العاب فلاش

                   
صفحة 1 من 2 12 الأخيرةالأخيرة
النتائج 1 إلى 20 من 28
  1. #1
    Webmaster الصورة الرمزية مدير المنتدى
    تاريخ التسجيل
    Mar 2004
    المشاركات
    1,357
    علم الدولة : Users Country Flag

     الجنس :

    معدل تقييم المستوى
    30

    افتراضي الحلقة 5 : جزر منعزلة


    اليوم الخامس من رمضان !!

    حلقة اليوم بعنوان "جزر منعزلة " ما حال اسرنا في هذه الايام ؟؟

    هل رايتم ماذا فعل غياب دور الاب والام في هذا المخلوق اللطيف المعروف بوداعته ... الفيل !! الفيل انقلب وحش يهاجم الانسان لعدم وجود رقيب عليه ... فما بال الانسان ... خليفة الله في الارض

    في انتظار تفاعلكم ..,أ.عمرو خالد يتابغ معكم يوميا

    معا نصنع الحياة .

  2. #2
    عضو جديد
    تاريخ التسجيل
    Jun 2007
    المشاركات
    11
    علم الدولة : Users Country Flag

     الجنس :

    معدل تقييم المستوى
    0

    افتراضي

    [align=center]الداعية الاسلامى وابى وحبيبى الاستاذ عمرو خالد
    انا ابتديت كلامى بالداعية الاسلامى لانى عارف ان حضرتك بتحب ذلك فاحببت ان ارسم ابتسامة على وجه حضرتك
    الحلقة عجبتنى جدا
    انا فرحان جدا بالبرنامج الجديد لانى من زمان جدا نفسى حضرتك تتكلم عن الموضوع ده
    انا والدى ووالدتى منفصلين دون طلاق لمدة تزيد على نصف عام حتى الان
    وطبعا من سنين كان في مشاكل كتير
    ودى كانت تجربة صعبة جدا اتعلمت فيها حاجات كتييييييير

    وكانت حياتى تتدهور شيئا فشيئا بالاضافة الى انى كنت ضعيف امام ذنب من الذنوب
    وكل ده اثر على فى الثانوية العامة
    وبعدين فى الاجازة دى قررت اسمع دروس حضرتك بتكثيف اكبر من ذى قبل . ودراسة وتنفيذ

    واوعد حضرتك انى هتغير
    بس اتمنى ان حضرتك ترد عليا
    (ادعيلى ربنا يثبتنى)
    وكمان حسيت ان صناع الحياة اهلى واخواتى وان حضرتك والدى الفعلى
    ومن برامج حضرتك حبيت ربى الله عز وجل ورسول الله صلى الله عليه وسلم والصحابة
    وبقيت بدرب نفسى انى اكون ايجابى واشار معاك فى النهضة باذن الله

    وليا طلب : قصص الانبياء اللى حضرتك القتها فى مسجد الحصرى - فى قصة سيدنا يوسف كان فى 14 حاجة يجب ان يتصف بيها الداعية الاسلامى
    بس الدرس مقطوع و مش كامل على الموقع !!!!

    انا دخلت كلية العلوم ودى اول سنة
    والحمد لله عندى القدرة على المذاكرة والفهم والابداع كمان
    وبدعى ربى انى اجيب تقدير واشتغل فى مجال البترول واجيب فلوس كتير
    وابدا فى مساندة صناع الحياة بكل قوتى وابذل اكتر مما افعلة الان باذن الله

    انا بشوف الجنة فى بيوتنا علشان لو معرفتش انفذها فى البيت الان
    انفذها ان شاء الله فى اسرتى ومع زوجتى مستقبلا

    وانا بدعى لحضرتك كتييييييييييييييييييييييير بان يرزقك الاخلاص
    لانى برضو عارف ان حضرتك تحب هذه الدعوة

    اللهم ارزقه الاخلاص اللهم ارزقه الاخلاص
    اللهم ارزقه الاخلاص اللهم ارزقه الاخلاص
    اللهم ارزقه الاخلاص اللهم ارزقه الاخلاص
    اللهم ارزقه الاخلاص اللهم ارزقه الاخلاص[/align]

    التعديل الأخير تم بواسطة nahdetna ; 22-09-2007 الساعة 03:08 PM

  3. #3
    عضو برونزي
    تاريخ التسجيل
    Jun 2006
    المشاركات
    11,964
    علم الدولة : Users Country Flag

     الجنس :

    معدل تقييم المستوى
    228

    افتراضي

    السلام عليكم ورحمة الله وبركاته
    الحلقة اليوم رائعة بجد ...وكل ما أستاذنا يتكلم في موضوع أقول :يااه بالضبط زي فلان ..والحالة دي زي علان ...
    هذه النماذج حولنا ..
    أعرف عائلة كانت تقيم في بلد عربي .. وكل سنتين الزوجة تنزل مصر لتلد وتترك البيبي لوالدتها وتعود .. وبعد سنتين .. تنزل لتلد وتعود ... وأنجبت ثلاث أولاد ... وبعد 12 سنة الأب لم يلمس ابن من أولاده ... ولم يضع يده على رأس واحد فيهم .. لم يأخذه في حضنه ....تصوروا
    عائلة أخرى الأب فيها في الخارج للعمل وإحضار الأموال ... وترك الزوجة والأبناء حتى أصبحوا شباب ... ولما عاد .. لم يجد قبولاً من أولاده .. ولا حتى من الزوجة .. لقد دربوا أنفسهم على الحياة بدونه ووجدوا أن في عودته إرباكاً لهذا النظام ...
    أعرف عائلة من العائلات يقيمون معاً .. عادي ... ولما بدأ الأبناء يصلوا لمرحلة الشباب .. وجدوا أن والديهم دقة قديمة .. ودمهم تقيل على قلوبهم .. فاختاروا أن يبقى كل واحد في غرفته ويتركوا لهما باقي البيت ... والكارثة أن الأب والأم زادوا من عزلة الأبناء ... مسكين الولد .. زهقان في أوضته .. نجيب له كومبيوتر خاص به ليتسلى ... والبنت .. مسكينة ... نجيب لها تلفزيون خاص بها ودش خاص بها علشان تتفرج على البرامج اللي بتحبها ...وانقطع الحوار بينهم ... ممكن البنت تقوم من النوم ما تلاقيش والدها ووالدتها ... وعلى الضهر يكلموها يقولوا لها إحنا سافرنا في المكان الفلاني ...أو مثلاً حتلبس إيه في فرح أختك ...
    -هي حتتجوز ؟
    - ما هو لو إنت بتقعد معانا كنت عرفت ..
    - خلاص على العموم أنا مش فاضي يومها ... عندي فرح أخت واحد صاحبي ..
    هو ده حال بعض الأسر حالياً ...جزر .. وجزر عائمة كمان .. عمالة تبعد ...
    شكراً لحضرتك ...وشكراً للأستاذة الفاضلة أميرة ..
    وأعتذر عن طول المشاركة ..

    التعديل الأخير تم بواسطة أم كريم7 ; 17-09-2007 الساعة 11:24 PM

  4. #4
    عضو متألق الصورة الرمزية ايمان سالم محمد علي
    تاريخ التسجيل
    Nov 2006
    المشاركات
    1,832
    علم الدولة : Users Country Flag

     الجنس :

    معدل تقييم المستوى
    29

    افتراضي

    السلام عليكم
    يمكن انا عارفه ان الاستاذ عمرو مش هيرد علي كلماتي لكن اعتزلت اسرتي لاكثر من 10 سنوات ففي جزيره خاصه بي كنت اكل واشرب كل ما يربطنا السلام عليكم وخلاص كان احساسي بمفهومها بطيء قد يكون منعدم ولاني كدت ان اسقط بعيدا عنها فاخذتني احد صديقاتي وبدات ان تنجو بي كنت احبها كثيرا ولكنها توفت ومن هنا بدات طموحاتي تنهار بدات اشعر بعدم الامان في الدنيا والاكتئاب وعدم الراحه وكثيرا اهمل بدروسي خاصة في فتره الثانويه فقد توفت بعد الصف الثالث الثانوي اخره فكنت كثيرا مهمومه والحيا ه اسودت في وشي بجد لكن امي حاولت التقرب لي وقالت انها تعلم كم كانت تساوي لي هذه الصديقه وبدات تتقرب لي ولا اخبيء عنها اي شيء وكتبت انا في الاسره قبل كده ومعرفش اذا كان حد شاف ردي قبل كده والا لا في موضوع حل الاسره والترابط الاسري ولكني الان الحمد لله وصلت لمرحله الارتياح وخاصة ان الجنه في بيوتنا جعلني اشعر بقيمتي بعد طموحاتي واحلامي وباني اتمني كثيرا ان اكون صحفيه او شاعره ويا رب ينولني امنيتي فانا اكتب الشعر ولكن لا احد ببيتي يقراه فقط اصدقائي علي النت واحاورهم بالادب والشعر وسعيده اني انضم اليكم وبجد فرحانه لاني بدات اشعر باسرتي بعد غيابهم عني وعدم شعورهم بهمومي ومشكللاتي التي كادت ان تقتلني نوعا ما احبهم كثيرا ويثقوا بي واعدهم الا اخيب ثقتهم بي وان اكون وان اجعلهم يفتخرو بي يوما ما شهيده او شاعره الوطن العربي ايمان سالم امي قالت لي ان في ايدي اكون او لا اكون واني باذن الله هاكون رغم اي ظروف احنا لسه شباب وانا لسه اولي جامعه وربنا يسهل والاستاذ عمرو يتابع ردي عليه لاني بجد نفسي اشوف رده ولو بكلمه علي اي موضوع كتبته والبرنامج هاااااااااااااااااايل جدا


  5. #5
    الصورة الرمزية سلمان كردي
    تاريخ التسجيل
    Sep 2007
    المشاركات
    5
    علم الدولة : Users Country Flag

     الجنس :

    معدل تقييم المستوى
    0

    افتراضي

    السلام عليكم ورحمة الله وبركاته..

