما يضربون الجدار أو الأرض ترضية للطفل وهو بالمقابل يرفع صوته بالبكاء والعويل ويسكب الدموع ويرى نفسه أهلا ً للحنان نتيجة لما حدث ... فعندما تتكرر محبة الوالدين الفارغة في حوادث كهذه ، تتولد جذور الصفة الرذيلة في ضمير الطفل تدريجياً، وهي الإعجاب بالنفس ، ويكبر على الدلال ويتوقع الحنان لكل حدث تافه يقابله في حياته ، فإذا تساءلنا ترى كيف ستكون نشأة الطفل مع هذا التوقع الخاطئ؟ كيف سيجتاز مرحلة الطفولة منتقلاً إلى المراحل اللاحقة، ليواجه المجتمع بكل ما فيه من مصاعب وآلام كبيرة، فيومذاك لا يجد أحداً يتحبب إليه، أو يمسح على رأسه، خلافاً لما تعود عليه في أحضان والديه ... وحينذاك يتألم ويحس في نفسه بالدناءة والضعف في الشخصية؛ فيقضي حياته بالتعاسة والشقاء. إن محبة الوالدين السلبية هي التي أدت إلى هذا المصير ... وفي نفس الوقت سيصبحون في عداد شر الآباء على حد قول الإمام
    كيف نوازن في المحبة؟!:
    إن الواجب الثقيل الملقى على عاتق الأبوين، هو تحسين تربية الطفل، بحسب السنة الخلقية الفطرية؛ أي أن يعلما متى تجب معاملته بالحنان
    فيجب أن يتراوح التعامل مع الطفل بين الخوف والرجاء، بحيث يرجو من أبويه المحبة، ويخاف منهما الغضب والشدة في آن واحد، فيتوضح له أنه ليس حراً في ارتكاب الأعمال القبيحة، وأنه سيعاقب عليها؛ فالمهم أن يسود في جو الأسرة المحبة والشدة، والتغافل والمحاسبة، والترغيب والإهمال ... ولكن كلاً في محله المناسب، وعلى الآباء والأمهات أن يتصفوا بهذه الصفات، كل في مورده المناسب له، حتى ينشأ الطفل تنشئة صحيحة محيط أسري متماسك، ليشعر الطفل بالمسؤولية، ولا ينشأ معجباً بنفسه،



  5. #5
    الصورة الرمزية م.مروة عطوان
    تاريخ التسجيل
    Sep 2007
    المشاركات
    52
    علم الدولة : Users Country Flag

     الجنس :

    معدل تقييم المستوى
    11

    افتراضي

    السلام عليكم

    الحلقة رااااااااااااااااااائعة جدا و الله يا أستاذ عمرو كلامك يحفر في قلوبنا و متتصورش الراحة و السعادة اللي بحس فيها لما بسمع كلام حضرتك و قد ايش بحاول أطبقه و أنا حتى بحضر الحنة في بيوتنا في نهار رمضان و برجع أحضره تاني بالليل قبل ما أنام

    و في أحد التعليقات أخت بتقول إنه المصريين فخورين إنه حضرتك مصري و أنا بقولها إنه مش بس المصريين اللي فخورين بحضرتك احنا كلنا فخورين انك عربي مسلم

    و على فكرة أنا عجبتني كتييييير طريقة الكتابة اللي حضرتك ضربت مثل عليها و أنا إتبعتها مع ماما و بابا لما كانوا يزعلوا مني و مقدرش أدافع عن نفسي لأنهم كانوا يرفضوا يسمعوني كنت بكتب ليهم وجهة نظري و أسبابي و كنت أعطيها لبابا لأني عارفة طبته و حنانه و أروح على غرفتي بعد شوية ألاقي بابا جاي عندي و بيقعد ناقشني في كل كلمة كتبتها و كنت بشعر بسعادة كبيرة إنه وجهة نظري وصلت و بدون أي مشاكل

    و أنا بتمنى إنه كل الأبناء اللي مش عجباهم أي حاجة في أهلهم يبدأوا بأنفسهم بلغة العاطفه مع أهلهم و يفتكروا اليتيم عشان يقدروا النعمة اللي بين إيديهم و هما مش حاسيين فيها

    تحياتي


  6. #6
    عضو مميز الصورة الرمزية (أمة الرحمن)
    تاريخ التسجيل
    May 2006
    المشاركات
    6,797
    علم الدولة : Users Country Flag

     الجنس :

    معدل تقييم المستوى
    155

    افتراضي

    السلام عليكم و رحمة الله تعالى و بركاته

    جزاك الله أستاذنا الفاضل أ.عمرو خالد كل الخير

    حضرتك حطيت ايدك على أهم و أقوى سلاح
    و هي لغة العاطفة التي بدأنا نفتقد لها كثيرا
    بل بدأنا لا نعرفها...كما قلت حضرتك أصبح الولد أو البنت يتكسف انه يقول أو حتى يبين لأمه و لا أبوه انه بيحبهم كثير..و العكس كمان بالنسبة للأباء
    انا و الله صادفتني حالة بنت صديقتي كانت بتقولي بابا و ماما مبيحبونيش و كانت تقسم على كده
    و تأكد انهم مبيحبوهاش.........طب ده مش نابع من فقدان العاطفة يمكن من وهي صغيرة
    انا كنت بقول لها مفيش ام ولا أب مبيحبش ابنه او بنته
    لكن لما اقتربت من حياتهم و شفت بعيني لقيت سبب انها تقول كده
    حياة جافة جدااا......كلمة حب مختفية من حياتهم تماما.......للأسف الاباء دول تسببوا في ان البنت تعقدت ......كانوا بيعتقدوا ان الاوامر و اعمل كده و متعملش كده و الخوف على مصالح ولادهم و مستقبل ولادهم هي ده التربية و هو ده اللي مطلوب منهم كأب و أم
    نسيوا ان دي ثاني أو ثالث حاجة من بعد الحب و العطف و الاحتواء............شاء ربنا انهم يفوقوا من نومهم أو من غفلتهم قبل ما بنتهم تضيع و كانت حتضيع لو لا ستر ربنا
    و استغربوا انهم كانوا فين و بينتهم عطشانة حنان و عاطفة.....و محتاجة لده أكثر من أي شيء تاني........محتاجة لحب أب ولحنان أم و بس
    الحمد لله الاسرة ده تغيرت 180 درجة...........يعني حضرتك لما قلت ان لغةالعاطفة لها سحر رهيب فحضرتك عندك حق 100%

    ياريت كل الاباء و ايضا كل الابناء ميستهنوش بالكلمة ده ...هي كلمة واحدة لكن لها أثر كبير و معاني كبيرة