    الحياة المادية الانفتاح الذي حصل في هذا الزمن من فضائيات وانترنت و ... خلقت انغلاقا داخل الاسرة و جعلت منها كما سماها استاذنا عمرو خالد جزرا منعزلة بكل ما للكلمة من معنى!
    واحس بهذا الشئ من ذاتي حيث ان ارتباطي باهلي الان ليس كارتباطي بهم قبل اربع سنوات مثلا مع اننا متفاهمين وليس بيننا خلافات ولكن بالتدريج يحصل بيننا تباعد وانعزال..

    ادعو الله عز وجل ان يوحد جميع اسر المسلمين وننتهي من هذا الانعزال ونصبح جزءا واحدا والسلام عليكم ورحمة الله وبركاته...

    اخوكم سلمان كردي


  6. #6

    تاريخ التسجيل
    Aug 2007
    المشاركات
    208
    علم الدولة : Users Country Flag

     الجنس :

    معدل تقييم المستوى
    13

    I15

    [align=center]بسم الله الرحمن الرحيم
    السلام عليكم ورحمة الله وبركاته
    بارك الله فيك يا استاذ/عمرو
    برنامج رائع و كل حلقة احلى من اللى قبلها
    و انا معاك فعلا غياب الاهل بيولد انحرافات سلوكية عند الاولاد
    فمن الممكن ان يصبح سلوكهم عدوانى و همجى نتيجة شعورهم بغياب الضوابط لافعلهم
    كما اشرت حضرتك ...
    ولكنى ارىالاسوء من ذلك و هو الانطوائية الزائدة (هدوء دائم)و هذا ناتج عن فقدانهم الامان و الثقة بالنفسوالغير و خوف من التعامل مع الناس نتيجة غياب الاهل (و هذا الرأى بناء على تجربة)[/align]

    الإبداع : قدرة الفرد على التفكير الذي يمكنه من تجاوز المشكلات و المواقف الصعبة و تقديم البدائل الجديدة و الخروج على المألوف ...

  7. #7
    عضو مجتهد الصورة الرمزية فراشة الملائكة
    تاريخ التسجيل
    Oct 2005
    المشاركات
    348
    علم الدولة : Users Country Flag

     الجنس :

    معدل تقييم المستوى
    15

    افتراضي

    [align=center]بسم الله الرحمن الرحيم[/align]
    كيف حالك استاذى العزيز.......فعلا اصبت الجزر المنعزلة هى تعتبر العامل الاساسى لتباعد الاسرة اليوم
    خطر ببالى فكرة لعلها تقرب هذة الجزر رغم بساطتها
    نفرض انك خرجت ورجعت البيت ...اول ما تدخل ابتسم وقول سلام عليكم بوجه مبتسم وبعدها مر على والديك واخواتك واحد واحد وابتسم فى وجههم واسالهم عن اخبار يومهم ....سوف تجد مفعولها ساحر فى ابتسامة كل من فى البيت وتقارب الافكار بينكم....ولسه كمان اول ماتقوم من النوم ....روح القى الصباح على كل من فى البيت مع الابتسامة الجميلة وبعدها ضع قبلة رقيقة على خد كل واحد منهم......وكذلك عند المساء قول تصبحوا على خير مع القبلة المذكروة واسال اخوتك عن احوال اليوم ...وان صدوك لاتياس حاول مرات اخرى
    ام والديك يستحب القبلة تكون على اليد وتسالهم بوجه بشوش "تأمر بحاجة منى قبل النوم"
    واذهب للنوم .....سوف تجد صدرك منشرح ومع الايام يصبح البيت مكان للبسمة وشويه شويه هتصبح الجزر المنعزلة جزيرة واحدة عنوانها ..."ابتسامك فى وجوه عائلتك بمليون صدقة"
    ايه رأيك فى الفكرة....ولك كل الشكر والتقدير


  8. #8
    الصورة الرمزية هــــالة الإسلام
    تاريخ التسجيل
    Aug 2007
    المشاركات
    91
    علم الدولة : Users Country Flag

     الجنس :

    معدل تقييم المستوى
    11

    افتراضي

    السلام عليكم ورحمه الله وبركاته
    جزاك الله خيرا علي هذه الحلقة الرائعة
    أردت ان اعلق على نقطة وهي ان القصه التي بدأ بها الاستاذ عمرو خالد حلقته لم تكن قصة خيالية او اسطورية بل كانت موجودة في الواقع
    كانت اسرة واحدة يستظلون بالايمان والامان كانوا يشعرون ببعضهم وكانت اكبر من مجرد اب وام وابناء يل اباء وامهات وابناء ولكن عندما كان امر الله في وفاه كبيرهم تفرقت واصبحت جزر منعزلة لا يعلم احد شيئا عن الاخر وانعزل بعضهم بعيدا بل ترك هذه الجزر
    امنيتي الآن أن تعود هذه الاسره كما كانت ان يعود الامان
    انه حلمي


  9. #9
    مشرف الصورة الرمزية أمل صبحى محمد
    تاريخ التسجيل
    Mar 2005
    المشاركات
    7,394
    علم الدولة : Users Country Flag

     الجنس :

    معدل تقييم المستوى
    186

    افتراضي

    السلام عليكم ورحمة الله وبركاته
    جزاكم الله خيرا

    أكتب هذا التعليق بناء على تعليقات باقى الأعضاء وما فهمته من موضوع اليوم
    الجزر المنعزلة

    التعبير نفسه عن الحالة التى يعيشها كثير من الأسر فى بلادنا تعبير رائع ويمثل الحقيقة
    الإنسان نفسه داخله جزر منعزلة قد نجد فعله فى جزيره وفكره فى اخرى قد نجد عمله فى جزيره و امله فى أخرى قد نجد حلمه فى جزيرة و واقعه فى اخرى وكما ان الماهر هو الذى يحاول بناء جسور داخل نفسه بين جزره المختلفه كذلك رب الأسرة الناجح فى قيادة اسرته هو القائد القادر على صنع ومد هذه الجسور بين افراد اسرته

    قيادة الأسرة مهمة الأب و فى غياب الأب المعنوى تتولى الأم الزكية هذا الدور

    وجود الجزر امر طبيعى مثل الظواهر الطبيعية فى الكون لكن الجزيرة المتطوره هى التى تستطيع معرفة ماذا يحدث فى الجزر التى تحيط بها حتى ولو لم تشاركها هذه الأحداث
    أتحدث عن تجربة شخصية لى
    أسرتى مكونة من خمس افراد انا الام و زوجى و شروق 14 عام ومحمود12ومحمد 8 اعوام
    مرحلة من عمر الأسرة كان فيها أولادى فى جزيرة واحدة مرحلة انتهت من 4 أعوام عندما كان لعبهم واحد واصحابهم نفس الأصحاب و حتى نومهم فى حجرة واحدة
    المرحلة التى بدات من 4 اعوام شروق كبرت اصبح لها اصحاب بنات محمود ومحمد لا يستطيعون اللعب معهم و شروق حجرتها لوحدها وحجرة محمد و محمود مختلفة
    إهتمام شروق غير إهتمام محمد و محمود شروق تجلس على النت لمعرفة السياسة وعمل افلام الفيديو ومحمد و محمود يجلسون على النت للعب والذى كله عنف ومعارك وطبعا اصحابهم ولعبهم مختلف
    محمود ومحمد فى جزيرة وشروق فى جزيرة لكن ممكن ماتش كورة بين الأهلى والزمالك مثل هذا الذى يذاع هلى الهواء ممكن يجمعهم
    شروق ومحمد ومحمود استطيع بناء جسور بينهم و احيانا اجمعهم فى جزيرة واحدة مثل أن يقوموا بعمل مشترك يكون فيه إهتمامهم واحد مثل سفرهم معى لتقديم المساعدات للبنان اثناء الحرب الذى كان فى القاهرة العام الماضى او يشتركوا فى تعبئة شنطة رمضان او يشاهدون برنامج ظريف يناسبهم جميعا وطبعا الزيارات العائلية والفسح تعتبر جزيرة واحدة تجمع الأسرة كلها
    بالنسبة لى جزيرتى الحالية جزيرة اسمها صناع الحياة( الجمعية ومشروع العشوائيات )و جزيرة زوجى اسمها المصنع ومشاكل العمل والعمال الجسور التى امدها بين زوجى وبينى هو جسر المشاركة بماله فى جزيرتى واهتمامى به ليصلح حال جزيرته فى العمل ولا يعطله ولا يأخره عن عمله مشاكل اخرى
    الجزر امر طبيعى لكل شخصية بصمة وفكر وإهتمام لكن المهم إن الكل يحترم جزر الاخرين ولا يحاول ان يغرق جزيرة الاخر ليستمتع بمساحة ماء اوسع حول جزيرته