    اسأل الله أن يغفر لنا و يثبتنا على الحق و يرزقنا رضاء والدينا علينا و رضاء ربنا علينا
    و يرزقنا جنة الخلد الفردوس الاعلى برفقة نبينا محمد صلى اله عليه و سلم

    جزاك الله أخي الفاضل ...و احنا متابعين باذن الرحمن لأننا بنكتشف كل يوم حاجات كنا ناسينهم في حياتنا و هي مهمة جداا لحياتنا و لبيوت الجنة فيها
    وفقك الله لما يحبه و يرضاه

    التعديل الأخير تم بواسطة (أمة الرحمن) ; 25-09-2007 الساعة 06:01 PM
    إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا فَلَا خَوْفٌ عَلَيْهِمْ وَلَا هُمْ يَحْزَنُونَ
    عَسَى رَبُّنَا أَنْ يُبْدِلَنَا خَيْرًا مِنْهَا إِنَّا إِلَى رَبِّنَا رَاغِبُونَ





  7. #7
    عضو متألق الصورة الرمزية (ايهاب حسن)
    تاريخ التسجيل
    Feb 2007
    المشاركات
    1,723
    علم الدولة : Users Country Flag

     الجنس :

    معدل تقييم المستوى
    32

    3agek13 يااااااااااااااااااااا أ /عمرو

    يااااااااااااااااا أ/عمرو لو سمحت
    بقالى اكتر من شهرين بحاول اوصل لحضرتك المشروع ده
    بس حضرتك بتسافر كتير و مشغول اوى و انا مقدر ده كويس
    انا عارف ان الموضوع هنا لمناقشة الجنة فى بيوتنا
    بس اعمل ايه ما انا مش عارف اوصل لحضرتك
    و انا شايل امانة من حوالى 500 عضو فى المنتدى
    انى اوصل المشروع لحضرتك
    فا انا حا افضل اكتب المشاركة ديه كل يوم
    لغاية لما حضرتك تشوف المشروع
    او توقفوا عضويتى من المنتدى
    المشروع على الرابط التالى
    http://forum.amrkhaled.net/showthread.php?t=123767
    مش حا ياخد من وقت حضرتك كتير 5 دقايق
    لو حضرتك شوفتوا و عايز تفكر فيه عرفنى و لو برسالة خاصة
    و الله انا مش عايز ابقى رخم بس اعمل ايه ديه امانة
    و اسف جدااااااااااااااااااااااااااااااا


  8. #8
    عضو جديد الصورة الرمزية canariya
    تاريخ التسجيل
    Oct 2006
    المشاركات
    18
    علم الدولة : Users Country Flag

     الجنس :

    معدل تقييم المستوى
    0

    افتراضي احب اسرتي

    الحلقة اليوم مؤثرة جدا والله يا بابا عمرو مهما نشكر حضرتك مووووو كافي والله مو كافي انا كنت بتفرج على الحلقة وماما جالسة ادامي و اخويا بابا متعود يتفرج معانا بس كان في الشغل انا الحمد الله سعيدة مع اسرتي اوي وكلنا صحاب امتفقين محدش يخبي على حد حاجة بس حدرتك لما كنت بتتكلم كانك اشعلت نار الحب من جديد و بدات العاطفة تشتغل من جديد وانا متاكدة انك نجحت فان تكسب كل من شاهد هذه الحلقة مهارة وهي مهارة لغة الحب والعاطفة قبل لغة العقل خطييييييييرة دي خطييييرةاوي اوعدك انها مش ممكن تتمحي من نفوخي ابدا ابدا ...انا لما خلصت الحلقة امت دخلت في حضن ماما فحضنتني حضن مش عادي حسيت انها عزفت على الوتر الحساس هي مقلتليش بحبك بس قالتهالي بحضنها ده ..و قمت وبست اخويا الي انا بحبه اوي ;لما بابا حبيبي دخل من الشغل رحت جري حضنت ابوست انا مش عارفة اوصف لحدرتك انت قد ايه اسرت فيا النهاردة انت خلتني احس اني اسعد واحدة في الدنيا ...
    احبك في الله بابا عمرو اتمنى انك تقرا رساتي وترسم ابتسامة على وشك لانك بجد انسان ناجح و رائع شـكــ وبارك الله فيك ـــرا ...
    ادعيليييييييييييييييييييييييييييييييي

    التعديل الأخير تم بواسطة canariya ; 25-09-2007 الساعة 10:58 PM

  9. #9
    عضو محترف الصورة الرمزية بنان محمود
    تاريخ التسجيل
    Oct 2005
    المشاركات
    2,003
    علم الدولة : Users Country Flag

     الجنس :

    معدل تقييم المستوى
    34

    افتراضي

    السلام عليكم

    نتائج الجنه في بيوتنا في بيتنا نحن ...

    بعد الحلقه بابا وماما جلسوا بيتكلوا مع بعض كيف يحاولوا يقربوا من اخي اكثر ويحسسوه بالعاطفه اكثر لانو يجدها خارج المنزل وليس داخله.

    نصلي المغرب كلنا مع بعض جماعه لانو هذا الوقت يلي بنجتمع مع بعض بوقت صلاه .


    ماما اصبحت لاااااااااااااااازم تتابع البرنامج وهي تحضر الفطار على قناه ابو ظبي

    وانا اذكر دومااااااااا بابا بمشاهده الحلقات بان افتح التلفزيون على القناه ..لانو بيرجع البيت 3 فجرا فلما يفتح يلاقي البرنامج ...
    فمبارح بابا اتاثر كثيييييييييييييييييييييييييييييييير بالحلقه خصوصا انك كانك كنت بتتكلم عنه وعن اخي فتاثر جدااااااااا بها .


    واصبح حديثنا بالمنزل مناقشات للحلقه


  10. #10
    عضو برونزي الصورة الرمزية Princess Of Freedom Amera
    تاريخ التسجيل
    Feb 2006
    المشاركات
    8,307
    علم الدولة : Users Country Flag

     الجنس :

    معدل تقييم المستوى
    176

    افتراضي

    السلام عليكم كلام اخى الفاضل عمرو خالد صحيح مائه بالمائه لكن المشكله فى التنفيذ ايوه الشباب محتاج لعاطفه اكيد مش هقول لحضرتك لا بس لما يكون اتعود او تربى على عدم تواجدها بكثره الامن ناحيه الام ودخل الكليات بالطريقه بنفس التعامل صدقنى بيبقى صعب انه يغير تعامله هو مطيع لوالديه وكل حاجه بس من ناحيه الواجب مش من ناحيه العاطفه يعنى مثلا انا هاسمع كلام امى علشان تدعيلى علشان ترضى عنى علشان ربنا يرضى عنى مش هرضيها علشان بحبها وبرضو علشان ربنا يرضى عنى يعنى ويسلام يا استاذ عمرو اذا كان الاب ظابط و بالذات فى الجيش المصرى
    على العموم جزاك الله عنا خير الجزاء ورزقك الله الجنه و صحبه الحبيب المصطفى ورؤيه وجهه الله الكريم مالك القلوب !!!!!!
    ابنتك اميره