    الجزر ممكن تكون كل جزيرة لوحدها جنة و ممكن يكونا جميعا فى جزيرة واحدة وصراعاتهم الدائمة تحول الجزيرة لجهنم و ممكن تكون جزيرة واحدة وكل الجزيرة تعيش عيشة واحده وفكر واحد وإهتمام واحد وتكون جنة لكن إحتمالها ضعيف لإن الإختلاف سنة كونية ( برنامج دعوة للتعايش )

    وكل عام وحضرتك بخير فى جزيرة جنة من جنات النعيم
    =================================
    استاذنا الفاضل ربنا يكرمك ويعزك
    هذا تعليقى ومشاركتى بعدما سمعت إبداعك يا عبد المبدع
    لكن لن احذف التعليق الذى كتبته قبل سماع الحلقة ليكون الفرق واضح بين المشاركة قبل سماع حضرتك والمشاركة بعدعا
    قصة الضفادع
    حدثت معى بالفعل
    انا واخى محمد كنا كنفس واحدة بينى وبينه 3 سنوات كنا نعيش ليس فى جزيرة واحدة بل على حجرة واحدة فى الجزيرة كان هو صاحبى وانا صحبته كلامى كله معاه وكلامه كله معايه احساسنا واحد ومشاعرنا تجاه الاخرين واحدة وفكرنا واحد مذاكرتنا مع بعض خروجنا مع بعض
    وبعد خطوبتى وعقد قرانى بدأت المياة ترتفع حراتها بالتدريج واحدة واحدة فقد تحولت الصداقة التى كانت بينى وبين اخى محمد إلى شخص آخر شعر محمد انه يفقدنى وبدا يغير على من خطيبى الذى اخذ منه صديقته واخته وبالتدريج واحدة واحدة و بمرور السنين وبعد سفر محمد وعمله خارج مصر ماتت الضفادع امل ومحمد حتى وانا فى الحج كان هو يحج فى نفس العام كان مع قافة اخرى و عملت معه العمرة أول يوم وصلنا مكة و كنت حسة إنه غريب وغن لغة الحوار مختلفة وهو بيتكلم معايا طوال الطواف وانا لا استطيع اقول له مش وقته انا فى طواف حتى لا أحرجه لكن كانوا هم شوية كلمات عن الخبار فى العيلة وبعدين وصلنى لمكان الإقامة وسلمت عليه وقلت له إن شاء الله نشوف بعض لما نرجع إسكندرية يمكن ما نعرفش نشوف بعض فى الحج
    محمد كان بيحاول يكون على صلة بالنت معايا مرة بعد مرة لا اجد كلام نتكلم فيه لا يوجد إهتمام او قضية واحدة هدفنا كل الكلام أزيك عامل إيه ازى الجو عندكم حر ولا كويس
    ياه يا استاذ عمرو
    انا حسه انى فقدت محمد
    اكيد الغربة لها سبب
    انا ببكى بكاء شديد هذه اللحظة وانا بكتب هذه الكلمات
    نفسى محمد يرجع تانى ويعيش فى مصر واحاول ابدا من جديد

    والإحساس الثانى بعد الحلقة
    والدى
    بابا فوق السبعين
    عشت فترة طويلة مش عرفه أحبه لأن كان فى خلافات كثيرة بينه وبين ماما ( ودة كان سبب شدة صداقتى لمحمد اخى )
    عندما تزوجت وتركت البيت وشعرت بدخول الأب على بنته وحنانه وفرحته بعيالى وحبه لزوجى بدات اشعر بحب الأب واشتياقه لى واشتياقى له ماما طيبة جدا لكن كانت المشاكل لأسباب تافه جدا ويكبروها ودائما الأطفال يميلون للام وحبهم لها وقربهم يجلهم يعتقدون ان الأب قاسى

    انا بدات اقبل يد ابى و امى من وقت قريب يمكن من سنة واحدة او اقل وهذا نعمة من الله ان اقبل يد ابى و امى وحضرتك كنت السبب فى هذا فقد سمعت هذا من حضرتك فى احد الشرائط فاكرمنى الله و متعنى بتقبيل يد ابى و امى و متعنى بالإستمتاع بدعواتهم وقول ابى لى قلبى راض عنك

    كل مرة اروح لبابا أقول يا ترى حشوفه كام مرة تانى و استمتع به

    وماما حسيت به جدا وانا ام بعدما اصبحت ام شعرت اكثر بأمى

    لدرجة فى يوم كان سائق السيارة فاتح الراديو على اغنية ست الحبايب فبكيت كثيرا فأغلق الراديو ظناً منه أن امى ماتت وابكى عليها مع سماع الأغنية

    خطى الحبيب والحياة باسماء الله تصلح لنا الدنيا وتجعلها كلها جنة

    اقول لحضرتك حاجة

    على خطى الحبيب و باسمك نحيا
    هما القواعد للوصول للجنة

    دعوة للتعايش والجنة فى بيوتنا مثل التمرينات على القوانين التى تزيد المهارة ( مثل مادة الرياضيات نعرف القانون نبدا نطبق فى تمرينات نستطيع الحصول على الدرجات النهائية )
    نرجوا من حضرتك تجهيز تمرينات اخرى لنحصل على الدرجات النهائية
    ربنا يعزك ويسترك و يبارك لنا فى حضرتك


  10. #10
    عضو متألق الصورة الرمزية أسماء ياسين
    تاريخ التسجيل
    Apr 2006
    المشاركات
    1,800
    علم الدولة : Users Country Flag

     الجنس :

    معدل تقييم المستوى
    33

    افتراضي

    السلام عليكم
    أستاذنا عمرو خالد
    حلقة اليوم كانت غاية في الروعة
    وبصراحة لا أستطيع أن أقيّم حتى الآن أي الحلقات كانت الأهم
    لأنها جميعاً نحتاجها
    وحلقة اليوم زادت من حبي لوالداي
    وأنا مر عليي في حياتي مواقف أشعرتني بقيمة أسرتي
    وبقيمة أمي وأبي وإخوتي
    أو حتى أشعرتني كم أنا أحتاج إليهم حتى في لحظات لا يستطيعون أن يقدموا لي فيها شيئاً

    أنا إلي أخت متزوجة وعايشة بالسعودية
    فماما وبابا راحوا يعتمروا ويزوروا أختي وقعدوا شهر بالسعودية
    وطبعاً نحنا ضلينا لحالنا
    والأيام الأولى من غيابهن كان حالنا عادي لأنه لسه ما غابوا كتير
    بس والله بعد ما مضى أكثر من أسبوع بدأنا نحس بإنه البيت كله فاضي
    مع أننا 8 بالبيت بدون أمي وأبي
    وكنت إرجع من المدرسة وكالعادة بحكي شو صار معي بالمدرسة
    بس بشعر إنه ما حدا بحس باللي داخلي متل ماما أو حتى بابا
    مرة بهي الفترة قعدت مع حالي شوي
    وفكرت إنه كيف الناس اللي الله حرمهن من هي النعمة؟؟
    يعني شعرت وقتها بأننا فعلاً ناكرون للنعم
    فلا نعترف بها ونشكر الله عليها ونحس بقيمتها إلا بعد أن نفقدها

    وفي مواقف كتيرة مرت عليي حسستني بقيمة اهلي
    بس إذا بدي اقعد اذكرها ما لح اخلص

    جزاك الله خيراً يا أستاذ عمرو
    وبارك الله فيك

    التعديل الأخير تم بواسطة أسماء ياسين ; 17-09-2007 الساعة 11:13 PM
    روحي فداؤك.. طال البعد يا وطني.. كفى ضراماً بنفسي المعذبة..
    مال ِ اصطبار فراق الشام ألهبني.. أفديكِ أفديكِ هذا بعض أمنيتي..
    دمشق في القلب.. وقلبي في هوى حلب.. دمي حماة ونوح الجسر أغنيتي
    سورية اليوم بركان.. سيول دم.. شام الرسولِ منارٌ نار ملحمتي

  11. #11

    تاريخ التسجيل
    Sep 2007
    المشاركات
    7
    علم الدولة : Users Country Flag

     الجنس :

    معدل تقييم المستوى
    0

    I15




    أولا اريد ان اشكر الاستاذ عمرو خالد علي الحلقه الرائعه والبرنامج الراائع...

    حلقة انهارد او اسمها _جزر منعزله_ بتمس كل واحد فينا كل فرد من العائله زي ما هيه بتمسني انا كمان
    انا حبه اني احكيهالكم يمكن يكون فيها إفاده..

    في البدايه احب اقول اني بنت عندها 17 سنه ...لما اتولدت وجيت الدنيا دي لقيت حواليا 7 افراد كلهم اكبر مني منهم بنتين اخواتي الاتنين و3 ولاد اخواتي وبابا وماما
    اكيد طبعا عمري ما حسيت بالوحده .....عايزه اقول ان يكمن الحاجه الوحيده الي طلعت فينا صح اننا مرتبطين ببعض يمكن دي من اكتر الحاجات الي نجح فيها بابا وماما
    انا اصغر وحده والي اكبر مني علي طول اكبر مني ب6 سنين يعني مش فرق بسيط بس رغم ده كان بيتكلم معايا في كل حاجه لدرجة انو لما حب وكان عايز يرتبط ببنت كنت انا اول من يعلم ونفس الكلام مع اختي الي المفروض اكبر مني بعشر سنسن والي لو تشوفوها معايا تقولو دي قدي في السن ووحده صحبتي وانا اعتبر اقرب انسانه ليها بالرغم من صغر سني
    وطبعا ده بالاضافه الي ان امي وابويا بيحبوني جدا اخر العنقوود بقي وكانت ماما فين وفين لما تزعقلي ده لو عملت حاجه غلط

    طبعا دلوقتي هتقولو ايه المشكله


    المشكله حضرتك اني لقيت لنفسي كيان تاني وحياة تانيه حياة النت دخلت في دوامة النت دي ولو مش نت يبقي تلفون مع اصحابي ولو مش تلفون يبقي اكيد نايمه...لدرجة اني كنت بقعد طول اليوم عالنت والله طوووول اليوم بدأت المشاكل تزيد وامي ما باقاش في يوم غير لما تزعئلي بسبب اني طول الوقت عالنت بعدت عن امي وعن اختي لاني كنت بفرغ كل طاقتي في النت...فضلت المشاكل تزيد ...بس انا مبسوطه مبسوطه من الكيان الي انا كنت عملاه لنفسي مكتنش اعرف اني عمله كيان من قش اي ريح صغيره تيجي عليه يطير وينهد ..استمرت في كده لحد ما فيه مره دخلت عليا اختي وانا قاعده عالنت ...طبعا انا توقعت انها تزعق او تقول اي كلمتين من بتوعها بس كل الي قالته .....انتي هتعيشي وحيده وهتموتي وحيده.... في الاول مهتمتش ...بس .... لما فكرت شويه لقيت اني فعلا هعيش وحيده من بعدهم لانهم هيجي يوم وهيبعدوا عني كل واحد ليه شريك حياته الي هرتبط بيه في يوم واليوم ده قريب وفعا هيبعدوا عني ....حسيت اني خايفه وقررت اني ارجع..كنت فاكره انو هيبقي من السهل اني ارجع بمجرد اني اتفرغ لهم بس للاسف انا دلوقتي بعاني ...انا كنت فاكره اني بعدت بس مش اوي كده بس انا لقيت نفسي بعدت وبعدت اااو ي كمان حتي بنت اختي الصغيره الي كنت قريبه منها وكانت بتقلدني في كل حركاتي وكلامي حتي دي بعدت عني لاني كنت ديما متعصبه عليها وعلي طول بزعقلها لما تيجي عند الكومبيوتر او تغلس عليا وانا قاعده عليه ....دلوقتي بدات اعرف اني فعلا كنت بعيده اوي لدرجة اني حتي لو حصلت ظروف وجمعتني باهلي كنت بمشي اقعد لوحدي حتي لو مش بعمل حاجه بس علشان اتعودت علي اني اكون لوحدي....حتي لما كنا بنروح عند خالتي كنت بدخل عالنت من عندهم كنت بسبهم واقعد عالنت ..........بعدتتتت اوي .......وبعاني دلوقتي علشان ارجع تاني ..
    والبرنامج ده فرصتي دلوقتي

    وانا فعلا بدأت انفذ فيه ...في اول رمضان اتفقنا انا وبابا واختي اننا نروح نصلي في المسجد الفجر وفعلا والحمد لله بنروح ويوم الحد بنروح نصلي القيام في المسجد كلنا وساعات كتير بصلي جماعه مع اختي واتفقنا مع بعض علي مشروع لزياره دار الايتام و اتفقت مع ماما نقرا قرأن مع بعض وانا واختي بنتسابق مين هيختم الاول
    وانا بحكي كتير جدا عن البرنامج ده وبسجله ولما بيجي بعلي الصووت واخر مره كهم اتجمعو قدامو وكنت فرحانه قووووي

    بااااااارك الله فيك يا احسن استاذ في الدنيا ربنا ياااارب يوفقك ويجعلك سبب من اسباب نهضة الامه دي

    و

    التعديل الأخير تم بواسطة إســــــراء ; 18-09-2007 الساعة 12:12 AM

  12. #12
    عضو محترف الصورة الرمزية ( فتاوى على الهواء مباشر... ايمان ) ام عبد الرحمن
    تاريخ التسجيل
    Apr 2007
    المشاركات
    2,763
    علم الدولة : Users Country Flag

     الجنس :

    معدل تقييم المستوى
    69

    I15

    السلام عليكم ورحمة الله وبركاته
    الاخ الفاضل الاستاذ //عمرو خالد

    اجمل حلقة ذكرتنى باعزاء كرام عندى كان هم منبع القيم والعادات الطيبة بس حضرتك نسيت تذكر لو هذه الشخصيات تعود الانسان على عادات كثيرة طيبة وكانو هم سبب ترابط الاسرة فاذا كبرو وماتو ماذا يفعل الابناء بعدهم هل يصمدون على ما تعودو عليه ويتابعون ما تربو عليه ويقلدون كل شىء طيب تعودو عليه منذ الصغر ام يتغيرو الى الاسؤء هذا ما نويت ان احكى لك بعد قليل
    $$$$$$$$$$$$$$$$$$$$$$$$$$$$$$$$$$$$$$$


    منذ ان وعيت على الدنيا منذ صغرى وانا اعيش على جزيرة ابى وجدى فكانو يعلمونى ان اتعرف على العادات والقيم التى تساعدنى على بناء بيت طيب وكان ابى يعلمنى متى اجهز هدايا لمناسبات مثل اعياد الام وكان دئما يعلمنا عندما يتكلم الكبير الصغير ينصت اليه باهتمام ولا يرد عليه الا للضرورة وعندما يدخل ابى علينا كنا نعتدل فى جلوسنا والبيت يصبح هادى جدا وكان ابى رحمة الله عليه يعودنا على النزهة كل اول شهر وكان يعلمنى متى اجامل فى الافراح والاحزان وماذا اقول فى هذه المناسبات وكيف اهدى احد الباقات من الورود ومتى يناسب هذا وكان ابى يجمع العائلة على الغذاء الجماعى او نزهة فى رحلة لمدة اسبوع الى احدى المصايف ومن هنا تعلمت اشياء مثل لا يعلو صوتى على الاكبر منى ويكون النقاش والحوار بهدوء حتى لو اختلفنا احترام الصغير الكبير وننتظر بعض فى ميعاد الغذاء واصبحت هذه الجزيرة ورثتها من ابى واخذتها بعد زواجى حتى اعلمها لابنائى ايضا حتى يحافظون عليها وتظل معاهم الى ان يعرفها ابنائهم وعندما توفى الاب اخذت ابحث عن شخصيات اخرى يتمثلون فى شخصيته فى عطاه وتعاطفة وكرمة وبحثت حتى وجدت طبيب يقرب من شخصية ابى والاغرب انه شخصيته قريبة من ابى فى نصحة وارشادة لى واليكم قصتى وجزيرتى التى انا فعلتها بنفسى وعلى فكرة قصة الفيلم الفيل تتحدث عن غياب الاباء عن الفيله فكان الحل الوحيد البحث عن اباء اخرين ليس من دمهم ولا لحمهم ومن هنا انا ابحث عن اهل لى من خلال صناع الحياة لان الخال سافر والعم مشغول والجد توفى والاخ مشغول والاخت مشغولة فماذا افعل بدون اسرة هم موجودون لاكن وقتهم قليل اما البحث عن اهل يمكن ان يعوضوك عنهم بسيط وممكن تجد الافضل والذى تتمناه ايضا واليكم قصتى اتمنى ان تؤدى الغرض الموضوع الحلقة