    يا مصر لسه ولسه الثورة بلة ريق
    ما ينتهيلك طريق الا ويبدا طريق
    ***
    وافدي المقام العالي في التحرير
    دولة بلا امرا وشعب امير

    تميم البرغوثي

  11. #11
    عضو مجتهد الصورة الرمزية محبةللاسلام
    تاريخ التسجيل
    Jun 2004
    المشاركات
    414
    علم الدولة : Users Country Flag

     الجنس :

    معدل تقييم المستوى
    33

    افتراضي

    والله ربنا يكرمك يا دكتور
    الحمد لله على نعمة ماما وبابا فعلا الحمد لله اجمل حاجة بجد ان العاطفة اللىحضرتك قلت عليها موجودة والبيت فى دفا الاسرة اللى يارب بيقى عندنا كلنا.
    وتقريبا انا كنت كتبت لحضرتك قبل كدا انى اتعلمت من وفاة خالى رحمه الله
    لانى كنت بحبه بجد لكن مقلتلوش بحبك بس قلت انا لازم اصلح من نفسى والحمد لله مش بيعدى يوم الا واقول لماما وبابا انا بحبكو يمكن انا مش بحكى حاجات كتير بس هم عارفين انى بحبهم اوى اوى اوى
    انا هقول بس حاجة اخيرة انا اختى باذن الله هتم خطوبتها فى اول يوم العيد ومن اسرة ما شاء الله والله ربنا يكرمهم يارب صحيح الام توفت لكن اب وابناء ما شاء الله اكيد اخلاق ودين وكمان خوف على بعض جميل اوى بالذات اننا نعرف اخت الشخص اللى تقدم لخطبة اختى عشان هى صحبة اختى جدا بجد مثال للاسرة اللى حضرتك قلت عليها
    انا كنت بس افتكرت المثال ده لانى فرحت اوى باننا باذن الله هنطبق الكلام ده عملى
    واخيرا ربنا يكرمك يا دكتور ويجمعنا كلنا فى الجنة يارب


  12. #12
    عضو جديد الصورة الرمزية jasmen ali
    تاريخ التسجيل
    Nov 2005
    المشاركات
    68
    علم الدولة : Users Country Flag

     الجنس :

    معدل تقييم المستوى
    13

    3agek13

    ويارب ترد على تعليقى

    الحلقة كانت ممتازة يادكتور عمرو بس فية ناس اصلا مش بتبقى عارفة يعنى اية عاطفة انا مش حنكر ان امى وابوية بحبونى زى اى امى واب بيجبوا اولادهم بس دة مش بيظهر يمكن لما فعلا كنت صغيرة بس انما لما كبرت عمر والدى ما اعد يتكلم معاية اطلاقا او يعرف عنى اى شئ ولكن امى كانت بتققعد احيانا عشان تعرف مشاكلى ولو قدرت تحلها يبقى كويس انا امى واحدة منالناس اللى خلتنى اكمل مشوار حياتى كلة وحقولك ازاى
    وانا فى ثانوية عامة قبل ما ادخل اصلا ثانوى كنت مصممة ادخل علمى ماما وبابا رفضوا تماما بسبب تجارب سابقة لاخواتى وبابا معندوش نقاش هو رفض وخلاص
    انما والدتى قلتلى ادخلى ادبى ولو مجبتيش مجموع حبيع كل الدهب وادخلك الكلية اللى انتى عايواها انشاالله تكون جامعة خاصة ووافقت لانها ادتنى الامل ولما كنت داخلة امتحان 3ثانوى اول مدة قبلها بيومين رجلى انكسرت ومكنش ينفع امشى عليها خالص فقلتلها مش حقدر اعيد السنة قلتلى لا حتدخلى الامتحان وتجيبى مجموع كبير وتدخلى اللى انتى عايزاة واصرت انى ادخل الامتحان وبالفعل دخلت وجبت اكبر مجموع فى العيلة91.3% وعند ظهور النتيجة حدث لى حادث وانكسرت لى يدى اليمنا وكل من عرف مجموع بعدها استغرب جدا انى كنت متجبسة فى رجلى وامتحنت وبعدها ايدى تتكسر وكنت انوى ان ادخل السن ولكن ابى كاعادة رفض بدون مناقشة واصر على انى ادخل كلية تجارة زية وزى بقيت العيلة بتاعت واصر اصرار غير عادى على ذلك وقلى انة مش حيعرفنى طول عمرة لو مدخلتش كلية تجارة وبالفعل لم استطيع الصمود اما رغبتة ودخللت الكلية وكنت بذاكر عشان اشتغل واخلص وملجأش لحد فى يوم من الايام وبالفعل نجحت طلعت من الاوائل ومازالت ابحث عن العمل ولكن كل ماسبق كان بفضل والدتى فقط ولكنها لم تستطيع مناقشة والدى فى اى موضوع
    ولكنى اتمنى وانا بتفرج على البرنامج بتاع حضرتك بعلية على الاخر عشان بابا يسمع ويارب يستجيب ربنا لدعائى له وانا والله بحب والدى والدتى جدا جدا وانا عارفة انهم بيحبونى بس للاسف محدش بيقدر فينا يظهر الحب دة خالص ولكنى اراة انه يظهرة بشدة يشدة مع اول حفيدة لية فى العيلة بيحبها حب العشاق حتى والدتى بتحبها موت انا مش بقولك الكلام دة عشان انا مش بحبها ولكنى انا بموت فيها جدا عشان طبعا اول حفيدة لينا كلنا ولكن لايحاول ان يظهر حبة هذا لاقرب الناس لية لابنائة او الى امى ولكنى والله بدعوا ربنا انه يسمع حلقاتك ويهتم بيها بس للاسف يما يبقى نايم يا اما خرج ونفسى بجد نبقى اسرة حلوة اوى انا بشوقولك كدة عشان انا مش راضية عن اسرتى لا والله انا بحبها اوى وراضية عنها وبدعى فى كل صلاة ليه ان ربنا يخلى ابوية وامى يبقوا راضين عنى لانهم لو رضوا عنى ربنا حيرضى عنى ويفتحلى طرق كتير اوى
    وعلى فكرة برضواانا والدى والدتى دائما يدعولى لى جامد اوى ومن قلبهم ويارب ربنا يستجيب لهم عشان انا الوحيدة اللى خلصت دراسة فى اخواتى ولسة مشتغلتش فبساعدهم فى البيت ويارب ربنا يرضا عنا جميعا
    ويارب يارب يرزقك الاخلاص ويكرمك فى اولادك وتتبع معاهم طريقة التربية اللى انت بتقول عليها وتشوفهم احسن ناس يارب وربى يعلم انى بدعيلك كل يوم فىصلاتى باسمك ان ربنا يرزقك الاخلاص فى كل حاجة فى حياتك لانك فعلا تستاهل الدعاء
    ويارب ترد على تعليقى
    [/COLOR][/COLOR][/SIZE][/COLOR]

    التعديل الأخير تم بواسطة jasmen ali ; 26-09-2007 الساعة 03:05 AM

  13. #13
    عضو جديد
    تاريخ التسجيل
    Mar 2005
    المشاركات
    5
    علم الدولة : Users Country Flag

     الجنس :

    معدل تقييم المستوى
    0

    افتراضي

    السلام عليكم ورحمة الله وبركاته
    انا النهادرة بجد دمعت من تاثري بالحلقه يمكن مشكلتنا في العاطفه
    التوجيهه السليم بمعني اننا بتعامل بالعطف واحنا في سن العشرين زي ما كنا لسه رايحين الحضانه
    العطف بيتحول للخوف او عدم تصديق اننا كبرنا وممكن نتحمل اننا نتاخذ قرار بانفسنا ده بالنسبه للعاطفه الام
    اما الاب في كتير مش بيعرفوا يعبروا عن الحب وبيتعبروا عيب وده ساد في مجتمعنا اننا حتي لما نشوف رجل بيكي للفراق انسان عزيز او لاي مشكله ضائق بها صدره تلقي الناس تقلوا عيب انت راجل
    كان الرجل لا يعرف البكاء
    والرسول عليه الصلاة وسلام بكي عند موت ابنه ابراهيم
    ان القلب ليحزن وان العين لتدم واننا لفراقك يا ابراهيم لمحزونوا ولا نقول الا ما يرضي ربنا
    او كما قال الرسول (ًص)
    وعندما كان يقبل الحسن والحسين والصاحبي ابن الاقرع قال له ان لي 10 اولاد لم اقبل احدهم
    قال صلي اله عليه وسلم ماذا اصنع في قلب نزع منه الرحمه
    او كما قال الرسول (ص)
    العاطفه رحمه في القلب ومنهج للحياة اتمني ان نتعامل بيه خصوصا عندما نوجه النصح
    النصح ثقيل فلا تجعله جدال ولا ترسله كالجبل

    اللهم ارزقنا حبك وحب مين يحبك وحب كل عمل يقربنا الي حبك
    اللهم الف بين قلوب ابائنا وامهاتنا واجعل بيوتنا جنتك في الارض
    واجمع بينا وبين رسولك الرحيم(وما ارسلناك الا رحمه للعالمين)
    وجزاك الله خير الجزاء استاذنا عمرو خالد واشهد الله اني احبك في الله ويجمعنا الله في ظله يوم لا ظل الا ظله


  14. #14
    عضو جديد الصورة الرمزية jasmen ali
    تاريخ التسجيل
    Nov 2005
    المشاركات
    68
    علم الدولة : Users Country Flag

     الجنس :

    معدل تقييم المستوى
    13

    افتراضي

    يارب ترد على تعليقى الحلقة كانت ممتازة يادكتور عمرو بس فية ناس اصلا مش بتبقى عارفة يعنى اية عاطفة انا مش حنكر ان امى وابوية بحبونى زى اى امى واب بيجبوا اولادهم بس دة مش بيظهر يمكن لما فعلا كنت صغيرة بس انما لما كبرت عمر والدى ما اعد يتكلم معاية اطلاقا او يعرف عنى اى شئ ولكن امى كانت بتققعد احيانا عشان تعرف مشاكلى ولو قدرت تحلها يبقى كويس انا امى واحدة منالناس اللى خلتنى اكمل مشوار حياتى كلة وحقولك ازاى
    وانا فى ثانوية عامة قبل ما ادخل اصلا ثانوى كنت مصممة ادخل علمى ماما وبابا رفضوا تماما بسبب تجارب سابقة لاخواتى وبابا معندوش نقاش هو رفض وخلاص
    انما والدتى قلتلى ادخلى ادبى ولو مجبتيش مجموع حبيع كل الدهب وادخلك الكلية اللى انتى عايواها انشاالله تكون جامعة خاصة ووافقت لانها ادتنى الامل ولما كنت داخلة امتحان 3ثانوى اول مدة قبلها بيومين رجلى انكسرت ومكنش ينفع امشى عليها خالص فقلتلها مش حقدر اعيد السنة قلتلى لا حتدخلى الامتحان وتجيبى مجموع كبير وتدخلى اللى انتى عايزاة واصرت انى ادخل الامتحان وبالفعل دخلت وجبت اكبر مجموع فى العيلة91.3% وكنت انوى ان ادخل السن ولكن ابى كاعادة رفض بدون مناقشة واصر على انى ادخل كلية تجارة زية وزى بقيت العيلة بتاعت واصر اصرار غير عادى على ذلك وقلى انة مش حيعرفنى طول عمرة لو مدخلتش كلية تجارة وبالفعل لم استطيع الصمود اما رغبتة ودخللت الكلية وكنت بذاكر عشان اشتغل واخلص وملجأش لحد فى يوم من الايام وبالفعل نجحت طلعت من الاوائل ومازالت ابحث عن العمل ولكن كل ماسبق كان بفضل والدتى فقط ولكنها لم تستطيع مناقشة والدى فى اى موضوع
    ولكنى اتمنى وانا بتفرج على البرنامج بتاع حضرتك بعلية على الاخر عشان بابا يسمع ويارب يستجيب ربن لدعائى له
    ويارب يارب يرزقك الاخلاص ويكرمك فى اولادك وتتبع معاهم طريقة التربية اللى انت بتقول عليها وتشوفهم احسن ناس يارب
    ويارب ترد على تعليقى
    [/COLOR]
    [/COLOR]


  15. #15
    عضو محترف الصورة الرمزية ( فتاوى على الهواء مباشر... ايمان ) ام عبد الرحمن
    تاريخ التسجيل
    Apr 2007
    المشاركات
    2,763
    علم الدولة : Users Country Flag

     الجنس :

    معدل تقييم المستوى
    69

    افتراضي

    السلام عليكم ورحمة الله وبركاته


    اتوجه بالشكر الى الاستاذ// عمرو خالد

    لانه اعطانى الفرصة والفرحة التى شعرت بها عندما شوفت الاستاذ /اميرة حجازى سكرتيرة حضرتك للمرة الثانية واوجه هذه الكلمات الى الاخت الفاضلة اميرة اسعدنى جدا وبقولها بصدق والله يا اميرة اولا اننا شوفتك للمرة الثانية وسمعت صوتك ايضا وادعو الله لكى بكل خير وادعو الله عز وجل ان يطيل فى عمر والدك ويخلية لكى ويخليكى له ادام الله عليكم الحب والعاطفة والرحمة والمودة امين يا رب العالمين