    $$$$$$$$$$$$$$$$$$$$$$$$$$$$$$$$$$$


    السلام عليكم ورحمة الله وبركاته
    الحلقة اليوم ذكرتنى بنعم كثيرة كنت اعيش معاها فى سعادة غامرة وعندما فقدتها بحثت عنها فى شخصيات اخرى خارج نطاق العائلة وهم شخصيتين فقتهم وبداءت ابحث عن بديل لهم وهم بالترتيب معايشتى لهم بعد زواجى وانجبت طفلى الاول عبد الرحمن وهو الابن الاول لى وهو الان فى ثالثة ثانوى واتمنى ان يكون مهندس باذن الله تعالى كنت اعيش فى بيت اسرة كبيرة جدا مكون من خمس ادوار كل دور شقتين وهم اسرة مترابطة جدااااااا ولله الحمد وكان حماياه الله يرحمة هو الذى كان فى ذلك البيت الذى كنت اشعر انه يسعد جدا بوجودى معاه معظم الوقت لانه كان مريض عنده ضمور فى المخ وكان سنة كبير حوالى 70 سنة فكان يجب على ان اخدمة واقدم له الفطار والعلاج الطبيب وكان هو من يعطف على ويشعرنى بحنان كنت افتقده فمن حوالى الوحيد الذى كنت اشعر انه يحبنى لاننى كنت البى له اى طلب او اى خدمة فكان لا يفطر بدونى لازم انا اجهز له الفطار ودئما كان يرفض اخذ الدواء الا اذا انا اعطيته له بنفسى فكان ابنائه عندما يقدمو له الدواء كان ياخذه منهم ويخبىء تحت السجادة ولا ياخذه وهم بعد ذلك يكتشفو انه لا ياخذه فينادو على حتى اعطى له الدواء وعندما يرفض ان ياخذ منهم شىء يبلغوه يعنى ننادى ايمان حتى تعطيك هى وبعد ذلك ينادون على يا ايمان تعالى شوفى الحاج عمران ميش راضى ياكل او ياخذ اى علاج خالص اقعد معاه انا واتحدث معاه وبعد ذلك يقتنع وياخذ منى العلاج كانت اجمل ايام فى حياتى اشعر بها وانا اقدم له اى خدمة يطلبها كنت اشعر انه طفل صغير وانه امه الذى لا يستطيع ان يعيش بدونها وعندما توفى الحاج محمد عمران انهارت من البكاء لاننى فقدت الحنان والمودة التى كنت اشعر بها فى هذا البيت هذه اول شخصية كانت محببه الى قلبى والشخصية الثانية هى ابى رحمة الله عليه كانت صحته جيدة جدااااااااا وهو الوحيد الذى كنت مقربه اليه فكان يعتبرنى صديقته التى يشتكى الى همومة وكنت دئما اجد له الحل واريحة من الهموم التى كانت يفكر بها وكنت اعتبره الاب والاخ والصديق وكل شىء لدى فعندما اصابه المرض وهو الضغط والذبحة الصدرية فى القلب وكان ابى كريم جدا فو ق ما تتخيل وبردو اسمه محمد وكان عمره 60 سنة وذهب ابى الى المستشفى داخل العناية المركزية وكنا كل يوم عنده وكنت انا حامل فى الثلاث شهور الاولى وقالت لى الطبيبة لا تتحركى كثيرا حتى لا تتعبى فتجاهلت كلامها وقلت لنفسى لو لم اسئال على ابى واخذ رضاه فلن يعوضى ابى شىء عنه ولكن يمكن ان اعوض هذا الطفل مرة اخرى وكنت اذاهب الى ابى يوميا الى المستشفى وكان وقت ذلك صيام شهر رمضان ايضا وكان ابو اولادى يقول لى لا تذهبى كل يوم حتى لا تتعبى فقلت له كنت مع حمايا فى كل وقت والان انا احتاج لرضى ابى على ودعائه فاذا مات ابى وهو غير راضى عنى سوف اعيش طول عمرى حزينه وقلت له باذن الله الى فى بطنى لما اعرف انه والد هيكون اسمه محمد على اسم الرسول صلى الله عليه وسلم ونحن الان فى شهر كريم وايضا هسمية على اسم حمايا والدك محمد واسم ابى محمد وفعلا كان الجنين والد واسميته محمد وبعد ان كان عمره شهرين توفى ابى رحمة الله فوعدت ربى ان اجاهد واكثر من عمل الخير حتى اضاعف حسناتى واجمعهم بالالف وانوى ان احج لابى وحمايا وادعو لهم بان يدخلو الجنه الفردوس الاعلى واكون البنت البارة لهم ودعائى يكون مستجاب وفعلا فعلت ما نويت عليه وبعد ذلك بحثت عن اب اخر فى الدنيا حتى اشعر باننى لم افقدهم وبعد مرور 15 سنة على هذه المواقف تذكرتهم وفكرت ان اجد بديل لهم فى هذه الدنيا فافتكرت ان حمايا مريض وابى ايضا مريض والاسمان هم محمد فاخذت اسم لقلب العائلة من كتاب المصحف الشريف سورة عمران واتصلت بدليل التليفون وقلت اريد رقم تليفون مستشفى عمران بدون ما كنت متاكده اذا كان هذا صحيح ام لا كنت ابحث بمشاعرى الربانية اين اجد بديل للاب بعد فقدانى للاثنين الذين كانو يعطفون على واتصلت بالمستشفى عمران وبلغتهم اريد اسم طبيب اسمه محمد طبيب قلب او باطنه لان ابى كان مريض ضغط وقلب وفعلا قالو لى ان الطبيب موجود فى المستشفى ولكنه مسافر الى مصيف لما يرجع وبعد شهر افتكرت واتصلت مرة اخرى وتحدثت الى الطبيب محمد وكنت اتحدث معاه وانا اشعر باننى اراه وكان دموعى تنزل على خدى كاننى وجدت ما ابحث عنه وعندما طلبت منه ان اعرف عنوان العيادة رفض ان يقدمه لى لانه بعيد عنى فشعرت بحنان الاب الذى يبحث عن راحة ابنائه فزاد اصرارى على التواصل والتعرف عليه وكان رغبتى برويته عالية جدا والغريب اننى سئالت على سنة هل هو كبير فى السن فقالو نعم ولهذا انا كنت متلحفه ان اتعرف من هو هذا الانسان الحنون الذى اكرامنى ربى للوصول اليه عن طريق اختيارى لاسم العائلة لقبها عمران وايضا الاسم الكريم للرسول صلى الله عليه وسلم محمد على اسماء ابى وحمايا ايضا فشعرت اننى سوف اجد شخص غير عادى شخص مختلف فى كل شىء اب بمعنى الكلمة وذهبت الى العيادة وكانت بعيدة جدا وتحملت مشاقة المواصلات لمجرد شعورى اننى سوف ارى ابى مرة اخرى وذهبت الى الطبيب فى شبرا الخيمة ودخلت العيادة وتحدثت معاه فى اى موضوع وظاللت انظر اليه وهو يتكلم وانا اتذكر حمايا وابى وبعد ان خلص الطبيب الكلام قلت له اسعدنى التعرف عليك ولم اتناقش معاه فى موضوعى الذى عرضته عليه ودعوت له ان يطيل فى عمرة ويقسم لى مرة اخرى ان اراه هذا ما اعتقد انه الترابط بين شخصين كانو احب الناس الى قلبى حمايا وابى والطبيب دوائهم الذى كنت اقدمه بيدى اليهم للشفاء


    التعديل الأخير تم بواسطة ( فتاوى على الهواء مباشر... ايمان ) ام عبد الرحمن ; 18-09-2007 الساعة 01:28 AM
    ضحيتم بارواحكم لتحرير مصر من الفساد

    ((الان نتنفس حرية)) ويغلب فى تعاملتنا الان ((الصدق والوفاء والامانه )) يا بختك يا مصر بشبابك وشباب ثورة25





  13. #13
    عضو مميز الصورة الرمزية (غادة عادل)
    تاريخ التسجيل
    May 2003
    المشاركات
    5,985
    علم الدولة : Users Country Flag

     الجنس :

    معدل تقييم المستوى
    214

    افتراضي

    السلام عليكم ورحمة الله وبركاته
    الاستاذ الفاضل \ استاذعمروخالد
    جزاك الله خيراكثيراعلى الحلقة لكم ابكتنى قصة الافيال والقصة الاسطورية الواقعية ثم كلمات المهندس اشرف
    اماعن ماذكرته فى الحلقة لكم كان جميل
    اللى مالوش كبير بيشترى ليه كبير
    يمكن اصلا مشاكل العالم كلهاالان انه مابقاش ليه كبيريترد عليه
    لكم لخصت كلمة المهندس اشرف كثير من المعانى حين قال
    الاكل نفسه بقى ليه طعم تانى
    وهذا يلخص ويجمل كل الكلام اللى ممكن يتقال عن طعم الحلال والترابط الاسرى
    حتى فى اللمة بركة الاكل اللى ممكن مايكفيش عددافراد معين من الاسرة كل على حدة يكفيهالماالكل يتجمع ويؤثرون انفسهم
    ويمكن بكده نقدر نحل بعض من المعاناة الاقتصادية التى يشتكى منها كثيرمن اسرنا
    اماعن مالمسته الحلقة بحياتى الخاصة
    اتذكر ان ماعودته ماماعليه اننالما نكون بنعمل حاجة اوعندنامشكلة بنجرى نحكيلها وناخدرأى بعض ومرت السنين وكبرناولمابقيت فى الجامعة وتنقلت بها من فرقة لاخرى بدأت شخصيتى تنمو فلم تعدامى تسألنى نفس السؤال كالمعتاد فكنت اقول لها منى لنفسى يومى قضيته ازاى وايه شوفته وتعليقى طيب ياترى رأيهاايه طيب هى اتعرضت لموقف زيه
    زى ماتعودنابالضبط واحناصغيرين من طريقة المناقشة واوقات كان رأيها ومناقشتناصح تطول ومايعجبنيش رأى ونفضل نجادل ونتناقش لحدمانوصل لرأى يقنع الجميع وقرار المهم
    اصيبت والدتى بوعكة صحية منعتها من المناقشة الطويلة معانا زى ماتعودنا فكنت اعيط جداااااااا لافتقادى ده رغم مناقشتى نفس الموضوع مع اخى وبابا بس برضو كنت بحزن جدا لتغيب ماماحتى ولوغصب عنهابقضاء الله فيهاومرضها بل اصبح من طرق علاجها من حالتها اننانفتح تانى باب المناقشة مع بعض
    ابكانى ماقلته من عبارة اى نعم الاولاد هيفرحوابالحرية الاول بس تعبانين صح والله استاذى
    ادام الله علينانعمة الاسرة امين