    الاستاذ// عمرو خالد

    انا ام لثلاث ابناء لمست فى كلماتك حقائق عيشتها مع ابنائى انا فعلا جربت بان اتعامل معاهم بعقاب اننى غاضبة فلم انجح فى توجهى لهم جربت العقاب بان احرمهم من اى شىء يحبونه فنحجت 50 % ولكن جربت اخيرا ان اشعرهم لاننى احبهم واقدم العاطفة اولا ومن هنا هم يفعلون ما اطلب قبل ما انطق به فعلا مثل حضرتك ما قلت ان العاطفة قبل العقل فاذا شعرو بها ينفذون ما تطلب منهم دون اى مجهود او انفعال وهذا عن تجربه شخصية لابنائى واحب اقول لهم يا عبد الرحمن وهو اكبرهم فى ثالثة ثانوى وبدون خجل ودئما اضمة الى عندما يصحو من نومه صباحا واطبطب على شعره واقول له حبيبى اصحى افتح عينيك كدا وحشتنى جدا ويبتسم الابن على هذه الكلمات الرقيقة منى وعندما اذهب الى مدرستة امام اصدقائه اسلم على يده واضغط عليها جامدفى السلام واقول له وحشتنى بودة فلم يشاهد اصدقائه هذه المشاعر هو فقط الى يشعر بها وعمرى ما خجلت ان اقول له اننى احبك ووحشتنى ودئما كلمة حبيبى عبده على لسانى وفى ذات المرات ذهبت الى مدرستة ابحث عنه فى الحوش الكبير وقت خروجهم من المدرسة كنت اريد ان يذهب معى مشوار مهم ولم اجده فقلت لنفسى اتصل به على المبايل وبعد ان خرجت من باب المدرسة فوجأت بشخص يضع يده فى زراعى ويانجنى مثل الخطاب ففجأت ووجدت من يقول لى بدور على مين يا جميل فنظرت اليه وقلت له اه عبده ميش تقول انه انت فقال لى انا لمحتك من بعيد ونديت عليكى بس لم تسمعينى فقلت لنفسى ماما اه افجأها فقلت له كنت هتاخذ قلم على وجهك حالا لو لم اسمع صوتك وانت تضع يدك بزراعى فقال لى كنت بهزر معاكى امى قولى بقى انتى تبحثى عنى ليه هنروح النادى علشان تلعب كرة وتدرب عليها ويا سلام بقى وانا اشوفك بتعلب الماتش وانا هشعجك عبودة الحمد لله احنا استاذ عمرو اصدقاء وهذا ايضا لابنتى اسماء ابلغها وحشتينى يا سمسم ودئما لما تطلب اقول لها امرينى حبيبتى واقول لمحمد عندما انادى عليه او عندما احضر من السوق ويفتح لى الباب الشقة يجرى عليه ويتمسك بارجلى لانه سنه خمس سنوات ونصف واطبطب عليه واقول محمد حبيبى ان اه ان دى لعبه اداعبه بها وهو عرفها واقول لهم جميعا بحبكم اكثر من نور عينى وانا ذهدت فى الدنيا ولكن حبى لكم اكثر من ان اعيش فى قصور واكثر من طعام غالى بعيد عنكم واكثر من فسحة اشعر بها لوحدى انتم الجنه الحقيقية لى بحبكم جميعا

    رسالة من ام لابنائها

    ضحيتم بارواحكم لتحرير مصر من الفساد

    ((الان نتنفس حرية)) ويغلب فى تعاملتنا الان ((الصدق والوفاء والامانه )) يا بختك يا مصر بشبابك وشباب ثورة25





  16. #16
    عضو جديد
    تاريخ التسجيل
    May 2007
    المشاركات
    47
    علم الدولة : Users Country Flag

     الجنس :

    معدل تقييم المستوى
    0

    3agek13 اجوك يا استاذى عمرو خالد ان ترد عليا

    السلام عليكم ورحمه الله وبركاته
    انا مش عارفه ابدأ الكلام منين ... انا عمرى 17 سنه وبحب اسمع حلقات حضرتك قوى بس للاسف مش بقدر اتابع الحلقات من التلفيزيون علشان كده بسمعها من على النت لما تنزل ومش بعرف انزلها من التوررينت علشان كده بسمعها من الموقع متأخره .... المهم انى حاسه ان كلامك حضرتك جميل وتطبيقه فى الحياه هايخلى حياتنا جنه على اسم البرنامج بس مستحيل يعنى ازاى ده هايتحقق اذا الاب ماسمعش حلقات الاب ولام ماسمعتش حلقات الام والاخوه ... مفيش فى البيت حد بيسمع البرنامج غيرى ومش بعرف اتابعه على التلفزيون علشان الدش فى تلفزيون واحد حتى لما بطلب من اختى تتفرج على التبفزيون التانى اللى مفيهوش دش مش بترضى علشان عايزه تقعد فى الاوده لوحدها ومش تنزل تحت فى الاوده اللى بابا قاعد فيها وماما ... يعنى بتحب تقعد لوحدها دايما او معظم لوقت ... انا عكسها بحب اقعد مع بابا وماما معظم الوقت فى الاجازه بقعد معاهم كتير بس هما بقوليلى يعنى لما ادخل معهام فى الكلام ويدايقوا منى يقوموا يقوليلى انتى قاعده ليه (ماوراكيش حاجه) قومى اعملى.... ويطلبوا منى اى حاجه اعملها ويحرمونى من القعاد معهم حتى لو انا ماتكلمتش وقعدت استمتع بالجلوس معاهم برده بقولولى كده .... انا نفسى احسسهم بالحب اللى انا حاساه نحيتهم ونفسى برده يحسسونى بحبهم ليا للاسف فى مجتمعنا لو حد اظهر مشاعره يكسف او يبقى ضعيف يعنى الاحضان والقبلات معدومه عندنا يمكن مش باشوف الحب الا لما يحصلى مشكله .. يعنى انا مش هانسى لما كنت فى السكشن والباب بيخبط والمعيد يفتح الباب ولااقى صوت بابا بيقول دينا هنا؟؟؟؟ انا اتخضيت وبصيت لقيت بابا وماما واتضح ان اصحابى اتصلوا بيهم وقالولهم ان انا تعبانه من ورايا ... يمكن ساعتها بابا مسكت ايده علشان اشيلها من على راسى علشان كان بيطمن على حرارتى ... ديه المره الوحيده اللى مست فيها ايده من زمان من ساعه ماكونت طفله ... انا صحيح كبرت وفى الجامعه بس والله نفسى اعرفهم انى محتاجه لحبهم انا عارفه انهم بيحبونى بس مش بيظهروا الحب ده ليه .... هو عيب يعنى ؟؟؟
    انا عندى اخت اكبر منى فى كليه الطب ودايما يتكلموا عليها انها هاتكون وهاتكون ... وانا علشان فى كليه حاسبات ومعلومات مش بيتكلموا عليا الا علشان يحفزونى وكتير يقولولى ابقى قابلينى ... انا سمعت الكلمه ديه كتير قوى رغم انى سمعتها قبل كده فى الثانوى ( ابقى قابلينى ان دخلتى كليه الحاسبات والمعلومات ولا كليه الهندسه .... وابقى قابلينى لو جبتى مجموع يدخلك كليه.... انا كمنت برد عليهم بقوه واقلوهم هاتشوفوا هادخلها علشان ربنا هو اللى عارف انى تعبت وربنا ان شاء الله هايستجيب دعائى والحمد لله دخلنها كنت فاكرده انى لما ادخلها هارتاح بس برده دايما يقارنونى باختى اللى فى الطب ولما اطلب حاجه يقولولى انتى بتصرفى كتير وانتى وانتى ...طيب انا اعمل ايه ان كانت كلييتى طريقه دراستها تطلب حاجات تانيه اختى مش بتطلبها وكمان كليتى بتتاخر ولما اجى متأخر الاقى بابا يقولى اتخرتى ليه؟؟؟ طيب انا ذنبى ايه .. مش ديه الكليه اللى كان نفسكوا انى ادخلها دلوقتى بقت وحشه ... انا مش عارفه اعمل ايه هما امى وابوى اللى ربنا وصانى عليهم بس ساعات باخرج عن شعورى بس بندم بعدها بس حاسه ان ده ذنبهم لان هما اللى بيفرقوا بينى وبين اختى واخوى اللى مدلع علشان هو الصغير والاخ الوحيد اللى دلعه كان سبب فى فشله الدراسى ولما اخوى يغلط يبقى كان البيت كله غلط ..... ولما اضحك مع بابا واحاول اضحكهم يقولولى بطلى ضحك شويه ولما ازعل ما يهتموش يا اما يقولوا انتى زعلانه ليه بقرف ... انا نفسى يسمعوك ويطبقوا كلام حضرتك نفسى يحسوا بكلام حضرتك انا كل حلقه اسمعها لازم اعيط وادمع وكمان وانا باكتب التعليق ده باعيط .... نفسى ترد عليا وتقولى حاجه تصبرنى انا كتير بحاول انى امسك اعصابى ومازعلهومش وعلى فكره ماما دايما بتقولى انى الوحيده المطيع ودايما يتطلب منى اى حاجه عايزها علشان انا اللى بسمع كلامها واختى بتتعبها على ماتسمع كلامها وبسمع كلام بابا كمان بس بابا مشكلته انه بينكر بهزار انى بسمع كلامه وساعات بجد وده اللى بيضايقنى ويخلينى اقوله طيب يا بابا مش انا مش بسمع كلامك خلاص وماعملوش اللى هو عايزه بس بتعدى بس ساعاتها بزعل من نفسى قوى
    نفسى كلنا نحب بعض لانى خايفه من اليوم اللى يجى وكل واحد يتجوز فينا والاسره تتفكك و مانبقاش اخوات ومانشوفش بعض الا فى الاعياد زى حال بابا واخواته دلوقتى ... ونفسى انى تعيش لليوم اللى انجح فيه واوصل اللى انا عايزاه واحجج بابا وماما وانا معاهم لان مكه وحشتنى قوى ونفسى اروحلها تانى مع بابا وماما فى حج ونفسى ان حضرتك ترد عليا انا كل مره مش بترد عليا
    انا عايزه اقول كمان ان ماما انسانه جميله قوى هى اللى مصبرانى هى اللى بتواسينلى لما بابا يزعلنى وانى خايفه وزعلانه انى اقول انى بحبها اكتر من بابا وكنت خايفه من اليوم اللى اتقول فيه كده بس ماقدرش اقول غير كده بعد موقف حصل مع بابا عاوزه اقوله لحضرتك بس ماينفعش اقوله على المنتدى ومش عارفه اميل حضرتك ولا اى اتصال شخصى بحضرتك نفسى ان حضرتك تعرف وتقولى اعمل ايه انا حاولت اعفوا عنه زى ماحضرتك قولت فى حلقه الرحمه بس ماقدرتش
    بالله عليك ترد عليا وتقولى على اميل حضرتك او تلفونك الله يخليك بجد محتاجه لكلمه حضرتك للموقف ده بالذات ارجوك رد عليا


  17. #17

    تاريخ التسجيل
    Sep 2007
    المشاركات
    13
    علم الدولة : Users Country Flag

     الجنس :

    معدل تقييم المستوى
    0

    افتراضي

    السلام عليكم ورحمة الله وبركاته حلقة اليوم هي تكملت الى الحلقة السابقة لمنا لاحظاها لكن في طياتها معاني جديدة وقواعد أخرى تفرش البساط لتوطيد العلاقات العائلية اني فعلا ابي زعلان مني والخطأ مني وأني أحاول ان أصلح مافعلت ولو بمرور الأيام
    المهم ماتعلمناه وفهمناها من النبي صلى الله عليه والسلم القدوة لنا وبأخذه يلاعب الحسن والحسين أمام الصاحبة ليعلمهم المعنى الجميل للعواطف من اجل أبنائهم وبذلك تكون استكملت الصورة التي أرادها لأمته فهو يعلم قيمة الحنان بالنسبة للأطفال .
    انا فعلا تعلمت الدروس الكثيرة من الحياة لكن كل كوم ودروس الحلقات البرنامج كوم ثاني يجب على كل واحد منا انه يرفع شعار أمك أبوك أخواتك وفي النهاية أسرتك الصغيرة والكبيرة العاطفة لغة القلوب القوية التي تغير الناس وهي السلاح السري لكل اب او أبن لمن يجيد استعماله فتكلتف الأسرة وقوفها مع بعضها يولد المحبة والرحمة المنزلة من ربنا عز وجل فلكل من عجز عن التواصل مع أسرته فحلقة اليوم كلها حلول لأرجاع التواصل والمياه الى مجاريها من تاني هيا أطروقوا ابواب الفردوس من خلال لمة العائلة وحب الأسرة من خلال حضن الام وطاعتها فلنجعل شعارنا اليوم وبالأضافة لكل ماتعلمناه أن نقول لأمهاتن حاضر دون تردد ونجعل قلوبنا صافية بحب أهلينا وفي سبيل هذا يهون كل شيئ الكبرياء، الغضب العزة ،التوتر ، الحقد ، الأنتقام كل هذا وغيره فالغاية الكبرى هي الجنة ولابديل عنها فهي الفرصة الذهبية ونحن في رمضان في أيام المغفة أوعوا تخذوا مقف على أهاليكم فالأمة بحاجة لكل اسرة يمكن أن تصلحها ابدؤا بأنفسكم ثم أنصحوا غيركم وجعلوها رسالة عليكم تبليغها بعدما سمعتم دروسها بهذا فقط تستطيع ان تعود العزة لأمتنا وأذكركم ( ربـــة همـــة احيــت أمة ) فكونوا انتم الهمة وقد بلغة كل من يرى تعليقي فهيا نتكاتف جميعا من أجل أسرنا فعمرو خالد لايستطيع أن يفعل كل شيئ قد يساعدنا على تحديد الطريق وعلينا أن نسير فيه وأنا أشكره برغم أن كل العبارات لن توفيه حقه علينا لكن أغلى شيئ نقدمه له هو الدعـــاء له والقول له جزاك الله عنا ألف خير واطلب منكم الدعاء له فهو حق علينا والسلام عليكم ورحمة الله وبركاته