    اللهم أصلح لي ديني الذي هو عصمة أمري
    واجعل الحياة زيادة لي في كل خير
    واجعل الموت راحة لي من كل شر



    ما اعظم ان تكون غائبا حاضرعلى ان تكون حاضرا غائب



  14. #14
    عضو جديد
    تاريخ التسجيل
    May 2007
    المشاركات
    16
    علم الدولة : Users Country Flag

     الجنس :

    معدل تقييم المستوى
    0

    افتراضي

    اخي الكبير عمرو خالد .،

    هذه المرة الأولى التي أخاطبك فيها في موقعك الرائع ..


    قبل أن أكتب سأحكي لك القليل عن قصة حبي لك :

    منذ شهور لم أكن احبك .. ولم أكن أطيق السماع لدروسك .... كلام الناس وبعض المشاهد المأخوذه لك والموجوده عالنت .. ساهمت بذلك ..

    خلال فترة الصيف اخذت مادة في الكلية تسمى [ تدريب ميداني ] .. في هذه المداة نقوم نحن طلبة [ هندسة الكمبيوتر ] بالجلوس على مكاتب اما كمبيوترات مزودة بخدمة انترنت سريعة .. ننتظر اي عطل في اقسام الكلية لنذهب لإصلاحه .. والاعطال غالبا ما تكون نادرة جدا .. لذا كل وقتنا نقضيه اما الانترنت ومع هذه السرعة الهائلة ..

    حاولت ان استغل الفرصة ونزلت ملفات الفيديو الكبيرة حتى استفيد منها .. مثل فيديوهات [ ابراهيم الفقي - احمد ديدات - وجدي غنيم - عمر عبدالكافي - وغيرهم ] .. وفي احد المواقع وجدت احد الاخوه - الله يكرمه - وضع حلقات برنامجك [ باسمك نحيا ] .. ورغم بغضي لك إلا أنني قلت لنفسي : لما لا اجرب مشاهدة احدى حلقاتك خصوصا انني انتهيت من تنزيل جميع الحلقات التي وجدتها للشخصيات السابقة ) .. وفعلا نزلت أول حلقة [ اخترتها عشوائيا ] وكانت عن الجبار ..

    وبدأت الحلقة بابتسامتك العذبة ... والمقدمة ... ثم بدأت تغوص بالحلقة .. وتغوص بالأعماق ... وأبكيتني .... وأذهلتني .....

    يا الــلــــــــــــــه ما أروعك ..


    تركت اثرا كبيرا بنفسي .. لم أكن أؤون بالدعاء وبقوته .. بفضلك [ وبإذن الله ] أصبحت أؤمن بالدعاء وبدأت للمرة الاولى في حياتي أدعــو الله باسمه [ الجبار ] ..

    وبدأت تنزيل باقي الحلقات .. وكل يوم صرت أدعو ربي بـ ثلاث و أربع أسماء ..

    ياااااه كم أحبك يا أستاذ عمرو .. أحبك لأني ظلمتك لفترة طويلة .. و أحبــك أكثر لأنك جعلتني أحب ربي أكـثــر .. وجعلتي أشعر بهذا الحب ..


    أعتذر لأني أطلت بالتحدث عن أمور قد تكون شخصية .. ولكن أردت أن أشكرك لأنك غيرت حياتي الروحية بشكل عميق جــدا ..


    أســرتي .. جيده .... وقد تكون جيده جدا .. رغم أن لديها عيوب كبيرة .. فـ كما أراها [ وكمان ظهر بالاختبار الخاص بحلقة اليوم ] انها تعاني من عدم التواصل بين افردها :

    أنتم أسرة ليس لديها أى نوع من التواصل ..أعتقد أخى ؟ أختى أن عليك واجبا تجاه أسرتك لتصحيح الأوضاع وانشاء قاعدة للتحاور والتعايش والتواصل الحقيقى
    أهنئكم على مراعاة مشاعربعضكم البعض
    تحتاج اسرتك الى شئ من تفهم اكثر وتعاون أكثر على مشاكل الحياة .... هذا دورك
    ربما تحتاجون إلى مراجعة إيمانياتكم .... جددوا النية وأكثروا من الدعاء

    وهذه حقيقة ..

    في الحلقة الماضية طلبت ممن لديه قصة في هذا الخصوص أن يرسلها .. وسأقوم بإرسال قصة خلافي مع أختاي والتي دامت قرابة الـ 4 سنين رغم أننا نعيش في بيت واحد .. وكيف انتهت منذ شهور وبتحرك مني ..

    والآن عند حدوث أي خلاف بيني وبين أي طرف من الأسرة لا أجعله يدوم أكثر من ساعتين .. إما أن أصالح الطرف الآخر على الفور [ بدون الإعتذار ولكن بإضحاكه ] وإما بعد ساعه أي بعدما تهدأ الأعصاب أذهب وأتحدث إليه بشكل عادي جدا .. والحمد لله كلشي تمام ..


    ولكنا ما زلنا بـ جزر منعزلة .. أبي مشغول جدا .. أمي تقرأ القرآن .. الفتيات في غرفتهم وأنا مع أخي في غرفتنا ..


    المهمة صعبة ..... ولدي كلام كثير لأقول ... ولكن أطلت عليكم كثيرا ..

    أخوك : نصر - 20 سنة - سوري مقيم بالكويت


  15. #15
    عضو جديد
    تاريخ التسجيل
    Apr 2003
    المشاركات
    1
    علم الدولة : Users Country Flag

     الجنس :

    معدل تقييم المستوى
    0

    Post رحمك الله يا أبى

    السلام عليكم ورحمة الله وبركاته
    بعد هذه الحلقه نويت أن أحكى حكايتى حتى أحذر الشباب الذى لا يلقى لأسرته بالا وتنحصر حياته فى أصحابه ولا يفكر فى علاقته بأسرته .
    كنت كأى فتاه تفكر فى أسرتها كشئ مسلم به وأنه من الطبيعى على أي والدين أن يولدوا الحب والأهتمام الذى كنا نحظى بهما أنا وأخوتى .

    وأنه ليس لهم على أي شئ غير التواجد فى البيت والتصرف بشكل لائق فى المجتمع ولم أفكر ولو للحظه أنهم يحتاجون للحب والحنان منى مثل ما أحتاجه منهم .

    فكنت أعامل أبى خاصه بجفاء شديد , لم أكن أبنه عاقه ولاكنى أيضا لم أكن مثاليه . فعندما كان يحاول أن يتبادل أطراف الحديث معى لم أكن أستمع أليه وكنت بتكلم معاه بالقطاره.

    ولم أفكر للحظه أنه سيأتى اليوم الذى أفتقد فيه كلام أبى ومزاحه وكأنى لم أستوعب أننى سأفقد الحنان الذى يمدنى به فى يوم ما.
    حتى جاء اليوم الذى مرض فيه أبى مرضا شديدا وشعلت النشاط والحب تحولت الى جسد مريض , هزيل فجأه .
    ومع بركان الحزن والقلق الذى أنفجر فى البيت أكتشفت أنى أحب أبى بشكل غير عادى وكأن من كانت تتصرف كل الأعوام السابقه لم تكن أنا وفوجئت بالطفله المشتاقه لأبيها تعود مره أخرى وتذكرت عندما كان يحفظنى القراءن ويقصص لنا فى المساء قصص الأنبياء والصحابه وتذكرت أطمأنانه علينا كل ليله وأحيانا حملنا ألى الأسره .

    وخلال فتره مرضه ألتى أستمرت لشهور كنت أحاول التعويض عما فاتنى فى حضن أبى و لكن لكن الوقت لم يسعفنى و ليله وفاته تمسكي بيده وقبلتها مرات عديده لعله يحس بندمى فيشفى وأعوض جفائى معه .
    ومازلت ألى الأن أبكى ندما على مره كسرت قلبه فيها بأنى مش فاضيه أقعد معاه ولا مره حسسته أنى مش بحبه ربنا يرحمك يا بابا ويسامحنى على قسوتى معاك يمكن كنت قدام الناس الأبنه المثاليه بس قدام نفسى أنا مقصره .
    وأخيرا أرجو أن قصتى تكون تحذير للشباب وجرس أنذار علشان مايجيش حد يندم على لحظه فوتها كان ممكن يبوس فيها أيد أبيه وأمه ويعرفهم أنه بيحبهم . وأسألكم أن تدعوا لأبى بالرحمه فقد كان أبا مثاليا وقدوه لنا وأن تدعوا لى ولأهلى بالصبر.


  16. #16
    عضو مجتهد الصورة الرمزية ويني الدبدوب
    تاريخ التسجيل
    Jul 2007
    المشاركات
    149
    علم الدولة : Users Country Flag

     الجنس :

    معدل تقييم المستوى
    12

    افتراضي

    ابي الفاضل انا هكتب قصة وعوزة الرد عليها .. في بنت عندها 16 سنه متفوقة اسرتها ملتزمة واغنياء وكلهم متفوقين .. الاسرة ده اربع بنات وولد ..البنت دي وحده منهم بس بتحبهم اوي اوي الاسرة دي اتكونت من اب وام بسطاء معهمش غير فلوس الاكل والمعيشة وكانو بيقولو الحمد لله وبدا البيت يكبر يكبر وجابو اول بنت تاني بنت وتالت بنت .. والبيت بيتملا حب سعادة ايمان .. الاب جاله عقد للسفر في الخارج عشان يشتغل طبعا لقوها فرصة عشان يحسنو وضعهم المادي .. اتفقو انهم الاب يسافر والام تقعد تربي البنات التلاته دول سافر الاب وبعدها بعت للام عشان تيجي هي وولادها وبعدين خلفو ولد الاب والام بادو يشتغلو مع بعض بس الفلوس عمت عيون الاب وبا ياخد من الام مرتبها ويزعالها ويهنها ويضربها .. الاب كان طيب اوي بس الفلوس غيرته .. الام استحملت عشان الولاد .. ومرت السنين وفعلا حققو ثروتهم لكن بعد مخسروا حجات كتييييييييييييييير .. اولادهم كانو زعلانين اطفال شافو الفلوس ورق لكن كانو مستنين الكشاعر بس مجتش مفهموش كده وبعدين .. الام جابت البنت الاخيرة .. وبعدين سافرو تاني عشان يكملو باقي المشوار الفلوس غيرتهم الاتنين بقت حياتهم ارقام جوفاء .. بيعملو بعض الحات في الدين والتاني لا بس الام مازالت محافظة على طبيبتها لكنها من غير متاخد بالها برضو ولادها شبه ضاعو من حضنها ..
    وبقو اغنيه ماديا ولازالو مسافرين .. بس بعد مشاكل دمويه بين الاب والام وامام الاولاد ضرب واهانه وتهزيء وتهديد بالطلاق مراعوش مشاعر اولادهم .. الولاد دلوقتي كبار .. بس اسرتهم مدمرة تماما .. بس في بنت عندها 16 سنه قررت ترجعها تلني سعيده ولو هتخسر حياتها ..هل تقدر في الظروف دي .. اولا اختها الكبيرة سافرت وقالت لها بصي عيشي حياتك ومترهنيش نفسك بيهم بصي للدنيا بس بريهم برضو هي بتسمع كلامهم وبتتصل عليهم وكده بس يعني عوزة تعيش اما اختها التانيه فبتقولها انا مش عوزة اعيش مع بابا انا مش بحبه انا عوزة اعيش وحيدة انا مش عوزة اعيش معاكم واحيانا تهزر وتقول انا عوزة انحرف ..اخوها الصغير بيقولها هو امتى بابا وماما هيبطلو يتخنقو مع بعض ايه الحل .. واختها الصغيرة اللي عندها5 سنين بتقولها انا بخاف اوي لما بابا يزعق .. الام بتقول انا عايشة عشانكم متفكروش فيه ، الاب احيانا طيب ومسكين .. واحيانا اسد وشرير البنت جي شيله هم الاسرة جواها ومكتومه بتروح تكلم ابوها وجواها خوف كبير كبيربس في النهايه بدون فايده بتشتري ليه هدايا وتقول دي ماما اللي جيباها يرد ويقول .. جزاك الله خير .. دايما بيزعق واحيانا حنون ( بس ده قليل ) هو مبخلش عليهم بحاجة ماديه بس مدهمش حنان حتى الام بقت شبه مادية البنت كرهت الفلوس والاغنيه لانها هي اللي فرقت البيت الجميل بتكون سعييييييده لما يضحكو مع بعض في السيارة وهما مشييش وبتكون احزن مخلوق لما يفضلو يديقو بعض ويتخانقو .. مقدروش كده وكل لما تعيط وتقولهم انتو ليه بتعمو كده يقولو بلاش تمثيل ويزعقولها البنت مرهفة المشاعر بس مش عرفة تعمل ايه لما بتشوف البنامج بتاع حضرتك بتقعد تتخيل وتتخيل وفجاة الدموع تنزل من عنيها كانها بتحفر خدها بتتعذب لما تسمع البرنامج حلمت امبارح بانهم قاعدين بيكلو مع بعض ويلعبو وفرحانين وفجاه فاقت من الحلم على صوت زعيق ودوشه وباظالحلم الجميل بين كل واحد والتني فجوة كبيرة وبتكبر يوم عن يوم .. البنت دي تعمل ايه هي صغيرة عندها 16 سنه بس يا ترى ينفع ترجع الاسرة تاني .. وتحقق حلمها .. البنت دي صحبتي ودي مشكلتها يا ريت ابي العزيز تجاوبني ...


  17. #17
    عضو مجتهد الصورة الرمزية ( اشــعــار )
    تاريخ التسجيل
    Dec 2006
    المشاركات
    100
    علم الدولة : Users Country Flag

     الجنس :

    معدل تقييم المستوى
    12

    I15 الحلقة 5: جزر منعزلة

    السلام عليكم ورحمة الله

    استاذى العزيز/ د.عمرو خالد لسانى يعجز عن شكرك وقلبى منفطر من كلامك اسأل الله الفتاح ان يفتح عليك برحمة من عنده وان يزيدك هدى ويهدى بك الناس ويجعل لكلمتك صداها فى اذن الناس فى اذن امة محمد.

    سأروى لك قصة باختصار لفتاة تعيش بجزيرة منعزلة الى الان ولكنها هداها الله الى اخذ بايدى اسرتها وشدتهم معها الى الجزيرة بقارب نجاة من الله سبحانه وتعالى.

    هذه الفتاة نشأت بأسرة للأسف بغياب الاب والام وبعد ذالك انفصالهم ذاد الموضوع تعقيدا فكل بحياته فقط يحاولون توفير السيولة وكل يفكر باهتماماته ويحاول القاء اللوم على الاخر وهذه الفتاه رسبت بالاعدادية عقب الانفصال رسبت باختبارات الشهر فارسل المدرس لابيها لينبهه فاذا بابيها يضربها امام مدرسها ولا يتكلم معها لا يحاول التركيز على كيف يخرجها من هذه الازمة.

    وظلت الفتاة تتخبط بكلمة من هذا وكلمة من هذا فجمعت افكار كثيرة وكانت تتخبط ولكنها كان بداخلها جزء نقى كان لا يعلم عنه احد الا الله.

    واذ بها كانت على وشك الانجراف مع اصدقاء السوء واذا فجأة الله ينجيها وليس فقط اصدقاء السوء وكان الاختبار بالعمل ايضاً ومرت باصعب ظروف وعاشت ايام غريبة بحياتها.

    هذه الفتاة لم ينقذها ابيها ولا امها ولكن الله انجاها من عليها بنور جعله بحياتها اذ بها بليلة من ليالى رمضان وهى جالسة تفكر فى الافكار الملوثة التى حولها وتفكر باصدقاء السوء ولم يكن ببالها شئ وفجأة سمعت حديث حضرتك د.عمرو خالد كنوز بخيمة رمضان اذ بالله ينجيها وينير لها طريقها

    وهى الان تتحرك بكلماتك وجعلت حياتها من اجل النهضة فقط .

    فلم يعد بحياتها غير حب الله ورسوله واستاذها الجليل الذى انار الله به حياتها

    وهى تححاول جذب اطراف اسرتها الى الجزيرة فقط الله يساعدها وحده وهو وكيلها فهى مضت مع الله عقد الوكالة وتحاول الاصلاح من اجله فقط.