  18. #18
    الصورة الرمزية النصر القريب
    تاريخ التسجيل
    Sep 2007
    المشاركات
    7
    علم الدولة : Users Country Flag

     الجنس :

    معدل تقييم المستوى
    0

    افتراضي

    السلام عليكم ورحمة الله وبركاته

    حلقة جميلة جدا تمت فيها معانى لغة العاطفة قبل لغة العقل
    وبالنسبة للعلاقة مع الاب فأنا والدى غااااااااااااااااااااااااااااااااااااااااالى قوى عندى وطبعا امى بالتأكيد بس مش عارفة ايه سبب الترابط رغم انه رجل يعمل فى مجال السياسة وبالطبع غير متفرغ للاسرة ولا افرادها بس كانت امى دايما تشعرنا بوجوده بيننا وبكلمته وقراره وعقابه وبالتالى كان غيابه عن البيت لا يوجد به مشكلة غير انها هى الى كانت بتتحمل طبعا كل المسئولية
    بس كان بعيييييييييييييد قوى انه يعاقبنا بالضرب ولو طلبت منه طلب وحاولت انى اتمسك بطلبى وهو يعنى معترض عليه ولو بنسبة بسيطة كانت له طريقة اعتبرها سلاح

    مثلا اقوله بابا انا عايزة اعمل كذا يقولى مثلا انا شايف انه مينفعش اقوله لا ممكن ينفع ويأتى الاسلوب والرد الذى ينهى الموقف لصالحه كيف؟

    طيب روحى ماشى ولكن ما ادراك بملامح الوجه ( الزعلان) ولا ينظر لى وكأنه بيقولى خلاص براحتك بس وجهه بيقولى انا مش راضى طبعا فى اى اقل من ثوانى لا اقدر على ان اشوفه كده واعمل الى انا عيزاه لاقنعه ويوافق برضا او الغى طلبى ولا اشوفه مجرد زعلان

    وده كان اسلوبه ربنا يجزيهم عنا خير اللهم امين

    وحاولت فى علاقة الاقارب ممكن يكون ابى او امى مع خلاف مع احد منهم وصعب انهم يتكلموا مع بعض فاكنت احاول اتكلم مع اقاربى بلغة العاطفة حتى يلين معى واتقرب منه بعدها يشعر انه صعب انه يكلمنى كده ويودنى وابى وامى لا فوجدته يحاول ان يحسن المعاملة معهما وشعرت حينها ان الله سبحانه وتعالى جعلنى سببا ان اصلح ذات بينى ان كنت قمت بها فعلا

    وهى طريقة ممتاااااازة للاصلاح بين الاقارب ودون معرفة الاباء والامهات حتى لا تدخل لغة الكرامة والعناد

    اشكرك بشدة على فكرة البرنامج والمواضيع المطروحة به واتمنى استمراره بعد رمضان فالعلاقة الاسرية وااااااااااااااااااااااااسعة

    وفقك الله وسدد خطاك ورقنا واياكم الاخلاص

    التعديل الأخير تم بواسطة النصر القريب ; 25-09-2007 الساعة 11:06 PM

  19. #19
    عضو متألق الصورة الرمزية ابتسامة الأمل
    تاريخ التسجيل
    Feb 2007
    المشاركات
    714
    علم الدولة : Users Country Flag

     الجنس :

    معدل تقييم المستوى
    20

    افتراضي

    أنا اللي سألتك البارحة على موضوع سوريا

    الظاهر أنني من كتر ما كانت المشاركة طويلة تهت مني و لم ترد على أسئلتي التالية
    نحن ما نعرف كتير نعبر عن مشاعرنا تجاه أمي لأنها أيضا لا تفصح عن مشاعرها لذلك قلما تقول لنا او نقول لها كلمة حلوة ولا نقبل يدها إلا بالمناسبات مع أن علاقتنا معها جيدة ونسعى إلى إرضائها لكن التعبير عن المشاعر مو تمام وكمان هي حازمة شوي فالواحد ما بياخد راحته معها بالحكي كتير أضف إلى ذلك أننا لا نملك تقارب فكري بيننا وانا اعتقد ان هذا هو السبب الأكبر وقد تستغرب لو عرفت أني مع أبوي من هالناحية أحسن شوي لانه بيعبر عن مشاعره ومع أن مشاعر أمي تجاهنا اكبر لكننا لا نشعر بها بقدر ما نشعر بمشاعر أبي شو نعمل؟ وهل شعورها بأننا غير متفقون معها فكريا يغضب الله عنا؟؟ وهل يعتبر نوع من العقوق ؟؟وكيف نختلف معها وتبقى راضية عنا
    أستاذنا الكريم ......................
    أشير علينا وانصحنا وادعي لنا انو يتحسن حالنا معهما ويرضيهما عنا
    أستاذي

    وأرجو وأستحلف حضرتك بالله أنك تدعيلي أن أمنية حياتي تتحقق وهي أن يبعث الله لي شابا يعينني أن أكون من صناع الحياة لأن فكرة صناع الحياة عندنا في البيت مو مقبولة كتير (وهذا أحد أسباب اختلافي في الرأي مع أبي و أمي) وأنا لا أحب شيء في الدنيا مثل حبي للنهضة ونصرة الإسلام ولا تدري أستاذي الكريم كم يؤرقني هذا الموضوع
    وقد بعثت لك على (راسل عمرو خالد ) عدة رسائل بخصوص هذا الموضوع لكنك لم ترد عليها و أنا اعلم أنك مشغول فقررت ان اسأل د. الثويني فما هو رأيك ومن تنصحني أن أستشيره

    أنا اسفة لأني حسيت أنو طولت عليك البارحة بكتر كلامي واحب ان اقول انني لا استطيع مشاهدة جميع الحلقات لانو ما عندي فضائيات فانا بسأل لو حد عنده الحلقة بشتريها وبشوفها
    فلذلك ما بعرف شو حلقة اليوم بس بدي من حضرتك ان ترد على اسئلتي وجزاااااك الله كلللل خير


  20. #20
    الصورة الرمزية بإسم الجبار أحيا
    تاريخ التسجيل
    Sep 2007
    المشاركات
    3
    علم الدولة : Users Country Flag

     الجنس :

    معدل تقييم المستوى
    0

    افتراضي

    بسم الله الرحمن الرحيم

    السلام عليكم و رحمة الله و بركاته

    إلى الأستاذ عمرو خالد يارب عينيك تقع على رسالتى وأسأل الله الرحيم الجبار أن أنول شرف رد حضرتك على رسالتى
    أناحوصفلك باختصار الحال فى بيتنا و نفسى تلاقى حاجة تدخل السرور على قلبك أنا والدى مالهوش أى دور فى حياتى و لا فى حياة أخواتى علطول مكشر و منشى غير قابل للاقتراب أو اللمس و طبعا لايوجد بيننا أى حوار وطبعا علاقة مثل هذه مع أبنائه توضح العلاقة بينه وبين أمى منذ أن ولدت لم أجده و لو مرة واحدة عاملها كويس علطول خناقات بدون أى أسباب و دائما اى لحظة جميلة فى حياتنا لا يدعنا نتمتع بها و لك أن تتخيل ياأستاذ عمرو أن أب يكره أن أولاده تنجح ماتقوليش حضرتك انه استحالة لأن دائما خناقة بدون أسباب بعد النتيجةوده طبعا لأنى متفوقة فى دراستى و غالبا من الأوائل و طبعا حضرتك يمكن دلوقتى تكون اتخيلت انى معاملتى له سيئة طبعا بالتأكيد لألألألألألألألألألألألألألألألألألألألألأ او بنفس معاملته لألألألألألألألألألألألألأ و ذللك لأنى بعامل رب العباد مش بعامل العباد. أنا أصغر أبنائه وأنا مرة سمعت درس لحضرتك بتقول فيه نقبل أيدى والدينا و لو الأب قاسى نبدا به و مع كل ماذكرته لك أنا عملت ده بس ماأقدرش أقول انى عملته بحب كان نفسى يكون بحب و لكن أنا عملته بس بس بس علشان ربنا يرضى عنى و أكون بارة بأبى وهواستقبله وكأنى لم أفعل أى شئ . أنا طبيعتى انى حنينة جدا وكان نفسى أحس بحنان الأب أكيد ربنا حيعوضنى خير الحمد لله.كفاية كده ندخل على الجانب الذى سيسعدك إن شاء الله أمــــــــــــــــــــــــــــــــــــــــــــــــ ــــــــــــى حقا إنها غالية أمى استحملت من أبى الكثير و هى أحن انسانة على و هى أم محفزة للنجاح و الله ياأستاذ عمرو ساعات أعصابى كانت بتتعب قبل الامتحان كانت بتشجعنى وتقولى شدى حيللك انت حتنجحى فى المادة دى و كمان حتجيبى امتياز والله ياأستاذ عمرو من قوتها كانت أعصابى بتهدأ وبالفعل جبت فى المادة امتياز و هى الأم الصديقة معها كل أسرارى و محبش أعمل أى حاجة إلا لما أتأكد انها راضية عنها ودائما أقبل يديها وأسألها راضية عنى ولا لأ متتخيلش فرحتى لما بتقولى راضية عنك كل الرضا بحس برضا ربنا من رضاها ولكن حنان أمى مش معوضنى ماأفتقده من حنان الأب" الحمد لله" .
    ربنا يعزك و يكرمك ويبارك لك فى أولادك و يبارك لهم فيك برنامج رمضان السنة دى رائع جدا و بحاول أنفذ على قد ماأقدر منه
    و رغم كل اللى حكيته لحضرتك من قساوة أبى أنا عملت زى ما بتقول بدأت بنفسى ورحت لأبى و قلت له ماتقوم تصلى بينا امام فى الفجر أمى قالتلى مفيش فائدة من اللى بتعمليه قلت لها أنا بعمل اللى على قام و صلى بينا و لكن تخيل ياأستاذ عمرو وقف و صلى من غير ما يشوف من ورائه ولا من غير مايجمعنا وقف و صلى كأنه بيصلى لوحده و طبعا بعد ما صلى و لا كأنه يعرفنا أنا قمت و قبلت ايديه و سألته راضى عنى يابابا قالى أيوة و بعد كده قام كمل نومه.
    على فكرة ياأستاذ عمرو و أنا بسمع البرنامج الجنة فى بيوتنا بحلم بشكل الأسرة اللى نفسى أكونها بحلم انى وزوجى بنعبد ربنا سوىو بحلم انى بعامل زوجى أحسن معاملة المعاملة اللى ربنا يرضى عنى بها و بحلم بزوجى بيعاملنى بما يرضى الله وبحلم بزوجى انه يكون الأب القدوة الحنون و بحلم أكون الأم المحفزة للنجاح.
    ادعيــــــــــــــــــــــــــــــــــــــــــــــ ــلى ياأستاذ عمرو ان ربنا يرزقنى الزوج الصالح اللى يعينى على طاعة الله و على تكوين أسرة تخدم الاسلام و يرضى الله عنها و ادعيللى ربنا يرضى عنى و يشغلنى ربنا عنده لخدمة الاسلام و يدوم على نعمة رضى أمى و أبى ويهدينى و يعيننى على حفظ القرآن و يرزقنى أن أحج أو أعتمر وان أكون من عتقاء هذا الشهر الكريم و أن يعفوا عنى العفو الكريم و يبلغنى و إياكم ليلة القدر............................................. ..............
    أسأل الله العظيم الجبار أن يرزقك الاخــــــــــــــــــــــــــــــــــــــــــــــ ــــــــــــــلاص و يجعللك مستجاب الدعوة و يرضى عنك رضى لا سخط بعده أبدا و يبارك لك فى صحتك و والديك وزوجتك و( على و عمر) أولادك .

    السلام عليكم و رحمة الله و بركاته.


 

 
صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Powered by vBulletin® Copyright ©2000 - 2012, Jelsoft Enterprises Ltd.



حماية المنتدى من اكساء هوست