    كل ما اقوله لحضرتك جزاك الله عن امة محمد ص خير ما جازى داعى قط ثبتك الله واعز الاسلام بك وجمع بك الامة. اللهم آمين


    السلام عليكم ورحمة الله وبركاته


  18. #18
    عضو جديد الصورة الرمزية امنية
    تاريخ التسجيل
    Apr 2003
    المشاركات
    24
    علم الدولة : Users Country Flag

     الجنس :

    معدل تقييم المستوى
    0

    افتراضي

    السلام عليكم ورحمة الله وبركاته:
    استاذى واخى الاستاذ عمرو خالد جزاك الله خيرا على هذا البرنامج الجميل وجعله فى ميزان حسناتك ان شاء الله.
    فعلا كثير من الاسر حاليا اصبحت جزر منعزله ودى مشكله اصبحت اراها فى كثير من البيوت حتى المتزوجين حديثا !!!
    مع اسرتى انا قريبه جدا من اختى وابى فهما مستودع اسرارى وسر سعادتى ومصدر قوتى بعد الله سبحانه وتعالى .
    بجد نفسى اكلم حضرتك على بابا كتيييييييييييير وتعبه وتضحياته لينا كلنا كأولاده يمكن بكلامى اقدر ارد له جزء ضئيل جدا من حقه عليه بس اى كلام مش ممكن يكون الا نقطه فى بحر اللى عمله ولسه بيعمله لينا.
    اما اخى الاصغر والذى اعتبره ابنى لاننى اكبره بعدد كبير جدا من السنوات فهو فى اول سنه دراسيه جامعيه السنه دى وهو بيحب حضرتك جدا جدا وكلام حضرتك بيأثر فبه بشكل كبير اوى. اخى بأحس انه فى جزيره معزوله عنى انا واختى وابى وان ارتباطه باصحابه كبير جدا باحاول اجذبه لينا بس غالبا تبوء المحاولات بالفشل مش عارفه هل لانه ولد واحنا بنات وخصوصا ان فرق السن بيننا ( انا واختى) وبينه كبير فمش قادر يتواصل معانا كويس مش عارفه نفسى يقرب مننا اكتر مش يعيش لوحده بعيد عنا بس مش عارفه اعمل معاه ايه.
    اخيرا بالنسبه لامى ففعلا هى على الرغم من وجودها معنا لكنها فى جزيره منعزله تماما للاسف وهذا مع الجميع ابتدء من ابى , انا واختى واخى اصبحنا نفضل عدم الحوار لعدم خلق المشاكل فى البيت ولا تعتقد حضرتك اننا لم نحاول واننا استسلمنا او ان هذا الوضع مريح لنا بالعكس هو يزيد من تعاستنا جميعا يوما بعد يوم ولكن كل المحاولات باءت بالفشل الفظيع واصبحنا نتمنى عدم التواصلالا فى حدود حتى لا يحدث اى شئ ممكن نأخذ منه ذنوب دون ان نقصد لكن العلاقه كما تصورها حضرتك للاسف لا توجد بتاتا مهع العلم ان امى متدينه جدا . انا حزينه جدا جدا لهذا الوضع كنت اتمنى ان احيا حياة يكون الوضع فيها مختلفا ولكن الحمد لله على كل شئ .
    ومع هذا فانا متفوقه والحمد لله فانا معى ماجستير واحضر للدكتوراه واخوتى والحمد لله متفوقون.
    اتمنى من الله سبحانه وتعالى ان يصلح شاننا وان يرزقنى الله سبحانه وتعالى بالزوج الصالح الذى اكون معه اسره مسلمه متحابه لا توجد بها جزر متباعده وارجو ان تدعى لى يا استاذ عمرو .

    والسلام عليكم ورحمة الله وبركاته


  19. #19
    عضو جديد الصورة الرمزية golia
    تاريخ التسجيل
    Dec 2006
    المشاركات
    12
    علم الدولة : Users Country Flag

     الجنس :

    معدل تقييم المستوى
    0

    Icon37

    بسم الله الرحمن الرحيم
    استاذى الفاضل وابى أ/عمرو خالد
    تحيه خاصه لحضرتك على البرنامج الرائع ولو انه وجع قلبى جدا وابكانى تحسرا على عائلتى كل الحلقات كلامها جميل وبجد نفسى احققه وانا بدات بنفسى مع اختى لانها الاكثر قربا منى ولو اننا بنختلف كتير فى الافكاروهى كتير مبتسمعنيش بس انا بحب اسمع لها جدا وبفرح اوى لما بتحكى لى حاجه عنها اما بقى اخويا فهو العقبه الاكبر بختلف معاه كتيييييييييييييييير اوى وتقريبا كل كلامنا خناق تصرفاته كلها صعبه مبيحترمنيش وبيهنى جامد جدا وامى ممكن تكون واقفه وشيفاه بس مبتقولش اى حاجه بل بالعكس لو اعترضت ممكن تهنى انا قدامه بالرغم من انا اكبر منه وده طبعا اللى بيخليه يتمادى اكتر ولو قلت لبابا بتضايق منى ماما جدا وكانى عملت جريمه حاولت كتير اغيره كلنا بنتحايل عليه يصلى على الاقل فى رمضان لكن كأننا بنادى عليه من بئر عميق
    اما بقى بابا من كام شهر ساب الشقه اللى احنا قاعدين فيها وقعد فى الشقه اللى تحت كان ممكن يعدى عليه يومين مشفهوش واكتفى بان دوره يكون توريد الفلوس وبس كاننا قاعدين فى بنك ولما اختى سالته انت قاعد تحت ليه قلها مشاكلكم
    اما بقى ماما علاقتى بيها عاديه اوى وانا حزينه انى بقول كده بس هى فعلا كده انا مبحكيش ليها على حاجه تخصنى مش لانى مش عايزه احكى بس لانى كبرت لقيت علاقتنا كده جربت اكتر من مره اغيرها بس معرفتش لو حكيت مبتسمعنيش ولو سمعتنى مبتحاولش تحل المشكله بلاش كده انا مش فاكره اخر مره حضنتهاامتى بس فاكره اخر مر بابا حضنى فيها امتى لما جالى انهيار عصبى وشلل مؤقت بسبب المشاكل عندنا فى البيت من 4سنين وانا فى 3اعدادى
    بس انا بجد اتخنقت ومش عارفه اعمل ايه كتير بتمر عليه لحظات ببكى فيهاومحتاجه جدا لحد يحضنى ويطبطب عليه ومبلقيش ساعتها بحس انى هنفجر بس انا مهما حصل عمرى ماهلجأ لحاجه تغضب ربنا انا رضى ربنا عندى اهم من اى حاجه فى الدنيا انا حاولت اخليهم يتفرجوا معايا على البرنامج بس مفيش فايده كل واحد فى جزيره فعلا بس انا مش هيأس وهحاول تانى انشاء الله
    ربنا يرزق حضرتك الاخلاص ويجزيك خيرا على مجهودك

    انا متاسفه جدا انى طولت عليكم بس انا كنت عايزه احكى ومعرفتش ابطل كتابه


  20. #20
    عضو جديد الصورة الرمزية NOOR AL HODA
    تاريخ التسجيل
    May 2007
    المشاركات
    2
    علم الدولة : Users Country Flag

     الجنس :

    معدل تقييم المستوى
    0

    افتراضي

    بسم الله الرحمن الرحيم
    السلام عليكم ورحمة الله وبركاته
    استاذ عمر
    والله الذي لااله الا هو يعجز لساني عن التعبير عن مدى اعجابي ببرنامجك
    وعندي تعليق على الحلقة دي الا وهو ان صحيح إن الانسان مابيشعرش بالنعمة الا لما ينحرم منها
    وده اللي حصل معايا بالزبط
    كنت عايشة فوسط عيلتي (( بابا وماما و5 اخوات )) وكنت على طول بتزمر من طلبات ماما وبابا
    وبتخانق مع اخواتي وكنت بعمل حاجات غلط من غير علم اهلي (( ربنا يعفو عنا يارب ))
    لحد مااتخطبت وتجوزت وللاسف كان لازم اسافر واعيش مع زوجي هنا في امريكا
    وبقالي هنا 5 شهور وكان كل يوم بيعدي عليي بحس بحجم النعمة اللي كنت فيها لما كنت فوسط اهلي
    وكل مااتفرج على برنامجك الرائع ده بعيط وقول لو اني كنت فوسط اهلي دي الوقت لكنت جريت وأعدت تحت
    رجلين ماما وبابا ولو كنت فوسط اهلي دي الوقت لكنت جريت واستسمحت من اخواتي و صاحبتهم
    ولو كنت فوسط اهلي دي الوقت لكنت عملت كدا وكدا ولو ... ولو ... ولو....
    بس ايه ينفع الندم دي الوقت ....
    والله اني حاسة بنار جوايا بتحرقني وبتأنيب ضمير على الوقت اللي ضيعتو من عمري قبل الزواج لما كنت مع
    اهلي وكنت عاملة لنفسي عالم خاص مااسمحش لحد منهم يطلع عليه...
    يعني انا دي الوقت عايشة في جزيرة منعزلة لكن مش بإيدي ...
    وياترى انا هنا في الغربة ايه الحاجة اللي اقدر اعملها عشان امكن الترابط الاسري مابيني وبين اهلي
    اللي مابكلمهمش الا عن طريق الانترنت ؟؟؟؟
    شـكــ وجزاك الله خيرا ـــرا ...

    التعديل الأخير تم بواسطة NOOR AL HODA ; 18-09-2007 الساعة 12:15 PM

 

 
صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Powered by vBulletin® Copyright ©2000 - 2012, Jelsoft Enterprises Ltd.



حماية المنتدى من اكساء هوست